مَيْ وَعَظِ 9
9
ڧَرْشٜىٰنْ كُواْوَ مُتُوَ ثٜىٰ
1عِ، نَا دَطٜىٰ إِنَ تُنَانِنْ وَنَّنْ أَ ذُوثِيَاتَ ڨُورَيْ، نَا كُوَ بِنْثِكَ دُكَنْ وَنَّنْ؞ نَاغَ يَدَّ مَاسُ أَدَلْثِے دَ مَاسُ حِكِمَ دَ دُكَنْ أَيُّكَنْسُ سُنَ ثِكِنْ حَنُّنْ اللَّهْ، حَرْ دَ ڧَوْنَرْسُ دَ ڧِيَيَّرْسُ؞ بَاوَنْدَ يَسَنْ أَبِنْدَ ذَيْ ڢَرُ دَسُو نَنْ غَبَ؞ 2بَا وَنِ بَمْبَنْثِ، تُنْدَ أَبُ طَيَ نٜىٰ ذَيْ ڢَرُ دَ كُواْوَ، غَ مَيْ أَدَلْثِے دَ مُوغُ، غَ مَيْ كِرْكِ دَ مَرَرْ كِرْكِ، غَ مَرَرْ ڧَظَنْتَادَ مَيْ ڧَظَنْتَا، غَ مَيْ مِيڧَ هَدَايَ دَ مَرَرْ مِيڧَ هَدَايَ؞ مَيْ كِرْكِ بَيْڢِے مَيْ ذُنُوبِبَ؞ مَيْ يِنْ ضَنْڟُوَا بَيْڢِے مَيْ ڧِنْ ضَنْڟُوَابَ؞ 3وَنَّنْ شِينٜىٰ مُوغُنْ أَبِنْدَ يَكٜىٰ ڢَرُوَ أَ رَايُوَرْ دُونِيَرْ نَنْ، ڧَرْشٜىٰنْ كُواْوَ دُكَ طَيَنٜىٰ؞ بَنْدَ حَكَمَا ذُوثِيَارْ یَنْ أَدَمْ ثِكٜىٰ تَكٜىٰدَ مُغُنْتَا، أَݣَويْ كُمَ ٻَرْنَ أَ ذُوثِيَارْسُ سَعَدَّ سُكٜىٰ دَ رَيْ؞ عَڧَرْشٜىٰ كُمَ، سَيْ مُتُوَ؞ 4عَمَّا دُكَنْ وَنْدَ يَكٜىٰدَ رَيْ، يَنَدَ سَوْرَنْ سَا ذُوثِيَا نَنْ غَبَ، غَمَا ڠُومَّ كَرٜىٰ مَيْ رَيْ دَ مَتَثّٜىٰنْ ذَاكِ؞
5عِ، مَاسُ رَيْ سُنْ سَنِ ذَاسُ مُتُ،
عَمَّا مَتَتُّو بَسُ سَنْ كُواْمٜىٰبَ؞
بَاسُ دَ سَوْرَنْ لَادَ،
بَعَسَاكٜىٰ تُنَاوَا دَسُو؞
6ڧَوْنَرْسُ دَ ڧِيَيَّرْسُ دَ كِيشِنْسُ
سُنْ مُتُ تَرٜىٰدَسُو؞
بَذَاسُ سَاكٜىٰ شِغُواْوَ ثِكِنْ أَبُبُوَنْ دَ عَكٜىٰيِ
أَ رَايُوَرْ دُونِيَرْ نَنْ بَكُمَ؞
7تُواْ، يِتَڢِيَرْكَ، كَجِ دَاطِنْ عَبِنْثِنْكَ، كَشَا ضُوً إِنَبِنْكَ دَ ڢَضٍ ثِكِ؞ غَمَا وَنَّنْ شِينٜىٰ أَبِنْدَ اللَّهْ يَشِرْيَ مَكَ؞ 8كُلُّمْ أَ سَا ڢَرَرٜىٰنْ رِيغُنَنْ ڢَضٍ ثِكِ، عَكُمَ شَاڢَ مَيْ نَمُرْنَ؞ 9جِدَاطِنْ رَايُوَا دَ مَاتَرْكَ وَدَّ كَكٜىٰ ڧَوْنَ، دُكَنْ ݣُونَكِنْ بَنْظَ وَطَنْدَ اللَّهْ يَبَاكَ أَ رَايُوَرْ دُونِيَرْ نَنْ، غَمَا وَنَّنْ جِنْ دَاطِے شِينٜىٰ رَبُوانْكَ نَ عَيْكِنْدَ كَيِ عَدُونِيَرْ نَنْ؞ 10دُكْ أَبِنْدَ كَسَامُ نَيِ، كَيِ دَ دُكَنْ ڧَرْڢِنْكَ، غَمَا بَابُ عَيْكِ، كُواْ تُنَانِ، كُواْ سَنِ، كُواْ حِكِمَ أَوُرِنْ ذَمَنْ مَتَتُّو عِنْدَ ذَاكَ تَڢِے؞
