مَيْ وَعَظِ 10
10
أَبُبُوَنْدَ ذَاعَ لُورَ دَسُو
1كَمَرْ يَدَّ مَتَتُّنْ ڧُدَجٜىٰ
سُكَنْ سَا مَنْ ڧَنْشِ يَيِ وَرِ،
حَكَكُمَ وَوَنْثِ كَطَنْ
يَكَنْ ٻَاتَ حِكِمَ دَ غِرْمَ؞
2ذُوثِيَارْ مَيْ حِكِمَ تَكَنْ كَيْ شِ
غَ يِنْ أَبِنْدَ يَكٜىٰ دَيْدَيْ،
عَمَّا ذُوثِيَارْ وَاوَا تَكَنْ كَيْ شِ
غَ يِنْ أَبِنْدَ بَ دَيْدَيْبَ؞
3وَاوَا، كُواْ عَثِكِنْ تَڢِيَ أَ حَنْيَ،
يَكَنْ نُونَ بَ شِ دَ حَنْكَلِ،
يَكَنْ كُمَ بَيَّنَ وَ كُواْوَ
شِ وَاوَا نٜىٰ؞
4عِدَنْ ڢُشِنْ مَيْ مُلْكِ يَتَاشِ عَكَنْكَ،
كَدَ كَيِ سَوْرِنْ بَرِنْ عِنْدَ كَكٜىٰ،
غَمَا ݣُونْتَرْدَ حَنْكَلِ،
يَكَنْسَا عَيَاڢٜىٰ مَنْيَنْ لَيْڢُواْڢِ؞
5أَݣَويْ مُغُنْتَارْدَ نَغَنِ أَ رَايُوَرْ دُونِيَرْ نَنْ،
بَبَّنْ كُسْكُرٜىٰنْ دَ مَيْ مُلْكِ يَكَنْيِ؞
6عَكَنْ بَا وَوَيٜىٰ مَنْيَنْ مَڟَيِ،
مَاسُ أَرْزِڧِ كُمَ سَيْ عَبَاسُ وُرِنْ ڧَسْڧَنْثِ؞
7نَتَٻَ غَنِنْ بَايِ عَكَنْ دَوَكِ،
یَیَنْ سَرْكِے سُنَ تَاكَاوَ دَ ڧَڢَا كَمَرْ بَايِ؞
8وَنْدَ يَتُواْنَ رَامِنْ مُغُنْتَا
شِينٜىٰ ذَيْ ڢَاطِ عَثِكِ،
وَنْدَ يَرُشٜىٰ كَتَنْغَ،
شِينٜىٰ مَثِيجِ ذَيْ سَارَ؞#زَبُو 7.15؛ كَـ مَغْـ 26.27
9وَنْدَ يَڢَرْڢَسَ دُوَڟُو،
شِينٜىٰ ذَاسُيِ مَسَ رَوْنِ،
وَنْدَ يَڢَسْكَرٜىٰ إِتَاثٜىٰ،
شِينٜىٰ ذَيْ جَٰوُاْ مَسَ حَڟَرِ؞
10عِدَنْ بَاكِنْ غَاتَرِ بَ شِ دَكَيْڢِ
إِنْكُمَ بَعَوَاسَ بَاكِنْ بَ،
سَيْ دَ ڧَرْڢِے مَيْ يَوَ ذَاعَيِ أَمْڢَانِ دَشِ؞
عَمَّا أَمْڢَانِنْ حِكِمَ تَكَنْ كَٰوُاْ ثِنْ نَصَرَا؞
11عِدَنْ مَثِيجِ يَسَارِ مُتُمْ كَاڢِنْ عَيِمَسَ رِغَكَڢِ،
عَيْكِنْ رِغَكَڢِ بَا شِ دَ أَمْڢَانِ؞
12مَغَنَرْ دَ مَيْ حِكِمَ يَڢَطَا
تَكَنْ كَٰوُاْ مَسَ ڢَضٍ جِنِ؞
عَمَّا مَغَنَرْ دَتَكٜىٰ ڢِتُواْوَ دَغَ بَاكِنْ وَاوَا
تَكَنْ هَلَكَاشِ؞
13ڢَرْكُوانْ مَغَنْغَنُنْ بَاكِنْسَ وَوَنْثِنٜىٰ،
ڧَرْشٜىٰنْ مَغَنَرْسَ مُغُنْتَادَ هَوْكَ نٜىٰ؞
14دُكْدَهَكَ وَاوَا يَكَنْيِ مَغَنَ
عَكَيْ عَكَيْ؞
بَاوَنْدَ يَسَنْ أَبِنْدَ ذَيْ ڢَرُ،
وَ ذَيْ ڢَطَا وَوَنِ أَبِنْدَ ذَيْ ڢَرُ نَنْ غَبَ؟
15عَيْكِنْ وَاوَا يَكَنْ غَاجِيَرْ دَشِ،
تُنْدَ وَوَنْثِنْسَ يَكَنْ مَكَنْتَ مَسَ عِدُواْ؞
16كَيْتُوانْكِ،
يَا كٜىٰ ڧَسَرْدَ سَرْكِنْكِ يَرُواْ نٜىٰ،
یَیَنْ سَرْكِنْكِ سُنَ تَبِكٍ جِنْ دَاطِے تُنْدَ سَڢٜىٰ!
17مَيْ ڢَضٍ ثِكِثٜىٰ كٜىٰ،
يَا كٜىٰ ڧَسَرْدَ سَرْكِنْكِ دَتِّجُواْنٜىٰ،
یَیَنْ سَرْكِنْكِ سُكَنْيِ بِكِنْسُ أَدَيْدَيْ لُواْكَثِ،
دُواْمِنْ سُسَامِ ڧَرْڢِے بَ دُواْمِنْ سُبُغُبَ؞
18ڨُيَ تَكَنْ سَا عِتَتُوَنْ رُڢِ سُيِ تَمُواْڟِ،
رَڠُونْثِ يَكَنْسَا جِنْكَ يَيِ يُواْيُواْ؞
19عَكَنْ شِرْيَ بِكِ دُواْمِنْ جِنْ دَاطِے،
ضُوً إِنَبِے كُوَ دُواْمِنْ ڢَرَنْتَ رَيْ،
كُطِ كُمَ دُواْمِنْ بِيَنْ كُواْوَنٜىٰ إِرِنْ بُڧَاتَ؞
20كَدَ كَذَاغِ سَرْكِے كُواْ عَثِكِنْ ذُوثِيَارْكَ،
كَدَ كُمَ كَذَاغِ مَيْ أَرْزِڧِ كُواْ أَطَاكِنْ ݣُونْثِيَرْكَ،
غَمَا وَنِ ڟُنْڟُ ذَيْ عِيَ كَيْ مَغَنَرْكَ،
كُواْ وَتَ حَلِتَّ مَيْ ڢِكَڢِكَيْ ذَاتَ تُواْنَ أَسِيرِنْكَ؞
Currently Selected:
مَيْ وَعَظِ 10: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
