هِظْڧِيَالْ 44
44
يَدَّ ذَاعَيِ أَمْڢَانِ دَ ڧُواْڢَرْ غَبَسْ
1سَعَنً مُتُمِنْ يَكَيْنِ ڧُواْڢَرْ وَجٜىٰ تَڢِيلِنْ وُرِے مَيْ ڟَرْكِے وَدَّ تَكٜىٰ ڢُسْكَنْتَرْ وَجٜىٰنْ غَبَسْ؞ ڧُواْڢَرْ أَ رُڢٜىٰ تَكٜىٰ؞ 2سَيْ يَهْوٜىٰهْ يَثٜىٰ مِنِ «وَنَّنْ ڧُواْڢَ ذَاتَ كَسَنْثٜىٰ أَ رُڢٜىٰ، بَذَاعَ بُوطٜىٰتَبَ؞ بَاوَنْدَ ذَيْ شِغَ كُواْ يَكَيْ ڢِيلِنْ هَيْكَلِنْ تَثِكِنْتَ، غَمَا يَهْوٜىٰهْ اللَّهْ نَ إِسْرَٰٓءِيلَ يَشِغَ تَثِكِنْتَ؞ سَبُواْدَ حَكَ ذَاتَ كَسَنْثٜىٰ أَ رُڢٜىٰ؞ 3سَرْكِے نٜىٰ كَطَيْ، ذَيْ عِيَ ظَوْنَاوَا عَثِكِنْتَ يَثِ عَبِنْثِ أَغَبَنْ يَهْوٜىٰهْ؞ ذَيْ شِغَ تَوَتَ ڧُواْڢَ، يَشِغَ ذَوْرٜىٰنْ ڧُواْڢَرْ غَبَسْ، يَكُمَ ڢِتَ تَهَنْيَرْ دَيَشِغُواْ؞»
ڧَٰعِدُواْدِنْ یَنْثِنْ شِغَ هَيْكَلِنْ
4سَيْ مُتُمِنْ يَكَٰوُاْنِ أَغَبَنْ هَيْكَلِنْ تَهَنْيَرْ ڧُواْڢَرْ أَرٜىٰوَ؞ دَنَدُوبَ، نَغَ ڧُنْشِنْ حَصْكٜىٰنْ طَوْكَكَرْ يَهْوٜىٰهْ يَثِكَ هَيْكَلِنْ يَهْوٜىٰهْ، نَكُوَ ڢَاطِ دَ ڢُسْكَتَ حَرْ ڧَسَا؞#رُعُيَ 15.8 5يَهْوٜىٰهْ يَا ثٜىٰمِنِ «يَا كَيْ طَنْ مُتُمْ، كَلُورَ سُواْسَيْ، كَغَنِ دَݣَوْ، كَكُمَ كَسَ كُنّٜىٰ غَ دُكَنْ أَبِنْدَ ذَنْ ڢَطَا مَكَ غَمٜىٰدَ دُكَنْ ڧَٰعِدُواْدِ دَ دُكَنْ دُواْكُواْكِنْ هَيْكَلِنْ يَهْوٜىٰهْ؞ كَلُورَ سُواْسَيْ دَ ڧَٰعِدُواْدِنْ یَنْثِنْ شِغَ هَيْكَلِنْ دَ دُكَنْ وَطَنْدَ ذَاعَ يَرْدَ مُسُ سُشِغَ وُرِے مَيْ ڟَرْكِے دَ وَطَنْدَ بَعَيَرْدَ مُسُبَ؞ 6كَثٜىٰ وَیَنْ تَاوَيٜىٰنَّنْ، وَتُواْ غِدَنْ إِسْرَٰٓءِيلَ، ‹إِنْجِنِ عُبَنْغِجِ يَهْوٜىٰهْ، يَا كُو غِدَنْ إِسْرَٰٓءِيلَ، كُنْ وُثٜىٰ غُواْنَ دَ إِرِ دَ دُكَنْ أَيُّكَنْكُ نَبَنْ ڨَمَ! 7غَاشِ، كُنْ ڧَظَنْتَرْدَ هَيْكَلِنَ تَوُرِنْ شِغَرْدَ بَاڧِ مَرَسَ كَاثِيَ أَجِكِے، مَرَسَ سَنِنْ اللَّهْ أَ ذُوثِيَا عَثِكِنْ وُرِينَ مَيْ ڟَرْكِے؞ كُكَ ڧَظَنْتَرْ دَشِ، سَعَدَّ كُكٜىٰ مِيڧَ مِنِ هَدَايَرْ عَبِنْثِنَ، وَتُواْ كِڟٜىٰ دَ جِنِ؞ كُنْ كَرْيَ يَرْجٜىٰجٜىٰنِيَتَ دَ دُكَنْ أَيُّكَنْكُ نَبَنْ ڨَمَ؞ 8بَكُ لُورَ دَ هِدِمُواْمِ غَمٜىٰدَ بَيٜىٰ بَيٜىٰنَ مَاسُ ڟَرْكِے بَ، عَمَّا كُكَسَا بَاڧِ سُلُورَ دَ هِدِمُواْمِنَ عَثِكِنْ وُرِينَ مَيْ ڟَرْكِے؞
