هِظْڧِيَالْ 30
30
وَاڧَرْ مَكُواْكِ دُواْمِنْ مَصَرْ
1 يَهْوٜىٰهْ يَايِ مَغَنَ دَنِے ثٜىٰوَ 2«يَا كَيْ طَنْ مُتُمْ، يِ أَنَّبْثِ، كَثٜىٰ، ‹إِنْجِنِ عُبَنْغِجِ يَهْوٜىٰهْ،
« ‹كُيِ كُوكَا، كُثٜىٰ،
«كَيْتُوانْمُ سَبُواْدَ وَنَّنْ رَانَ!»
3غَمَا رَانَ تَيِ كُسَ،
رَانَرْ يَهْوٜىٰهْ تَيِ كُسَ،
رَانَ ثٜىٰ تَغِرْغِجٜىٰ
لُواْكَثِنْ هَلَّكَرْ أَلْعُمَّيْ يَيِ؞
4تَكُواْبِے ذَيْ ڢَاطَوَ مَصَرْ،
عَذَابَ ذَاتَ سَامِ إِتِيُواْڢِيَ،
سَعَدَّ وَطَنْدَ عَكَ كَشٜىٰ
سُكَ ڢَاطِ أَ مَصَرْ،
عَكَ ݣُوشِ أَرْزِڧِنْتَ،
عَكَ كُمَ رُشٜىٰ تُوشٜىٰنْتَ؞
5« ‹إِتِيُواْڢِيَ دَ ڢُتْ دَ لُدْ دَ دُكَنْ أَرَبِيَ دَ لِبِيَ دَ مُتَنٜىٰنْ ڧَسَاشٜىٰنْ دَ سُكَ حَطَكَيْ دَ مَصَرْ، تَكُواْبِے ذَيْثِسُ دُكَ؞
6« ‹إِنْجِنِ يَهْوٜىٰهْ،
وَطَنْدَ سُكَ غُواْيِ بَايَنْ مَصَرْ،
ڧَرْڢِنْ دَتَكٜىٰ تَاڧَمَ دَشِ ذَيْ ڧَارٜىٰ؞
دَغَ يَنْكِنْ مِغْدُوالْ ذُوَا بِرْنِنْ أَسْوَنْ
ذَاعَ كَشٜىٰسُ دَ تَكُواْبِے؞
نِے عُبَنْغِجِ يَهْوٜىٰهْ نَا ڢَطَا؞
7ذَاتَ ذَمَ كُڢَيْ
ڢِيٜىٰدَ سَوْرَنْ ڧَسَاشٜىٰنْ دَسُكٜىٰ ذَمَ كُڢَيْ،
بِرَنٜىٰنْتَ ذَاسُ ذَمَ كُڢَيْ
ڢِيٜىٰدَ سَوْرَنْ بِرَنٜىٰنْ دَسُكٜىٰ ذَمَ كُڢَيْ؞
8سَعَدَّ نَكُنَّ وُتَا عَكَنْ مَصَرْ،
دُكَنْ مَاسُ تَيْمَكُوانْتَ ذَاسُ كَكَّرْيٜىٰ؞
سَعَنً نٜىٰ ذَاسُ سَنِ ثٜىٰوَ نِنٜىٰ يَهْوٜىٰهْ؞
9« ‹أَ رَانَرْ نَنْ ذَنْ عَيْكَرْ دَ یَنْ سَڧُواْ ثِكِنْ جِضَاغٜىٰنْ ضُوَ؞ بَا ظَتُواْ ذَاسُ ڟُواْرَتَرْدَ مُتَنٜىٰنْ إِتِيُواْڢِيَ مَاسُ ذَمَ رَيْ عَݣُونْثٜىٰ؞ عَذَابَ ذَاتَ ڢَاطَ عَكَنْسُ أَ رَانَرْ هَلَّكَرْ مَصَرْ؞ غَمَا غَا رَانَرْ تَنَ ذُوَا!
