مَيْمَيْتَاوَرْ شَرِيعَ 34
34
مُتُوَرْ مُوسَٰى
1سَيْ مُوسَٰى يَتَاشِ دَغَ ڢِيلَيٜىٰنْ مُواْوَبْ يَهَوْ ذُوَا بَبَّنْ تُدُنْ نٜىٰبُواْ، حَرْ يَكَيْ كَنْ بَبَّنْ تُدُنْ ڢِسْغَ، وَنْدَ يَكٜىٰ ڢُسْكَنْتَرْ يٜىٰرِكُواْ؞ يَهْوٜىٰهْ كُوَ يَنُونَ مَسَ دُكَنْ ڧَسَرْ، أَبِنْدَ يَكَامَ دَغَ يَنْكِنْ غِلٜىٰيَدْ حَرْ ذُوَا يَنْكِنْ دَنْ عَ أَرٜىٰوَ، 2دَ تَ دُكَنْ يَنْكِنْ نَڢْتَلِ دَ يَنْكِنْ إِڢْرَيِمْ دَ نَ مَنَسّٜىٰ دَ دُكَنْ يَنْكِنْ يَهُودَ حَرْ ذُوَا تٜىٰكُنْ مٜىٰدِتٜىٰرٜىٰنِيَ عَيَمَّ، 3دَ يَنْكِنْ نٜىٰغٜىٰبْ وَنْدَ يَكٜىٰ تَكُدُ دَ ݣُورِنْدَ يَمِيڧٜىٰ دَغَ ذُواْوَرْ ذُوَا يٜىٰرِكُواْ، بِرْنِنْ عِتَتُوَنْ دَبِينُواْ؞ 4يَهْوٜىٰهْ كُوَ يَثٜىٰ مَسَ «وَنَّنْ عِتَثٜىٰ ڧَسَرْدَ نَرَنْڟٜىٰوَ إِبْرَٰهِيمْ دَ إِسْحَٰڧَ دَ يَعْڧُوبَ ثٜىٰوَ ذَنْبَادَ عِتَ غَ ذُرِيَرْسُ؞ نَبَرْكَ كَغَنِ دَ عِدُوانْكَ، عَمَّا كَيْ بَذَاكَ ڧٜىٰتَرٜىٰكَ شِغَبَ؞»
5سَيْ مُوسَٰى، بَاوَنْ يَهْوٜىٰهْ، يَمُتُ عَثَنْ عَثِكِنْ ڧَسَرْ مُواْوَبْ، بِسَغَ مَغَنَرْ يَهْوٜىٰهْ؞ 6يَهْوٜىٰهْ يَبِنّٜىٰشِ عَݣُورِ عَڧَسَرْ مُواْوَبْ، وُرِنْ دَيَكٜىٰ ڢُسْكَنْتَرْ بٜىٰتْ ڢٜىٰيُوارْ، عَمَّا بَابُوَنْدَ يَسَنْ وُرِنْ دَ عَكَ بِنّٜىٰشِ هَرْوَيَوْ؞ 7مُوسَٰى يَنَ شٜىٰكَرَا طَرِے دَ عَشِرِنْ لُواْكَثِنْدَ يَمُتُ؞ عِدَنُونْسَ بَسُيِ دُهُ بَ، ڧَرْڢِنْ جِكِنْسَ كُمَ بَيْ رَغُبَ؞ 8جَمَعَرْ إِسْرَٰٓءِيلَ سُكَيِ كُوكَنْ مُتُوَرْ مُوسَٰى عَثِكِنْ ڢِيلَيٜىٰنْ مُواْوَبْ ݣُونَكِے تَلَاتِنْ؞ سَعَنً ݣُونَكِنْ كُوكَا دَ مَكُواْكِ دُواْمِنْ مُوسَٰى سُكَ ثِكَ؞
9يُواْشُوَ طَنْ نُنْ يَنَ ثِكٜىٰ دَ رُوحٌ حِكِمَ، غَمَا مُوسَٰى يَسَا حَنُّنْ أَلْبَرْكَ عَكَنْسَ، كُمَ جَمَعَرْ إِسْرَٰٓءِيلَ سُكَيِ مَسَ بِيَيَّ، سُكَ عَيْكَتَ يَدَّ يَهْوٜىٰهْ يَعُمَرْثِ مُوسَٰى؞
10تُنْدَغَ لُواْكَثِنْ بَعَتَٻَيِنْ وَنِ أَنَّبِے عَ إِسْرَٰٓءِيلَ كَمَرْ مُوسَٰى بَ، وَنْدَ يَهْوٜىٰهْ يَسَنْ شِ ڢُسْكَ دَ ڢُسْكَ؞#ڢِتْ 33.11 11بَابُ أَنَّبِنْدَ يَيِ دُكَنْ عَلَمُ دَ أَيُّكَنْ بَنْ مَامَاكِنْ دَ يَهْوٜىٰهْ يَعَيْكِ مُوسَٰى يَعَيْكَتَ عَڧَسَرْ مَصَرْ، عَكَنْ ڢِرْعَوْنَ دَ كَنْ دُكَنْ دَتَّاوَنْسَ دَ دُكَنْ ڧَسَرْسَ؞ 12بَ كُوَ وَنْدَ يَعَيْكَتَ دُكَنْ أَيُّكَ مَاسُ إِيكُواْ دَ أَبُبُوَ مَاسُ بَنْ ڟُواْرُواْ إِرِ وَطَنْدَ مُوسَٰى يَعَيْكَتَ أَغَبَنْ دُكَنْ جَمَعَرْ إِسْرَٰٓءِيلَ؞
Currently Selected:
مَيْمَيْتَاوَرْ شَرِيعَ 34: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
