يُوشَعُ 4
4
اللَّهْ يَڧِرْغَ لَيْڢُواْڢِنْ إِسْرَٰٓءِيلَ
1كُجِ مَغَنَرْ يَهْوٜىٰهْ،
يَا كُو مُتَنٜىٰنْ إِسْرَٰٓءِيلَ،
غَمَا يَهْوٜىٰهْ يَنَدَ ڧَارَ عَكَنْكُ،
كُو مَذَوْنَنْ ڧَسَرْ؞
«غَمَا بَابُ أَمِنْثِ، بَابُ ڧَوْنَ،
بَابُ سَنِنَ عَڧَسَرْ، نِے دَ نَكٜىٰ اللَّهْ نْكُ؞
2أَݣَويْ ضَنْڟُوَارْ ڧَضْيَا دَ كَشٜىٰ كَشٜىٰ،
دَ ڧَضْيَا دَ سَاتَادَ ظِنَ دَ يَوَنْ ضِكِثِ،
دَ كُمَ ظُبْدَ جِنِ عَكَيْ عَكَيْ؞
3سَبُواْدَ حَكَ، ڧَسَرْ تَكٜىٰ بُوشٜىٰوَ،
كُواْمٜىٰنْ دَيَكٜىٰ ثِكِنْتَ كُمَ يَنَ مُتُوَ؞
دُكَنْ دَبُّواْبِے دَ ڟُنْڟَيٜىٰنْ سَرَرِنْ سَمَ،
دَ كِيڢَيٜىٰنْ تٜىٰكُ سُنَ مُتُوَ؞»
يَهْوٜىٰهْ يَظَرْغِ ڢِرِسْتُواْثِے
4إِنْجِ يَهْوٜىٰهْ،
«كَدَ وَنِ يَظَرْغِ وَنِ،
كُواْ يَڟَاوَتَا مَسَ،
غَمَا دَ ڢِرِسْتُواْثِے نٜىٰ نَكٜىٰ دَ دَامُوَ؞
5دُواْمِنْ حَكَ، كَيْ ڢِرِسْتِ،
ذَاكَيِ تُنْتُٻٜىٰ دَ رَانَ،
أَنَّبِے مَا ذَيْ يِتُنْتُٻٜىٰ تَرٜىٰدَكَيْ دَ دَرٜىٰ؞
نِے كُوَ ذَنْ هَلَّكَ إِسْرَٰٓءِيلَ مَامَرْكُ؞
6مُتَنٜىٰنَ سُنَ هَلَّكَ سَبُواْدَ رَشِنْ سَنِ؞
تُنْدَيَكٜىٰ كُنْڧِ نٜىٰمَنْ سَنِ،
نِے مَا ذَنْڧِيكُ دَغَ ذَمَنْ ڢِرِسْتُواْثِنَ؞
سَبُواْدَ كُنْ مَنْتَادَ كُواْيَرْوَرْ اللَّهْ نْكُ،
نِے مَا ذَنْ مَنْتَادَ یَیَنْكُ؞
7غَاشِ، يَايِنْ دَ ڢِرِسْتُواْثِے سُنَ ڧَارَ يَوَ،
حَكَمَا ذُنُوبِ يَنَ تَڧَارَ يَوَ؞
ذَنْ كُوَ مَيْدَ دَرَجَرْسُ تَذَمَ كُنْيَا؞
8ڢِرِسْتُواْثِے سُنَ ڧَرْڢَڢَ مُتَنٜىٰ ثِكِنْ ذُنُوبِ
دُواْمِنْ سُثِ رِيبَ
دَغَ هَدَايَرْ ذُنُبَنْ مُتَنٜىٰنَ؞
9تُواْ، كَمَرْ يَدَّ مُتَنٜىٰ سُكٜىٰ،
حَكَمَا ڢِرِسْتُواْثِنْ سُكٜىٰ،
ذَنْ حُكُنْتَسُ سَبُواْدَ مُغُنْتَارْسُ،
ذَنْ سَاكَ مُسُ دَيْدَيْ أَيُّكَنْسُ؞
10ذَاسُثِ، عَمَّا بَذَاسُ ڧُواْشِبَ؞
كُواْ دَمَا سُنْيِ كَارُوَنْثِ نَنٜىٰمَنْ یَیَ،
بَذَاسُ سَامِ حَيْڢُوَبَ،
غَمَا سُنْڧِے يَهْوٜىٰهْ،
سُنْبِے وَطَنْسُ أَلُّواْلِ؞»
يَهْوٜىٰهْ يَنَ ڨَمَرْ بَوْتَرْ غُمَكَ
11إِنْجِ يَهْوٜىٰهْ،
«جِنْ دَاطِے دَ ضُوً إِنَبِے
دَ وَنْدَ بَايَ كَٰوُاْ بُغُوَبَ
سُكَنْ كَوَرْدَ حَنْكَلِنْ مُتَنٜىٰنَ؞
12مُتَنٜىٰنَ سُنَ نٜىٰمَنْ سَنِ
دَغَ وُرِنْ غُنْكِنْ كَتَكُواْ
يَڢَطَا مُسُ أَبِنْدَ ذَاسُيِ!
