أَلْڧَلَيْ 11
11
يَهْوٜىٰهْ يَا ثٜىٰثِ إِسْرَٰٓءِيلَ تَهَنُّنْ يٜىٰڢْتَا
1أَݣَويْ وَنِ مُتُمْ مَيْ سُونَ يٜىٰڢْتَادَغَ غَرِنْ غِلٜىٰيَدْ؞ شِے كُوَ مَيْ عِيَ يَاڧِ نٜىٰ سُواْسَيْ؞ سُونَنْ بَابَنْسَ غِلٜىٰيَدْ نٜىٰ، عَمَّا مَامَرْسَ كَارُوَ ثٜىٰ؞ 2مَاتَرْ غِلٜىٰيَدْ تَكُمَ حَيْڢَ مَسَ وَطَنْسُ یَیَ مَظَا؞ سَعَدَّ یَیَ نَمَاتَرْ نَنْ سُنْيِ غِرْمَ، سَيْ سُكَ كُواْرِ يٜىٰڢْتَادَغَ غِدَنْ؞ سُكَثٜىٰ مَسَ «بَذَاكَثِ غَادُوانْ وَنِ أَبُ نَبَابَنْمُبَ، غَمَا كَيْ طَنْ وَتَ مَثٜىٰ نٜىٰ؞» 3سَيْ يٜىٰڢْتَا يَغُدُ دَغَ وُرِنْ یَنْعُوَنْسَ يَجٜىٰ يَذَوْنَ عَڧَسَرْ تُوابْ؞ عَثَنْ وَطَنْسُ یَنْ إِسْكَ سُكَ تَتَّارُ أَوُرِنْ يٜىٰڢْتَا، سُكَنْ تَڢِے يَٰوُاْ تَرٜىٰدَشِ؞
4أَنَانً، سَيْ أَمُّواْنَاوَا سُكَ كَيْ وَمُتَنٜىٰنْ إِسْرَٰٓءِيلَ يَاڧِ؞ 5دَ وَنَّنْ يَڢَرُ، سَيْ دَتَّاوَنْ يَنْكِنْ غِلٜىٰيَدْ سُكَ تَڢِے دُواْمِنْ سُكُواْمَرْدَ يٜىٰڢْتَادَغَ ڧَسَرْ تُوابْ؞ 6سُكَثٜىٰ وَ يٜىٰڢْتَا «ذُواْ كَشُوغَبَنْثٜىٰمُ، دُواْمِنْ مُيِ يَاڧِ دَ أَمُّواْنَاوَا؞»
7عَمَّا يٜىٰڢْتَا يَثٜىٰ مُسُ «بَا كُونٜىٰ كُكَڧِينِ، كُكَ كُواْرٜىٰنِ دَغَ غِدَنْ بَابَنَبَ؟ دُوانْمٜىٰ كُكٜىٰ نٜىٰمَنَ يَنْذُ، وَتُواْ دُواْمِنْ وَهَلَ تَسَامٜىٰكُ كُواْ؟»
8سَيْ دَتَّاوَنْ سُكَثٜىٰ وَ يٜىٰڢْتَا «بَاشَكَّ مُنْ كُواْمُواْ وُرِنْكَ يَنْذُ؞ عِدَنْ ذَاكَ شُوغَبَنْثٜىٰمُ مُيِ يَاڧِ دَ أَمُّواْنَاوَنْ نَنْ، كَيْ ذَاكَ ذَمَ شُوغَبَا عَكَنْمُ دَ كُمَ كَنْ دُكَنْ مَذَوْنَنْ غِلٜىٰيَدْ؞»
9يٜىٰڢْتَا يَأَمْسَا وَشُوغَبَنِّنْ غِلٜىٰيَدْ يَثٜىٰ «عِدَنْ كُكَ كُواْمَرْدَ نِے ذَنْيِ يَاڧِ دَ أَمُّواْنَاوَا، عِدَنْ يَهْوٜىٰهْ يَا بَا نِے نَصَرَا، كُنْ تَبَّتَرْ ذَنْ ذَمَ شُوغَبَنْكُ؟»
