مَيْ وَعَظِ 12
12
1كَتُنَ دَ مَحَلِثِّنْكَ
عَݣُونَكِنْ ڧُرُثِيَرْكَ،
كَاڢِنْ مُوغَيٜىٰنْ ݣُونَكِے سُذُواْ،
شٜىٰكَرُ كُمَ سُنَ مَڟُواْوَ دَ ذَاكَثٜىٰ،
«بَانَ جِنْ دَاطِنْسُ؞»
2وَتُواْ كَاڢِنْ حَصْكٜىٰ نَرَانَ دَ نَوَتَ
دَ نَتَوْرَرِ سُدُهُنْتَ أَغَرٜىٰكَ،
كَكُمَغَ غِذَغِظَنْ ضُوَ سُنْڧِے تَڢِيَ؞
3أَ لُواْكَثِنْ، حَنُّوَنْكَ مَاسُ غَادِنْ جِكِنْكَ،
ذَاسُ رَسَ ڧَرْڢِنْسُ،
ڧَڢَاڢُنْكَ مَاسُ ڧَرْڢِے
ذَاسُ غَجِ،
هَڧُواْرَنْكَ مَاسُ نِڧَ عَبِنْثِ
ذَاسُ ذَمَ كَطَنْ، بَابُ عَيْكِ،
عِدَنُونْكَ مَاسُ كَلُّواْ
ذَاسُ دُهُنْتَ؞
4أَ لُواْكَثِنْ، بَذَاكَجِ سُورُوتَيْ نَتِيتُنَبَ،
ڧَارَرْ نِڧَ مَا، بَذَاكَجِ سُواْسَيْ بَ،
مُرْيُواْيِنْ وَاڧُواْڧِ مَا دَ وُيَ ذَاكَجِيسُ؞
عَمَّا كُوكَنْ طَنْ ڟُنْڟُ
ذَيْ عِيَ تَادَكَيْ دَغَ بَرْثِ،
5عِ، ذَاكَجِے ڟُواْرُوانْ أَبِنْدَ يَكٜىٰدَ ڟَيِ،
تَڢِيَ عَكَنْ حَنْيَ ذَاتَ كَٰوُاْ مَكَ ڟُواْرُواْ؞
كَمَرْ ڢَرَرٜىٰنْ ڢُلَوَ نَ إِتَاثٜىٰنْ أَلْمُوانْ
غَاشِنْ كَنْكَ ذَيْ يِڢَرِ؞
كَمَرْ ڟُواْهُوانْ ڢَارَ،
ذَاكَجَا ڧَڢَا مَيْمَكُوانْ تَڢِيَ؞
كُواْوَنٜىٰ إِرِنْ شَعَوَرْ جِكِے
ذَيْڧَارٜىٰ؞
دَغَ نَنْ، سَيْ غِدَنَّنْ نَهَرْ أَبَدَا،
مَاسُ كُوكَا سُيِ تَكَيْوَ دَ كَٰوُاْوَ عَكَنْ تِيتُنَ؞
6كَتُنَ دَ مَحَلِثِّنْكَ
كَاڢِنْ إِغِيَرْ أَظُرْڢَا تَڟِنْكٜىٰ،
كُواْ ݣُونُوانْ ظِينَارِيَ تَڢَشٜىٰ،
كُواْ تُلُنْ ضُوَ يَڢَشٜىٰ عَبَاكِنْ تَڢْكِ،
كُواْ إِغِيَرْ جَنْ ضُوَ تَڟِنْكٜىٰ عَبَاكِنْ رِجِيَ،
7تُرْٻَيَا كُمَ تَكُواْمَ ڧَسَا كَمَرْ دَا،
رُوحُ مَا يَكُواْمَ وُرِنْ اللَّهْ وَنْدَ يَبَايَرْ؞
8بَنْظَ، دُكَنْ كُواْمٜىٰ بَنْظَنٜىٰ،
إِنْجِ مَيْ وَعَظِ،
غَبَاطَيَ كُواْمٜىٰ بَنْظَنٜىٰ!
ڧَرْشٜىٰنْ مَغَنَ
9سَبُواْدَ مَيْ وَعَظِ يَكَسَنْثٜىٰ مَيْ حِكِمَ، سَيْ يَكُواْيَ وَمُتَنٜىٰ سَنِ؞ يَأَوْنَ، يَبِنْثِكَ، يَكُمَ شِرْيَ كَرِنْ مَغَنَ دَيَوَ؞ 10مَيْ وَعَظِنْ يَنٜىٰمِ كَلْمُواْمِ مَاسُ دَاطِنْ جِ، يَرُبُوتَ كَلْمُواْمِنْ غَسْكِيَ دَيْدَيْ؞ 11كَلْمُواْمِنْ مُتَنٜىٰ مَاسُ حِكِمَ كَمَرْ سَنْدُنَنْ كِيوُاْ نٜىٰ، كَلْمُواْمِنْ ذَاسُ دَوَّمَ كَمَرْ ڧُسُواْشِنْ دَ سُكَكَڢُ أَ سَنْدَنْ كِيوُاْ؞ كَلْمُواْمِنَّنْ مَكِيَايِ طَيَ يَتَتَّارَ؞
12لُورَ يَا طَانَ، كَيِ حَنْكَلِ، غَمَا عَيْكِنْ رُبُوتَ لِتَّتَّڢَيْ بَ شِ دَ إِيَاكَ، يَوَنْ كَرَاتُ كُمَ يَكٜىٰ غَاجِيَرْ دَ مُتُمْ؞
13بَايَنْ وَنَّنْ دُكَ،
غَ ڧَرْشٜىٰنْ ذَنْثٜىٰنْ،
كَجِڟُواْرُوانْ اللَّهْ، كَكِيَايٜىٰ عُمَرْنَنْسَ،
غَمَا وَنَّنْ كَطَيْ شِينٜىٰ عَيْكِنْ مُتُمْ؞
14غَمَا اللَّهْ ذَيْ شَرْعَنْتَ كُواْوَنٜىٰ إِرِنْ عَيْكِ،
كُواْ عَٻُواْيٜىٰ عَكَيِشِ،
كُواْ نَكِرْكِ نٜىٰ، كُواْ نَمُغُنْتَا نٜىٰ؞
Currently Selected:
مَيْ وَعَظِ 12: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
