يُوشَعُ 1
1
1أَ زَامَانِنْ دَ سَرْكِے عُزِّيَ يَكٜىٰ مُلْكِ أَ يَهُودَ، أَنَّبِے يُوشَعُ يَڢَطِ مَغَنَرْ دَ يَهْوٜىٰهْ يَغَيَ مَسَ؞ يَكُمَ ثِيغَبَ أَ زَامَانِنْ وَطَنَّنْ سَرَاكُنَ، وَتُواْ سَرْكِے يُواْتَمْ دَ سَرْكِے أَهَظْ دَ كُمَ سَرْكِے هٜىٰزٜىٰكِيَ، كُواْوَنّٜىٰنْسُ يَغَاجِ مُلْكِ دَغَ وَنْدَ يَمُتُ؞ أَوَنَّنْ لُواْكَثِ نٜىٰ يٜىٰرُواْبُواْوَمْ طَنْ يُواْوَشْ يَكٜىٰ مُلْكِ عَ إِسْرَٰٓءِيلَ؞ أَ ذَامَانَنْ مُلْكٍ سَرَاكُنَنَّنْ نٜىٰ يَهْوٜىٰهْ يَعَيْكَ دَ سَڧُواْنِنْسَ وُرِنْ يُوشَعُ طَنْ بٜىٰيٜىٰرِ؞#2 سَرْ 14.23—15.7؛ 15.32—16.20؛ 18.1—20.21؛ 2 تَارْ 26.1—27.8؛ 28.1—32.33
تَارِيحِنْ عِيَلِنْ يُوشَعُ
2ڢَرْكُوانْ سَڧُوانْ دَ يَهْوٜىٰهْ يَڢَطَا وَ يُوشَعُ شِينٜىٰ «كَتَڢِے كَعَوْرِ كَارُوَ، كَحَيْڢِ یَیَنْ كَارُوَنْثِ؞ غَمَا تَهَكَ مُتَنٜىٰنَ سُنْشِغَ كَارُوَنْثِ سُواْسَيْ تَوُرِنْ ڧِينَ،» إِنْجِ يَهْوٜىٰهْ؞
3سَيْ يُوشَعُ يَتَڢِے يَ عَوْرِ غُواْمٜىٰرْ یَرْ دِبْلَيِمْ، تَا كُوَيِ ثِكِ تَحَيْڢَ مَسَ طَا؞ 4سَيْ يَهْوٜىٰهْ يَثٜىٰ وَ يُوشَعُ «كَسَا مَسَ سُونَ يٜىٰظِرٜىٰيٜىٰلْ،#1.4 يٜىٰظِرٜىٰيٜىٰلْ: دَ إِبْرَانِيَنْثِ مَعَنَرْ كَلْمَرْ نَنْ عِتَثٜىٰ اللَّهْ يَبَظَ، مِصَالِ إِرِنَّشُوكَ؞ غَمَا بَدَ دَطٜىٰوَبَ ذَنْ عَيْكَ وَغِدَنْ يٜىٰهُو دَ حُكُنْثِ سَبُواْدَ جِنِنْدَ يَبَظَ أَ يٜىٰظِرٜىٰيٜىٰلْ؞ ذَنْ كُمَسَا مُلْكٍ غِدَنْ إِسْرَٰٓءِيلَ يَڧَارٜىٰ؞#2 سَرْ 10.11 5أَوَنَّنْ رَانَ ذَنْ كَرْيَ بَكَنْ إِسْرَٰٓءِيلَ، وَتُواْ ڧَرْڢِنْسُ، أَ ݣُورِنْ يٜىٰظِرٜىٰيٜىٰلْ؞»
6غُواْمٜىٰرْ تَسَاكٜىٰيِنْ ثِكِ تَحَيْڢِ یَ مَثٜىٰ؞ سَيْ يَهْوٜىٰهْ يَثٜىٰ وَ يُوشَعُ «كَسَا مَتَ سُنَ لُواْ رُهَمَ،#1.6 لُواْ رُهَمَ: دَ إِبْرَانِيَنْثِ مَعَنَرْ كَلْمَرْ نَنْ عِتَثٜىٰ بَابُ جِنْڧَيْ؞ غَمَا بَذَنْ سَاكٜىٰيِنْ جِنْڧَيْ غَ مُتَنٜىٰنْ غِدَنْ إِسْرَٰٓءِيلَ بَ؞ بَاشَكَّ بَذَنْ غَاڢَرْثٜىٰسُبَ كُمَ؞ 7عَمَّا دُكْدَهَكَ ذَنْجِے تَوْسَيِنْ مُتَنٜىٰنْ غِدَنْ يَهُودَ، نِے يَهْوٜىٰهْ اللَّهْ نْسُ ذَنْثٜىٰثٜىٰسُ، عَمَّا بَتَوُرِنْ بَكَ، كُواْ تَتَكُواْبِے، كُواْ تَيَاڧِبَ، كُواْ كُوَ تَدَوَكِنْ يَاڧِ دَ سُواْجُواْجِنْ مَاسُ هَوَنْسُبَ؞»
8بَايَنْدَ غُواْمٜىٰرْ تَيَيٜىٰ یَرْتَ لُواْ رُهَمَ، سَيْ تَسَاكٜىٰ طَوْكَرْ ثِكِ، تَحَيْڢِ طَا نَمِجِ؞ 9يَهْوٜىٰهْ يَثٜىٰ «أَسَا مَسَ سُونَ لُواْ أَمِّ؞#1.9 لُواْ أَمِّ: دَ إِبْرَانِيَنْثِ مَعَنَرْ كَلْمَرْ نَنْ عِتَثٜىٰ بَ مُتَنٜىٰنَبَنٜىٰ؞ غَمَا مُتَنٜىٰنْ إِسْرَٰٓءِيلَ بَمُتَنٜىٰنَ بَنٜىٰ، نِے كُمَ بَ اللَّهْ نْسُ بَنٜىٰ؞»
ذَاعَ سَابُنْتَا إِسْرَٰٓءِيلَ
10دُكْدَهَكَ يَوَنْ ذُرِيَرْ مُتَنٜىٰنْ إِسْرَٰٓءِيلَ ذَيْ كَسَنْثٜىٰ كَمَرْ يَشِ عَبَاكِنْ تٜىٰكُ، وَنْدَ بَعَ عِيَ عَوْنَاوَا كُواْ ڧِرْغَوَ؞ عِنْدَ كُمَ دَا عَكَثٜىٰ مُكُ «كَا بَمُتَنٜىٰنَ بَنٜىٰ،» ذَاعَ ثٜىٰ دَكُو «یَیَنْ اللَّهْ مَيْ رَيْ؞»#رُوامْ 9.26 11سَعَنً ذَاعَ حَطَ یَنْ ڧَسَرْ يَهُودَ دَ یَنْ ڧَسَرْ إِسْرَٰٓءِيلَ سُذَمَ طَيَ؞ ذَاسُ نَطَ وَكَنْسُ شُوغَبَا طَيَ دَ شُوغَبَنَّنْ كُوَ ذَاسُڢِتَ سُڨُوثٜىٰ ڧَسَرْ؞ غَمَا رَانَرْ نَنْ ذَاتَ ذَمَ بَبَّرْ رَانَ، رَانَثٜىٰ تَ يٜىٰظِرٜىٰيٜىٰلْ!
Currently Selected:
يُوشَعُ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