10دَتَّاوَنْ سُكَ أَمْسَ مَسَ سُكَثٜىٰ «بَاشَكَّ ذَامُيِ كَمَرْ يَدَّ كَڢَطَا؞ بَرِ يَهْوٜىٰهْ يَذَمَ شَيْدَ أَڟَكَانِنْمُ؞» 11سَيْ يٜىٰڢْتَا يَتَڢِے تَرٜىٰدَ دَتَّاوَنْ غِلٜىٰيَدْ، مُتَنٜىٰنْ كُوَ سُكَ نَطَشِ شُوغَبَنْسُ دَ كُمَ شُوغَبَنْ سُواْجُواْجِنْسُ؞ يٜىٰڢْتَا كُوَ يَمَيْمَيْتَ دُكَنْ أَبِنْدَ يَڢَطَا أَغَبَنْ يَهْوٜىٰهْ أَ مِظْڢَ؞
12سَيْ يٜىٰڢْتَا يَتُورَ یَنْ عَيْكَ وُرِنْ سَرْكِنْ أَمُّواْنَاوَا يَثٜىٰ «مٜىٰيَكٜىٰ ڟَكَانِنْمُ دَكَيْ دَ يَسَا كَكَٰوُاْ مَنَ يَاڧِ عَڧَسَرْمُ؟»
13سَرْكِنْ أَمُّوانْ يَأَمْسَا وَ یَنْ عَيْكَنْ يٜىٰڢْتَا ثٜىٰوَ «سَعَدَّ مُتَنٜىٰنْ إِسْرَٰٓءِيلَ سُكَ ڢِتُواْ دَغَ ڧَسَرْ مَصَرْ، سُنْ ڨُوثٜىٰ مِنِ ڧَسَاتَ تُنْدَغَ كُواْغِنْ أَرْنُوانْ ذُوَا كُواْغِنْ يَبُّواكْ حَرْ ذُوَا كُواْغِنْ يُواْدَنْ؞ يَنْذُ ڢَا، سَيْ كَمَيَرْ مِنِ دَ ڧَسَاتَ ثِكِنْ ݣُونْثِيَرْ حَنْكَلِ؞»
14سَيْ يٜىٰڢْتَا يَسَاكٜىٰ تُورَ یَنْ عَيْكَ وُرِنْ سَرْكِنْ أَمُّواْنَاوَا 15تَرٜىٰدَ أَمْسَ ثٜىٰوَ
«بَغَسْكِيَ بَثٜىٰ؞ مُتَنٜىٰنْ إِسْرَٰٓءِيلَ بَسُ ڨُوثٜىٰ ڧَسَرْ مُواْوَبْ كُواْ ڧَسَرْ أَمُّواْنَاوَا بَ؞ 16لُواْكَثِنْ دَ مُتَنٜىٰنْ إِسْرَٰٓءِيلَ سُكَ بَرْ ڧَسَرْ مَصَرْ، سُكَبِے تَدَاجِ حَرْ ذُوَا تٜىٰكُنْ ثِيَوَرْ إِوَ،#11.16 تٜىٰكُنْ ثِيَوَرْ إِوَ: عَيْنِحِنْ سُونَنْ وَنَّنْ تٜىٰكُ كٜىٰنَنْ، عَمَّا أَنْكُمَ سَنْتَ دَ سُونَنْ جَنْ تٜىٰكُ؞ سَعَنً سُكَ إِسُواْ كَدٜىٰشْ؞ 17سَيْ سُكَ تُورَ یَنْ عَيْكَ ذُوَا وُرِنْ سَرْكِنْ عٜىٰدُوامْ دُواْمِنْ سُضُواْڧٜىٰشِ يَبَرْسُ سُوُثٜىٰ تَڧَسَرْسَ؞ عَمَّا سَرْكِنْ عٜىٰدُوامْ بَيْيَرْدَ مُسُبَ؞ سُكَ كُمَ تُورَ یَنْ عَيْكَ ذُوَا وُرِنْ سَرْكِنْ مُواْوَبْ دُواْمِنْ سُضُواْڧٜىٰشِ يَبَرْسُ سُوُثٜىٰ تَڧَسَرْسَ؞ عَمَّا شِے مَا بَيْيَرْدَ مُسُبَ؞ سَبُواْدَ حَكَ مُتَنٜىٰنْ إِسْرَٰٓءِيلَ سُكَ ذَوْنَ أَ كَدٜىٰشْ؞#لِـ ڧِدْ 20.14-21
