هِظْڧِيَالْ 32
32
وَاڧَرْ مَكُواْكِ دُواْمِنْ ڢِرْعَوْنَ نَ مَصَرْ
1أَنَانً أَ رَانَ تَڢَرْكُواْ غَ وَتَنْ غُواْمَشَا بِيُ، يَهْوٜىٰهْ يَايِ مَغَنَ دَنِے ثٜىٰوَ 2«يَا كَيْ طَنْ مُتُمْ، تَادَ وَاڧَرْ مَكُواْكِ دُواْمِنْ ڢِرْعَوْنَ سَرْكِنْ مَصَرْ، كَثٜىٰ،
« ‹كَيْ كَا مَيْدَ كَنْكَ ذَاكِ نٜىٰ عَثِكِنْ أَلْعُمَّيْ،
عَمَّا كَيْ كَمَ دَ دُواْدُواْ مَيْ صِڢَّرْ مَثِيجِ نٜىٰ
عَثِكِنْ تٜىٰكُ؞
كَنَ تَجُجُّويَ ضُوً كُواْغُنَ،
كَنَ تَدَمَ ضُوَ دَ ڧَڢَاڢُنْكَ،
كَنَ تَݣُوٻَ ضُوً كُواْغُنَنْ؞
3إِنْجِنِ عُبَنْغِجِ يَهْوٜىٰهْ،
عَثِكِنْ تَارُوانْ مُتَنٜىٰنْ ڧَبِيلُ،
ذَنْ جٜىٰڢَ رَاغَتَ عَكَنْكَ
ذَنْ جَٰوُاْكَ عَثِكِنْ رَاغَتَ؞
4ذَنْ جٜىٰڢَرْ دَكَيْ عَڧَسَا،
أَ ڢِيلِ ذَنْ جٜىٰڢَرْ دَكَيْ؞
ذَنْسَا ڟُنْڟَيٜىٰنْ سَرَرِنْ سَمَ،
سُسَوْكَ عَكَنْكَ،
إِنْ ڧُواْسَرْدَ نَمُواْمِنْ دَاجِ نَدُكَنْ دُونِيَا
دَ نَامَنْكَ؞
5ذَنْ بَظَ نَامَنْكَ عَكَنْ تُدَّيْ،
إِنْ ثِكَ ݣُورُرُوَ دَ ڧَسُسُوَنْكَ؞
6ذَنْ جِڧٜىٰ ڧَسَرْدَ جِنِنْكَ حَرْ كَنْ تُدَّيْ،
هَنْيُواْيِنْ ضُوَيٜىٰ ذَاسُثِكَ دَ جِنِنْكَ؞
7سَعَدَّ نَشَرٜىٰكَ، ذَنْ رُڢٜىٰ سَمَّيْ،
إِنْسَا تَوْرَرِنْسُ سُدُهُنْتَ؞
ذَنْسَا غِرْغِجٜىٰ يَرُڢٜىٰ رَانَ،
وَتَ كُمَ بَذَيْ حَصْكَكَبَ؞
8دُكَنْ حَصْكُواْكِنْ سَمَّيْ
ذَنْسَا سُدُهُنْتَ عَكَنْكَ،
إِنْسَا ڧَسَرْكَ تَدُهُنْتَ؞
نِے عُبَنْغِجِ يَهْوٜىٰهْ نَا ڢَطَا؞
9« ‹ذَنْسَا ذُوثِيَارْ أَلْعُمَّيْ دَيَوَ تَدَامُ،
سَعَدَّ نَكَيْكَ بَوْتَا عَثِكِنْ أَلْعُمَّيْ،
حَرْ ثِكِنْ ڧَسَاشٜىٰنْ دَ بَكَ سَنِبَ؞
10ذَنْسَا ڧَبِيلُ دَيَوَ سُرَسَ أَبِنْ ڢَطَا عَكَنْكَ؞
سَرَاكُنَ كُمَ سُيِ ضَوَرْ جِكِے سَبُواْدَكَيْ،
سَعَدَّ نَكَطَ تَكُواْبِنَ أَغَبَنْسُ؞
أَ رَانَرْ ڢَاطُوَرْكَ،
كُواْوَنّٜىٰنْسُ ذَيْ يِتَرَوَرْ جِكِے،
كُواْوَ كُمَ ذَيْ يِتَكَنْسَ دُواْمِنْ رَنْسَ؞
