هِظْڧِيَالْ 45
45
سَشٜىٰنْ ڧَسَرْدَ عَكَ كٜىٰٻٜىٰوَ يَهْوٜىٰهْ
1«سَعَدَّ كُكَ رَبَ ڧَسَا دُواْمِنْ تَذَمَ رَبُوانْ غَادُواْ، سَيْ كُكٜىٰٻٜىٰ وَ يَهْوٜىٰهْ وَنِ سَاشٜىٰنْ ڧَسَا تَذَمَ سَاشٜىٰ مَيْ ڟَرْكِے، ڟَوُانْسَ ذَيْ كَسَنْثٜىٰ كَمُ دُبُو عَشِرِنْ دَ بِيَرْ، ڢَاطِنْسَ كُمَ كَمُ دُبُو عَشِرِنْ#45.1 ڟَوُانْسَ...ڢَاطِنْسَ: وَتُواْ ڟَوُانْسَ كِلُواْمِتَ 12.5، ڢَاطِنْسَ كُمَ كِلُواْمِتَ 10؞ دُوبِے هِظْ 48.9؞ دَ إِبْرَانِيَنْثِ أَنْرُبُوتَ كَمُ دُبُو غُواْمَ نٜىٰ أَوُرِنْ؞؞ سَشٜىٰنَّنْ دُكَ ذَيْ ذَمَ مَيْ ڟَرْكِے؞ 2دَغَ ثِكِنْ سَاشٜىٰنَّنْ دَ عَكَ كٜىٰٻٜىٰ، ذَاعَ كٜىٰٻٜىٰ سَاشٜىٰ دُواْمِنْ وُرِے مَيْ ڟَرْكِے وَنْدَ ڟَوُانْسَ دَ ڢَاطِنْسَ ذَاسُ كَيْ كَمُ طَرِے بِيَرْ؞ عَڟَكِيَرْ سَاشٜىٰنْ دَ عَكَ كٜىٰٻٜىٰ، ذَاعَ كُمَ كٜىٰٻٜىٰ ڢِيلِ وَنْدَ ذَيْ كَيْ كَمُ حَمْسِنْ؞ 3أَ سَاشٜىٰنَّنْ نَڢَرْكُوانْ دَ عَكٜىٰ كٜىٰٻٜىٰ، ذَاعَ يَنْكَ سَاشٜىٰ وَنْدَ ڟَوُانْسَ ذَيْ كَيْ كَمُ دُبُو عَشِرِنْ دَ بِيَرْ، ڢَاطِنْسَ كُمَ ذَيْ كَيْ كَمُ دُبُو غُواْمَ، وُرِنْ نٜىٰ ذَيْ ذَمَ وُرِنْ دَ عَكَ كٜىٰٻٜىٰ دَ ڟَرْكِے عِنْدَ وُرِے مَڢِے ڟَرْكِے ذَيْ كَسَنْثٜىٰ؞ 4وَنَّنْ سَاشٜىٰ ذَيْ ذَمَ سَاشٜىٰنْ دَ عَكَ كٜىٰٻٜىٰ دَ ڟَرْكِے نَڧَسَرْ؞ وُرِنْ ذَيْ ذَمَ رَبُوانْ ڢِرِسْتُواْثِے وَطَنْدَ سُكٜىٰ ذُوَا كُسَدَ يَهْوٜىٰهْ سُنَيِ مَسَ حِدِمَ؞ وُرِنْ ذَيْ ذَمَ وُرِنْ دَ ذَاسُ غِنَا غِدَاجٜىٰنْسُ دَ كُمَ وُرِے مَيْ ڟَرْكِے دُواْمِنْ هَيْكَلِ؞ 5وَنِ سَاشٜىٰ كُمَ وَنْدَ ڟَوُانْسَ ذَيْ كَيْ كَمُ دُبُو عَشِرِنْ دَ بِيَرْ، ڢَاطِنْسَ ذَيْ كَيْ كَمُ دُبُو غُواْمَ، ذَيْ ذَمَ نَ لَوِيَاوَا وَطَنْدَ سُكٜىٰ حِدِمَ عَثِكِنْ هَيْكَلِ، وُرَارٜىٰنْ دَ ذَاسُ ذَوْنَ عَثِكِ؞ 6أَغٜىٰڢٜىٰنْ سَاشٜىٰنْ دَ عَكَ كٜىٰٻٜىٰ، ذَاكُ كٜىٰٻٜىٰ وَنِ سَاشٜىٰ وَنْدَ ڟَوُانْسَ يَكَيْ كَمُ دُبُو عَشِرِنْ دَ بِيَرْ، ڢَاطِنْسَ كُمَ كَمُ دُبُو بِيَرْ؞ وَنَّنْ سَاشٜىٰ ذَاعَ كٜىٰٻٜىٰ يَذَمَ بِرْنِ دُواْمِنْ دُكَنْ غِدَنْ إِسْرَٰٓءِيلَ؞»
سَشٜىٰنْ ڧَسَرْدَ عَكَ كٜىٰٻٜىٰوَ سَرْكِے
7« ‹ذَاعَكٜىٰٻٜىٰ سَاشٜىٰ بِيُ نَڧَسَرْ دُواْمِنْ سَرْكِے؞ إِيَاكَرْ سَاشٜىٰ طَيَ ذَاتَ ڢَارَ دَغَ غٜىٰڢٜىٰ نَغَبَسْ نَوُرَارٜىٰنْ دَ عَكَ كٜىٰٻٜىٰ دُواْمِنْ ڢِرِسْتُواْثِے دَ لَوِيَاوَا دَ كُمَ بِرْنِ، تَمِيڧٜىٰ حَرْ إِيَاكَرْ غَبَسْ تَڧَسَرْ؞ إِيَاكَرْ سَاشٜىٰ نَبِيُ كُمَ ذَاتَ ڢَارَ دَغَ غٜىٰڢٜىٰ نَيَمَّ تَمِيڧٜىٰ حَرْ تٜىٰكُنْ مٜىٰدِتٜىٰرٜىٰنِيَ، يَدَّ ڟَوُانْسَ ذَيْ يِدَيْدَيْ دَ ڟَوُانْ سَاشٜىٰنْ دَ عَكَ كٜىٰٻٜىٰ دُواْمِنْ ذُرِيَ طَيَ تَ إِسْرَٰٓءِيلَ؞ 8وَنَّنْ ذَيْ ذَمَ رَبُوانْ غَادُوانْسَ عَثِكِنْ إِسْرَٰٓءِيلَ؞ سَرَاكُنَنْدَ نَنَطَ عَكَنْ جَمَعَتَ، بَذَاسُ ڧَارَيِ وَمُتَنٜىٰنَ دَنِّيَبَ؞ عَمَّا ذَاسُبَرْ وَغِدَنْ إِسْرَٰٓءِيلَ ڧَسَرْ بِسَغَ ظُرِيُواْيِنْسُ؞› »
سَرَاكُنَ سُيِ أَمْڢَانِ دَ مَعَوْنِنْ غَسْكِيَ
9« ‹إِنْجِنِ عُبَنْغِجِ يَهْوٜىٰهْ، يَ إِسَ، يَا كُو سَرَاكُنَنْ إِسْرَٰٓءِيلَ! كُبَرْ حَلِنْ ڨُوثٜىٰ دَ دَنِّيَ، كُيِ أَبِنْدَ يَكٜىٰدَ غَسْكِيَ دَ أَدَلْثِے؞ كُبَرْ كُواْرَرْ جَمَعَتَ دَغَ مَلَّكَرْسُ؞ نِے عُبَنْغِجِ يَهْوٜىٰهْ نَا ڢَطَا؞ 10سَيْ كُيِ أَمْڢَانِ دَ مَعَوْنِنْ غَسْكِيَ، عٜىٰڢَ نَغَسْكِيَ دَ بَتْ نَغَسْكِيَ؞#لِـ ڢِرْ 19.36 11ݣُونُوانْ أَوُاْ نَ عٜىٰڢَ دَ نَبَتْ، غِرْمَنْسُ يَذَمَ طَيَ؞ بَتْ ذَيْ طَوْكِ طَيَ ثِكِنْ غُواْمَ نَ عُواْمٜىٰرْ؞ عٜىٰڢَ ذَيْ طَوْكِ طَيَ ثِكِنْ غُواْمَ نَ عُواْمٜىٰرْ؞ بِسَغَ عُواْمٜىٰرْ، ذَاعَ عَوْنَ كُواْمٜىٰ؞ 12بِسَغَ شٜىٰكٜىٰلْ، ذَاعَ عَوْنَ نَوْيِنْ كُواْمٜىٰ؞ كُواْوَنٜىٰ شٜىٰكٜىٰلْ، نَوْيِنْسَ ذَيْ ذَمَ غٜىٰرَ عَشِرِنْ؞ شٜىٰكٜىٰلْ سِتِّنْ ذَيْ ذَمَ مَنٜىٰهْ طَيَ؞› »
بَيٜىٰ بَيٜىٰ
13« ‹وَنَّنْ عِتَثٜىٰ بَايَرْوَرْ دَ ذَاكُيِ؞ ذَاكُ بَادَ كَشِ طَيَ دَغَ ثِكِنْ شِدَ نَ عٜىٰڢَ دَغَ ثِكِنْ كُواْوَنٜىٰ عُواْمٜىٰرْ نَأَلْكَمَ دَ كَشِ طَيَ دَغَ ثِكِنْ شِدَ نَ عٜىٰڢَ دَغَ كُواْوَنٜىٰ عُواْمٜىٰرْ نَهَڟِنْ بَلٜىٰ؞ 14وَنَّنْ عِتَثٜىٰ بَايَرْوَرْ مَنْ ظَيْتُنْ دَ ذَاكُيِ؞ ذَاكُ بَادَ كَشِ طَيَ دَغَ ثِكِنْ غُواْمَ نَبَتْ دَغَ كُواْوَنٜىٰ كُوارْ؞ بَتْ غُواْمَ ذَيْبَادَ كُوارْ طَيَ؞ 15وَنَّنْ عِتَثٜىٰ بَايَرْوَ دَغَ غَرْكٜىٰنْ دَ ذَاكُيِ؞ ذَاكُ بَادَ تُنْكِيَ طَيَ دَغَ ثِكِنْ كُواْوَنٜىٰ غَرْكٜىٰ مَيْ تُمَكِ طَرِے بِيُ نَ إِسْرَٰٓءِيلَ؞ وَنَّنْ عِتَثٜىٰ بَايَرْوَ تَهَدَايَ تَهَڟِ دَ تَڧُواْنَاوَا دَ تَڠَرَنْ زُمُنْثِ دُواْمِنْ طَوْكَرْ أَلْحَكِنْ ذُنُوبِنْ مُتَنٜىٰنَ؞ نِے عُبَنْغِجِ يَهْوٜىٰهْ نَا ڢَطَا؞ 16دُكَنْ جَمَعَرْ ڧَسَرْ ذَاسُيِ وَطَنَّنْ بَيٜىٰ بَيٜىٰ تَهَنُّنْ سَرْكِنْ إِسْرَٰٓءِيلَ؞ 17عَمَّا سَرْكِے نٜىٰ يَكٜىٰدَ حَكِّنْ بَادَ هَدَايُ أَ لُواْكَثِنْ بُكُكُوَ دَ نَبِكٍ سَابُوانْ وَتَ دَ رَانَكُنْ هُوتُنَ نَمَكُواْ، وَتُواْ، دُكَنْ بُكُكُوَنْ دَ عَكَ ڟَارَا نَغِدَنْ إِسْرَٰٓءِيلَ؞ ذَيْ تَنَدَ هَدَايُنْ وَنْكٜىٰ ذُنُوبِ دَ نَهَڟِ دَ نَڧُواْنَاوَا دَ نَڠَرَ زُمُنْثِ دُواْمِنْ طَوْكَرْ أَلْحَكِنْ ذُنُوبِ نَغِدَنْ إِسْرَٰٓءِيلَ؞› »
بُكُكُوَ
﴿ڢِتْ 12.1-20؛ لِـ ڢِرْ 23.33-43﴾
