أَلْڧَلَيْ 13
13
حَيْڢُوَرْ شَمْشُونَ
1مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ، سَيْ يَهْوٜىٰهْ يَبَادَسُو أَ حَنُّنْ ڢِلِسْتِيَاوَا سُكَشَا ڧَرْڢِنْسُ حَرْ شٜىٰكَرَا أَرْبَعِنْ؞
2عَݣُونَكِنْنَنْ أَݣَويْ وَنِ مُتُمْ مَيْ سُونَ مَنُواْوَ دَغَ دَنْغِنْ ذُواْرَ نَظُرِيَرْ دَنْ؞ مَاتَرْسَ بَاتَحَيْڢُوَ؞ 3سَيْ مَلاَىِٕكَنْ يَهْوٜىٰهْ يَبَيَّنَ غَ مَاتَرْ يَثٜىٰ مَتَ «غَاشِ، بَاكِ تَٻَ حَيْڢُوَ بَ، عَمَّا بَدَ دَطٜىٰوَبَ ذَاكِيِ ثِكِ، ذَاكِ كُوَ حَيْڢِ طَا؞ 4يَنْذُ كِلُورَ، بَذَاكِ شَا ضُوً إِنَبِے كُواْ أَبِنْ سَا بُغُوَبَ، كُواْ كُمَ كِثِ وَنِ عَبِنْثِ مَيْ ڧَظَنْتَا؞ 5غَمَا ذَاكِيِ ثِكِ كِحَيْڢِ طَا؞ بَذَاعَ أَسْكٜىٰ كَنْسَبَ، غَمَا يَرُواْنَّنْ تُنْدَغَ ثِكِنْ ثِكِ ذَيْ ذَمَ كٜىٰٻَٻّٜىٰ نَ اللَّهْ، وَتُواْ نَظِرِتْ؞ شِ ذَيْ ڢَارَ ثٜىٰتُوانْ مُتَنٜىٰنْ إِسْرَٰٓءِيلَ دَغَ حَنُّنْ ڢِلِسْتِيَاوَا؞»#لِـ ڧِدْ 6.1-5
6سَيْ مَاتَرْ تَتَڢِے تَڢَطَا وَمِجِنْتَ تَثٜىٰ «مُتُمِنْ اللَّهْ يَذُواْ وُرِينَ؞ يَنَ دَ بَنْ ڟُواْرُواْ، كَمَرْ مَلاَىِٕكَنْ اللَّهْ؞ بَنْ تَمْبَيٜىٰشِ كُواْ دَغَ إِنَا يَذُواْ بَ، شِيكُمَ بَيْ ڢَطَا مِنِ سُونَنْسَبَ؞ 7عَمَّا يَثٜىٰ مِنِ ذَنْيِ ثِكِ إِنْكُمَ حَيْڢِ طَا؞ دُواْمِنْ حَكَ بَذَنْ شَا ضُوً إِنَبِے كُواْ وَنِ أَبِنْ سَا بُغُوَبَ، كُواْ كُوَ إِنْثِ عَبِنْثِ مَيْ ڧَظَنْتَا، غَمَا يَرُوانْ ذَيْذَمَ نَظِرِتْ، كٜىٰٻَٻّٜىٰ غَ اللَّهْ تُنْدَغَ ثِكِنْ ثِكِ حَرْ إِيَاكَرْ رَايُوَرْسَ؞»
8سَيْ مَنُواْوَ يَيِ أَدُّعَ غَ يَهْوٜىٰهْ يَثٜىٰ «يَا يَهْوٜىٰهْ، إِنَ ضُواْڧُوانْكَ، كَبَرْ مُتُمِنْ اللَّهْ نَّنْ دَ كَعَيْكَ يَسَاكٜىٰ ذُوَا يَكُواْيَ مَنَ أَبِنْدَ ذَامُيِ دَ يَرُواْنَّنْ دَ ذَاعَ حَيْڢَ؞»
9 اللَّهْ كُوَ يَجِ ضُواْڧُوانْ مَنُواْوَ، سَيْ مَلاَىِٕكَنْ اللَّهْ يَسَاكٜىٰ ذُوَا وُرِنْ مَاتَرْ، سَعَدَّ تَكٜىٰ أَ ڢِيلِنْ غُواْنَ؞ عَمَّا مِجِنْتَ مَنُواْوَ بَايَ نَنْ تَرٜىٰدَ عِتَ؞ 10مَاتَرْ كُوَ تَرُوغَ دَ غُدُ ذُوَا وُرِنْ مِجِنْتَ، تَثٜىٰمَسَ «أَيْ! مُتُمِنَّنْ دَ يَذُواْ مِنِ رَانَرْ نَنْ، يَسَاكٜىٰ ذُوَا مِنِ كُمَ؞»
11سَيْ مَنُواْوَ يَتَاشِ يَبِے مَاتَرْسَ يَتَڢِے تَرٜىٰدَ عِتَ؞ دَ يَذُواْ وُرِنْ مُتُمِنْ يَثٜىٰمَسَ «كَيْ نٜىٰ مُتُمِنْ دَ يَيِ مَغَنَ دَ مَاتَتَ؟»
سَيْ مَلاَىِٕكَنْ يَأَمْسَ يَثٜىٰ «عِ، نِنٜىٰ؞»
12سَيْ مَنُواْوَ يَثٜىٰ مَسَ «لُواْكَثِنْ دَ مَغَنَرْكَ تَثِكَ، وَنٜىٰ إِرِنْ حَلِ نٜىٰ ذَامُ كُواْيَوَ يَرُوانْ؟ مٜىٰ كُمَ يَرُوانْ ذَيْ يِ أَ رَايُوَرْسَ؟»
