أَلْڧَلَيْ 10
10
تُواْلَ مَيْ شَرِيعَ عَ إِسْرَٰٓءِيلَ
1بَايَنْدَ أَبِمٜىٰلٜىٰكْ يَمُتُ، سَيْ تُواْلَ طَنْ ڢُوَ جِيكَنْ دُواْدُواْ دَغَ ذُرِيَرْ إِسَّكَرْ يَتَاشِ دُواْمِنْ يَثٜىٰثِ مُتَنٜىٰنْ إِسْرَٰٓءِيلَ؞ يَذَوْنَ أَ شَمِرْ عَثِكِنْ يَنْكِنْ تُدَّيْ نَ إِڢْرَيِمْ؞ 2يَيِ عَيْكِنْ شَرِيعَ عَ إِسْرَٰٓءِيلَ حَرْ شٜىٰكَرَا عَشِرِنْ دَ عُكُ، سَعَنً يَمُتُ، عَكَ بِنّٜىٰشِ أَ شَمِرْ؞
يَايِرْ مَيْ شَرِيعَ عَ إِسْرَٰٓءِيلَ
3بَايَنْ تُواْلَ كُمَ سَيْ يَايِرْ مُتُمِنْ غِلٜىٰيَدْ، شِے مَا يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرَا عَشِرِنْ دَ بِيُ؞ 4يَنَ دَ یَیَ مَظَا تَلَاتِنْ وَطَنْدَ سُكٜىٰ هَوَنْ جَاكُنَ تَلَاتِنْ؞ سُكَ مَلَّكِ غَرُرُوَ تَلَاتِنْ عَثِكِنْ ڧَسَرْ غِلٜىٰيَدْ، وَطَنْدَ عَكٜىٰكِرَنْسُ ڧَوْيُكَنْ يَايِرْ هَرْوَيَوْ؞ 5يَايِرْ يَمُتُ، عَكَ بِنّٜىٰشِ أَ كَمُوانْ؞
يَهْوٜىٰهْ يَا حُكُنْتَ إِسْرَٰٓءِيلَاوَا تَوُرِنْ أَمُّواْنَاوَا
6أَنَانً كُمَ مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ؞ سُكَ بَوْتَاوَ بَعَلْ دَ عَشْتُواْرٜىٰتْ دَ أَلُّواْلِنْ سُورِيَ دَ نَ سِدُوانْ دَ نَ مُواْوَبْ دَ نَ أَمُّوانْ دَ كُمَ نَ ڢِلِسْتِيَاوَا؞ سُكَ بَرْ بِنْ يَهْوٜىٰهْ، بَسُ كُمَيِ مَسَ سُجَّدَبَ؞ 7سَبُواْدَ حَكَ يَهْوٜىٰهْ يَيِ ڢُشِے دَ مُتَنٜىٰنْ إِسْرَٰٓءِيلَ، يَكُوَ بَادَسُو أَ حَنُّنْ ڢِلِسْتِيَاوَا دَ أَمُّواْنَاوَا، سُكَثِسُ دَ يَاڧِ 8أَ شٜىٰكَرَا طَيَ؞ سُكَ ثِيغَبَدَ مَڟَا وَمُتَنٜىٰنْ إِسْرَٰٓءِيلَ حَرْ شٜىٰكَرَا غُواْمَشَا تَݣُوسْ؞ سُكَ دَنّٜىٰسُ سُكَ كُمَ ڟَنَنْتَا وَ دُكَنْ إِسْرَٰٓءِيلَاوَنْ دَسُكٜىٰ ظَوْنٜىٰ أَغَبَشِنْ كُواْغِنْ يُواْدَنْ عَيَنْكِنْ غِلٜىٰيَدْ، وَتُواْ ڧَسَرْ أَمُواْرِيَاوَا تَدَا؞ 9أَمُّواْنَاوَنْ سُكَ كُمَ ڧٜىٰتَرٜىٰ كُواْغِنْ يُواْدَنْ دُواْمِنْ سُيَاڧِ مُتَنٜىٰنْ ذُرِيَرْ يَهُودَ دَ تَ بِلِيَامِنُ دَ تَ إِڢْرَيِمْ؞ إِسْرَٰٓءِيلَاوَا كُوَ سُنَ ثِكِنْ وَهَلَ سُواْسَيْ؞