18« ‹إِنْجِنِ عُبَنْغِجِ يَهْوٜىٰهْ، أَ رَانَ تَڢَرْكُواْ غَ وَتَنْ ڢَرْكُواْ، ذَاكُ طَوْكِ بِجِمِ مَرَرْ تَبُواْ كُمِيڧَ دُواْمِنْ أَڟَبْتَثٜىٰ هَيْكَلِنْ؞ 19ڢِرِسْتِ ذَيْ طِبِے جِنِنْ هَدَايَ تَوَنْكٜىٰ ذُنُوبِ يَشَاڢَ عَكَنْ ڢِرَمْ نَڧُواْڢَرْ هَيْكَلِنْ، يَكُمَ شَاڢَ عَكَنْ ݣُونَ حُطُ نَبَغَدٜىٰنْ دَ ڢِرَمْ نَڧُواْڢَرْ ڢِيلِ نَثَنْ ثِكِ؞ 20حَكَ مَا ذَاكُيِ أَ رَانَ تَبَݣَويْ غَ وَتَنْ، دُواْمِنْ أَڟَبْتَثٜىٰ هَيْكَلِ دَغَ ڧَظَنْتَرْدَ عَكَسَا وَهَيْكَلِ تَوُرِنْ ذُنُوبِنْ دَ وَنِ يَيِ ثِكِنْ كُسْكُرٜىٰ كُواْ ثِكِنْ رَشِنْ سَنِ؞
21« ‹أَ رَانَ تَغُواْمَشَا حُطُ غَ وَتَنْ ڢَرْكُواْ، ذَاكُ كِيَايٜىٰ بِكٍ ڧٜىٰتَرٜىٰوَ؞ ذَاكُ ثِ غُرَاسَرْ مَرَرْ يِسْتِ حَرْ ݣُونَ بَݣَويْ؞#ڢِتْ 12.1-20 22أَ رَانَرْ نَنْ سَرْكِے ذَيْ تَنَدَ بِجِمِنْ دُواْمِنْ هَدَايَ تَوَنْكٜىٰ ذُنُوبِ دُواْمِنْ كَنْسَ دَ دُكَنْ جَمَعَرْ ڧَسَرْ؞ 23عَكُواْوَثٜىٰ رَانَ تَݣُونَكِے بَݣَويْ نَبِكِ، ذَيْبَادَ بِجِمِ بَݣَويْ دَ رَغُنَ بَݣَويْ مَرَسَ تَبُواْ دُواْمِنْ هَدَايَ تَڧُواْنَاوَا غَ يَهْوٜىٰهْ؞ كُواْوَثٜىٰ رَانَ كُمَ ذَيْبَادَ بُنْسُرُ طَيَ دُواْمِنْ هَدَايَ تَوَنْكٜىٰ ذُنُوبِ؞ 24ذَيْبَادَ هَدَايَ تَهَڟِ عٜىٰڢَ طَيَ دُواْمِنْ كُواْوَنٜىٰ بِجِمِ دَ كُمَ عٜىٰڢَ طَيَ دُواْمِنْ كُواْوَنٜىٰ ضَغُواْ دَ هِنْ نَمَيْ دُواْمِنْ كُواْوَنٜىٰ عٜىٰڢَ؞
25« ‹أَ رَانَ تَغُواْمَشَا بِيَرْ غَ وَتَنْ بَݣَويْ نَبِكِنَّنْ، ذَيْ يِݣُونَ بَݣَويْ يَنَ تَبَادَ بَيٜىٰ بَيٜىٰ دُواْمِنْ يِنْ هَدَايَ تَوَنْكٜىٰ ذُنُوبِ دَ هَدَايَ تَڧُواْنَاوَا دَ هَدَايَ تَهَڟِ، تَرٜىٰدَ مَيْ نَكُواْوَثٜىٰ هَدَايَ؞› »#لِـ ڢِرْ 23.33-36؛ لِـ ڧِدْ 29.12-38
Currently Selected:
هِظْڧِيَالْ 45: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
