أَلْڧَلَيْ 9
9
مُلْكٍ أَبِمٜىٰلٜىٰكْ
1وَتَرَانَ أَبِمٜىٰلٜىٰكْ طَنْ يٜىٰرُبَّعَلْ، وَتُواْ جِدْعَوْنَ، يَتَڢِے شٜىٰكٜىٰمْ، عِنْدَ دَنْغِنْ مَامَرْسَ سُكٜىٰ ذَمَ، يَثٜىٰ مُسُ، 2«إِنَ ضُواْڧُوانْكُ، كُيِ مَغَنَ دَ شُوغَبَنِّنْ شٜىٰكٜىٰمْ، كُثٜىٰ مُسُ، ‹مٜىٰ يَڢِ مُكُ ݣَوْ، عَثٜىٰ دُكَنْ یَیَنْ جِدْعَوْنَ غُدَا سَبَعِنْ طِنَّنْ سُيِ مُلْكِنْكُ، كُواْ كُوَ عَثٜىٰ مُتُمْ طَيَ يَيِ مُلْكِنْكُ؟› عَمَّا كُتُنَ ڢَا نِے نَامَنْكُ دَ جِنِنْكُ نٜىٰ؞» 3سَيْ یَنْعُوَنْ مَامَرْ أَبِمٜىٰلٜىٰكْ سُكَ ڢَطِ دُكَنْ مَغَنَرْ نَنْ غَ شُوغَبَنِّنْ شٜىٰكٜىٰمْ غَمٜىٰدَشِ؞ سَيْ ذُوثِيَارْ شُوغَبَنِّنْ تَكُواْمَ غَ أَبِمٜىٰلٜىٰكْ سُكَثٜىٰ «أَيْ، شِ طَنْعُوَنْمُ نٜىٰ؞» 4سُكَ بَاشِ أَظُرْڢَا سَبَعِنْ دَغَ ثِكِنْ غِدَنْ غُنْكِنَّنْ بَعَلْ نَيَرْجٜىٰجٜىٰنِيَ؞ دَ وَنَّنْ كُطِنْ أَبِمٜىٰلٜىٰكْ يَيِ هَيَرْ یَنْ إِسْكَ، سُو كُوَ سُكَبِيشِ؞ 5يَتَڢِے غِدَنْ بَابَنْسَ عَ عُواڢْرَ؞ أَوُرِنْ يَكَكَّشٜىٰ یَنْعُوَنْسَ یَیَنْ جِدْعَوْنَ دُكَ، مَظَا سَبَعِنْ عَكَنْ وَنِ دُوڟٜىٰ؞ عَمَّا يُواْتَمْ أَوْتَنْ یَیَنْ جِدْعَوْنَ نٜىٰ كَطَيْ بَعَكَشٜىٰبَ غَمَا يَا غُدُ يَٻُيَ؞ 6سَيْ دُكَنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ سُكَ تَتَّارُ وَجٜىٰنْ بَبَّنْ إِتَاثٜىٰنْ ڟَاڢِ أَ شٜىٰكٜىٰمْ، أَوُرِنْ نٜىٰ سُكَ نَطَ أَبِمٜىٰلٜىٰكْ سَرْكِے؞
7سَعَدَّ يُواْتَمْ يَجِ وَنَّنْ، سَيْ يَتَڢِے، يَڟَيَ عَكَنْ بَبَّنْ تُدُنْ غٜىٰرِظِمْ، يَيِ كِرَا دَ بَبَّرْ مُرْيَ يَثٜىٰ مُسُ «كُسَوْرَرَتَ، يَا كُو شُوغَبَنِّنْ شٜىٰكٜىٰمْ، دُواْمِنْ كُمَ اللَّهْ يَسَوْرَرٜىٰكُ؞
8«أَنَانً وَتَرَانَ عِتَتُوَ سُكَ تَتَّارُ دُواْمِنْ سُنَطَ وَكَنْسُ سَرْكِے؞ سَيْ سُكَثٜىٰ وَ إِتَاثٜىٰنْ ظَيْتُنْ، ‹كَيْ كَذُواْ كَذَمَ سَرْكِنْمُ؞›
9«عَمَّا إِتَاثٜىٰنْ ظَيْتُنْ يَأَمْسَ مُسُ يَثٜىٰ، ‹مَيْنَ يَنَ غِرْمَمَ أَلُّواْلِ دَ مُتَنٜىٰ؞ إِنْ دَيْنَ بَادَ مَيْ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›
10«سَيْ عِتَتُوَنْ سُكَثٜىٰ وَ إِتَاثٜىٰنْ ٻَوْرٜىٰ، ‹كَيْ كَذُواْ كَذَمَ سَرْكِنْمُ؞›
