يُوشَعُ 2
2
1«سَيْ كَكِرَا یَنْعُوَنْكَ نَ إِسْرَٰٓءِيلَ، ‹مُتَنٜىٰنَ›،#2.1مُتَنٜىٰنَ: دَ إِبْرَانِيَنْثِ أَنْرُبُوتَ أَمِّ نٜىٰ أَنَنْ؞ یَنْعُوَنْكَ مَتَ كُمَ، ‹مَاسُ جِنْڧَيْ؞› »#2.1مَاسُ جِنْڧَيْ: دَ إِبْرَانِيَنْثِ أَنْرُبُوتَ رُهَمَ نٜىٰ أَنَنْ؞
رَشِنْ أَمِنْثِنْ غُواْمٜىٰرْ، رَشِنْ أَمِنْثِنْ إِسْرَٰٓءِيلَ
2«كُڟَاوَتَا وَ إِسْرَٰٓءِيلَ مَامَرْكُ،
كُڟَاوَتَا مَتَ،
غَمَا عِتَ بَمَاتَتَ بَثٜىٰ،
نِے كُمَ بَمِجِنْتَبَ؞
كُضُواْڧٜىٰتَ تَدَيْنَ كَلُّواْ إِرِنَّكَارُوَيْ،
تَرَبُ دَ مَاسُ ضُنْغُمَرْ نُواْنُوانْتَ؞
3إِنْ بَهَكَبَ، ذَنْ بُوطٜىٰتَ أَ ڢِيلِ
إِنْبَرْتَ ڟِرَرَ كَمَرْ رَانَرْ دَ عَكَ حَيْڢٜىٰتَ،
إِنْبَرْتَ كَمَرْ دَاجِ،
كَمَرْ بُوسَشِّيَرْ ڧَسَا،
إِنْكَشٜىٰتَ دَ ڧِشِنْ ضُوَ؞
4بَذَنْ نُونَاوَ یَیَنْتَ جِنْڧَيْ بَ،
غَمَا سُو بَنَوَ بَنٜىٰ،
سُو حَيْڢُوَرْ كَارُوَنْثِ نٜىٰ؞
5مَامَرْسُ لَلَتَثِّيَرْ كَارُوَثٜىٰ،
تَا كُوَ حَيْڢٜىٰسُ ثِكِنْ رَشِنْ كُنْيَا؞
غَمَا تَاثٜىٰ، ‹ذَنْبِے مَسُواْيَنَ،
غَمَا سُنْبَانِ دُكَنْ كُواْمٜىٰ،
عَبِنْثِنَ دَ ضُوَنَ،
دَ عُلُونَ دَ نَلِيلِنَ،
دَ مَنْ ظَيْتُنَ دَ ضُوً إِنَبِنَ؞›
6سَبُواْدَ حَكَ،
ذَنْكٜىٰوَيٜىٰ إِسْرَٰٓءِيلَ دَ كَتَنْغَرْ ڧَيُواْيِ؞
نِے ذَنْتَرٜىٰ حَنْيَرْتَ،
دُواْمِنْ تَٻَثٜىٰ تَرَسَ عِنْدَ ذَاتَبِے؞
7أَغُجٜىٰ ذَاتَبِے مَسُواْيَنْتَ،
عَمَّا بَذَاتَ كَامَسُبَ؞
ذَاتَ نٜىٰمٜىٰسُ،
عَمَّا بَذَاتَ سَامٜىٰسُبَ؞
سَعَنً ذَاتَثٜىٰ، ‹نِے ذَنْكُواْمَ
وُرِنْ مِجِنَ نَڢَرْكُواْ،
غَمَا ذَمَنَ نَدَا يَڢِ مِنِ نَيَنْظُ!›
8بَتَسَنِبَ ثٜىٰوَ
نِنٜىٰ نَابَاتَ حَڟِنْ،
دَ ضُوً إِنَبِنْ دَامَنْ ظَيْتُنْ،
عَيَلْوَثٜىٰ نَبَاتَ ظِينَارِيَ دَ أَظُرْڢَرْدَ
تَكٜىٰ أَمْڢَانِ دَسُو أَغِدَنْ بَعَلْ؞
9سَبُواْدَ حَكَ، ذَنْ كَرْٻِ حَڟِنَ
لُواْكَثِنْدَ يَ إِسَ غِرْبِے،
دَ ضُوً إِنَبِنَ دَيْدَيْ لُواْكَثِنْسَ؞
عِ، ذَنْݣُوشِ عُلُونَ دَ لِيلِنَ دَ نَبَاتَ
دُواْمِنْ تَطِنْكَ رِغَرْ رُڢٜىٰ ڟِرَيْثِنْتَ؞
10تُواْ، يَنْذُ ذَنْتُوٻٜىٰتَ أَ ڢِيلِ،
أَعِدُوانْ مَسُواْيَنْتَ؞
بَابُوَنْدَ ذَيْ عِيَ كُٻُتَرْدَ عِتَ دَغَ هَنُّونَ؞
11ذَنْكَٰوُاْ ڧَرْشٜىٰنْ ڢَضٍ ثِكِنْتَ،
دَ بُكُكُوَنْتَ نَشٜىٰكَرَا شٜىٰكَرَا،
دَ نَسَابُوانْ وَتَ دَ نَهُتُ تَمَكُواْ،
دَ دُكْ دَيْ بُكُكُوَنْتَ نَمُسَمَّنْ؞
12ذَنْٻَاتَ عِتَتُوَنْ إِنَبِنْتَ،