10سَيْ إِسْرَٰٓءِيلَاوَا سُكَيِ كُوكَا غَ يَهْوٜىٰهْ سُكَثٜىٰ «مُنْيِ مَكَ ذُنُوبِ، غَمَا مُنْ بَرْ بِنْكَ، يَا اللَّهْ نْمُ، مُكَيِ وَ بَعَلْ سُجَّدَ؞»
11سَيْ يَهْوٜىٰهْ يَأَمْسَ مُسُ يَثٜىٰ «سَعَدَّ مَصَرَاوَا دَ أَمُواْرِيَاوَا دَ أَمُّواْنَاوَا دَ ڢِلِسْتِيَاوَا سُكَ تَاسُواْ عَكَنْكُ، بَنْثٜىٰثٜىٰكُبَ؟ 12دَ سِدُواْنِيَاوَا دَ أَمَلٜىٰكَاوَا دَ مُواْوَبَاوَا سُكَ مَاڟَ مُكُ، كُو كُمَ كُكَيِ كُوكَا ذُوَا غَرٜىٰنِ، بَنْثٜىٰثٜىٰكُ دَغَ حَنُّنْسُبَ؟ 13عَمَّا دُكْدَهَكَ، كُنْبَرْنِ، كُنَيِ وَ وَطَنْسُ أَلُّواْلِ سُجَّدَ؞ تُواْ! سَبُواْدَ حَكَ بَذَنْ ثٜىٰثٜىٰكُبَ كُمَ؞ 14كُتَڢِے كُكَيْ كُوكَنْكُ غَ أَلُّواْلِنْ دَ كُكَ ذَاٻَا؞ بَرِ سُثٜىٰثٜىٰكُ أَ لُواْكَثِنْ وَهَلَ؞»
15عَمَّا مُتَنٜىٰنْ إِسْرَٰٓءِيلَ سُكَ نَاثٜىٰ سُكَ ضُواْڧِ يَهْوٜىٰهْ سُكَثٜىٰ «مُنْيِ مَكَ ذُنُوبِ؞ كَيِ مَنَ دُكْ إِرِنْ حُواْرُوانْدَ كَغَ دَامَ، عَمَّا دَيْ كَثٜىٰثٜىٰمُ يَوْ؞» 16سَبُواْدَ حَكَ سُكَ كَوَرْدَ غُمَكَنْ أَلُّواْلِنْ ڧَبِيلُنْ دَسُكٜىٰ عَثِكِنْسُ، سُكَيِ وَ يَهْوٜىٰهْ سُجَّدَ؞ شِے كُوَ بَيْ عِيَ جِمْرٜىٰ دَ غَنِنْ إِرِنْ وَهَلَرْ دَ مُتَنٜىٰنْ إِسْرَٰٓءِيلَ سُكٜىٰشَابَ؞
17سُواْجُواْجِنْ أَمُّواْنَاوَا سُكَ تَتَّارَ كَنْسُ، سُكَ كَڢَ سَنْسَنِ أَ غِلٜىٰيَدْ؞ مُتَنٜىٰنْ إِسْرَٰٓءِيلَ كُوَ سُكَ تَتَّارَ كَنْسُ سُكَ كَڢَ نَاسُ سَنْسَنِنْ أَ مِظْڢَ؞ 18شُوغَبَنِّنْ مُتَنٜىٰنْ غِلٜىٰيَدْ سُكَثٜىٰ وَجُونَنْسُ «دُكْ وَنْدَ يَڢَارَ كَيْوَ مُتَنٜىٰنْ أَمُّواْنَاوَا يَاڧِ، شِينٜىٰ ذَيْ ذَمَ شُوغَبَنْ مَذَوْنَنْ غِلٜىٰيَدْ؞»
Currently Selected:
أَلْڧَلَيْ 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
