يُوشَعُ 5
5
حُكُنْثِ مَيْ ذُوَا عَكَنْ إِسْرَٰٓءِيلَ دَ يَهُودَ
1إِنْجِ يَهْوٜىٰهْ،
«كُكَسَ كُنّٜىٰ، يَا كُو ڢِرِسْتُواْثِے!
كُسَوْرَرَ، يَا غِدَنْ إِسْرَٰٓءِيلَ!
كُلُورَ، يَا غِدَنْ سَرْكِے!
غَمَا كَلْمُواْمِنْ حُكُنْثِ عَكَنْكُنٜىٰ؞
يَنْذُ تَاكُتَاڧَارٜىٰ!
كُنْ سَا مُتَنٜىٰ عَتَرْكُواْ
تَوُرِنْ سُجَّدَ أَ مِظْڢَ،
كُنْ كَامَسُ دَ رَاغَ عَبَبَّنْ تُدُنْ تَبُوارْ؞
2كُنْ حَڧَ مُسُ رَامِ مَيْ ظُرْڢِ أَ شِتِّمْ،
بَاشَكَّ، ذَنْ حُكُنْتَكُ دُكَ؞
3نِے نَسَنْ ذُرِيَرْ إِڢْرَيِمْ،
إِسْرَٰٓءِيلَ كُمَ بَعَٻُواْيٜىٰ سُكٜىٰ غَرٜىٰنِبَ؞
يَا كُو ذُرِيَرْ إِڢْرَيِمْ، كُنْيِ كَارُوَنْثِ،
إِسْرَٰٓءِيلَ كُمَ كُنْ ڧَظَنْتُ؞
4«أَيُّكَنْسُ بَسُ بَرْسُ
سُكُواْمَ غَرٜىٰنِ اللَّهْ نْسُبَ؞
غَمَا حَلِنْ كَارُوَنْثِ يَنَ ثِكِنْسُ؞
دُواْمِنْ حَكَ بَسُ سَنْ يَهْوٜىٰهْ بَ كُمَ؞
5غِرْمَنْ كَيْ نَجَمَعَرْ إِسْرَٰٓءِيلَ
يَنَ بَادَ شَيْدَ عَكَنْسُ؞
ذُرِيَرْ إِڢْرَيِمْ سُنَ تُنْتُٻٜىٰ سَبُواْدَ ذُنُبَنْسُ،
يَهُودَ مَا سُنَ تُنْتُٻٜىٰ سُنَ بِنْسُ؞
6دَ غَرْكُنَنْسُ نَتُمَكِ دَ نَشَانُو
ذَاسُ تَڢِے نٜىٰمَنْ يَهْوٜىٰهْ؞
عَمَّا بَذَاسُ سَامٜىٰنِبَ،
غَمَا ذَنْ جَنْيٜىٰ كَيْنَ دَغَ غَرٜىٰسُ؞
7نِے يَهْوٜىٰهْ، سُنْيِ مِنِ رَشِنْ أَمِنْثِ،
سُنْ حَيْڢِ یَیَنْ دَ بَنَوَبَ؞
عَبِكٍ سَابُوانْ وَتَا كُوَ
ذَاعَ هَلَكَاسُ تَرٜىٰدَ أَمْڢَانِنْ غُواْنَكِنْسُ؞
8كُبُوسَ ڧَهُوانْ يَاڧِ أَ غِبٜىٰيَ!
كُبُوسَ كَكَكِ أَ رَمَ!
كُيِ كِرَنْ يَاڧِ أَ بٜىٰتَوٜىٰنْ،
يَا كُو سُواْجُواْجِنْ ذُرِيَرْ بِلِيَامِنُ!
9يَنْكِنْ ذُرِيَرْ إِڢْرَيِمْ ذَيْ ذَمَ كُڢَيْ
أَ رَانَرْ حُكُنْثِ؞
عَثِكِنْ ظُرِيُواْيِنْ إِسْرَٰٓءِيلَ،
نَسَنَرْدَ أَبِنْدَ ذَيْ ڢَرُ بَاشَكَّ؞
10شُوغَبَنِّنْ يَهُودَ سُنْ ذَمَ
كَمَرْ مَاسُثِرٜىٰ عَلَمَرْ شَيْدَرْ إِيَاكَرْ غُواْنَ،
ذَنْ ظُبُواْ مُسُ ڢُشِنَ
كَمَرْ ضُوَ؞
11إِسْرَٰٓءِيلَ عَ أَرٜىٰوَ، أَنْدَنّٜىٰسُ،
شَرِيعَ تَنِڧَسُ،
غَمَا سُنْسَا كَيْ غَ بِنْ غُمَكَ؞
12دُواْمِنْ حَكَ نَذَمَ كَمَرْ غَضَ
غَ مُلْكٍ إِسْرَٰٓءِيلَ،
كَمَرْ أَبِنْدَ يَكَٰوُاْ رُٻٜىٰوَ
غَ مُلْكٍ يَهُودَ؞
13سَعَدَّ مُلْكٍ إِسْرَٰٓءِيلَ سُكَغَ ثِيوُانْسُ،
مُلْكٍ يَهُودَ كُمَ سُكَغَ رَوْنِنْسُ،
سَيْ إِسْرَٰٓءِيلَ سُنْ عَيْكَ نٜىٰمَنْ تَيْمَكُواْ
أَعَسُّرِيَ وُرِنْ بَبَّنْ سَرْكِے؞
عَمَّا بَبَّنْ سَرْكِنْ بَيْ عِيَ تَيْمَكُواْ
كُواْ وَرْكَرْدَ ثِيوُانْسُبَ؞
14كَمَرْ ذَاكِ ذَنْ ڢَاطَ وَمُلْكٍ إِسْرَٰٓءِيلَ،
كَمَرْ ذَاكِ مَيْ ڧَرْڢِے عَكَنْ مُلْكٍ يَهُودَ؞
ذَنْ يَيَّاغٜىٰسُ إِنْتَڢِے،
بَابُ كُمَ وَنْدَ يَ إِسَ
يَكُٻُتَرْ دَسُو دَغَ هَنُّونَ؞
15ذَنْ جَنْيٜىٰ كَيْنَ،
حَرْ سَيْ سُنْ أَمِنْثٜىٰ دَ لَيْڢِنْسُ،
سُنْ نٜىٰمِ تَيْمَكُواْ دَغَ غَرٜىٰنِ؞
عَثِكِنْ ڟَنَنِنْ وَهَلَرْسُ نٜىٰ
ذَاسُ نٜىٰمٜىٰنِ دَ دُكَنْ رَنْسُ؞»
Currently Selected:
يُوشَعُ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