11نَا كُمَ غَا وَنِ أَبُ أَ رَايُوَرْ دُونِيَرْ نَنْ، أَشٜىٰ،
بَ كُلُّمْ مَيْ سَوْرِنْ غُدُ
شِينٜىٰ مَيْ ثِنْ ڟٜىٰرٜىٰبَ،
بَ كُلُّمْ مَيْ ڧَرْڢِے
شِينٜىٰ مَيْ ثِنْ يَاڧِبَ،
بَ كُلُّمْ مَيْ حِكِمَ
شِينٜىٰ مَيْ سَامُنْ عَبِنْثِبَ،
بَ كُلُّمْ مَيْ بَسِيرَ
شِينٜىٰ مَيْ سَامُنْ دُوكِيَبَ،
بَ كُلُّمْ مَيْ عِيَوَ
شِينٜىٰ مَيْ سَامُنْ ڢَضٍ جِنِبَ؞
عَمَّا لُواْكَثِ دَ سَعَ سُكَنْ سَامٜىٰ كُواْوَنّٜىٰنْسُ؞
12غَمَا مُتُمْ بَايَ سَنِنْ لُواْكَثِنْسَ؞
كَمَرْ كِيڢِنْ دَ عَكَنْ ݣُوشٜىٰ
عَثِكِنْ رَاغَرْ كَامُنْ كِيڢِ،
كُواْ ڟُنْڟَيٜىٰنْ دَ عَكَنْ كَامَ
ثِكِنْ تَرْكُواْ،
حَكَمَا عَكَنْ كَامَ یَنْ أَدَمْ
بَا لَابَرِ أَ لُواْكَثِنْ مَسِيڢَ؞
حِكِمَ تَاڢِ وَوَنْثِ
13نَكُمَ غَا وَنِ أَبِنْ كُواْيِ غَمٜىٰدَ حِكِمَ أَ رَايُوَرْ دُونِيَرْ نَنْ، أَغَرٜىٰنِ بَبَّنْ أَبُنٜىٰ؞ 14دَا أَݣَويْ وَنِ ڧَرَمِنْ بِرْنِ، مُتَنٜىٰنْ دَسُكٜىٰ عَثِكِ كَطَنْ نٜىٰ؞ سَيْ وَنِ بَبَّنْ سَرْكِے يَكَٰوُاْ مَسَ يَاڧِ، يَكُمَ كٜىٰوَيَ بِرْنِنْ، يَتَادَ أَبُبُوَنْ هَوْرَ كَتَنْغَ دُواْمِنْ يَاڧِ؞ 15عَثِكِنْ وَنَّنْ بِرْنِ كُوَ أَݣَويْ وَنِ تَلَكَ مَيْ حِكِمَ، وَنْدَ تَوُرِنْ حِكِمَرْسَ يَكُٻُتَرْدَ بِرْنِنْ؞ دُكْدَهَكَ بَاوَنْدَ يَتُنَ دَ تَلَكَنَّنْ؞ 16سَيْ نَثٜىٰ «حِكِمَ تَاڢِ ڧَرْڢِے أَمْڢَانِ؞ دُكْدَهَكَ أَنْرٜىٰنَ حِكِمَرْ تَلَكَنَّنْ بَعَكُوَ سَاكٜىٰ كُلَ دَ مَغَنَرْسَبَ؞»
17ڠُومَّ أَجِ مَغَنَرْ مَيْ حِكِمَ،
دَ أَجِ إِيهٌ مَيْ مُلْكِ أَڟَكِيَرْ وَوَيٜىٰ؞
18ڠُومَّ أَ سَامِ حِكِمَ
دَ أَ سَامِ كَايَنْ يَاڧِ،
عَمَّا وَاوَا طَيَ يَكَنْ لَلَتَرْدَ
يَوَنْ أَيُّكَ مَاسُ ݣَوْ؞
Currently Selected:
مَيْ وَعَظِ 9: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