9« ‹إِنْجِنِ عُبَنْغِجِ يَهْوٜىٰهْ، بَابُوَنِ بَڧُواْ مَرَرْ كَاثِيَ أَجِكِے، مَرَرْ سَنِنْ اللَّهْ أَ ذُوثِيَا، وَنْدَ يَكٜىٰدَ یَنْثِ يَشِغَ وُرِينَ مَيْ ڟَرْكِے؞ دَغَ ثِكِنْ دُكَنْ وَطَنْدَ سُكٜىٰ ذَمَنْ بَڧُنْثِ عَثِكِنْ جَمَعَرْ إِسْرَٰٓءِيلَ، بَابُ كُواْ طَيَنْ دَ يَكٜىٰدَ یَنْثِ يَشِغَ؞ 10عَمَّا لَوِيَاوَا وَطَنْدَ سُكَيِ نٜىٰسَ دَنِے، سُنَ بِنْ غُمَكَنْسُ سَعَدَّ جَمَعَرْ إِسْرَٰٓءِيلَ سُكَ كَوْثٜىٰ، تُواْ، لَوِيَاوَنَّنْ نٜىٰ ذَاسُ طَوْكِ أَلْحَكِنْ لَيْڢِنْسُ؞ 11ذَاسُ ذَمَ مَاسُ حِدِمَ أَ وُرِينَ مَيْ ڟَرْكِے، سُنَ غَادِنْ ڧُواْڢُواْڢِنْ هَيْكَلِنْ، سُنَ حِدِمَ عَثِكِنْ هَيْكَلِنَ؞ ذَاسُ يَنْكَ دَبُّواْبِنْ هَدَايَ تَڧُواْنَاوَا دَ نَسَوْرَنْ هَدَايُ دُواْمِنْ مَاسُ سُجَّدَ؞ ذَاسُ لُورَ دَ مَاسُ سُجَّدَ، سُكُمَيِ مُسُ حِدِمَ؞ 12دَيَكٜىٰ لَوِيَاوَا سُكَيِ وَ غِدَنْ إِسْرَٰٓءِيلَ حِدِمَ أَغَبَنْ غُمَكَنْسُ، سُكَ ذَمَ دَلِيلِنْ تُنْتُٻٜىٰنْسُ؞ سَبُواْدَ حَكَ، نِے عُبَنْغِجِ يَهْوٜىٰهْ نَا ضَنْڟٜىٰ ثٜىٰوَ ذَاسُ غِرْبِے أَلْحَكِنْ لَيْڢِنْسُ؞ 13بَذَاسُذُواْ كُسَدَنِے دُواْمِنْ سُيِ مِنِ حِدِمَ أَمَڟَيِنْ ڢِرِسْتُواْثِے بَ، كُواْ سُذُواْ كُسَدَ هَدَايُنَ مَاسُ ڟَرْكِے، وَتُواْ أَبُبُوَ مَڢِے ڟَرْكِيبَ؞ عَمَّا ذَاسُ شَا كُنْيَا سَبُواْدَ أَيُّكَنْسُ نَبَنْ ڨَمَ؞ 14عَمَّا دُكْدَهَكَ، ذَنْ مَيْدَسُو مَاسُ لُورَ دَ هَيْكَلِنْ، سُيِ دُكَنْ هِدِمُواْمِنْ دَ ذَاعَيِ عَثِكِنْسَ؞
