مَيْمَيْتَاوَرْ شَرِيعَ 33
33
مُوسَٰى يَا أَلْبَرْكَثِ ذُرِيَرْ إِسْرَٰٓءِيلَ
1وَنَّنْ عِتَثٜىٰ أَلْبَرْكَرْ دَ مُوسَٰى، مُتُمِنْ اللَّهْ يَسَا وَجَمَعَرْ إِسْرَٰٓءِيلَ كَاڢِنْ مُتُوَرْسَ؞ 2يَثٜىٰ،
«يَهْوٜىٰهْيَا ذُواْ دَغَ سِنَيْ،
كَمَرْ رَانَ يَتَاشِ دَغَ سٜىٰيِرْ أَ عٜىٰدُوامْ،
دَغَ بَبَّنْ تُدُنْ ڢَرَنْ يَحَصْكَكَا؞
يَذُواْ تَرٜىٰدَ دُبَّنْ مَاسُ ڟَرْكِے،
دَ هَرْشٜىٰنْ وُتَا مَيْثِ أَ حَنُّنْ دَامَنْسَ؞
3حَڧِيڧَ، يَنَ ڧَوْنَرْ جَمَعَرْسَ،
دُكَنْ وَطَنْدَ عَكَ كٜىٰٻٜىٰسُ دَ ڟَرْكِے
أَ حَنُّنْسَ سُكٜىٰ؞
عَڧَڢَاڢُنْسَ سُنَ رُسُنَ،
سُنَ كَرْٻَرْ عُمَرْنَنْسَ؞
4نِے مُوسَٰى، نَبَاكُ كُواْيَرْوَا،
أَبِنْ غَادُواْ مَيْ دَرَجَ غَ جَمَعَرْ يَعْڧُوبَ؞
5 يَهْوٜىٰهْ يَا ذَمَ سَرْكِے أَ يٜىٰشُرُنْ،
سَعَدَّ شُوغَبَنِّنْ جَمَعَ سُكَ تَارُ،
تَرٜىٰدَ دُكَنْ ظُرِيُواْيِنْ إِسْرَٰٓءِيلَ؞»
6غَا أَبِنْدَ مُوسَٰى يَڢَطَا عَكَنْ ذُرِيَرْ رَعُبَيْنُ؞
«بَرِ رَعُبَيْنُ يَرَايُ، كَدَ يَمُتُ،
كُواْدَيَكٜىٰ مُتَنٜىٰنْسَ كَطَنْ نٜىٰ؞»
7عَكَنْ ذُرِيَرْ يَهُودَ يَثٜىٰ،
«يَا يَهْوٜىٰهْ، كَجِ كُوكَنْ يَهُودَ،
كَهَطَشِ دَ سَوْرَنْ جَمَعَرْسَ،
كَبَاشِ ڧَرْڢِنْ حَنُّ دُواْمِنْ يَاڧِ،
كَتَيْمَكٜىٰشِ عَكَنْ مَاسُ ڧِنْسَ؞»
8عَكَنْ ذُرِيَرْ لَوِ يَثٜىٰ،#ڢِتْ 17.7؛ 28.30؛ لِـ ڧِدْ 20.13
«كَبَا لَوِيَاوَا تُمِّمْ،
عُرِمْ نَاكَ غَ مَاسُ حَلِنْكَ،
سُو وَطَنْدَ كَڠُودَ أَ مَسَّ،
وَطَنْدَ كَجَرَّبَ أَ ضُوَيٜىٰنْ مٜىٰرِبَ؞
9سُكَ نُونَ أَمِنْثِ غَرٜىٰكَ،
ڢِيٜىٰدَ إِيَايٜىٰنْسُ دَ یَنْعُوَنْسُ دَ یَیَنْسُ،
غَمَا لَوِيَاوَا سُنْ كِيَايٜىٰ مَغَنَرْكَ؞
سُنْ رِڧٜىٰ يَرْجٜىٰجٜىٰنِيَرْكَ؞
10سُنَ كُواْيَ وَ يَعْڧُوبَ عُمَرْنَنْكَ،
إِسْرَٰٓءِيلَ كُمَ كُواْيَرْوَرْكَ،
سُنَ مِيڧَ تُرَارٜىٰ أَغَبَنْكَ،
دَ هَدَايُنْ ڧُواْنَاوَا عَكَنْ بَغَدٜىٰنْكَ؞
11يَا يَهْوٜىٰهْ،
كَاأَلْبَرْكَثِ أَبِنْدَ يَكٜىٰدَشِ،
