أَلْڧَلَيْ 14
14
شَمْشُونَ دَ مَثٜىٰ دَغَ تِمْنَ
1أَنَانً وَتَرَانَ سَيْ شَمْشُونَ يَغَنْغَرَ ذُوَا تِمْنَ، عِنْدَ يَغَ وَتَ يَارِنْيَ عَثِكِنْ یَنْ مَاتَانْ ڢِلِسْتِيَاوَا؞ 2دَ يَدَاوُاْ غِدَا، سَيْ يَڢَطَا وَ إِيَايٜىٰنْسَ يَثٜىٰ «نَغَ وَتَ مَثٜىٰ عَثِكِنْ یَنْ مَاتَانْ ڢِلِسْتِيَاوَا عَثَنْ تِمْنَ، تَشِغَ مِنِ رَيْ، إِنَ سُواْ كُعَوْرُواْ مِنِ عِتَ؞»
3عَمَّا إِيَايٜىٰنْسَ سُكَ تَمْبَيٜىٰشِ «كَرَسَ يَارِنْيَرْ دَ ذَاكَ عَوْرَ عَثِكِنْ یَنْ مَاتَانْ دَنْغِنْكَ، كُواْ عَثِكِنْ دُكَنْ مُتَنٜىٰنْمُ؟ دُوانْمٜىٰ ذَاكَ تَڢِے كَاعَوْرِ مَثٜىٰ دَغَ ثِكِنْ ڢِلِسْتِيَاوَا أَرْنَ مَرَسَ كَاثِيَ؟»
عَمَّا شَمْشُونَ يَثٜىٰ وَبَابَنْسَ «عِتَ ثٜىٰ وَدَّ نَكٜىٰسُواْ كَاعَوْرُواْ مِنِ عِتَ؞ إِنَ سُوانْتَ؞»
4إِيَايٜىٰنْسَ كُوَ بَسُ سَنْ ثٜىٰوَ اللَّهْ نٜىٰ يَكٜىٰبِدَ شَمْشُونَ دُواْمِنْ يَيِ حَكَبَ؞ غَمَا يَهْوٜىٰهْ يَنَ نٜىٰمَنْ حَنْيَرْ دَ ذَيْ حُكُنْتَ ڢِلِسْتِيَاوَا؞ غَمَا أَ لُواْكَثِنْ ڢِلِسْتِيَاوَا نٜىٰ سُكٜىٰ مُلْكٍ مُتَنٜىٰنْ إِسْرَٰٓءِيلَ؞
5سَيْ شَمْشُونَ يَغَنْغَرَ تَرٜىٰدَ إِيَايٜىٰنْسَ ذُوَا تِمْنَ؞ دَ سُكٜىٰ ثِكِنْ تَڢِيَ سُكَ إِسُواْ غُواْنَكِنْ إِنَبِنْ تِمْنَ، سَيْغَا وَنِ ذَاكِ مَيْ ڧَرْڢِے يَتَاسُواْ مَسَ دَ رُورِ؞ 6نَنْ دَ نَنْ إِيكُوانْ رُوحٌ يَهْوٜىٰهْ يَسَوْكُواْوَ شَمْشُونَ، سَيْ يَكَامَ ذَاكِنْ دَ حَنُّ يَيَاغَ شِ كَمَرْ طَنْ عَكُيَ؞ عَمَّا بَيْ ڢَطَا وَ إِيَايٜىٰنْسَ أَبِنْدَ يَيِبَ؞
7سَيْ يَغَنْغَرَ يَيِ مَغَنَ دَ يَارِنْيَرْ، تَا كُوَ غَمْشٜىٰشِ؞
8بَايَنْ یَنْ ݣُونَكِے شَمْشُونَ يَكُواْمَ دُواْمِنْ يَ عَوْرٜىٰتَ؞ يَرَڟٜىٰ دَغَ كَنْ حَنْيَ دُواْمِنْ يَدُوبَ غَاوَرْ ذَاكِنْ دَ دَا يَكَشٜىٰ؞ سَيْ يَتَرَرْ دَ ڧُدَنْ ظُمَ عَثِكِنْ غَاوَرْ، حَرْ دَ كَكِنْ ظُمَ مَيْ ضُوَ؞ 9يَطٜىٰبِے ظُمَنْ أَ حَنُّنْسَ، يَنَ تَڢِيَ يَنَ شَا، حَرْ يَكَيْ وُرِنْ إِيَايٜىٰنْسَ، يَبَاسُ، سُكَ كُوَ شَا؞ عَمَّا شَمْشُونَ بَيْ ڢَطَا مُسُ يَطِبَ دَغَ ثِكِنْ غَاوَرْ ذَاكِبَ؞
10بَابَنْسَ يَتَڢِے غِدَنْ إِيَايٜىٰنْ يَارِنْيَرْ؞ شَمْشُونَ كُوَ يَشِرْيَ بِكِ أَوُرِنْ، غَمَا حَكَ سَمَارِ سُكَ سَابَايِ؞ 11دَ ڢِلِسْتِيَاوَا سُكَ غَنْ شِ، سُكَ عَيْكَ مَسَ دَ سَمَارِ تَلَاتِنْ سُذَوْنَ تَرٜىٰ دَشِ؞ 12شَمْشُونَ كُوَ يَثٜىٰ مُسُ «بَرِ إِنْسَا مُكُ وَتَ كَثِثِ كَثِثِ؞ عِدَنْ وَنِ يَ عِيَ ڢَطَا مِنِ مَعَنَرْ عَثِكِنْ ݣُونَ بَݣَويْ نَبِكِنَّنْ، تُواْ، نِے ذَنْبَاشِ رِيغُنَنْ لِيلِنْ تَلَاتِنْ دَ كُمَ وَطَنْسُ رِيغُنَ تَلَاتِنْ مَاسُ أَدُواْ؞ 13عَمَّا عِدَنْ بَكُ عِيَ ڢَطَا مِنِ مَعَنَرْ أَبِنْدَ نَڢَطَا بَ، كُو ذَاكُبَانِ رِيغُنَنْ لِيلِنْ تَلَاتِنْ دَ كُمَ وَطَنْسُ رِيغُنَنْ تَلَاتِنْ مَاسُ أَدُواْ؞»
