مَيْمَيْتَاوَرْ شَرِيعَ 32
32
1«يَا كُو سَمَّيْ،
كُكَسَ كُنّٜىٰ، ذَنْيِ مَغَنَ؞
يَا كٜىٰ دُونِيَا،
كِجِ مَغَنَرْ بَاكِنَ؞
2بَرِ كُواْيَرْوَاتَا تَظُبَ كَمَرْ ضُوً سَمَ
مَغَنَاتَ تَڢَاطُواْ كَمَرْ رَٻَ،
كَمَرْ يَيَّڢِ عَكَنْ ثِيَوَ،
كَمَرْ ضُوً سَمَ عَكَنْ غَنْيَيٜىٰ؞
3غَمَا ذَنْيِ شٜىٰلَرْ سُونَنْ يَهْوٜىٰهْ؞
كُيَبِے غِرْمَنْ اللَّهْ نْمُ!
4دُوڟٜىٰ نٜىٰ شِے، عَيْكِنْسَ ثِكَكّٜىٰ نٜىٰ،
كُمَ دُكَنْ هَنْيُواْيِنْسَ غَسْكِيَ نٜىٰ؞
اللَّهْ مَيْ أَمِنْثِ نٜىٰ، بَايَ رُوطُ،
مَيْ أَدَلْثِے نٜىٰ شِے، مَيْ غَسْكِيَ نٜىٰ كُمَ؞
5عَمَّا یَیَنْسَ دَ سُكَ لَلَثٜىٰ
سُنْ عَيْكَتَ مُغُنْتَا؞
مُوغُوَرْ ڟَارَاثٜىٰ
مَاسُ رَايُوَرْ ݣُونَ ݣُونَ؞
6حَكَ كُكٜىٰ مَيَرْ وَ يَهْوٜىٰهْ،
يَا كُو وَوَيٜىٰ، مُتَنٜىٰ مَرَسَ حِكِمَ؟
بَ شِينٜىٰ بَابَنْكُ وَنْدَ يَحَلِثّٜىٰكُ
وَنْدَ يَيِكُ، يَكُمَ كَڢَكُبَ؟
7تُنَ دَ ݣُونَكِنْ دَا،
يِتُنَانِ عَكَنْ شٜىٰكَرُنْ ڟَارَا نَدَا؞
تَمْبَيِ بَابَنْكُ، ذَيْبَاكُ لَابَرِ،
تَمْبَيِ دَتَّاوَنْكُ، ذَاسُ ڢَطَا مُكُ؞
8دَ مَڢِے طَوْكَكَ يَبَا أَلْعُمَّيْ غَادُوانْسُ،#أَيُّكَنْ 17.26
سَعَدَّ يَرَرَّبَ یَنْ أَدَمْ،
يَكَڢَ وَ ڧَبِيلُنْ إِيَاكَرْسُ،
كُواْوَثٜىٰ ڧَبِيلَ دَ اللَّهْنْتَ؞#32.8: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «بِسَغَ يَوَنْ إِسْرَٰٓءِيلَاوَا» أَنَنْ؞
9غَمَا رَبُوانْ يَهْوٜىٰهْ جَمَعَرْسَ نٜىٰ،
يَعْڧُوبَ شِينٜىٰ رَبُوانْ غَادُوانْسَ؞
10«يَسَامٜىٰشِ أَ هَمَادَ،
أَدَاجِ عِنْدَ بَا كُواْوَ، ڧَسَا مَرَرْ أَمْڢَانِ؞
يَكٜىٰوَيٜىٰشِ، يَلُورَ دَشِ،
يَكِيَايٜىٰشِ كَمَرْ ڨُويَرْ عِدُوانْسَ؞
11 يَهْوٜىٰهْ كَمَرْ غَغَّڢَ يَكٜىٰ،
وَدَّ تَكَنْ بُوطٜىٰ ڢِكَڢِكَنْتَ تَڟَرٜىٰ یَیَنْتَ؞
تَكَنْ وَرْوَارٜىٰ شٜىٰڧَرْتَ
تَمُواْڟَ یَیَنْتَ سُڢَارَ تَاشِ،
