مَيْ وَعَظِ 11
11
إِيَاكَرْ عِلِمٍ طَنْ ءَادَمُ
1كَبَايَرْ حَنُّ سَكٜىٰ،
غَمَا ذَاكَسَامٜىٰشِ بَايَنْ ݣُونَكِے دَيَوَ؞
2كَرَبَ أَبِنْدَ كَكٜىٰ دَشِ
غِدَا بَݣَويْ كُواْ تَݣُوسْ،
غَمَا بَكَ سَنْ إِرِنْ مَسِيڢَرْ
دَ ذَاتَ ڢَاطُواْوَ دُونِيَا بَ؞
3سَعَدَّ غِذَغِظَيْ سُكَ ثِكَ دَ ضُوَ،
سُكَنْ ظُبَرْدَ ضُوَ عَڧَسَا،
غٜىٰڢٜىٰنْ دَ إِتَاثٜىٰ يَڢَاطِ، كُواْ كُدُ كُواْ أَرٜىٰوَ،
وُرِنْدَ يَڢَاطِ، نَنْ ذَيْ ݣُونْتَ؞
4دُكْ وَنْدَ يَكٜىٰ جِضَانْ إِسْكَ،
بَذَيْ يِشُوكَبَ،
دُكْ وَنْدَ يَكُلَ دَ غِذَغِظَيْ،
بَذَيْ يِغِرْبِبَ؞
5كَمَرْ يَدَّ بَكَ سَنْ حَنْيَرْ إِسْكَبَ،
كُواْ يَدَّ رَيْ يَكَنْ شِغَ ثِكِنْ جَرِرِ
عَثِكِنْ ثِكِنْ مَامَرْسَبَ،
حَكَمَا بَكَ سَنْ عَيْكِنْ اللَّهْ بَ،
شِے وَنْدَ يَيِ دُكَنْ كُواْمٜىٰ؞
6دَ سَڢٜىٰ كَشُوكَ حَڟِنْكَ،
دَ يَمَّ كَدَ كَنَطَ حَنُّوَنْكَ،
غَمَا بَكَ سَنْ وَنْدَ ذَيْ يِ أَلْبَرْكَبَ،
كُواْ وَنَّنْ كُواْ وَنْثَنْ كُواْ مَا دُكَنْسُ
ذَاسُ ذَمَ دَ أَلْبَرْكَ؞
جِ دَطِنْ رَايُوَا، تُنَ دَ اللَّهْ
7حَڧِيڧَ حَصْكٜىٰ يَنَدَ دَاطِے،
أَبُ مَيْݣَوْ نٜىٰ إِدَانُو سُدُوبِے حَصْكٜىٰنْ رَانَ؞
8عِ، كُواْ دَ مُتُمْ يَيِ شٜىٰكَرُ دَيَوَ،
بَرِ يَجِ دَاطِنْسُ دُكَ؞
بَرِ يَتُنَ دُهُنْ مُتُوَ ذَيْڢِ شٜىٰكَرُنْ دَطٜىٰوَ؞
دُكَنْ أَبِنْدَ يَكٜىٰ ذُوَا، بَنْظَنٜىٰ؞
9يَا سَوْرَيِ، جِ دَاطِنْ ڧُرُثِيَرْكَ،
بَرْ ذُوثِيَارْكَ تَيِ ڢَضٍ ثِكِ
عَݣُونَكِنْ ذَمَنْ مَتَاشِنْكَ؞
كَبِے نُڢِنْ ذُوثِيَارْكَ دَ شَعَوَرْ عِدَنُونْكَ؞
عَمَّا كَسَنِ ڢَا، عَكَنْ أَبُبُوَنَّنْ دُكَ
اللَّهْ ذَيْ شَرْعَنْتَكَ؞
10كَوَرْ دَ كُواْوَنٜىٰ إِرِنْ دَامُوَ دَغَ ذُوثِيَارْكَ،
ذَاڢِ كُمَ دَغَ جِكِنْكَ؞
غَمَا ڧُرُثِيَ دَ ذَمَنْ مَتَاشِ
دُكْ بَنْظَنٜىٰ؞
Currently Selected:
مَيْ وَعَظِ 11: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