11«عَمَّا إِتَاثٜىٰنْ ٻَوْرٜىٰ يَأَمْسَ مُسُ يَثٜىٰ، ‹یَیَنَ سُنَدَ ݣَوْ، سُنَدَ ذَاڧِ؞ إِنْ دَيْنَ بَادَ یَیَ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›
12«سَيْ عِتَتُوَنْ سُكَثٜىٰ وَ إِتَاثٜىٰنْ إِنَبِے، ‹كَيْ كَذُواْ كَذَمَ سَرْكِنْمُ؞›
13«عَمَّا إِتَاثٜىٰنْ إِنَبِنْ يَأَمْسَ مُسُ يَثٜىٰ، ‹ضُوً إِنَبِنَ يَنَسَا أَلُّواْلِ دَ مُتَنٜىٰ ڢَضٍ ثِكِ؞ إِنْ دَيْنَ بَادَ ضُوً إِنَبِے دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›
14«عَڧَرْشٜىٰ، سَيْ دُكَنْ عِتَتُوَنْ سُكَثٜىٰ وَ إِتَاثٜىٰنْ ڧَيَ نَدَاجِ، ‹كَيْ كَذُواْ كَذَمَ سَرْكِنْمُ؞›
15«إِتَاثٜىٰنْ ڧَيَ يَأَمْسَ مُسُ يَثٜىٰ، ‹عِدَنْ دَ غَسْكٜىٰ نٜىٰ كُكٜىٰسُواْ كُنَطَنِ سَرْكِنْكُ، سَيْ كُذُواْ كُذَوْنَ عَثِكِنْ إِنُوَتَ؞ عَمَّا عِدَنْ ڧَضْيَا كُكٜىٰيِ مِنِ، بَرِ وُتَا تَڢِتُواْ دَغَ رَسَّنْ إِتَاثٜىٰنْ ڧَيَ#9.15 إِتَاثٜىٰنْ ڧَيَ: وَنَّنْ إِتَاثٜىٰنْ ڧَيَ دَڢِنْ سَيْوَرْسَ يَكَنْ حَنَ كُواْوَنٜىٰ إِرِنْ ڟِرُواْ يَڢِتَ عَڧَرْڧَشِنْسَ؞ تَثِنْيٜىٰ عِتَتُوَنْ لٜىٰبَنُوانْ؞›
16«يَنْذُ، كُنْ تَبَّتَرْ كُنْيِ غَسْكِيَ كُمَ كُنْيِ دَيْدَيْ دَ كُكَ نَطَ أَبِمٜىٰلٜىٰكْ يَذَمَ سَرْكِنْكُ؟ كُنْيِ وَ يٜىٰرُبَّعَلْ دَ عِيَلِنْسَ كِرْكِ كٜىٰنَنْ؟ كُواْ وَنَّنْ شِينٜىٰ سَكَمَكُوانْ عَيْكِنْسَ؟ 17كُتُنَ ڢَا بَابَنَ يَيِ يَاڧِ دُواْمِنْكُ؞ يَسَدَوْكَرْ دَ رَنْسَ دُواْمِنْ يَثٜىٰثٜىٰكُ دَغَ حَنُّنْ مِدِيَنَاوَا؞ 18عَمَّا غَاشِ، يَوْ كُنْ جُويَا كُنَ غَابَادَ غِدَنْ بَابَنَ؞ كُكَ كَكَّشٜىٰ یَیَنْسَ مَظَا سَبَعِنْ عَكَنْ دُوڟٜىٰ طَيَ؞ كُكَ نَطَ طَنْسَ أَبِمٜىٰلٜىٰكْ وَدَّ مَاتَرْ دَ يَأَجِيٜىٰ ثٜىٰ تَحَيْڢٜىٰشِ يَذَمَ سَرْكِنْ شٜىٰكٜىٰمْ، دُواْمِنْ كَوَيْ شِے طَنْعُوَنْكُ نٜىٰ؞ 19يَنْذُ، عِدَنْ أَبِنْدَ كُكَيِ وَ جِدْعَوْنَ دَ عِيَلِنْسَ دَيْدَيْنٜىٰ، تُواْ، سَيْ كُيِ ڢَضٍ ثِكِ تَرٜىٰدَ أَبِمٜىٰلٜىٰكْ، بَرِ شِيكُمَ يَيِ ڢَضٍ ثِكِ تَرٜىٰدَكُو؞ 20عَمَّا عِدَنْ بَهَكَبَ، بَرِ وُتَا تَڢِتُواْ دَغَ ثِكِنْ أَبِمٜىٰلٜىٰكْ تَڧُواْنٜىٰ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ؞ بَرِ كُمَ وُتَا تَڢِتُواْ دَغَ ثِكِنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ تَڧُواْنٜىٰ أَبِمٜىٰلٜىٰكْ!»