11غَمَا إِنْجِنِ عُبَنْغِجِ يَهْوٜىٰهْ،
تَكُواْبِنْ سَرْكِنْ بَابِيلَ ذَيْ ڢَاطَ مَكَ؞
12ذَنْسَا جَمَعَرْكَ مَاسُيَوَ
سُمُتُ تَوُرِنْ تَكُواْبِنْ ڠُونَيٜىٰنْ يَاڧِ،
ڠُونَيٜىٰنْ يَاڧِ مَرَسَ تَوْسَيِ ڢِيٜىٰدَ سَوْرَنْ أَلْعُمَّيْ؞
ذَاسُ مَيْدَ غِرْمَنْ كَنْ مَصَرْ أَبِنْ بَنْظَ،
دُكَنْ جَمَعَرْتَ مَاسُيَوَ ذَاسُ هَلَّكَ؞
13ذَنْ هَلَّكَ دُكَنْ دَبُّواْبِنْتَ
وَطَنْدَ سُكٜىٰ كِيوُاْ عَبَاكِنْ ضُوَيٜىٰ؞
بَابُ ڧَڢَرْ مُتُمْ وَدَّ ذَاتَ جُجُّويَ ضُوَنْسُ،
بَابُ ڧَڢَرْ دَبَّ كُمَ وَدَّ ذَاتَ ݣُوٻَسُ؞
14ذَنْسَا ضُوَنْسُ يَيِ حَصْكٜىٰ،
إِنْسَا كُواْغُنَنْسُ سُغُدُ كَمَرْ مَيْ؞
نِے عُبَنْغِجِ يَهْوٜىٰهْ نَا ڢَطَا؞
15سَعَدَّ نَمَيْدَ ڧَسَرْ مَصَرْ كُڢَيْ،
سَعَدَّ أَنْرَبَ ڧَسَرْدَ دُكْ أَبِنْدَ يَكٜىٰ ثِكِنْتَ،
سَعَدَّ نَبُغِ دُكَنْ وَطَنْدَ سُكٜىٰ ثِكِنْتَ،
ذَاسُ كُوَ سَنِ ثٜىٰوَ نِنٜىٰ يَهْوٜىٰهْ؞
16« ‹وَنَّنْ عِتَثٜىٰ وَاڧَرْ مَكُواْكِنْ دَ ذَاعَ رٜىٰرَ؞
یَنْ مَاتَنْ أَلْعُمَّيْ ذَاسُ رٜىٰرَ؞
ذَاسُ رٜىٰرَ مَكُواْكِنْ
عَكَنْ مَصَرْ دَ جَمَعَرْتَ مَاسُيَوَ؞
نِے عُبَنْغِجِ يَهْوٜىٰهْ نَا ڢَطَا؞› »
وَاڧَرْ مَكُواْكِ دُواْمِنْ مَصَرْ
17أَ رَانَ تَغُواْمَشَا بِيَرْ غَ وَتَ نَڢَرْكُواْ، أَ شٜىٰكَرَا تَغُواْمَشَا بِيُ، يَهْوٜىٰهْ يَايِ مَغَنَ دَنِے ثٜىٰوَ 18«يَا كَيْ طَنْ مُتُمْ، كَيِ كُوكَا عَكَنْ جَمَعَرْ مَصَرْ مَاسُيَوَ، كَتُورَسُ، وَتُواْ، سَوْرَنْ أَلْعُمَّيْ مَاسُ دَرَجَ، ذُوَا وُرِنْ ذَمَنْ مَتَتُّو تَرٜىٰدَ وَطَنْدَ سُكَ غَنْغَرَ ذُوَا ثِكِنْ رَامِنْ مَتَتُّو؞ كَثٜىٰمُسُ،
19« ‹أَغَنِنْكِ، سُوَنٜىٰنٜىٰ كِكَڢِسُ ݣَوْ؟
كِغَنْغَرَ، كِݣُونْتَ تَرٜىٰدَ مَرَسَ سَنِنْ اللَّهْ؞›