سُنَ ڟَمَّنِ غُنْكِنْ سَنْدَا ذَيْ ڢَطَا مُسُ
أَبُبُوَ مَاسُ ذُوَا!
حَلِنْ كَارُوَنْثِ يَرُوطٜىٰسُ،
سُنْ بَرْ اللَّهْ نْسُ
سُكَ مِيڧَ كَنْسُ غَ بِنْ أَلُّواْلِ
كَمَرْ مَثٜىٰنْ دَتَبَرْ مِجِنْتَ
تَذَمَ كَارُوَ؞
13سُنَ مِيڧَ هَدَايُ غَ غُمَكَ
عَكَنْ مَنْيَنْ تُدَّيْ؞
سُنَ هَوَنْ تُدَّيْ سُڧُواْنَ تُرَارٜىٰ
عَڧَرْڧَشِنْ إِنُوَ مَيْݣَوْ
تَ إِتَاثٜىٰنْ ڟَاڢِ دَ تَدَرْغَظَ،
دَ تَ إِتَاثٜىٰ مَرَرْ بُوشٜىٰوَ؞
«دُواْمِنْ حَكَ یَیَنْكُ مَتَ
سُنْ شِغَ كَارُوَنْثِ،
مَتَنْ یَیَنْكُ كُمَ
سُنْ شِغَ ظِنَ؞
14بَذَنْ حُكُنْتَ یَیَنْكُ مَتَ
دُواْمِنْ سُنَ كَارُوَنْثِبَ،
كُواْ كُوَ مَتَنْ یَیَنْكُ
دُواْمِنْ سُنَ ظِنَبَ،
غَمَا كُو مَظَا مَا كُنَ يِنْ حَكَ؞
كُنَ ݣُونَ دَ كَارُوَيْ أَطَكُنَنْ غُمَكَ،
كُنَ كُمَ بِنْ وَطَنْسُ كَارُوَيْ أَوَجٜىٰ؞
أَيْ، دُكْ وَنْدَ يَڧِجِ، بَذَيْڧِ غَنِبَ؞
15«يَا كُو مُتَنٜىٰنْ إِسْرَٰٓءِيلَ،
كُواْدَيَكٜىٰ كُنَ كَارُوَنْثِ،
كَدَ ڢَا يَهُودَ تَشِغَ وَنَّنْ لَيْڢِے؞
كَدَ كُيِ سُجَّدَ أَ غِلْغَلْ،
كُواْ كُهَوْرَ ذُوَا بٜىٰتَوٜىٰنْ،#4.15 بٜىٰتَوٜىٰنْ: أَ نَنْ نٜىٰ أَنْيِ أَمْڢَانِ دَ سُونَنْ بٜىٰتَوٜىٰنْ مَيْ مَعَنَ غِدَنْ ذُنُوبِ أَمَيْمَكُوانْ بٜىٰتٜىٰلْ مَيْ مَعَنَ غِدَنْ اللَّهْ دُواْمِنْ عَيِ وَسُجَّدَرْسُ بَعَ؞
كُواْ كُيِ ضَنْڟُوَا دَ سُونَنَ أَوُرِنْ،
دَ سُونَنْ يَهْوٜىٰهْ مَيْ رَيْ؞
16غَاشِ، إِسْرَٰٓءِيلَاوَا سُنَدَ تَوْرِنْ كَيْ
كَمَرْ جَاكِنْ دُواْكِ؞
تَيَيَا يَهْوٜىٰهْ ذَيْ يِكِيوُانْسُ أَ حَنْكَلِ
كَمَرْ یَرْ تُنْكِيَرْ
دَ عَكٜىٰ كِيوُانْتَ أَ ڢِيلِ مَيْ ڢَاطِ؟
17عَڨَلٜىٰ مُتَنٜىٰنْ إِسْرَٰٓءِيلَ عَ أَرٜىٰوَ#4.17 إِسْرَٰٓءِيلَ عَ أَرٜىٰوَ: دَ إِبْرَانِيَنْثِ أَنْرُبُوتَ إِڢْرَيِمْ نٜىٰ أَنَنْ، عَمَّا إِڢْرَيِمْ يَنَ ݣُوتَنْتَا دُكَنْ إِسْرَٰٓءِيلَ عَ أَرٜىٰوَ؞ سُو كَطَيْ،
دَ يَكٜىٰبِنْ غُمَكَ يَشَا كَنْسُ؞
18بَايَنْدَ سُنْ ڧَارٜىٰ شَيٜىٰ شَيٜىٰنْسُ،
سَيْ سُشِغَ كَارُوَنْثِنْسُ بَا ڟَيَاوَا؞
سُنْڢِے سُوانْ أَبُبُوَنْ بَنْ كُنْيَا
مَيْمَكُوانْ سَامُنْ غِرْمَمَاوَا؞
19غُوغُوَرْ إِسْكَ ذَاتَ كَوَرْ دَسُو
هَدَايُنْسُ غَ غُمَكَ
بَذَاسُ كَٰوُاْ مُسُ كُواْمٜىٰبَ سَيْ كُنْيَا؞»
Currently Selected:
يُوشَعُ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