21سَعَنً يُواْتَمْ يَغُدُ يَتَڢِے يَذَوْنَ أَ بٜىٰيٜىٰرْ، غَمَا يَنَ ڟُواْرُوانْ طَنْعُوَنْسَ أَبِمٜىٰلٜىٰكْ؞
ڢَاطُوَرْ أَبِمٜىٰلٜىٰكْ
22أَبِمٜىٰلٜىٰكْ كُوَ يَيِ شٜىٰكَرَا عُكُ يَنَ مُلْكٍ مُتَنٜىٰنْ إِسْرَٰٓءِيلَ؞ 23اللَّهْ كُمَ يَسَا ڧِيَيَّ تَتَاشِ ڟَكَانِنْ أَبِمٜىٰلٜىٰكْ دَ مُتَنٜىٰنْ شٜىٰكٜىٰمْ؞ شُوغَبَنِّنْ كُوَ سُكَ تَيَرْ مَسَ؞ 24وَنَّنْ يَڢَرُ نٜىٰ دُواْمِنْ أَ رَامَ كَشٜىٰوَرْ یَیَ سَبَعِنْ نَ يٜىٰرُبَّعَلْ، كُمَ أَلْحَكِنْ جِنِنْسُ يَكَسَنْثٜىٰ عَكَنْ أَبِمٜىٰلٜىٰكْ دَ كُمَ عَكَنْ شُوغَبَنِّنْ شٜىٰكٜىٰمْ وَطَنْدَ سُكَ تَيْمَكٜىٰشِ يَكَشٜىٰ یَنْعُوَنْسَ؞ 25شُوغَبَنِّنْ شٜىٰكٜىٰمْ، سَبُواْدَ سُنَ غَابَادَ أَبِمٜىٰلٜىٰكْ، سُكَسَا مُتَنٜىٰ سُيِ ݣُونْتُوانْ ٻَوْنَ عَثِكِنْ دُوَڟُو؞ سُكَ يِتَيِ وَدُكْ وَنْدَ يَبِے تَوَنَّنْ حَنْيَ ڢَشِ؞ عَكَ كُوَ ڢَطَا وَ أَبِمٜىٰلٜىٰكْ أَبِنْدَ يَكٜىٰ ڢَرُوَ؞
26سَيْ غَعَلْ طَنْ عٜىٰبٜىٰدْ يَذُواْ يَذَوْنَ أَ شٜىٰكٜىٰمْ تَرٜىٰدَ یَنْعُوَنْسَ؞ شُوغَبَنِّنْ شٜىٰكٜىٰمْ كُمَ سُكَ أَمِنْثٜىٰ دَشِ؞ 27دُكَنْ مُتَنٜىٰنْ شٜىٰكٜىٰمْ كُوَ سُكَ تَڢِے غُواْنَكِنْسُ دُواْمِنْ غِرْبِے، سُكَ طٜىٰبُواْ یَیَنْ إِنَبِے، سُكَ مَڟٜىٰ ضُوً، سُكَيِ بِكِ أَغِدَنْ غُنْكِنْسُ؞ سُكَثِ سُكَشَا سُكَ ذَاغِ أَبِمٜىٰلٜىٰكْ؞ 28غَعَلْ طَنْ عٜىٰبٜىٰدْ يَثٜىٰ «وَنٜىٰنٜىٰ أَبِمٜىٰلٜىٰكْ، حَرْ دَ مُو مُتَنٜىٰنْ شٜىٰكٜىٰمْ ذَامُ بَوْتَا مَسَ؟ بَشِے طَنْ يٜىٰرُبَّعَلْ بَنٜىٰ؟ بَكُمَ ظٜىٰبُلْ مَعَيْكَثِنْسَبَنٜىٰ؟ دُوانْمٜىٰ ذَامُ بَوْتَا مَسَ؟ كُيِ أَمِنْثِ غَ كَكَنْكُ هَمُوارْ تُوشٜىٰنْ ڧَبِيلَرْكُ! 29دَمَا عَثٜىٰنِنٜىٰ نَكٜىٰ شُوغَبَنْثِنْ وَطَنَّنْ مُتَنٜىٰ، أَيْ دَ نَكَوَرْدَ أَبِمٜىٰلٜىٰكْ! دَظَنْثٜىٰ مَسَ، ‹جٜىٰكَ، كَڧَارَ يَوَنْ سُواْجُواْجِنْكَ كَڢِتُواْ!› »
30دَ ظٜىٰبُلْ، شُوغَبَنْ بِرْنِنْ، يَجِ كَلْمُواْمِنْ دَسُكٜىٰ ڢِتُواْوَ دَغَ بَاكِنْ غَعَلْ طَنْ عٜىٰبٜىٰدْ، سَيْ يَثِكَ دَ ڢُشِے؞ 31يَتُورَ یَنْ عَيْكَ ذُوَا أَبِمٜىٰلٜىٰكْ أَعَرُمَ يَثٜىٰ «غَاشِ ڢَا، غَعَلْ طَنْ عٜىٰبٜىٰدْ دَ یَنْعُوَنْسَ سُنْ ذُواْ شٜىٰكٜىٰمْ، كُمَ سُنَ ذُغَ بِرْنِنْ دُواْمِنْ سُتَيَرْ مَكَ؞ 32يَنْذُ سَيْ كَتَاشِ عَثِكِنْ دَرٜىٰنَّنْ، كَيْ دَ مُتَنٜىٰنْكَ دَسُكٜىٰ تَرٜىٰدَكَيْ، كُذُواْ كُٻُيَ عَثِكِنْ ثِيَوَ أَ ڢِيلَيٜىٰ؞ 33سَعَنً غُواْبٜىٰ دَ سَڢٜىٰ دَ ڢِتُواْوَرْ رَانَ، كَتَاشِ كَڢَاطَوَ بِرْنِنْ دَ يَاڧِ بَاڟَمَّنِ؞ لُواْكَثِنْ دَ غَعَلْ دَ مُتَنٜىٰنْسَ سُكَ ڢِتُواْ دُواْمِنْ سُيَاڧٜىٰكَ، سَيْ كَبُغٜىٰسُ يَدَّ كَاعِيَ!»
34سَيْ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَ دَرٜىٰ، سُكَ ٻُيَ عَثِكِنْ ثِيَوَرْ ڢِيلَيٜىٰنْ شٜىٰكٜىٰمْ، سُكَ رَبَ كَنْسُ ڧُنْغِيَ حُطُ؞ 35غَعَلْ طَنْ عٜىٰبٜىٰدْ كُوَ يَڢِتُواْ يَڟَيَ عَڧُواْڢَرْ بِرْنِ دَيْدَيْ لُواْكَثِنْ دَ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَغَ وُرَارٜىٰنْ ٻُيَنْسُ؞ 36سَعَدَّ غَعَلْ يَغَنْسُ، سَيْيَثٜىٰ وَ ظٜىٰبُلْ «دُوبَ! غَا مُتَنٜىٰ سُنَ غَنْغَرُواْوَ دَغَ كَنْ مَنْيَنْ تُدَّيْ!»