18«سَعَنً سُكَ ثِيغَبَدَ تَڢِيَرْسُ أَدَاجِ، سُكَ ذَاغَيَ سُكَ كٜىٰوَيٜىٰ ڧَسَرْ عٜىٰدُوامْ دَ ڧَسَرْ مُواْوَبْ، سُكَبِے تَغَبَسْ دَ ڧَسَرْ مُواْوَبْ، سُكَ كَڢَ سَنْسَنِنْسُ عَبَاكِنْ كُواْغِنْ أَرْنُوانْ؞ عَمَّا بَسُ ڧٜىٰتَرٜىٰ كُواْغِنْ بَ، دُواْمِنْ كُواْغِنْ أَرْنُوانْ إِيَاكَثٜىٰ نَڧَسَرْ مُواْوَبْ؞#لِـ ڧِدْ 21.4
19«سَعَنً إِسْرَٰٓءِيلَاوَا سُكَ تُورَ یَنْ عَيْكَ ذُوَا وُرِنْ سَرْكِے سِهُوانْ نَ أَمُواْرِيَاوَا وَنْدَ يَكٜىٰ مُلْكِ أَ هٜىٰشْبُوانْ، سُكَ ضُواْڧٜىٰشِ يَبَرْسُ سُوُثٜىٰ تَڧَسَرْسَ ذُوَا تَاسُ ڧَسَرْ؞#لِـ ڧِدْ 21.21-24 20عَمَّا سِهُوانْ بَيْ أَمِنْثٜىٰ وَ إِسْرَٰٓءِيلَاوَا سُبِے تَڧَسَرْسَبَ؞ يَكُمَ تَتَّارَ دُكَنْ مُتَنٜىٰنْسَ سُكَ كَڢَ سَنْسَنِ أَ يَهَظَ، سُكَيِ يَاڧِ دَ مُتَنٜىٰنْ إِسْرَٰٓءِيلَ؞ 21عَمَّا يَهْوٜىٰهْ اللَّهْ نَ إِسْرَٰٓءِيلَ يَبَادَ سِهُوانْ دَ مُتَنٜىٰنْسَ دُكَ أَ حَنُّنْ إِسْرَٰٓءِيلَاوَا، سُكَثِسُ دَ يَاڧِ؞ تَهَكَنٜىٰ مُتَنٜىٰنْ إِسْرَٰٓءِيلَ سُكَ مَلَّكِ دُكَنْ يَنْكِنْ أَمُواْرِيَاوَا وَطَنْدَ دَا سُكٜىٰ ظَوْنٜىٰ عَثِكِنْ ڧَسَرْ؞ 22سُكَ مَلَّكِ ڧَسَرْ أَمُواْرِيَاوَا غَبَاطَيَ، تُنْدَغَ كُواْغِنْ أَرْنُوانْ ذُوَا كُواْغِنْ يَبُّواكْ دَغَ دَاجِ أَغَبَسْ كُمَ حَرْ ذُوَا كُواْغِنْ يُواْدَنْ عَيَمَّ؞
23«أَيْ، كَغَ يَهْوٜىٰهْ اللَّهْ نَ إِسْرَٰٓءِيلَ نٜىٰ يَكُواْرِ أَمُواْرِيَاوَا دَغَ ڧَسَرْ دُواْمِنْ مُتَنٜىٰنْسَ إِسْرَٰٓءِيلَ؞ تُواْ، يَنْذُ كَنَ سُواْ كَطَوْكِ مَڟَيِنْ أَمُواْرِيَاوَا نٜىٰ؟ 24بَذَاكَ مَلَّكِ أَبِنْدَ كٜىٰمُواشْ اللَّهْنْكَ يَبَاكَبَ؟ حَكَ مُو مَا، دُكْ أَبِنْدَ يَهْوٜىٰهْ اللَّهْ نْمُ يَبَامُ، ذَامُ مَلَّكٜىٰشِ؞ 25يَنْذُ، كَاڢِ بَلَكْ طَنْ ظِڢُّوارْ، سَرْكِنْ مُواْوَبْ نٜىٰ؟ كَاجِ يَاشِغَ غَرْدَمَ دَ مُتَنٜىٰنْ إِسْرَٰٓءِيلَ نٜىٰ؟ كُواْ كُوَ كَاجِ يَايِ يَاڧِ دَ سُونٜىٰ؟#لِـ ڧِدْ 22.1-6 26غَاشِ، شٜىٰكَرَا طَرِے عُكُ مُتَنٜىٰنْ إِسْرَٰٓءِيلَ سُكَيِ ذَمَنْسُ أَ هٜىٰشْبُوانْ دَ ڧَوْيُكَنْتَ دَ أَرُواْوٜىٰرْ دَ ڧَوْيُكَنْتَ دَ غَرُضُوً دَسُكٜىٰ عَبَاكِنْ كُواْغِنْ أَرْنُوانْ؞ دُوانْمٜىٰ بَكَ ڨُوثٜىٰسُ تُنْ أَوَنْثَنْ لُواْكَثِبَ؟ 27نِے ڢَا، بَنْيِمَكَ كُواْ لَيْڢِے بَ؞ عَمَّا كَيْ كَمْ كَيِمِنِ لَيْڢِے تَوُرِنْ يَاڧِنْ دَ كَكٜىٰيِ دَنِے؞ بَرِ يَهْوٜىٰهْ وَنْدَ شِينٜىٰ مَيْ شَرِيعَ يَيَنْكٜىٰ شَرِيعَ يَوْ ڟَكَانِنْ إِسْرَٰٓءِيلَاوَا دَ أَمُّواْنَاوَا؞»
28عَمَّا سَرْكِنْ أَمُّواْنَاوَا بَيْكَسَ كُنّٜىٰ غَ سَڧُوانْ دَ يٜىٰڢْتَا يَعَيْكَ مَسَبَ؞
29 رُوحٌ يَهْوٜىٰهْ كُوَ يَسَوْكُواْوَ يٜىٰڢْتَا؞ سَيْ يٜىٰڢْتَا يَتَاشِ يَبِے تَيَنْكِنْ غِلٜىٰيَدْ دَ مَنَسّٜىٰ يَنَ تَتَّارَ سُواْجُواْجِ؞ يَكُواْمَ غَ مِظْڢَ تَ غِلٜىٰيَدْ دَغَ ثَنْ يَڧٜىٰتَرٜىٰ دَ سُواْجُواْجِنْسَ ذُوَا وُرِنْ أَمُّواْنَاوَا؞ 30يٜىٰڢْتَا كُوَ يَيِ ضَنْڟُوَا غَ يَهْوٜىٰهْ، يَثٜىٰ «عِدَنْ دَيْ كَا بَادَ أَمُّواْنَاوَا أَ هَنُّونَ، 31ذَنْ مِيڧَ هَدَايَ تَڧُواْنَاوَا؞ دُكْ أَبِنْدَ يَڢَارَ ڢِتُواْوَ دَغَ ثِكِنْ غِدَانَ دُواْمِنْ يَمَرَبْثٜىٰنِ سَعَدَّ نَكُواْمُواْ ثِكِنْ نَصَرَا دَغَ يَاڧِ دَ أَمُّواْنَاوَا، شِے ذَنْ مِيڧَ مَكَ هَدَايَ؞»
32سَيْ يٜىٰڢْتَا يَتَڢِے وُرِنْ أَمُّواْنَاوَا دُواْمِنْ يَيَاڧٜىٰسُ، يَهْوٜىٰهْ كُوَ يَبَادَسُو أَ حَنُّنْسَ؞ 33يَكَكَّشٜىٰسُ تُنْدَغَ أَرُواْوٜىٰرْ ذُوَا يَنْكِنْ مِنِّتْ، حَرْ ذُوَا أَبٜىٰلْ كٜىٰرَمِنْ؞ يَرُشٜىٰ غَرُرُوَنْسُ غُدَا عَشِرِنْ، يَكَكَّشٜىٰسُ دَ يَوَنْ غَسْكٜىٰ؞ حَكَ نَنْ كُوَ عَكَثِ نَصَرَا عَكَنْ أَمُّواْنَاوَا؞