10« ‹إِنْجِنِ عُبَنْغِجِ يَهْوٜىٰهْ،
غَبَاطَيَ ذَنْ كَوَرْدَ جَمَعَرْ مَصَرْ مَاسُيَوَ
تَهَنُّنْ سَرْكِنْ نٜىٰبُكَدْنٜىٰزَّرْ نَ بَابِيلَ؞
11شِ دَ سُواْجُواْجِنْ أَلْعُمَّرْسَ،
أَلْعُمَّ مَرَرْ تَوْسَيِ ڢِيٜىٰدَ سَوْرَنْ أَلْعُمَّيْ،
ذَاعَ كَٰوُاْسُ دُواْمِنْ سُهَلَّكَرْ دَ ڧَسَرْ؞
ذَاسُ ذَارٜىٰ تَكُواْبِنْسُ عَكَنْ مَصَرْ،
سُثِكَ ڧَسَرْدَ غَوَوَّكِ؞
12ذَنْسَا كُواْغِنْ نِلُ يَبُوشٜىٰ،
إِنْ سَيَرْ دَ ڧَسَرْ أَ حَنُّنْ مُوغَيٜىٰنْ مُتَنٜىٰ؞
ذَنْ كَٰوُاْ هَلَّكَرْوَ عَكَنْ ڧَسَرْ
دَ كُمَ عَكَنْ دُكْ أَبِنْدَ يَكٜىٰ عَثِكِنْتَ
تَهَنُّنْ بَاڧِ؞
نِے عُبَنْغِجِ يَهْوٜىٰهْ نَا ڢَطَا؞
13« ‹إِنْجِنِ عُبَنْغِجِ يَهْوٜىٰهْ،
ذَنْ هَلَّكَرْ دَ غُمَكَ
إِنْ كَٰوُاْ ڧَرْشٜىٰنْ صِڢُّواْڢِ أَ مٜىٰمْڢِسْ؞
بَذَاعَ ڧَارَ سَامُنْ سَرْكِے أَ مَصَرْ بَ،
ذَنْسَا ڟُواْرُواْ عَثِكِنْ ڧَسَرْ مَصَرْ؞
14ذَنْسَا يَنْكِنْ ڢَتْرُواسْ يَذَمَ كُڢَيْ،
ذَنْ كُنَّ وَ غَرِنْ ذُواْوَنْ وُتَا،
ذَنْيِ حُكُنْثِ عَكَنْ بَبَّنْ بِرْنِنْ تٜىٰبٜىٰسْ؞
15ذَنْ ظُبَ ڢُشِنَ عَكَنْ بِرْنِنْ ڢٜىٰلُسِيُمْ،
وُرِے مَيْ كَتَنْغَ نَ مَصَرْ،
إِنْ كَوَرْدَ جَمَعَرْ تٜىٰبٜىٰسْ مَاسُيَوَ؞
16ذَنْ كُنَّ وَ مَصَرْ وُتَا،
ڢٜىٰلُسِيُمْ ذَاتَ شَا عَذَابَ ڨُورَيْ؞
ذَاعَ تَيَرْ وَ تٜىٰبٜىٰسْ، أَ رُرُّشٜىٰ كَتَنْغَرْتَ؞
أَبُواْكَنْ غَابَا ذَاسُ يَاڧِ مٜىٰمْڢِسْ دُكَنْ يِنِ؞
17سَمَارِ نَبِرْنِنْ هٜىٰلِيُواْڢُواْلِسْ دَ نَ بُبَسْتِسْ،#30.17 هٜىٰلِيُواْڢُواْلِسْ...بُبَسْتِسْ: دَ إِبْرَانِيَنْثِ أَنْرُبُوتَ «أَوٜىٰنْ» دَ «ڢِ بٜىٰسٜىٰتْ» نٜىٰ أَنَنْ، وَطَنْدَ يَنْذُ أَنْسَنْسُ دَ سُونَيٜىٰنْ «هٜىٰلِيُواْڢُواْلِسْ» دَ «بُبَسْتِسْ؞»
ذَاعَ كَشٜىٰسُ دَ تَكُواْبِے،
مَذَوْنَنْ غَرُضُوً كُمَ ذَاعَ كَيْسُ بَوْتَا؞
18أَغَرِنْ تَكْڢَنْكٜىٰسْ رَانَ ذَاتَ يِ دُهُ،
سَعَدَّ نَكَرْيَ إِيكُوانْ مَصَرْ أَوُرِنْ،