سَيْ ظٜىٰبُلْ يَأَمْسَ مَسَ يَثٜىٰ «أَيْ! وَطَنَّنْ بَمُتَنٜىٰ بَنٜىٰ، إِنُوَ ثٜىٰ تَتُدَّيْ كَكٜىٰ غَنِ كَمَرْ مُتَنٜىٰ؞»
37غَعَلْ يَڧَارَ يِنْ مَغَنَ يَثٜىٰ «دُوبَ! أَݣَويْ مُتَنٜىٰنْ دَسُكٜىٰ غَنْغَرُواْوَ دَغَ تُدَّيْ، غَا كُمَ ڧُنْغِيَ طَيَ تَنَ ذُوَا تَهَنْيَرْ دَتَبِے دَغَ وَجٜىٰنْ إِتَاثٜىٰنْ ڟَاڢِ؞»
38سَيْ ظٜىٰبُلْ يَثٜىٰ مَسَ «يَنْذُ! إِنَا ثِكَاوَرْ مَغَنَرْكَ نَطَغَ كَيْ دَ كَثٜىٰ وَيْ، دُوانْمٜىٰ مُكٜىٰ بَوْتَاوَ وَنَّنْ مُتُمْ أَبِمٜىٰلٜىٰكْ؟ وَطَنَّنْ سُونٜىٰ مُتَنٜىٰنْدَ كَرٜىٰنَ؞ كَڢِتُواْ يَنْذُ كَيَاڧٜىٰسُ مَنَ!» 39غَعَلْ كُوَ يَيِ جَغُواْرَنْ مُتَنٜىٰنْ شٜىٰكٜىٰمْ، سُكَ ڢِتَ سُكَ يَاڧِ أَبِمٜىٰلٜىٰكْ؞ 40غَعَلْ يَغُدُ، أَبِمٜىٰلٜىٰكْ كُوَ يَبِيشِ؞ عَكَيِ وَمُتَنٜىٰ دَيَوَ رَوْنِ سَعَدَّ سُكٜىٰ غُدُ ذُوَا بَاكِنْ ڧُواْڢَرْ بِرْنِنْ؞ 41أَبِمٜىٰلٜىٰكْ يَذَوْنَ أَعَرُمَ؞ ظٜىٰبُلْ كُوَ يَكُواْرِ غَعَلْ دَ یَنْعُوَنْسَ دَغَ شٜىٰكٜىٰمْ، غَمَا بَايَسُواْ سُذَوْنَ تَرٜىٰدَسُوبَ؞
42وَشٜىٰغَرِ مُتَنٜىٰنْ شٜىٰكٜىٰمْ ذَاسُ ڢِتَ دَغَ بِرْنِ ذُوَا ڢِيلَيٜىٰ؞ سَيْ عَكَ ڢَطَا وَ أَبِمٜىٰلٜىٰكْ؞ 43سَيْ يَطَوْكِ سُواْجُواْجِنْسَ، يَرَبَسُ ڧُنْغِيَ عُكُ سُكَيِ ݣُونْتُوانْ ٻَوْنَ عَثِكِنْ ثِيَوَ أَ ڢِيلَيٜىٰ؞ دَ يَغَ مُتَنٜىٰ سُنَ ڢِتُواْوَ دَغَ ثِكِنْ بِرْنِنْ، سَيْ أَبِمٜىٰلٜىٰكْ يَڢِتُواْ دَغَ وُرِنْ ٻُيَ دُواْمِنْ يَكَكَّشٜىٰسُ؞ 44أَبِمٜىٰلٜىٰكْ دَ مُتَنٜىٰنْسَ سُكَيِ سَوْرِ سُكَشَا غَبَنْسُ سُكَ تَرٜىٰ ڧُواْڢَرْ بِرْنِنْ؞ سَيْ ڧُنْغِيُواْيِ بِيُ طِنَّنْ سُكَ ڢَاطَوَ مُتَنٜىٰنْ دَ يَاڧِ عَثِكِنْ ڢِيلَيٜىٰنْ، سُكَ كَكَّشٜىٰسُ دُكَ؞ 45أَبِمٜىٰلٜىٰكْ كُوَ يَثِيغَبَدَ يَاڧِ دَ بِرْنِنْ دُكَنْ يِنِ؞ يَثِ بِرْنِنْ دَيَاڧِ، يَكَكَّشٜىٰ مُتَنٜىٰنْ؞ يَڧُواْنٜىٰ بِرْنِنْ، يَبَظَ مَسَ غِشِرِ كُواْعِنَ؞