سَيْ سُكَثٜىٰ «تُواْ! كَڢَطَا مَنَ كَثِثِ كَثِثِنْكَ مُجِ؞»
14سَيْ يَثٜىٰ،
«دَغَ مَيْثِ، عَبِنْثِ يَڢِتُواْ؞
دَغَ كُمَ مَيْ ڧَرْڢِے، أَبِنْ ذَاڧِ يَڢِتُواْ؞»
عَمَّا بَسُ عِيَ بَادَ مَعَنَرْ كَثِثِ كَثِثِنْبَ حَرْ ݣُونَ عُكُ؞
15أَ رَانَ تَهُطُ سُكَثٜىٰ وَمَاتَرْ شَمْشُونَ «كِيِ دَبَرَ، كِلَلَّشِ مِجِنْكِ، يَڢَطَا مَنَ مَعَنَرْ كَثِثِ كَثِثِنْ؞ عِدَنْ كُوَ بَاكِ يِبَ، ذَامُ ڧُواْنَكِ دَ غِدَنْ بَابَنْكِ ڧُرْمُسْ دَ وُتَا؞ كُنْ غَيَّثٜىٰمُ دُواْمِنْ كُيِ مَنَ سَاتَا نٜىٰ؟»
16سَيْ مَاتَرْ شَمْشُونَ تَتَاشِ دَ كُوكَا تَذُواْ غَبَنْسَ تَثٜىٰ «كَيْ دَيْ بَاكَ ڧَوْنَتَ! شَمْشُونَ، كَنَ ڧِينَ؞ كَا ڢَطَا وَمُتَنٜىٰنَ كَثِثِ كَثِثِ، عَمَّا بَكَڢَطَا مِنِ مَعَنَرْبَ؞»
سَيْ يَأَمْسَ مَتَ يَثٜىٰ «كُواْ إِيَايٜىٰنَ مَا بَنْ ڢَطَا مُسُ مَعَنَرْ بَ، دُوانْمٜىٰ ذَنْ ڢَطَا مِكِ؟» 17تَا يِتَكُوكَا أَغَبَنْسَ حَرْ سَوْرَنْ ݣُونَكِے بَݣَويْ نَبِكٍ؞ عَمَّا أَ رَانَ تَبَݣَويْ طِنْ سَبُواْدَ ڟَنَنِنْ ڢِتِنَرْتَ، سَيْ يَڢَطَا مَتَ مَعَنَرْ كَثِثِ كَثِثِنْ؞ عِتَ كُوَ تَجٜىٰ تَڢَطَا وَمُتَنٜىٰنْتَ ڢِلِسْتِيَاوَا مَعَنَرْ؞ 18أَ رَانَ تَبَݣَويْ طِنْ كَاڢِنْ رَانَ تَڢَاطِ، سَيْ مُتَنٜىٰنْ غَرِنْ سُكَذُواْ وُرِنْ شَمْشُونَ سُكَثٜىٰ مَسَ،
«مٜىٰ يَڢِ ظُمَ ذَاڧِ؟
مٜىٰ يَڢِ ذَاكِ ڧَرْڢِے؟»
شَمْشُونَ كُوَ يَأَمْسَ مُسُ يَثٜىٰ،
«دَبَدُوانْ كُنْيِ نُواْمَ دَ سَانِيَتَبَ،
دَ بَكُ تُواْنَ أَسِيرِنْ كَثِثِ كَثِثِنَبَ؞»
19بَا لَابَرِ سَيْ إِيكُوانْ رُوحٌ يَهْوٜىٰهْ يَسَوْكُواْ مَسَ؞ سَيْ يَغَنْغَرَ ذُوَا أَشْكٜىٰلُوانْ عِنْدَ يَكَشٜىٰ مُتَنٜىٰ تَلَاتِنْ، يَݣُوشِ غَنِمَرْ رِيغُنَنْسُ مَاسُ ݣَوْ نَأَدُواْ يَبَا مُتَنٜىٰنْ دَ سُكَ بَاشِ مَعَنَرْ كَثِثِ كَثِثِنْ؞ يَكُواْمَ غِدَا دَ ڢُشِے مَيْ ذَاڢِ غَمٜىٰدَ أَبِنْدَ يَڢَرُ؞ 20سَيْ عَكَ طَوْكِ مَاتَرْ شَمْشُونَ عَكَبَا أَبُواْكِنْسَ وَنْدَ يَذَمَ أَبُواْكِنْ أَنْغُواْ؞
Currently Selected:
أَلْڧَلَيْ 14: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