أَشِرْيٜىٰ تَكٜىٰ تَطَوْكٜىٰسُ عَكَنْ بَايَنْتَ
دُواْمِنْ كَدَ سُڢَاطِ؞
12 يَهْوٜىٰهْ نٜىٰ كَطَيْ يَبِے دَ مُتَنٜىٰنْسَ،
بَا وَنِ بَڧُوانْ اللَّهْ تَرٜىٰ دَشِيبَ؞
13«يَكَڢَ إِسْرَٰٓءِيلَ أَ سَمَنْ تُدَّيْ نَڧَسَرْ،
يَكُمَ ثِيَرْ دَشِ دَ أَمْڢَانِنْ غُواْنَ؞
يَيِ رٜىٰنُوانْسَ دَ ظُمَ دَغَ ثِكِنْ دُوڟٜىٰ،
دَ مَيْ دَغَ عِتَتُوَ مَاسُ ڟِيرَا ثِكِنْ دُوَڟُو،
14دَ كِنْدِرْمُواْ دَ مَدَرَ دَغَ شَانُو دَ تُمَكِ،
دَ كِڟٜىٰ دَغَ یَنْ تُمَكِ دَ رَغُنَ،
دَ بِجِمَيْ دَ أَوَكِ مَڢِے ݣَوْ نَ بَشَنْ،
تَرٜىٰدَ أَلْكَمَ مَڢِے ݣَوْ؞
سُكَشَا جَنْ ضُوً إِنَبِے مَيْݣَوْ؞
15إِسْرَٰٓءِيلَ يَثِ يَڧُواْشِ،
يٜىٰشُرُنْ يَيِ ڧِبَ يَيِ تَاوَيٜىٰ؞
يَيِ ڧِبَ، يَيِ كَوْرِ، يَيِ سُمُلْ؞
يَيَرْ دَ اللَّهْ وَنْدَ يَحَلِثّٜىٰشِ،
يَرٜىٰنَ دُوڟٜىٰنْ ثٜىٰتُوانْسَ؞
16دَ أَلُّواْلِنْسُ، سُكَتَادَ كِيشِنْ يَهْوٜىٰهْ
سَبُواْدَ رَشِنْ ثِكَكِّيَرْ ڧَوْنَرْسُ،
دَ أَبُبُوَنْ بَنْ ڨَمَ، سُكَسَا يَيِ ڢُشِے؞
17سُكَ مِيڧَ هَدَايَ غَ أَلْجَنُ،
بَ غَ اللَّهْ بَ،#1 كُوارْ 10.20
غَ أَلُّواْلِنْ دَ بَسُ تَٻَ سَنِبَ،
سَابَبِّنْ أَلُّواْلِنْ دَ عَكَ شِغُواْ دَسُو دَغَ بَايَ،
أَلُّواْلِنْ دَ كَاكَنِّنْسُ بَسُ جِڟُواْرُوانْسُبَ؞
18سُنْ يَرْ دَ دُوڟٜىٰنْدَ يَحَيْڢٜىٰسُ،
سُنْ مَنْتَادَ اللَّهْ وَنْدَ يَبَاسُ رَيْ؞
19«يَهْوٜىٰهْ يَا غَ وَنَّنْ، يَرٜىٰنَسُ،
سَبُواْدَ ڟُواْكَنَرْ دَ یَیَنْسَ مَظَا دَ مَاتَا
سُكَيِ مَسَ؞
20«إِنْجِ يَهْوٜىٰهْ،
‹ذَنْٻُواْيٜىٰ ڢُسْكَتَ دَغَ غَرٜىٰسُ،
ذَنْغَ يَدَّ ڧَرْشٜىٰنْسُ ذَيْ كَسَنْثٜىٰ،
غَمَا سُو ڟَارَرْ رُوطُ نٜىٰ،
یَیَ نٜىٰ مَرَسَ أَمِنْثِ؞
21سُكَسَا نِے كِيشِ دَ أَبِنْدَ بَ اللَّهْ بَ،#1 كُوارْ 10.22؛ رُوامْ 10.19
سُكَسَانِ ڢُشِے دَ أَلُّواْلِنْسُ؞
نِے مَا ذَنْسَاسُ سُيِ كِيشِ