20«ذَاسُ ڢَاطِ عَثِكِنْ وَطَنْدَ عَكَ كَشٜىٰسُ دَ تَكُواْبِے؞ أَنْ بَادَ مَصَرْ غَ تَكُواْبِے، أَنْكُمَ ݣُوشٜىٰتَ، عِتَ دَ دُكَنْ جَمَعَرْتَ مَاسُيَوَ؞ 21مَنْيَ مَاسُ عِيَ يَاڧِ تَرٜىٰدَ مَاسُ تَيْمَكُوانْسُ ذَاسُ مَرَبْثٜىٰسُ، سُيِ مَغَنَ دَغَ وُرِنْ ذَمَنْ مَتَتُّو سُثٜىٰ، ‹أَيْ، سُنْ رِغَا سُنْ غَنْغَرُواْ، غَاسُنَنْ ݣُونْثٜىٰ شِضُ، سُو مَرَسَ سَنِنْ اللَّهْ وَطَنْدَ عَكَ كَشٜىٰ دَ تَكُواْبِے؞›
22«ڧَسَرْ أَسُّرِيَ تَنَ ثَنْ دَ دُكَنْ سُواْجُواْجِنْتَ؞ كَبُرْبُرَنْسُ سُنَ كٜىٰوَيٜىٰ دَ عِتَ؞ أَنْ كَكَّشٜىٰسُ دُكَ دَ تَكُواْبِے؞ 23أَنْ تُواْنَ كَبُرْبُرَنْسُ عَثَنْ غِنْدِنْ رَامِنْ مُتُوَ؞ سُواْجُواْجِنْتَ سُنَ كٜىٰوَيٜىٰ دَ كَبَرِنْتَ؞ أَنْ كَكَّشٜىٰسُ دُكَ دَ تَكُواْبِے، سُونٜىٰ مَاسُ كَٰوُاْ ڟُواْرُواْ عَثِكِنْ دُونِيَرْ مَاسُ رَيْ؞
24«ڧَسَرْ عٜىٰلَمْ تَنَ ثَنْ دَ دُكَنْ جَمَعَرْتَ مَاسُيَوَ كٜىٰوَيٜىٰ دَ كَبَرِنْتَ؞ أَنْ كَكَّشٜىٰسُ دُكَ دَ تَكُواْبِے؞ سُنْ غَنْغَرَ دَ ڧَظَنْتَرْسُ نَمَرَسَ سَنِنْ اللَّهْ ذُوَا وُرِنْ ذَمَنْ مَتَتُّو؞ سُونٜىٰ مَاسُ كَٰوُاْ ڟُواْرُواْ عَدُونِيَرْ مَاسُ رَيْ؞ سُنْشَا كُنْيَرْسُ تَرٜىٰدَ وَطَنْدَ سُكَ غَنْغَرَ ذُوَا رَامِنْ مَتَتُّو؞ 25أَنْ شِرْيَ مَتَ غَدُواْ عَثِكِنْ مَتَتُّو تَرٜىٰدَ دُكَنْ جَمَعَرْتَ مَاسُيَوَ؞ كَبُرْبُرَنْسُ سُنَ كٜىٰوَيٜىٰ دَ عِتَ، أَنْكَكَّشٜىٰسُ دُكَ دَ تَكُواْبِے نٜىٰ؞ غَمَا دَا سُنْ يَطَ ذَمَنْ ڟُواْرُواْ عَدُونِيَرْ مَاسُ رَيْ، يَنْذُ سُنْ غَنْغَرَ ذُوَا رَامِنْ مَتَتُّو تَرٜىٰدَ وَطَنْدَ عَكَ كَشٜىٰ؞
26«ڧَسَرْ مٜىٰشٜىٰكْ تُبَلْ تَنَ ثَنْ تَرٜىٰدَ دُكَنْ جَمَعَرْتَ مَاسُيَوَ، دُكَنْ كَبُرْبُرَنْسُ سُنَ كٜىٰوَيٜىٰ دَسُو؞ دُكَنْسُ مَرَسَ سَنِنْ اللَّهْ وَطَنْدَ عَكَ كَشٜىٰسُ دَ تَكُواْبِے؞ غَمَا دَا سُنْ يَطَ ذَمَنْ ڟُواْرُواْ عَدُونِيَرْ مَاسُ رَيْ؞ 27بَسُ ݣُونْتَ كُسَدَ سَوْرَنْ مَنْيَ مَاسُ عِيَ يَاڧِ مَرَسَ سَنِنْ اللَّهْ وَطَنْدَ عَكَ كَشٜىٰ أَدَا بَ، وَطَنْدَ سُكَ غَنْغَرَ ذُوَا وُرِنْ ذَمَنْ مَتَتُّو تَرٜىٰدَ كَايَنْ يَاڧِنْسُ؞ سُنْ مَيْدَ تَكُبَنْسُ مَتَاشِنْ كَوُنَنْسُ، غَرْكُوُاْيِنْسُ كُمَ أَبِنْ رُڢٜىٰ ڧَسُسُوَنْسُ؞ غَمَا مَنْيَ مَاسُ عِيَ يَاڧِ سُنْ ذَمَ أَبِنْ ڟُواْرُواْ عَدُونِيَرْ مَاسُ رَيْ؞ 28دُواْمِنْ حَكَ ذَاعَ كَرْيَكُ، كُݣُونْتَ عَثِكِنْ مَرَسَ سَنِنْ اللَّهْ، تَرٜىٰدَ وَطَنْدَ عَكَ كَشٜىٰ دَ تَكُواْبِے؞
29«ڧَسَرْ عٜىٰدُوامْ مَا تَنَ ثَنْ، سَرَاكُنَنْتَ دَ دُكَنْ شُوغَبَنِّنْتَ، وَطَنْدَ دُكْ دَ إِيكُوانْ دَسُكٜىٰ دَشِ أَدَا، سُنَ ݣُونْثٜىٰ تَرٜىٰدَ وَطَنْدَ عَكَ كَشٜىٰ دَ تَكُواْبِے؞ سُنَ ݣُونْثٜىٰ تَرٜىٰدَ مَرَسَ سَنِنْ اللَّهْ دَ كُمَ وَطَنْدَ سُكَ غَنْغَرَ ذُوَا رَامِنْ مَتَتُّو؞
30«دُكَنْ سَرَاكُنَنْ أَرٜىٰوَ سُنَ ثَنْ، دُكَنْسُ دَ دُكَنْ سِدُواْنِيَاوَا، ثِكِنْ كُنْيَا سُنْ غَنْغَرَ تَرٜىٰدَ وَطَنْدَ عَكَ كَشٜىٰ، دُكْ دَ ذَمَنْ ڟُواْرُوانْ دَ سُكَسَا وَمُتَنٜىٰ أَدَا سَبُواْدَ إِيكُوانْسُ؞ يَنْذُ سُنَ ݣُونْثٜىٰ تَرٜىٰدَ مَرَسَ سَنِنْ اللَّهْ وَطَنْدَ عَكَ كَشٜىٰ دَ تَكُواْبِے، سُنْ شَا كُنْيَا تَرٜىٰدَ وَطَنْدَ سُكَ غَنْغَرَ ذُوَا رَامِنْ مَتَتُّو؞
31«سَعَدَّ ڢِرْعَوْنَ يَغَنْسُ، ذَيْسَامِ تَعَظِيَّ سَبُواْدَ دُكَنْ جَمَعَرْسَ، وَتُواْ ڢِرْعَوْنَ دَ دُكَنْ سُواْجُواْجِنْسَ وَطَنْدَ عَكَ كَشٜىٰ دَ تَكُواْبِے؞ نِے عُبَنْغِجِ يَهْوٜىٰهْ نَا ڢَطَا؞ 32كُواْدَيَكٜىٰ نَسَا ڢِرْعَوْنَ يَيَطَ ذَمَنْ ڟُواْرُواْ عَدُونِيَرْ مَاسُ رَيْ، شِے ذَيْ ݣُونْتَ تَرٜىٰدَ مَرَسَ سَنِنْ اللَّهْ وَطَنْدَ عَكَ كَشٜىٰ دَ تَكُواْبِے، وَتُواْ ڢِرْعَوْنَ دَ دُكَنْ جَمَعَرْسَ مَاسُيَوَ؞ نِے عُبَنْغِجِ يَهْوٜىٰهْ نَا ڢَطَا؞»
Currently Selected:
هِظْڧِيَالْ 32: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