46سَعَدَّ دُكَنْ شُوغَبَنِّنْ غِدَنْ غُنْكِ بَعَلْ نَيَرْجٜىٰجٜىٰنِيَ أَ شٜىٰكٜىٰمْ سُكَجِ لَابَرِنْ أَبِنْدَ يَڢَرُ، سَيْ سُكَ غُدُ سُكَ شِغَ وُرِنْ ٻُيَ نَغِدَنْ غُنْكِنْ؞ 47عَكَ ڢَطَا وَ أَبِمٜىٰلٜىٰكْ ثٜىٰوَ دُكَنْ شُوغَبَنِّنْ شٜىٰكٜىٰمْ سُنْ تَتَّارُ أَوُرِے طَيَ؞ 48سَيْ يَهَوْرَ ذُوَا بَبَّنْ تُدُنْ ظَلْمُوانْ تَرٜىٰدَ سُواْجُواْجِنْسَ؞ سَيْ يَطَوْكِ غَاتَرِ يَسَارٜىٰ رٜىٰشٜىٰنْ إِتَاثٜىٰ يَرِڧٜىٰ عَكَڢَطَ؞ يَڢَطَا وَسُواْجُواْجِنْسَ تَرٜىٰدَشِ سُيِ سَوْرِ سُيِ كَمَرْ يَدَّ شِے يَيِ؞ 49سَيْ كُواْوَنٜىٰ مُتُمْ يَجٜىٰ يَسَارٜىٰ رٜىٰشٜىٰنْ إِتَاثٜىٰ؞ سَعَنً سُكَبِے أَبِمٜىٰلٜىٰكْ سُكَ تَارَ عِتَتُوَنْ أَجِكِنْ وُرِنْ ٻُيَ أَغِدَنْ غُنْكِنْ؞ سُكَسَا وُتَا عَكَنْ غِنِنْ تَرٜىٰدَ مُتَنٜىٰنْ عَثِكِ؞ دُكَنْ مُتَنٜىٰنْ دَ سُكَ تَارُ عَثِكِنْ وُرِنْ ٻُيَنَّنْ أَ شٜىٰكٜىٰمْ سُكَ مُتُ غَبَاطَيَ، وَجٜىٰنْ مُتُمْ دُبُو طَيَ مَظَا دَ مَاتَا؞
50سَيْ أَبِمٜىٰلٜىٰكْ يَتَڢِے ذُوَا تٜىٰبٜىٰظْ، يَكٜىٰوَيٜىٰ بِرْنِنْ دَ يَاڧِ يَكُمَثِ نَصَرَا عَكَنْتَ؞ 51عَثِكِنْ بِرْنِ أَݣَويْ وَتَ حَصُومِيَا مَيْ ڧَرْڢِنْ غَسْكٜىٰ؞ سَيْ دُكَنْ مُتَنٜىٰنْ غَرِنْ مَظَا دَ مَاتَا حَرْ مَا دَ شُوغَبَنِّنْ، سُكَ غُدُ سُكَ شِغَ ثِكِ؞ سُكَ كُلّٜىٰ كَنْسُ عَثِكِ، سُكَ هَوْرَ كَنْ رُڢِنْ حَصُومِيَرْ؞ 52أَبِمٜىٰلٜىٰكْ يَذُواْ وُرِنْ حَصُومِيَرْ، يَيِ يَاڧِ يَيِ ڧُواْڧَرِ يَشِغَ؞ يَذُواْ كُسَدَ ڧُواْڢَرْ دُواْمِنْ يَسَا وَحَصُومِيَرْ وُتَا؞ 53عَمَّا وَتَ مَثٜىٰ تَجٜىٰڢِ أَبِمٜىٰلٜىٰكْ دَ طَنْ دُوڟٜىٰنْ نِڧَ عَكَيْ، ڧُواْڧُوانْ كَنْسَ يَڢَرْڢَشٜىٰ؞#2 سَمْ 11.21 54نَنْ دَ نَنْ أَبِمٜىٰلٜىٰكْ يَكِرَا سَوْرَيِ مَيْ رِڧٜىٰ مَسَ كَايَنْ يَاڧِنْسَ، يَعُمَرْثٜىٰشِ ثٜىٰوَ «كَظَارٜىٰ تَكُواْبِنْكَ كَكَشٜىٰنِ، دُواْمِنْ بَانَسُواْ عَثٜىٰ وَيْ مَثٜىٰ تَا كَشٜىٰنِ؞» سَيْ سَوْرَيِنْ يَسُواْكِ أَبِمٜىٰلٜىٰكْ، يَمُتُ؞ 55دَ دُكَنْ مُتَنٜىٰنْ إِسْرَٰٓءِيلَ سُكَغَ أَبِمٜىٰلٜىٰكْ يَمُتُ، سَيْ كُواْوَ يَكُواْمَ غِدَنْسَ؞
56تَهَكَنٜىٰ اللَّهْ يَمَيَرْ وَ أَبِمٜىٰلٜىٰكْ مُغُنْتَارْ دَ يَيِ وَبَابَنْسَ دَ يَكَكَّشٜىٰ یَنْعُوَنْسَ مَظَا سَبَعِنْ؞ 57حَكَكُمَ اللَّهْ يَسَا مُتَنٜىٰنْ شٜىٰكٜىٰمْ سُنْ شَا وَهَلَ سَبُواْدَ مُغُنْتَارْسُ، كَمَرْ يَدَّ يُواْتَمْ أَوْتَنْ جِدْعَوْنَ يَڢَطَا مُسُ لُواْكَثِنْ دَ يَيِ ڢُرْثِنْ لَعَنَ عَكَنْسُ؞
Currently Selected:
أَلْڧَلَيْ 9: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
