هَغَّيْ 1
1
أَنْمُواْڟَ ظُكَاتَنْ جَمَعَ سُغِنَ غِدَنْ يَهْوٜىٰهْ
1عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ أَ رَانَ تَڢَرْكُواْ غَ وَتَ نَشِدَ، يَهْوٜىٰهْ يَايِ مَغَنَ دَ أَنَّبِے هَغَّيْ؞ مَغَنَرْ نَنْ دُواْمِنْ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ نٜىٰ دَ كُمَ دُواْمِنْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ؞ غَا مَغَنَرْ،#عُزَيْرُ 4.24—5.2؛ 6.14 2«إِنْجِ يَهْوٜىٰهْ مَيْ ضُنْدُنَا، ‹مُتَنٜىٰنَّنْ سُنَ ثٜىٰوَ لُواْكَثِنْ سَاكٜىٰ غِنَا غِدَنْ يَهْوٜىٰهْ بَيْيِبَ تُكُنَ؞› »
3سَيْ يَهْوٜىٰهْ يَيِ مَغَنَ تَبَاكِنْ أَنَّبِے هَغَّيْ ثٜىٰوَ 4« ‹أَ لُواْكَثِنَّنْ كُنَ ذَمَ أَغِدَاجٜىٰنْكُ دَ عَكَيِ أَدُوانْسُ دَ كَتَكَيْ مَاسُ ݣَوْ، سَعَنً غِدَنْ يَهْوٜىٰهْ يَنَ ذَمَنْ كُڢَيْ؞ أَغَنِنْكُ وَنَّنْ يَنَدَ ݣَوْ؟› 5إِنْجِ يَهْوٜىٰهْ مَيْ ضُنْدُنَا، ‹كُدُوبِے رَايُوَرْكُ! 6غَاشِ، كُكَنْيِ شُوكَ دَيَوَ، عَمَّا كُغِرْبٜىٰ كَطَنْ؞ كُكَنْ ثِ عَبِنْثِ، عَمَّا بَ كُوَ ڧُواْشِ؞ كُكَنْ شَا ضُوَ، عَمَّا بَايَ كَشٜىٰ ڧِشِ؞ كُكَنْسَا رِيغُنَ، عَمَّا بَاكُ جِنْ طُمِ؞ وَنْدَ يَكٜىٰ كَرْٻَرْ أَلْبَشِ، كَمَرْ يَنَ سَا عَثِكِنْ أَلْجِهُنْدَ يَهُجٜىٰنٜىٰ؞›
7«إِنْجِ يَهْوٜىٰهْ مَيْ ضُنْدُنَا، ‹كُدُوبِے رَايُوَرْكُ! 8يَنْذُ كُهَوْرَ عَكَنْ تُدَّيْ، كُيَنْكَ عِتَتُوَنْ كَتَكَيْ كُكَٰوُاْ كُغِنَ غِدَانَ، دُواْمِنْ إِنْجِ دَاطِنْسَ إِنْكُمَ سَامِ غِرْمَمَاوَا؞
9« ‹غَاشِ، كُكَنْ سَا رَيْ ذَاكُ سَامِ دَيَوَ، عَمَّا سَيْ كُغَ كُنْ سَامِ كَطَنْ؞ طَنْ كَطَنْ طِنْ مَا دَ كُكَنْ كَٰوُاْ غِدَا، نَكَنْ هُورَ شِ يَتَڢِے؞ مٜىٰيَسَا يَكٜىٰ ڢَرُوَ حَكَ؟ سَبُواْدَ غِدَانَ دَ عَكَبَرِ كُڢَيْ نٜىٰ! عَمَّا كُواْوَنّٜىٰنْكُ يَنَ ڢَامَ دَ غِنِنْ غِدَنْسَ،› إِنْجِ يَهْوٜىٰهْ مَيْ ضُنْدُنَا؞ 10‹شِيَسَا سَمَ تَڧِے بَادَ رَٻَ، ڧَسَا كُمَ تَڧِے بَادَ أَمْڢَانِ؞ 11نَكُمَ كَٰوُاْ رَشِنْ ضُوَ عَڧَسَرْدَ كَنْ تُدَّيْ دَ كَنْ غُواْنَكِنْ حَڟِ دَ غُواْنَكِنْ إِنَبِے دَ نَظَيْتُنْ دَ دُكْ دَيْ أَبُبُوَنْ دَسُكٜىٰ ڟِرُواْوَ دَغَ ڧَسَا؞ وَنَّنْ رَشِنْ ضُوً يَكَٰوُاْ هَسَرَ عَكَنْ كُو یَنْ أَدَمْ دَ دَبُّواْبِے دَ دُكْ أَبِنْدَ كُكَشَا ڢَامَ دُوانْ كُسَامُ؞› »
جَمَعَ سُنْيِ بِيَيَّ
12سَيْ ظٜىٰرُبَّبٜىٰلْ طَنْ شٜىٰيَلْتِيٜىٰلْ دَ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ، تَرٜىٰدَ دُكَنْ ضَغُواْوَرْ جَمَعَرْ سُكَيِ بِيَيَّ دَ مُرْيَرْ يَهْوٜىٰهْ اللَّهْ نْسُ، سُكَ كُمَيِ بِيَيَّ دَ مَغَنَرْسَ تَبَاكِنْ أَنَّبِے هَغَّيْ وَنْدَ يَهْوٜىٰهْ اللَّهْ نْسُ يَعَيْكَ؞ سَيْ ڟُواْرُوانْ يَهْوٜىٰهْ كُوَ يَكَامَ جَمَعَرْ؞ 13سَعَنً هَغَّيْ مَيْ سَڧُوانْ يَهْوٜىٰهْ يَكُوَ بَا جَمَعَرْ سَڧُوانْسَ دَيَثٜىٰ «نِے يَهْوٜىٰهْ إِنَ تَرٜىٰدَكُو؞» 14تَهَكَ يَهْوٜىٰهْ يَمُواْڟَ ذُوثِيَارْ ظٜىٰرُبَّبٜىٰلْ طَنْ شٜىٰيَلْتِيٜىٰلْ ڠُومْنَنْ يَهُودَ دَ ذُوثِيَارْ يُواْشُوَ طَنْ يٜىٰهُواْظَدَكْ بَبَّنْ ڢِرِسْتِ دَ كُمَ ظُكَاتَنْ دُكَنْ ضَغُواْوَرْ جَمَعَرْ؞ سَيْ دُكَنْسُ سُكَذُواْ سُكَ كَامَ عَيْكِنْ غِنِنْ غِدَنْ يَهْوٜىٰهْ مَيْ ضُنْدُنَا وَنْدَ شِينٜىٰ اللَّهْ نْسُ؞ 15سُنْ ڢَارَ عَيْكِنْ أَ رَانَ تَعَشِرِنْ دَ حُطُ غَ وَتَنْ شِدَ عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ؞
Currently Selected:
هَغَّيْ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