15« ‹عَمَّا ڢِرِسْتُواْثِے نَ عِيَلِنْ ظَدُواكْ نَظُرِيَرْ لَوِ، وَطَنْدَ سُكَيِ أَمِنْثِ ثِكِنْ حِدِمَرْ وُرِينَ مَيْ ڟَرْكِے سَعَدَّ جَمَعَرْ إِسْرَٰٓءِيلَ سُكَ كَوْثٜىٰ سُكَ بَرْ نِے، سُونٜىٰ ذَاسُذُواْ كُسَ سُيِ مِنِ حِدِمَ دُواْمِنْ سُمِيڧَ مِنِ كِڟٜىٰ دَ جِنِ نَهَدَايَ؞ نِے عُبَنْغِجِ يَهْوٜىٰهْ نَا ڢَطَا؞ 16سُو كَطَيْ نٜىٰ ذَاسُ شِغَ وُرِينَ مَيْ ڟَرْكِے، سُونٜىٰ ذَاسُيِ كُسَدَ تٜىٰبُرِنَ، سُيِ مِنِ حِدِمَ سُكُمَ لُورَ دَ هِدِمُواْمِنَ؞ 17سَعَدَّ سُكَ شِغَ ڧُواْڢُواْڢِنْ ڢِيلِ نَثَنْ ثِكِ، ذَاسُسَا رِيغُنَنْ لِيلِنْ؞ بَذَاسُ سَا أَبِنْدَ يَكٜىٰدَ ظَرٜىٰنْ عُلُبَ، سَعَدَّ سُكٜىٰيِنْ حِدِمَ عَبَاكِنْ ڧُواْڢُواْڢِ نَڢِيلِ نَثَنْ ثِكِ كُواْ ثِكِنْ هَيْكَلِنْ؞#ڢِتْ 28.39-43؛ لِـ ڢِرْ 16.4 18ذَاسُ طُواْرَ ضَوَنِنْ لِيلِنْ عَكَوُنَنْسُ، سُسَا وَنْدُنَنْ لِيلِنْ؞ بَذَاسُ سَا أَبِنْدَ ذَيْ كَٰوُاْ مُسُ ظُڢَبَ؞ 19كَاڢِنْ سُڢِتَ ذُوَا ڢِيلِنْ وَجٜىٰ وُرِنْ دَ مُتَنٜىٰ سُكٜىٰ، ذَاسُ تُوٻٜىٰ رِيغُنَنْ دَ سُكَيِ حِدِمَ دَسُو، سُأَجِيٜىٰ أَطَكُنَ مَاسُ ڟَرْكِے؞ سَيْ سُسَا وَطَنْسُ رِيغُنَ دُواْمِنْ كَدَ رِيغُنَنْسُ مَاسُ ڟَرْكِے سُسَا سَوْرَنْ مُتَنٜىٰ سُذَمَ مَاسُ ڟَرْكِے؞#لِـ ڢِرْ 16.23#44.19 مَاسُ ڟَرْكِے: أَنْ بَادَ غَسْكِيَ ثٜىٰوَ عِدَنْ مُتَنٜىٰ سُنْ تَٻَ رِيغُنَ مَاسُ ڟَرْكِنَّنْ، ذَيْ ذَمَ مُسُ دَ حَڟَرِ؞
20« ‹بَذَاسُ أَسْكٜىٰ كَنْسُبَ، بَكُمَ ذَاسُبَرْ غَاشِنْسُ يَيِ ڟَيِبَ، سَيْدَيْ سُضَغٜىٰ غَاشِنْ كَنْسُ كَوَيْ؞#لِـ ڢِرْ 21.5 21بَابُ ڢِرِسْتِ وَنْدَ ذَيْ شَا ضُوً إِنَبِے سَعَدَّ يَشِغَ ڢِيلِ نَثَنْ ثِكِ؞#لِـ ڢِرْ 10.9 22بَذَاسُ عَوْرِ مَاتَرْ دَ مِجِنْتَ يَمُتُبَ، كُواْ مَاتَرْ دَ عَكَ سَكٜىٰتَ أَعَوْرٜىٰ، عَمَّا سَيْدَيْ بُدُرْوَ دَغَ غِدَنْ إِسْرَٰٓءِيلَ، كُواْ مَاتَرْ دَ مِجِنْتَ يَمُتُ وَنْدَ شِے ڢِرِسْتِنٜىٰ؞#لِـ ڢِرْ 21.7،13-14
23« ‹سُونٜىٰ ذَاسُ كُواْيَوَ جَمَعَتَ بَمْبَنْثِنْ أَبِنْدَ يَكٜىٰدَ ڟَرْكِے دَ مَرَرْ ڟَرْكِے، سُكُمَ نُونَ مُسُ يَدَّ ذَاسُ بَمْبَنْتَ أَبِنْدَ يَكٜىٰدَ ڟَبْتَ دَ مَرَرْ ڟَبْتَ؞#لِـ ڢِرْ 10.10