دَ مُتَنٜىٰنْ دَ بَ أَلْعُمَّ بَ،
إِنْبَاسُ ڢُشِے
دَ أَلْعُمَّ مَرَرْ وَيُواْ؞
22غَمَا ڢُشِنَ يَكُنَّ وُتَا،
تَنَثِ حَرْ ظُرْڢَڢَّنْ وُرِنْ ذَمَنْ مَتَتُّو؞
تَنَ ثِنْيٜىٰ دُونِيَا تَرٜىٰدَ أَمْڢَانِنْتَ،
ذَاتَثِ حَرْ تُوشٜىٰنْ تُدَّيْ؞
23ذَنْ تَتَّارَ مَسِيڢُ عَكَنْسُ،
عَكَنْسُ ذَنْ ڧَارٜىٰ كِبِيُواْيِنَ؞
24يُنْوَ ذَاتَ لَلَتَرْدَسُو،
ذَاڢِنْ ثِيوُاْ ذَيْثِنْيٜىٰسُ،
مُوغُنْ بَلَعِ ذَيْ هَلَكَاسُ؞
ذَنْ عَيْكَ دَ نَمُواْمِنْ دَاجِ عَكَنْسُ،
دَ دَڢِنْ حَلِتُّو مَاسُ رَرَّڢٜىٰ عَڧَسَا؞
25وَطَنْدَ سُكٜىٰ وَجٜىٰ، تَكُواْبِے ذَيْ كَشٜىٰ،
عَثِكِنْ طَكُنَ، ڟُواْرُواْ ذَيْ كَامَسُ،
ذَيْ كَكَّشٜىٰ سَوْرَيِ دُكْ دَ بُدُرْوَ،
مَاسُ شَنْ مَامَا دَ مَاسُ ڢُرْڢُرَرْ كَيْ؞
26نَثٜىٰ ذَنْ وَاڟَرْ دَسُو،
إِنْسَا أَمَنْتَادَسُو دَغَ ثِكِنْ
یَنْ أَدَمْ؞
27عَمَّا إِنَ غُدُنْ ڟُواْكَنَرْ أَبُواْكَنْ غَابَا،
غَمَا أَبُواْكَنْ غَابَنْسُ ذَاسُ عِيَ ثٜىٰوَ
«دَ حَنُّنْمُ مُكَيِ نَصَرَا،
بَ يَهْوٜىٰهْ نٜىٰ يَيِ وَنَّنْبَ!» ›
28«إِسْرَٰٓءِيلَ أَلْعُمَّ ثٜىٰ مَرَرْ حَنْكَلِ،
بَسُ دَ كُواْ غَانٜىٰوَ عَثِكِنْسُ؞
29دَ سُنَدَ حِكِمَ، ذَاسُ ڢَهِمْثِ وَنَّنْ،
دَ ذَاسُ غَانٜىٰ يَدَّ ڧَرْشٜىٰنْسُ ذَيْ كَسَنْثٜىٰ؞
30يَيَ مُتُمْ طَيَ ذَيْ كُواْرِ دُبُو،
بِيُ كُمَ سُسَا دُبُو غُواْمَ سُغُدُ،
سَيْدَيْ كُواْ دُوڟٜىٰنْسُ يَسَيَرْ دَسُو،
كُواْ يَهْوٜىٰهْ يَبَاشٜىٰسُ؟
31غَمَا دُوڟٜىٰنْسُ بَ كَمَرْ دُوڟٜىٰنْمُ بَنٜىٰ،
كُواْ أَبُواْكَنْ غَابَنْمُ مَا سُنْ سَنْ حَكَنٜىٰ؞
32إِتَاثٜىٰنْ إِنَبِنْسُ دَغَ إِنَبِنْ سُواْدُوامْ نٜىٰ،
دَغَ غُواْنَكِنْ إِنَبِنْ غُواْمُواْرَ؞
یَیَنْ إِنَبِنْسُ مَاسُ دَڢِ نٜىٰ،
كُمَ مَاسُ طَاثِ نٜىٰ؞
33ضُوً إِنَبِنْسُ دَڢِنْ مَثِيظَيْ نٜىٰ،
مَيْ دَڢِ إِرِنَّغُواْبٜىٰ دَنِيسَ؞
