يُوشَعُ 6
6
مُتَنٜىٰنْ سُنْيِ تُوبَرْ ڧَضْيَا
1مُتَنٜىٰ سُكَثٜىٰ،
«كُذُواْ مُكُواْمَ وُرِنْ يَهْوٜىٰهْ!
يَيَيَّاغٜىٰمُ،
عَمَّا يَنْذُ ذَيْ وَرْكَرْ دَمُو؞
يَيِ مَنَ رَوْنِ،
عَمَّا ذَيْ طَوْرَ مَنَ مِيكِنْمُ؞
2بَايَنْ ݣُونَ بِيُ ذَيْسَابُنْتَمُ؞
أَ رَانَ تَ عُكُ كُوَ ذَيْ تَاشٜىٰمُ،
مُيِ ذَمَنْمُ أَغَبَنْسَ؞
3مُنَاثٜىٰ، مُدَاغٜىٰ مُسَنْ يَهْوٜىٰهْ؞
ذُوَانْسَ تَبَّتَاثّٜىٰ نٜىٰ كَمَرْ وَايٜىٰوَرْ غَرِ؞
ذَيْ كُوَذُواْ مَنَ كَمَرْ ضُوً سَمَ،
إِرِنْ ڢَرْكُوانْ ضُوً سَمَ دَيَكٜىٰ جِڧٜىٰ ڧَسَا؞»
4إِنْجِ يَهْوٜىٰهْ،
«مٜىٰ ذَنْيِ دَكُو، يَا كُو إِسْرَٰٓءِيلَاوَا؟
مٜىٰ ذَنْيِ دَكُو، يَا كُو يَهُودَاوَا؟
غَاشِ ڧَوْنَرْكُ
كَمَرْ حَزُواْ مَيْ سَوْرِنْ ٻَثٜىٰوَ نٜىٰ،
كَمَرْ رَٻَرْ دَتَكٜىٰ وَڟٜىٰوَ دَ سَڢٜىٰ؞
5نَعَيْكَ أَنَّبَاوَنَ سُكَ سَسَّارٜىٰكُ
تَوُرِنْ مَغَنَرْ بَاكِنْسُ؞
نَكُمَ كَكَّشٜىٰكُ دَ مَغَنَرْ بَاكِنَ؞
لَلَّيْ حُكُنْثِنَ ذَيْ بُغٜىٰكُ
كَمَرْ يَدَّ دُواْلٜىٰ رَانَ تَبِے دَرٜىٰ؞
6بَانَسُوانْ هَدَايُنْكُ،
إِنَ سُوانْ أَمِنْثِ ثِكِنْ ڧَوْنَ دَغَ غَرٜىٰكُ؞
أَيْ، سَنِنْ اللَّهْ يَڢِ هَدَايُنْ ڧُواْنَاوَا؞#مَتْ 9.13؛ 12.7
7«عَمَّا كَمَرْ ءَادَمُ،
سُو مَا سُنْ كَرْيَ يَرْجٜىٰجٜىٰنِيَتَ،
سُنْثِ أَمَانَتَ؞
8غِلٜىٰيَدْ بِرْنِ نٜىٰ نَمَاسُ عَيْكَتَ مُغُنْتَا،
تَنَ كُمَ يَٰوُاْ دَ تَبُوانْ جِنِ؞
9كَمَرْ یَنْ ڢَشِ
سُكَنْيِ وَمُتَنٜىٰ ݣُونْتُوانْ ٻَوْنَ،
حَكَ ڢِرِسْتُواْثِنْسُ مَا سُنَ حَطَكَيْ
سُڟَيَ أَ حَنْيَرْ شٜىٰكٜىٰمْ سُيِ كِسَا،#6.9 شٜىٰكٜىٰمْ: شٜىٰكٜىٰمْ شِينٜىٰ طَيَ دَغَ ثِكِنْ غَرُضُوً مَڢَكَا عِنْدَ مُتُمْ يَ عِيَ غُدُ دَغَ حَنُّنْ مَيْبِنْ حَكِّنْ جِنِ؞ دُوبِے يُواشْ 20.1-9؞
سُنَ عَيْكَتَ مُغُنْتَا إِرِ إِرِ؞
10عِ، نَا غَ وَنِ أَبِنْ بَنْ ڨَمَ أَ غِدَنْ إِسْرَٰٓءِيلَ،
ذُرِيَرْ إِڢْرَيِمْ سُنَ كَارُوَنْثِ
تَوُرِنْ سُجَّدَ غَ أَلُّواْلِ،
لَلَّيْ إِسْرَٰٓءِيلَ سُنْ ڧَظَنْتَرْدَ كَنْسُ؞
11«يَا كُو مُتَنٜىٰنْ يَهُودَ،
أَنْشِرْيَ مُكُ
رَانَرْ دَ ذَاكُ غِرْبٜىٰ حُكُنْثِنْكُ،
أَ سَعَدَّ ذَنْ دَاوُاْ دَ مُتَنٜىٰنَ
دَ عَكَ ݣُوشٜىٰ ذُوَا بَوْتَا،
إِنْكُمَ مَيَرْ مُسُ دَ أَلْبَرْكُنْسُ؞»
Currently Selected:
يُوشَعُ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