24« ‹عِدَنْ أَنَ غَرْدَمَ سُونٜىٰ ذَاسُ ڟَيَ كَمَرْ أَلْڧَلَيْ، سُيِ شَرِيعَ سُيَنْكٜىٰ مَغَنَ بِسَغَ عُمَرْنَيْنَ؞ ذَاسُ كِيَايٜىٰ كُواْيَرْوَاتَادَ ڧَٰعِدُواْدِنَ غَمٜىٰدَ دُكَنْ ڟَارِنْ بُكُكُوَنَ؞ ذَاسُ كُمَ كِيَايٜىٰ رَانَرْ هُوتُ تَمَكُواْ تَاوَ دَ ڟَرْكِے؞ 25بَذَاسُ مَڟُواْ كُسَدَ غَاوَابَ، دُواْمِنْ كَدَ سُڧَظَنْتَرْ دَكَنْسُ؞ عَمَّا ذَاسُ عِيَ ڧَظَنْتَرْ دَكَنْسُ سَبُواْدَ بَابَ، كُواْ مَامَا، كُواْ طَا، كُواْ یَ، كُواْ طَنْعُوَ، كُواْ یَرْعُوَرْ دَ بَتَيِ عَوْرٜىٰبَ؞#لِـ ڢِرْ 21.1-4 26بَايَنْدَ يَڟَبْتَثٜىٰ كَنْسَ، سَيْ يَجِرَا حَرْ ݣُونَكِے بَݣَويْ؞ 27أَ رَانَرْدَ يَشِغَ ڢِيلِنْ ثَنْ ثِكِ حَرْ ذُوَا وُرِے مَيْ ڟَرْكِے دُواْمِنْ يَيِ حِدِمَ أَ وُرِے مَيْ ڟَرْكِنْ، سَيْ يَمِيڧَ هَدَايَرْسَ تَوَنْكٜىٰ ذُنُوبِ تُكُنَ؞ نِے عُبَنْغِجِ يَهْوٜىٰهْ نَا ڢَطَا؞
28« ‹غَا رَبُوانْ غَادُوانْ لَوِيَاوَنَّنْ، نِنٜىٰ رَبُوانْ غَادُوانْسُ؞ بَذَاكُبَاسُ وَنِ أَبِنْ مَلَّكَ عَثِكِنْ إِسْرَٰٓءِيلَ بَ؞ نِنٜىٰ أَبِنْ مَلَّكَرْسُ؞#لِـ ڧِدْ 18.20 29ذَاسُثِ هَدَايَ تَهَڟِنْ دَ عَكَ مِيڧَ دَ هَدَايَ تَوَنْكٜىٰ ذُنُوبِ دَ هَدَايَ تَشَاڢٜىٰ لَيْڢِے؞ دُكَنْ أَبُبُوَنْ دَ عَكَ كٜىٰٻٜىٰ غَ يَهْوٜىٰهْ عَثِكِنْ إِسْرَٰٓءِيلَ ذَاسُ ذَمَ نَاسُ؞#لِـ ڧِدْ 18.8-19 30دُكَنْ نُونً ڢَارِ مَڢِے ݣَوْ نَكُواْوَنٜىٰ إِرِنْ أَمْڢَانِنْ غُواْنَ دَ كُواْوَنٜىٰ إِرِنْ بَيٜىٰ بَيٜىٰنْ دَ كُكَ كَٰوُاْ مِنِ، ذَاسُ ذَمَ نَڢِرِسْتُواْثِے؞ ذَاكُ بَا ڢِرِسْتُواْثِے غَارِنْ دَ عَكَ ݣُوٻَ نَڢَرْكُواْ دُواْمِنْ أَلْبَرْكَ تَكَسَنْثٜىٰ أَغِدَاجٜىٰنْكُ؞ 31ڢِرِسْتُواْثِے بَذَاسُثِ مُوشٜىٰبَ، كُواْ نَڟُنْڟُ كُواْ نَدَبَّ، كُواْ أَبِنْدَ وَتَ دَبَّ تَكَشٜىٰبَ؞› »#لِـ ڢِرْ 22.8
Currently Selected:
هِظْڧِيَالْ 44: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