34« ‹أَبِنْدَ نَشِرْيَ
إِنْيِ وَ إِسْرَٰٓءِيلَاوَا دَ أَبُواْكَنْ غَابَنْسُ
نَكُلّٜىٰسُ أَوُرِنْ أَجِيَتَ،
إِنَ لُورَ دَسُو كَمَرْ أَبِنْ دَرَجَ؞
35رَامُوَا تَاوَثٜىٰ، نِے كُوَ ذَنْ رَامَ،#رُوامْ 12.19؛ إِبْرَ 10.30
لُواْكَثِ يَنَ ذُوَا ڧَڢَرْسُ ذَاتَيِ سَنْڟِ،
غَمَا رَانَرْ مَسِيڢَرْسُ تَايِ كُسَ،
هَلَّكَرْسُ ذَاتَذُواْ كَمَرْ ڨِڢْتَوَرْ عِدُواْ؞›
36«يَهْوٜىٰهْ ذَيْجِے تَوْسَيِنْ بَايِنْسَ،
ذَيْ نُونَ مُتَنٜىٰنْسَ بَاسُ دَ لَيْڢِے،#زَبُو 135.14
سَعَدَّ يَغَ إِيكُوانْسُ يَڧَارٜىٰ،
بَاوَنْدَ يَرَغُ، كُواْ بَاوَ كُواْ طَنْ غِدَا؞
37 يَهْوٜىٰهْ ذَيْثٜىٰ، ‹إِنَا أَلُّواْلِنْسُ،
دُوڟٜىٰنْ دَ سُكَنْ نٜىٰمِ مَڢَكَا عَثِكِ؟
38أَلُّواْلِنْ دَ سُكَثِ كِڟٜىٰنْ هَدَايُنْسُ،
سُكَشَا ضُوً إِنَبِے نَهَدَايُنْسُ تَشَا؟
بَرِ سُتَاشِ سُتَيْمَكٜىٰسُ،
بَرِ سُذَمَ مَڢَكَرْسُ!
39« ‹كُدُوبَ ڢَا، نِنٜىٰ شِے،
بَابُوَنِ اللَّهْ سَيْدَيْ نِے؞
نَكَنْ كَشٜىٰ، إِنْرَايَرْ،
نَكَنْسَا رَوْنِ، إِنْوَرْكَرْ،
بَاوَنْدَ يَكٜىٰدَ إِيكُواْ
يَثٜىٰثٜىٰ وَنِ دَغَ هَنُّونَ؞
40غَمَا نَا طَغَ هَنُّونَ سَمَ
نَا ضَنْڟٜىٰ دَ رَيْنَ،
41سَعَدَّ نَوَاسَ تَكُواْبِنَ مَيْ وَلْڧِيَ،
هَنُّونَ يَرِڧٜىٰشِ دُواْمِنْ يِنْ حُكُنْثِ،
ذَنْيِ رَامُوَا عَكَنْ أَبُواْكَنْ غَابَنَ،
إِنْكُمَ سَاكَ وَمَاسُ ڧِينَ؞
42ذَنْسَا كِبِيُواْيِنَ سُبُغُ دَ جِنِ،
تَكُواْبِنَ كُمَ ذَيْثِ نَامَ
دَ جِنِنْ وَطَنْدَ عَكَ كَشٜىٰ،
دَ نَوَطَنْدَ عَكَ كَامَ عَيَاڧِ؞
تَكُواْبِے ذَيْثِنْيٜىٰ
كَنْ شُوغَبَنِّنْ أَبُواْكَنْ غَابَا؞›
43«يَا كُو أَلْعُمَّيْ،
كُيِ ڢَضٍ ثِكِ تَرٜىٰدَ جَمَعَرْ يَهْوٜىٰهْ!#رُوامْ 15.10؛ رُعُيَ 19.2
غَمَا ذَيْ رَامَ جِنِنْ بَايِنْسَ،
ذَيْ حُكُنْتَ أَبُواْكَنْ غَابَنْسَ،
ذَيْ ڟَرْكَكٜىٰ ڧَسَرْدَ كُمَ جَمَعَرْسَ؞»
