هِظْڧِيَالْ 31
31
أَنْ ݣُوتَنْتَا مَصَرْ دَ إِتَاثٜىٰنْ سٜىٰدَ
1أَنَانً أَ رَانَ تَڢَارِ غَ وَتَنْ عُكُ أَ شٜىٰكَرَا تَغُواْمَشَا طَيَ، يَهْوٜىٰهْ يَايِ مَغَنَ دَنِے ثٜىٰوَ 2«يَا كَيْ طَنْ مُتُمْ، كَڢَطَا وَ ڢِرْعَوْنَ سَرْكِنْ مَصَرْ دَ جَمَعَرْسَ مَاسُيَوَ ثٜىٰوَ
« ‹دَ وَنٜىٰنٜىٰ ذَاعَ ݣُوتَنْتَا غِرْمَنْكَ؟
3غَاشِ، دَا ڧَسَرْ أَسُّرِيَ
كَمَرْ إِتَاثٜىٰنْ سٜىٰدَ نَ لٜىٰبَنُوانْ تَكٜىٰ،
مَيْ رَسَّ مَاسُ ݣَوْ، مَيْ إِنُوَرْ كُرْمِ،
إِتَاثٜىٰ مَيْ ڟَيِ نٜىٰ ڨُورَيْ،
كَنْسَ يَكَيْ حَرْ ثِكِنْ غِرْغِجٜىٰ؞
4ضُوَيٜىٰ سُنْسَا يَيِ غِرْمَ،
ظُرْڢِنْ ضُوَيٜىٰنْ يَسَا يَيِ ڟَيِ،
ضُوَيٜىٰنْ كُواْغُنَ سُنْ غُدُ
كٜىٰوَيٜىٰ دَ عِنْدَ عَكَ شُوكَشِ،
ضُوَيٜىٰنْ رَاڢُڢُّكَ سُنْ كَيْ حَرْ
ذُوَا عِتَتُوَنْ كُرْمِ دُكَ؞
5سَبُواْدَ حَكَ يَيِ ڟَيِ
ڢِيٜىٰدَ دُكَنْ عِتَتُوَ عَكُرْمِ؞
مَنْيَنْ رَسَّنْسَ سُكَيِ غِرْمَ دَ ڢَاطِ،
ڧأَنَانً رَسَّنْ سُكَيِ ڟَيِ،
سَبُواْدَ إِسَشّٜىٰنْ ضُوَ
أَ لُواْكَثِنْ دَ يَكٜىٰيِنْ غِرْمَ؞
6دُكَنْ ڟُنْڟَيٜىٰنْ سَرَرِنْ سَمَ
سُنْيِ غِدَاجٜىٰنْسُ أَ مَنْيَنْ رَسَّنْسَ؞
عَڧَرْڧَشِنْ ڧأَنَانً رَسَّنْسَ،
دُكَنْ نَمُواْمِنْ دَاجِ سُنْ حَيْڢِ یَیَنْسُ؞
دُكَنْ أَلْعُمَّيْ سُكَ ذَوْنَ عَ إِنُوَرْسَ؞#هِظْ 17.23؛ دَانْ 4.12-21؛ مَتْ 13.32؛ مَرْ 4.32؛ لُكْ 13.19
7غِرْمَنْسَ دَ دَرَجَرْسَ أَبِنْ كَلُّواْ نٜىٰ،
غَ مَنْيَنْ رَسَّ سُنْ رُڢٜىٰ كُواْعِنَ،
غَمَا سَيْوَرْسَ تَا سَوْكَ ثَنْ ڧَسَا
عِنْدَ أَݣَويْ ضُوَ عَيَلْوَثٜىٰ؞
8كُواْ عِتَتُوَنْ سٜىٰدَ دَسُكٜىٰ أَغُواْنَرْ اللَّهْ
بَسُ كَيْشِ ݣَوْبَ؞
كُواْ عِتَتُوَنْ ڢِرْ مَا
بَذَاعَ ݣُوتَنْتَادَ مَنْيَنْ رَسَّنْسَبَ؞
كُواْ عِتَتُوَنْ أَرْمُوانْ مَا
بَذَاعَ ݣُوتَنْتَادَ ڧأَنَانً رَسَّنْسَبَ؞
بَا وَنِ إِتَاثٜىٰ أَغُواْنَرْ اللَّهْ
وَنْدَ يَكَيْ شِ ݣَوْ؞#ڢَارْ 2.9
9نِے نَا سَاشِ يَيِݣَوْ،
غَ رَسَّ مَاسُيَوَ؞
يَذَمَ أَبِنْ كِيشِ
غَ دُكَنْ عِتَتُوَ عَثِكِنْ عَيْدَنْ، غُواْنَرْ اللَّهْ؞
10« ‹دُواْمِنْ حَكَ، إِنْجِنِ عُبَنْغِجِ يَهْوٜىٰهْ، سَبُواْدَ يَيِ ڟَيِ، كَنْسَ كُمَ يَكَيْ ثِكِنْ غِرْغِجٜىٰ، سَيْ يَثِكَ دَ غِرْمَنْ كَيْ سَبُواْدَ ڟَيِنْسَ، 11سَيْ نَبَادَشِ أَ حَنُّنْ سَرْكِنْ أَلْعُمَّيْ؞ سَرْكِنْ كُوَ يَيِ دَشِ بِسَغَ مُغُنْتَارْسَ؞ نِے كُوَ نَكَوَرْدَ إِتَاثٜىٰنْ؞ 12بَاڧِ دَغَ أَلْعُمَّ مَرَرْ تَوْسَيِ ڢِيٜىٰدَ سَوْرَنْ أَلْعُمَّيْ سُنْ سَارٜىٰشِ ڧَسَا، سُنْ بَرْشِ؞ رَسَّنْسَ سُنْ ڢَاطِ عَكَنْ تُدَّنْ دَسُكٜىٰ ثِكِنْ ݣُورُرُوَ، مَنْيَنْ رَسَّنْسَ سُنْ كَكَّرْيَ سُنْ ڢَاطِ أَ هَنْيُواْيِنْ دَ ضُوَيٜىٰ سُكٜىٰبِے؞ دُكَنْ مُتَنٜىٰنْ دُونِيَا سُنْ تَاشِ دَغَ إِنُوَرْسَ، سُنْ بَرْشِ؞