یَرْ يٜىٰڢْتَا
34سَعَدَّ يٜىٰڢْتَا يَكُواْمَ غِدَنْسَ أَ مِظْڢَ، سَيْغَا یَرْسَ تَڢِتُواْ دُواْمِنْ تَمَرَبْثٜىٰشِ، تَنَ ضَوَ تَنَ كِطَ؞ عِتَثٜىٰ یَرْسَ كَطَيْ؞ بَنْ دَ عِتَ بَاشِدَ یَیَ؞ 35دَ يَغَنْتَ، سَيْ يَيَيَّاغٜىٰ رِيغُنَنْسَ دُواْمِنْ بَڧِنْ ثِكِ يَثٜىٰ «وَيُّواْ! یَتَ، تَاوَتَاڧَارٜىٰ! مٜىٰيَسَا كٜىٰثٜىٰ كِنْ ذَمَ مِنِ دَلِيلِنْ بَڧِنْ ثِكِ أَ رَايُوَتَا؟ غَاشِ، نَارِغَا نَايِ ضَنْڟُوَا غَ يَهْوٜىٰهْ، بَذَنْ كُوَ عِيَكَرْيَ رَنْڟُوَاتَابَ؞»#لِـ ڧِدْ 30.2
36سَيْ تَثٜىٰمَسَ «بَابَ، عِدَنْ كَرَنْڟٜىٰ غَ يَهْوٜىٰهْ، سَيْ كَيِ أَبِنْدَ كَثٜىٰ ذَاكَيِ دَنِے، تُنْدَ يَهْوٜىٰهْ يَڢَنْشٜىٰكَ، كَيِ رَامُوَا عَكَنْ أَبُواْكَنْ غَابَنْكَ أَمُّواْنَاوَا؞» 37عَمَّا تَثٜىٰ وَبَابَنْتَ «إِنْ كَايَرْدَ كَأَمْسَ مِنِ ضُواْڧُواْنَ، إِنْتَڢِے ثِكِنْ تُدَّيْ تَرٜىٰدَ أَبُواْكَيْنَ إِنْيِ وَتَا بِيُ إِنَ بَڧِنْ ثِكِنْ دَ ذَنْ مُتُ إِنَ بُدُرْوَ؞»
38يَثٜىٰ مَتَ «تَڢِے؞» سَيْ يَسَلَّمٜىٰتَ، تَتَڢِے حَرْ وَتَا بِيُ طِنْ؞ عِتَ دَ أَبُواْكَنْتَا كُوَ سُكَ تَڢِے سُكَ هَوْ ثِكِنْ تُدَّيْ، سُكَيِ بَڧِنْ ثِكِنْ دَ ذَاتَمُتُ تَنَ بُدُرْوَ؞ 39عَڧَرْشٜىٰنْ وَتَا بِيُ، تَكُواْمُواْ وُرِنْ بَابَنْتَ، شِيكُوَ يَبَادَ عِتَ بِسَغَ ضَنْڟُوَارْ دَ يَيِ غَ يَهْوٜىٰهْ؞ عِتَ كُوَ تَمُتُ بَتَتَٻَ سَنِنْ نَمِجِبَ؞
وَنَّنْ يَذَمَ دَلِيلِنْ أَلْعَادَا عَثِكِنْ إِسْرَٰٓءِيلَ، 40وَتُواْ یَنْ مَاتَانْ إِسْرَٰٓءِيلَ سُكَنْ ڢِتَ كُواْوَثٜىٰ شٜىٰكَرَا دُواْمِنْ نُونَ بَڧِنْ ثِكِنْسُ نَݣُونَ حُطُ دُواْمِنْ سُتُنَ دَ یَرْ يٜىٰڢْتَا مُتُمِنْ غِلٜىٰيَدْ؞
Currently Selected:
أَلْڧَلَيْ 11: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