44مُوسَٰى يَڢَطِ دُكَنْ وَطَنَّنْ كَلْمُواْمِنْ وَاڧَا عَكُنُّوَنْ جَمَعَ، شِے دَ هُواْشٜىٰيَ طَنْ نُنْ؞
بِنْ كُواْيَرْوَا ذَيْ كَٰوُاْ ڟَوُانْ رَيْ
45سَعَدَّ مُوسَٰى يَغَمَ ڢَطِنْ دُكَنْ وَطَنَّنْ كَلْمُواْمِ ذُوَاغَ دُكَنْ جَمَعَرْ إِسْرَٰٓءِيلَ، 46يَثٜىٰ مُسُ «كُرِڧٜىٰ أَ ذُوثِيَارْكُ دُكَنْ وَطَنَّنْ كَلْمُواْمِنْ دَ نَكٜىٰ شَيْدَ مُكُ أَيَوْ، كُ عُمَرْثِ یَیَنْكُ سُكِيَايٜىٰسُ، سُكُمَ عَيْكَتَ دُكَنْ كَلْمُواْمِنْ كُواْيَرْوَرْ نَنْ؞ 47وَنَّنْ بَمَغَنَ بَثٜىٰ كَوَيْ، عَمَّا رَنْكُ نٜىٰ؞ تَدَلِيلِنْ وَطَنَّنْ كَلْمُواْمِنْ كُواْيَرْوَا، ذَاكُيِ ڟَوُانْ رَيْ عَثِكِنْ ڧَسَرْدَ ذَاكُ ڧٜىٰتَرٜىٰ كُواْغِنْ يُواْدَنْ كُثِ غَادُوانْتَ؞»
مَغَنَرْ مُتُوَرْ مُوسَٰى
48أَ رَانَرْ نَنْ يَهْوٜىٰهْ يَيِ وَ مُوسَٰى مَغَنَ يَثٜىٰ،#لِـ ڧِدْ 27.12-14؛ مَيْ شَـ 3.23-27 49«كَهَوْرَ وَنَّنْ بَبَّنْ تُدُ نَيَنْكِنْ تُدَّنْ أَبَرِمْ، وَتُواْ بَبَّنْ تُدُنْ نٜىٰبُواْ، وَنْدَ يَكٜىٰ عَڧَسَرْ مُواْوَبْ يَنَ ڢُسْكَنْتَرْ يٜىٰرِكُواْ، كَدُوبِے ڧَسَرْ كَنْعَنَ، وَدَّ ذَنْبَا جَمَعَرْ إِسْرَٰٓءِيلَ تَذَمَ مَلَّكَرْسُ تَغَادُواْ؞ 50عَثَنْ كَنْ تُدُنْ دَ ذَاكَ هَوْ، ذَاكَ مُتُ كَبِے كَاكَنِّنْكَ، كَمَرْ يَدَّ طَنْعُوَنْكَ هَٰرُونَ يَمُتُ عَكَنْ بَبَّنْ تُدُنْ هُوارْ يَكُمَ بِے كَاكَنِّنْسَ، 51غَمَا كُنْيِ مِنِ رَشِنْ أَمِنْثِ أَغَبَنْ جَمَعَرْ إِسْرَٰٓءِيلَ عَبَاكِنْ ضُوَيٜىٰنْ مٜىٰرِبَ أَ كَدٜىٰشْ عَثِكِنْ دَاجِنْ ظِنْ، تَوُرِنْ رَشِنْ نُونَ ڟَرْكِنَ أَغَبَنْ جَمَعَرْ إِسْرَٰٓءِيلَ؞ 52سَبُواْدَ حَكَ ذَاكَغَ ڧَسَرْ دَغَ نٜىٰسَ، عَمَّا بَذَاكَ شِغَ ثِكِنْ ڧَسَرْدَ نَكٜىٰبَا جَمَعَرْ إِسْرَٰٓءِيلَ بَ؞»
Currently Selected:
مَيْمَيْتَاوَرْ شَرِيعَ 32: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