كَكَرْٻِ أَيُّكَنْ حَنُّوَنْسَ؞
كَمُرْڧُشٜىٰ ڧَرْڢِنْ أَبُواْكَنْ غَابَنْسَ،
دَ نَوَطَنْدَ سُكٜىٰ ڧِنْسَ،
دُواْمِنْ كَدَ سُڧَارَ تَاشِ؞»
12عَكَنْ ذُرِيَرْ بِلِيَامِنُ يَثٜىٰ،
«ڧَوْنَتَتُّنْ يَهْوٜىٰهْ نٜىٰ سُو،
مُتَنٜىٰنْ بِلِيَامِنُ سُنَ ذَمَنْ لَاڢِيَ دَشِ؞
يَهْوٜىٰهْ يَنَ ڟَرٜىٰسُ دُكَنْ يِنِ،
يَنَ كِيَايٜىٰسُ دَغَ كُواْوَثٜىٰ وَهَلَ؞»
13عَكَنْ ذُرِيَرْ يُوسُڢَ يَثٜىٰ،
«أَلْبَرْكَ تَ يَهْوٜىٰهْ تَا كَسَنْثٜىٰ عَكَنْ ڧَسَرْسَ،
أَلْبَرْكُنْ سَمَ دَ رَٻَ،
دَ ضُوَ دَغَ ڧَرْڧَشِنْ ڧَسَا،
14أَلْبَرْكَرْ أَمْڢَانِنْ غُواْنَ مَيْݣَوْ
دَ رَانَ يَكٜىٰ بَايَرْوَ،
دَ ݣَوَوَنْ أَمْڢَانِنْ
دَ عَكٜىٰ سَامُ عَثِكِنْ وَتَنِّ،
15دَ أَمْڢَانِ مَڢِے ݣَوْ دَغَ تُدَّيْ نَدَا،
دَ أَلْحٜىٰرِ مَيْ يَوَ دَغَ تُدَّيْ مَاسُ دَوَّمَ،
16دَ ݣَوْتَيْ مَڢِے ݣَوْ
نَدُونِيَا دَ ثِكَرْتَ،
دَ أَلْحٜىٰرِنْ وَنْدَ يَبَيَّنَ
عَڧَرَمِنْ إِتَاثٜىٰ مَيْثِ وُتَا؞
بَرِ أَلْبَرْكُنَّنْ سُسَوْكَ عَكَنْ كَنْ يُوسُڢَ،
عَكَنْ غُواْشِنْ وَنْدَ أَنْوَارٜىٰشِ سَرْكِے
عَثِكِنْ یَنْعُوَنْسَ؞
17دَرَجَرْسَ كَمَرْ تَطَنْ ڢَارِ نَبِجِمِ تَكٜىٰ،
ڧَهُواْنِنْسَ كَمَرْ نَٻَوْنَ سُكٜىٰ؞
دَسُو يَكٜىٰ تُرٜىٰ ڧَبِيلُ،
يَكُواْرٜىٰسُ حَرْ إِيَاكَرْ دُونِيَا؞
حَكَ دُبُنْ دُبَّيْ نَ إِڢْرَيِمْ سُكٜىٰ،
حَكَكُمَ دُبَّنْ مَنَسّٜىٰ ذَاسُ ذَمَ؞»
18عَكَنْ ذُرِيَرْ ظٜىٰبُلُنْ يَثٜىٰ،
«كَيِ مُرْنَ، يَا ظٜىٰبُلُنْ،
ثِكِنْ ڢِتَرْكَ،
يَا كَيْ إِسَّكَرْ كُمَ،
عَثِكِنْ تٜىٰنْتُنَنْكَ؞
19ذَاسُ كِرَا ڧَبِيلُ ذُوَا بَبَّنْ تُدُ،
ثَنْ ذَاسُ مِيڧَ هَدَايُنْ دَسُكٜىٰ دَيْدَيْ؞
غَمَا ذَاسُسَامِ أَرْزِڧِ دَغَ تٜىٰكُنَ نٜىٰ،
دَ ٻُواْيَيُّنْ دُوكِيَ دَغَ يَشِ؞»
20عَكَنْ ذُرِيَرْ غَدْ يَثٜىٰ،
«مَيْ أَلْبَرْكَ نٜىٰ يَهْوٜىٰهْ
وَنْدَ يَڧَارَ يَنْكِنْ غَدْ،
غَدْ يَنَ ذَمَ كَمَرْ ذَاكِ،
يَنَ يَيَّاغٜىٰ حَنُّ، عِ، حَرْ ڧُواْڧُوانْ كَيْ؞
21يَذَاٻِ ڧَسَا مَڢِے ݣَوْ دُواْمِنْ كَنْسَ،