13مَلاَىِٕكَنْ يَهْوٜىٰهْ يَأَمْسَا وَ مَنُواْوَ يَثٜىٰ «سَيْ مَاتَرْكَ تَتَبَّتَرْ تَكِيَايٜىٰ دُكَنْ أَبِنْدَ نَڢَطَا مَتَ؞ 14بَذَاتَثِ وَنِ أَبِنْدَ يَڢِتُواْ دَغَ ثِكِنْ إِتَاثٜىٰنْ إِنَبِبَ؞ بَ كُوَ ذَاتَشَا ضُوً إِنَبِے، كُواْ أَبِنْسَا بُغُوَ بَ، كُواْ تَثِ وَنِ عَبِنْثِ مَيْ ڧَظَنْتَا؞ دُواْلٜىٰنٜىٰ تَكِيَايٜىٰ دُكَنْ أَبِنْدَ نَعُمَرْثٜىٰتَ؞»
15مَنُواْوَ يَثٜىٰ وَمَلاَىِٕكَنْ يَهْوٜىٰهْ «إِنَ ضُواْڧُوانْكَ، كَدَ كَتَڢِے تُكُنَ، كَجِرَا سَيْمُنْ شِرْيَ مَكَ نَامَنْ طَنْ عَكُيَ؞»
16مَلاَىِٕكَنْ يَهْوٜىٰهْ يَأَمْسَ مَسَ يَثٜىٰ «كُواْ دَ كَتَرٜىٰنِ، بَذَنْثِ عَبِنْثِنْ دَ ذَاكَ شِرْيَ مِنِبَ؞ عَمَّا عِدَنْ ذَاكَ شِرْيَ هَدَايَ تَڧُواْنَاوَا، سَيْ كَمِيڧَتَ غَ يَهْوٜىٰهْ؞» غَمَا مَنُواْوَ بَيْغَانٜىٰ ثٜىٰوَ مُتُمِنْ مَلاَىِٕكَنْ يَهْوٜىٰهْ بَنٜىٰ؞
17مَنُواْوَ يَثٜىٰ وَمَلاَىِٕكَنْ يَهْوٜىٰهْ «كَڢَطَا مَنَ سُونَنْكَ، دُواْمِنْ لُواْكَثِنْ دَ مَغَنَرْكَ تَثِكَ سَيْ مُغِرْمَمَكَ؞»
18سَيْ مَلاَىِٕكَنْ يَهْوٜىٰهْ يَثٜىٰ مَسَ «دُوانْمٜىٰ كَكٜىٰسُواْ كَسَنْ سُونَنَ؟ يَنَ دَ بَنْ مَامَاكِ نٜىٰ؞»#ڢَارْ 32.29
19سَيْ مَنُواْوَ يَطَوْكِ طَنْ عَكُيَ تَرٜىٰدَ هَدَايَ تَغَارِنْ حَڟِ، يَمِيڧَ هَدَايَ غَ يَهْوٜىٰهْ عَكَنْ وَنِ دُوڟٜىٰ؞ يَهْوٜىٰهْ كُوَ يَيِ أَبِنْ مَامَاكِ أَوُرِنْ، مَنُواْوَ دَ مَاتَرْسَ سُنَ كَلُّواْ؞ 20سَعَدَّ هَرْشٜىٰنْ وُتَرْ يَكٜىٰ هَوَنْ سَمَ دَغَ بَغَدٜىٰنْ، مَلاَىِٕكَنْ يَهْوٜىٰهْ يَاهَوْ ذُوَا سَمَ تَثِكِنْ هَرْشٜىٰنْ وُتَرْ هَدَايَ؞ دَ مَنُواْوَ دَ مَاتَرْسَ سُنْ غَا حَكَ، سُكَ ڢَاطِ دَ ڢُسْكُواْكِنْسُ حَرْ ڧَسَا؞ 21مَلاَىِٕكَنْ بَيْ سَاكٜىٰ بَيَّنَ غَ مَنُواْوَ دَ مَاتَرْسَبَ؞ مَنُواْوَ عَڧَرْشٜىٰ يَغَانٜىٰ، أَشٜىٰ مُتُمِنْ مَلاَىِٕكَنْ يَهْوٜىٰهْ نٜىٰ؞
22مَنُواْوَ يَثٜىٰ وَمَاتَرْسَ «لَلَّيْ ذَامُ مُتُ غَمَا مُنْغَ اللَّهْ!»
23عَمَّا مَاتَرْسَ تَثٜىٰ «عِدَنْ يَهْوٜىٰهْ يَا سُواْ يَكَشٜىٰمُ، أَيْ دَ بَيْ كَرْٻِ هَدَايَرْمُ تَڧُواْنَاوَا دَ هَدَايَرْمُ تَهَڟِ بَ، كُواْ كُمَ يَنُونَ مَنَ دُكَنْ وَطَنَّنْ أَبُبُوَ بَ، كُواْ كُوَ يَڢَطَا مَنَ وَطَنَّنْ أَبُبُوَبَ؞»
24مَاتَرْ كُوَ تَحَيْڢِ طَا، تَكُمَ سَا مَسَ سُونَ شَمْشُونَ؞ يَرُوانْ كُوَ يَيِ غِرْمَ يَهْوٜىٰهْ كُمَ يَسَا مَسَ أَلْبَرْكَ؞ 25رُوحٌ يَهْوٜىٰهْ يَا ڢَارَ مُواْڟَشِ، سَعَدَّ يَكٜىٰ أَ ذَنْغُوانْ دَنْ وَنْدَ يَكٜىٰ ڟَكَانِنْ ذُواْرَ دَ عٜىٰشْتَوُالْ؞
Currently Selected:
أَلْڧَلَيْ 13: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