دَ عِتَتُوَنْ ٻَوْرٜىٰنْتَ وَطَنْدَ تَكٜىٰثٜىٰوَ
‹وَطَنَّنْ سُونٜىٰ لَادَنَ
وَنْدَ مَسُواْيَنَ سُكَبَانِ؞›
ذَنْسَا سُذَمَ كُرْمِ،
نَمُواْمِنْ دَاجِ سُثِنْيٜىٰسُ؞
13ذَنْحُكُنْتَتَ
دُواْمِنْ لُواْكَتَنْ دَ تَمَنْتَادَنِے
تَڧُواْنَ تُرَارٜىٰنْ هَدَايُ غَ بَعَلْ،
تَسَنْيَ كَايَنْ أَدُوانْتَ دَ ذُواْبَّنْ ظِينَارِيَ،
تَبِے مَسُواْيَنْتَ؞
نِے يَهْوٜىٰهْ نَا ڢَطَا؞»
يَهْوٜىٰهْ يَنَ سُوانْ إِسْرَٰٓءِيلَ
14«دُواْمِنْ حَكَ، غَاشِ، ذَنْ لَلَّشٜىٰتَ
إِنْكَيْ تَثِكِنْ دَاجِ،
إِنْيِ مَتَ مَغَنَ تَݣُونْتَرْدَ رَيْ؞
15بَايَنْ حَكَ
ذَنْمَيَرْ مَتَ غُواْنَرْ إِنَبِنْتَ،
وُرِنْ وَهَلَرْ نَنْ ݣُورِنْ عَكُوارْ كُمَ،
إِنْمَيْدَشِ ڧُواْڢَرْ بٜىٰغٜىٰ؞
عَثَنْ ذَاتَ أَمْسَ مِنِ
كَمَرْ عَݣُونَكِنْ ڧُرُثِيَرْتَ،
كَمَرْ لُواْكَثِنْ دَ تَڢِتُواْ دَغَ ڧَسَرْ مَصَرْ؞#يُواشْ 7.24-26
16نِے يَهْوٜىٰهْ نَاثٜىٰ،
أَ رَانَرْ نَنْ ذَاتَثٜىٰ دَنِے، ‹مِجِنَ،›
بَذَاتَ ڧَارَثٜىٰ دَنِے ‹بَعَلْ نَوَ› بَ؞
17غَمَا ذَنْكَوَرْدَ سُونَيٜىٰنْ بَعَلْ
دَغَ بَاكِنْتَ؞
بَذَاعَ كُوَ ڧَارَ كِرَنْسُ دَ سُونَيٜىٰنْسُبَ؞
18أَ رَانَرْ نَنْ ذَنْيِ أَلْڧَوَرِ
دَ نَمُواْمِنْ دَاجِ دَ ڟُنْڟَيٜىٰ،
دَ حَلِتُّو مَاسُ رَرَّڢٜىٰ
دُواْمِنْ مُتَنٜىٰنَ سُيِ ذَمَنْسُ لَاڢِيَ؞
ذَنْ كُمَ كَكَّرْيَ بَكَ دَ تَكُواْبِے،
إِنْكُمَسَا يَاڧِ يَڧَارٜىٰ عَڧَسَرْ،
سَعَنً ذَاسُيِ ذَمَنْسُ لَاڢِيَ لَوْ؞
19«ذَنْ طَوْكٜىٰكِ كِذَمَ مَاتَتَ تَهَرْ أَبَدَا،
ذَنْ عَوْرٜىٰكِ ثِكِنْ أَدَلْثِے دَ غَسْكِيَ،
إِنْ نُونَمِكِ ڧَوْنَ مَرَرْ ثَنْجَاوَا،
إِنْكُمَ نُونَ مِكِ جِنْڧَيْ؞
20ذَنْ طَوْرَ عَوْرٜىٰ دَكٜىٰ ثِكِنْ أَمِنْثِ،
ذَاكِ كُوَ سَنِ نِنٜىٰ يَهْوٜىٰهْ؞»
21إِنْجِ يَهْوٜىٰهْ،
«أَ رَانَرْ نَنْ ڢَا ذَنَمْسَ،
ذَنَمْسَا وَسَمَّيْ،
سُو كُمَ ذَاسُ أَمْسَ وَڧَسَا؞
22ڧَسَا كُمَ ذَاتَ أَمْسَ دَ أَمْڢَانِنْ حَڟِ،
دَ ضُوً إِنَبِے دَ مَنْ ظَيْتُنْ،
ذَاسُ أَمْسَ دَ مُرْيَ طَيَ سُثٜىٰ،
‹يٜىٰظِرٜىٰيٜىٰلْ، شُوكَرْ اللَّهْ!›
23ذَنْشُوكَ مُتَنٜىٰنَ عَڧَسَرْ دُواْمِنْ كَيْنَ؞
ذَنْ كُمَيِ وَ ‹لُواْ رُهَمَ،› جِنْڧَيْ،
إِنْكُمَ ثٜىٰ وَ ‹لُواْ أَمِّ›، ‹مُتَنٜىٰنَ!›
سُو مَا ذَاسُثٜىٰ مِنِ، ‹كَيْ نٜىٰ اللَّهْ نَا!› »#رُوامْ 9.25؛ 1 بِتْ 2.10
Currently Selected:
يُوشَعُ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