غَمَا ثَنْ عَكَ كٜىٰٻٜىٰ رَبُوانْ شُوغَبَا؞
يَذُواْ وُرِنْ شُوغَبَنِّنْ جَمَعَرْ،
تَرٜىٰدَ إِسْرَٰٓءِيلَ يَعَيْكَتَ أَدَلْثِنْ يَهْوٜىٰهْ،
يَيِ بِيَيَّ دَ عُمَرْنَنْسَ؞»
22عَكَنْ ذُرِيَرْ دَنْ يَثٜىٰ،
«دَنْ طَنْ ذَاكِ نٜىٰ،
مَيْ ڟَلّٜىٰ دَغَ بَشَنْ؞»
23عَكَنْ ذُرِيَرْ نَڢْتَلِ يَثٜىٰ،
«يَا نَڢْتَلِ، ڧُواْسَشّٜىٰ دَ أَلْحٜىٰرِ،
ثِكٜىٰ دَ أَلْبَرْكُنْ يَهْوٜىٰهْ،
كَثِ غَادُوانْ يَنْكِنْ ڧَسَا
دَغَ تٜىٰكُ ذُوَا وَجٜىٰنْ كُدُ؞»
24عَكَنْ ذُرِيَرْ أَشٜىٰرْ يَثٜىٰ،
«أَشٜىٰرْ مَڢِے أَلْبَرْكَ نٜىٰ ثِكِنْ یَیَ مَظَا،
بَرِ يَذَمَ أَبِنْ ڧَوْنَ غَ یَنْعُوَنْسَ؞
بَرِ عِتَتُوَنْ ظَيْتُنْسَ سُيَلْوَتَ
حَرْ يَوَنْكٜىٰ ڧَڢَرْسَ ثِكِنْ مَيْ؞
25بَرِ ڧُواْڢَرْ غَرِنْسَ سُيِ ڧَرْڢِے
دَ سَنْدُنَنْ بَڧِنْ ڧَرْڢٜىٰ دَ نَتَغُلَّ؞
بَرِ يَوَنْ ڧَرْڢِنْ مُتَنٜىٰنْسَ
يَكَيْ يَوَنْ ݣُونَكِنْسُ؞
26«يَا يٜىٰشُرُنْ، بَابُوَنِ كَمَرْ اللَّهْ،
وَنْدَ يَكٜىٰ تَڢِيَ عَكَنْ سَمَّيْ
دُواْمِنْ يَتَيْمَكٜىٰكَ،
وَنْدَ يَكٜىٰ تَڢِيَ دَ طَوْكَكَ ثِكِنْ سَرَرِنْ سَمَ؞
27 اللَّهْ مَرَرْ ڢَرْكُواْ مَرَرْ ڧَرْشٜىٰ
شِينٜىٰ وُرِنْ ذَمَنْكَ؞
عَڧَرْڧَشِنْكَ
حَنُّنْسَ يَنَ رِڧٜىٰكَ؞
يَكُواْرِ أَبُواْكِنْ غَابَنْكَ دَغَ غَبَنْكَ،
يَثٜىٰ، ‹كَهَلَّكَ شِ!›
28دُواْمِنْ حَكَ إِسْرَٰٓءِيلَ يَنَ ذَمَنْ لَاڢِيَ،
ذُرِيَرْ يَعْڧُوبَ تَنَ ذَمَنْ لَاڢِيَ،
عَڧَسَا مَيْ حَڟِ دَ ضُوً إِنَبِے،
عِنْدَ رَٻَ تَكٜىٰ ظُبُواْوَ دَغَ سَمَ؞
29يَا إِسْرَٰٓءِيلَ،
مَاسُ ڢَضٍ ثِكِ نٜىٰ كُو!
وَنٜىٰنٜىٰ كَمَرْكُ،
جَمَعَرْ دَ يَهْوٜىٰهْ يَثٜىٰثٜىٰسُ؟
يَهْوٜىٰهْ نٜىٰ غَرْكُوَرْكُ تَتَيْمَكُواْ،
شِينٜىٰ تَكُواْبِنْكُ مَيْ نَصَرَا!
أَبُواْكَنْ غَابَنْكُ ذَاسُ رُسُنَ مُكُ،
كُو ذَاكُ تَتَّاكَسُ عَڧَرْڧَشِنْ ڧَڢَاڢُنْكُ؞»
Currently Selected:
مَيْمَيْتَاوَرْ شَرِيعَ 33: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