13« ‹دُكَنْ ڟُنْڟَيٜىٰنْ سَرَرِنْ سَمَ ذَاسُ ذَوْنَ عَكَنْ إِتَاثٜىٰنَّنْ دَ يَڢَاطِ، حَكَمَا دُكَنْ نَمُواْمِنْ دَاجِ ذَاسُذُواْ سُݣُونْتَ عَثِكِنْ رَسَّنْسَ؞ 14أَنْيِ وَنَّنْ دَ نُڢِ كَدَ وَنِ إِتَاثٜىٰ دَغَ ثِكِنْ عِتَتُوَ نَبَاكِنْ ضُوَ يَسَاكٜىٰ طَغَ كَيْ نَيِنْ غِرْمَ، يَيِ ڟَيِ حَرْ كَنْسَ يَكَيْ ثِكِنْ غِرْغِجٜىٰ؞ كَدَ كُمَ وَنِ إِتَاثٜىٰ مَيْ شَنْ ضُوَ يَسَاكٜىٰيِنْ ڟَيِ كَمَرْ حَكَ؞ غَمَا دُكَنْسُ أَنْرِغَا أَنْبَادَسُ غَ مُتُوَ، غَ وُرِنْ ذَمَنْ مَتَتُّو، تَرٜىٰدَ یَنْ أَدَمْ وَطَنْدَ سُكَ غَنْغَرَ ذُوَا رَامِنْ مَتَتُّو؞
15« ‹إِنْجِنِ عُبَنْغِجِ يَهْوٜىٰهْ، أَ رَانَرْ دَ عَكَ غَنْغَرَرْ دَشِ ذُوَا وُرِنْ ذَمَنْ مَتَتُّو، نَسَا ظُرْڢِنْ يَيِ مَكُواْكِنْسَ؞ نِے نَا ڟَيْ دَ كُواْغُنَنْسَ، نَا كُمَسَا ضُوَ مَيْ غُدُ يَڟَيَ؞ نَسَا لٜىٰبَنُوانْ ثِكِنْ دُهُ سَبُواْدَ بَڧِنْ ثِكِ، كُمَ دُكَنْ عِتَتُوَنْ كُرْمِ سُنْ بُوشٜىٰ سَبُواْدَشِ؞ 16نَسَا أَلْعُمَّيْ سُكَيِ ضَوَرْ جِكِے سَبُواْدَ ڧَارَرْ ڢَاطُوَرْسَ، سَعَدَّ نَجٜىٰڢَرْ دَشِ ثِكِنْ وُرِنْ ذَمَنْ مَتَتُّو، تَرٜىٰدَ وَطَنْدَ سُكَ غَنْغَرَ ذُوَا ثِكِنْ رَامِنْ مَتَتُّو؞ دُكَنْ عِتَتُوَنْ عَيْدَنْ دَ ذَاٻَٻُّنْ عِتَتُوَ نَ لٜىٰبَنُوانْ مَڢِے ݣَوْ، وَطَنْدَ دُكَنْسُ سُنْ ڧُواْشِ دَ ضُوَ، سُنْ سَامِ تَعَظِيَّ عَثِكِنْ دُونِيَرْ ذَمَنْ مَتَتُّو سَعَدَّ سُكَغَ إِتَاثٜىٰنَّنْ تَرٜىٰدَسُو؞ 17سُو كُمَ سُكَ غَنْغَرَ تَرٜىٰ دَشِ ذُوَا وُرِنْ ذَمَنْ مَتَتُّو، وُرِنْ وَطَنْدَ عَكَ كَشٜىٰ دَ تَكُواْبِے، تَرٜىٰدَ وَطَنْدَ سُكَ حَطَكَيْ دَشِ، وَتُواْ أَلْعُمَّنْ دَ سُكَيِ ذَمَنْسُ عَثِكِنْ إِنُوَرْسَ؞
18« ‹وَنٜىٰ إِتَاثٜىٰ نٜىٰ عَثِكِنْ عِتَتُوَنْ عَيْدَنْ يَنَ كَمَ دَكَيْ ثِكِنْ غِرْمَ دَ دَرَجَ؟ حَڧِيڧَ ذَاعَ غَنْغَرَرْ دَكَيْ ذُوَا وُرِنْ ذَمَنْ مَتَتُّو تَرٜىٰدَ عِتَتُوَنْ عَيْدَنْ؞ ذَاكَ ݣُونْتَ تَرٜىٰدَ مَرَسَ سَنِنْ اللَّهْ دَ وَطَنْدَ عَكَ كَشٜىٰ دَ تَكُواْبِے؞
« ‹ڢِرْعَوْنَ كٜىٰنَنْ دَ دُكَنْ مُتَنٜىٰنْسَ؞ نِے عُبَنْغِجِ يَهْوٜىٰهْ نَا ڢَطَا؞› »
Currently Selected:
هِظْڧِيَالْ 31: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
