يُوشَعُ 7
7
إِسْرَٰٓءِيلَ سُنْڢِے سُوانْ مُغُنْتَا
1«دُكْ لُواْكَثِنْدَ نَيِ نِيَّرْ وَرْكَرْدَ إِسْرَٰٓءِيلَ،
سَيْ ذُنُبَنْ ذُرِيَرْ إِڢْرَيِمْ سُبَيَّنَ،
دَ كُمَ مُغُنْتَارْ سَمَرِيَ؞
دُكَنْسُ سُنَ ثِنَمَنَ؞
سُو ٻَرَيِنٜىٰ دَ یَنْ ڢَشِ؞
2بَاسَ تُنَانِ أَ ذُوثِيَارْسُ ثٜىٰوَ
إِنَتُنَاوَا دَ مُغُنْتَارْسُ؞
عِ، أَيُّكَنْ مُغُنْتَارْسُ سُنْ كٜىٰوَيٜىٰسُ؞
كُواْمٜىٰ يَنَ أَ ڢِيلِ أَغَبَنَ؞
3سُنَسَا سَرْكِے يَيِ مُرْنَ دَ مُغُنْتَارْسُ،
شُوغَبَنِّنْ ڧَسَرْ كُمَ سُيِڢَضٍ ثِكِ
دَ ثِنَمَنَرْسُ؞
4دُكَنْسُ مَرْمَرِنْ ظِنَ يَنَ ڧُونَ عَثِكِنْسُ،
كَمَرْ وُتَرْ تُواْيَ غُرَاسَ دَ عَكَ كُنَّ،
وَدَّ مَيْ تُواْيَوَ بَايَ ڧَارَ مَتَ إِتَاثٜىٰ،
تُنْدَغَ لُواْكَثِنْ دَ عَكَ ݣُوٻَ غَارِنْ حَڟِ،
حَرْ ذُوَا لُواْكَثِنْ دَ يِسْتِ يَتَاسَرْ دَشِ؞
5أَ رَانَرْ بِكٍ غِرْمَمَ سَرْكِے،
شُوغَبَنِّنْ سُكَنْ سَاشِ يَبُغُ
دَ ضُوً إِنَبِے،
يَهَطَكَيْ دَ مَرَسَ حَنْكَلِ؞
6ذُوثِيَارْسُ سُنَ ذَاڢِ
كَمَرْ وُتَرْ تُواْيَ غُرَاسَ؞
ڢُشِنْسُ يَكَنْيِ تَثِ دَدَرٜىٰ،
دَ سَڢٜىٰ كُمَ سَيْ يَبُوطٜىٰ كَمَرْ هَرْشٜىٰنْ وُتَا؞
7دُكَنْسُ ذَاڢِنْسُ كَمَرْ وُتَرْ تُواْيَ غُرَاسَ،
سُنَ تَكَشٜىٰ مَاسُ مُلْكِنْسُ؞
دُكَنْ سَرَاكُنَنْسُ سُنْ ڢَاطِ،
عَمَّا بَابُوَنْدَ يَيِ كُوكَنْ نٜىٰمَنْ تَيْمَكُواْ
دَغَ غَرٜىٰنِ؞»
إِسْرَٰٓءِيلَ دَ سَوْرَنْ أَلْعُمَّيْ
8«إِسْرَٰٓءِيلَاوَا عَ أَرٜىٰوَ سُنْ حَطَكَيْ دَ أَلْعُمَّيْ؞
ذُرِيَرْ إِڢْرَيِمْ سُنْ ذَمَ كَمَرْ وَيْنَنٜىٰ،
عَمَّا بَعَجُويٜىٰتَ عَكَنْ وُتَابَ؞
9بَاڧِ سُنَ شَنْ ڧَرْڢِنْسَ،
عَمَّا بَيْ غَانٜىٰبَ؞
غَاشِنْ كَنْسَ يَنَ جُويٜىٰ ڢُرْڢُرَ
عَمَّا بَيْ غَانٜىٰبَ؞
10غِرْمَنْ كَنْ إِسْرَٰٓءِيلَ يَيِ شَيْدَ عَكَنْسُ،
دُكْدَهَكَ بَسُ كُواْمُواْ وُرِينَبَ،
نِے دَ نَكٜىٰ يَهْوٜىٰهْ اللَّهْ نْسَ،
كُواْ كُوَ سُنٜىٰمٜىٰنِ؞
11إِسْرَٰٓءِيلَ عَ أَرٜىٰوَ كَمَرْ كُرْثِيَثٜىٰ،
بَا وُيَ أَ رُوطٜىٰسُ دُواْمِنْ بَا وَيُواْ؞
يَوْ كَجِ سُنَ نٜىٰمَنْ تَيْمَكُواْ دَغَ مَصَرْ،
غُواْبٜىٰ كَجِ سُنَ نٜىٰمَنْ تَيْمَكُواْ دَغَ أَسُّرِيَ؞
12عَمَّا ذَنْ جٜىٰڢَ رَاغَتَ
إِنْ جَٰوُاْسُ ڧَسَا كَمَرْ ڟُنْڟَيٜىٰ،
سَعَدَّ سُكٜىٰ تَاشِ أَ سَمَ،
سَعَدَّ سُكٜىٰ تَڢِيَ تَرٜىٰ،
ذَنْ كَامَسُ؞
13كَيْتُوانْسُ! غَمَا سُنْ غُجٜىٰنِ!
هَلَّكَ تَنَ عَكَنْسُ،
غَمَا سُنْيِ مِنِ تَاوَيٜىٰ!
كُواْدَيَكٜىٰ إِنَ سُواْ إِنْڢَنْشٜىٰسُ،
دُكْدَهَكَ سُنَ ڢَطِنْ ڧَضْيَا عَكَيْنَ؞
14بَسُيِ كُوكَا غَرٜىٰنِ دَ ذُوثِيَا طَيَبَ،
سَعَدَّ سُكٜىٰ كُوكَا أَغَدَجٜىٰنْسُ؞
سُنَ ڟَڟَّٰغَ جِكُنَنْسُ كَمَرْ أَرْنَ،
وَجٜىٰنْ ضُواْڧُوانْ حَڟِ دَ ضُوً إِنَبِے؞
سُنْيِ مِنِ تَاوَيٜىٰ؞
15كُواْدَيَكٜىٰ نِنٜىٰ نَا هُواْرَرْ دَسُو،
نَڧَرْڢَڢَ حَنُّوَنْسُ،
دُكْدَهَكَ، سُنَ ڧُلَّ مِنِ مُغُنْتَا؞
16سُنْجُويَا مِنِ بَايَ
سُنْبِے أَلُّواْلِ مَرَسَ أَمْڢَانِ،
كَمَرْ بَكَنْدَ يَتَنْڨُورٜىٰ،
بَاسُ دَ أَمْڢَانِ؞
شُوغَبَنِّنْسُ دَ تَكُواْبِے نٜىٰ ذَاعَ كَشٜىٰسُ،
سَبُواْدَ دَ بَڧَرْ مَغَنَرْ بَاكِنْسُ؞
وَنَّنْ ذَيْسَا عَيِمُسُ دَارِيَا عَڧَسَرْ مَصَرْ؞»
Currently Selected:
يُوشَعُ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