ڧَرْڢِنْ دَتَكٜىٰ تَاڧَمَ دَشِ كُمَ ذَيْ ڧَارٜىٰ؞
ذَاعَ رُڢٜىٰ غَرِنْ دَ غِرْغِجٜىٰ،
مُتَنٜىٰنْ ڧَوْيُكَنْتَ، ذَاعَ كَيْسُ بَوْتَا؞
19حَڧِيڧَ، ذَنْيِ وَ مَصَرْ حُكُنْثِ؞
سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞› »
أَنَّبْثِ غَابَادَ ڢِرْعَوْنَ
20أَ رَانَ تَبَݣَويْ غَ وَتَنْ ڢَرْكُواْ، عَثِكِنْ شٜىٰكَرَا تَغُواْمَشَا طَيَ، يَهْوٜىٰهْ يَايِ مَغَنَ دَنِے ثٜىٰوَ 21«يَا كَيْ طَنْ مُتُمْ، نَا كَرْيَ حَنُّنْ ڢِرْعَوْنَ سَرْكِنْ مَصَرْ؞ غَاشِ، بَعَطَوْرَ مَسَ حَنُّنْبَ دُواْمِنْ يَوَرْكٜىٰ، كُواْ أَطَوْرَ مَسَ شِ يَدَّ ذَيْ يِڧَرْڢِے حَرْ يَ عِيَ رِڧٜىٰ تَكُواْبِے؞ 22حَڧِيڧَ، إِنْجِنِ عُبَنْغِجِ يَهْوٜىٰهْ، غَاشِ، إِنَ غَابَادَ ڢِرْعَوْنَ سَرْكِنْ مَصَرْ، ذَنْ كَرْيَ حَنُّوَنْسَ، دُكْ دَ وَنْدَ يَكٜىٰدَ لَاڢِيَ دَ وَنْدَ يَارِغَا يَكَرْيَ؞ ذَنْ كُمَسَا تَكُواْبِے يَڢَاطِ دَغَ حَنُّنْسَ؞ 23ذَنْ وَاڟَرْدَ مُتَنٜىٰنْ مَصَرْ عَثِكِنْ أَلْعُمَّيْ، ذَنْ كُمَ وَرْوَرْڟَرْ دَسُو عَڧَسَاشٜىٰنْ دُونِيَا؞ 24ذَنْ ڧَرْڢَڢَ حَنُّوَنْ سَرْكِنْ بَابِيلَ، إِنْكُمَ سَا تَكُواْبِنَ عَثِكِنْ حَنُّنْسَ؞ عَمَّا ذَنْ كَرْيَ حَنُّوَنْ ڢِرْعَوْنَ، ذَيْ يِ نِيشِ أَغَبَنْ سَرْكِنْ بَابِيلَ دَ نِشٜىٰ نِشٜىٰنْ مُتُمْ وَنْدَ عَكَيِ مَسَ رَوْنِنْ مُتُوَ؞ 25ذَنْ ڧَرْڢَڢَ حَنُّوَنْ سَرْكِنْ بَابِيلَ، عَمَّا حَنُّوَنْ ڢِرْعَوْنَ ذَاسُ مُتُ؞ ذَاسُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَسَا تَكُواْبِنَ عَثِكِنْ حَنُّنْ سَرْكِنْ بَابِيلَ، يَكُمَ مِيڧٜىٰ شِ ثِكِنْ يِنْ غَابَادَ ڧَسَرْ مَصَرْ؞ 26ذَنْ وَاڟَرْدَ مُتَنٜىٰنْ مَصَرْ عَثِكِنْ أَلْعُمَّيْ، إِنْ وَرْوَاڟَرْ دَسُو كُواْعِنَ عَڧَسَاشٜىٰنْ دُونِيَا؞ سَعَنً ذَاسُ سَنِ ثٜىٰوَ نِنٜىٰ يَهْوٜىٰهْ؞»
Currently Selected:
هِظْڧِيَالْ 30: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
