مَيْمَيْتَاوَرْ شَرِيعَ 31
31
يُواْشُوَ يَا كَرْٻِ عَيْكِنْ أَ حَنُّنْ مُوسَٰى
﴿لِـ ڧِدْ 27.12-23﴾
1سَيْ مُوسَٰى يَثِيغَبَدَ ڢَطِنْ وَطَنَّنْ كَلْمُواْمِ غَ دُكَنْ جَمَعَرْ إِسْرَٰٓءِيلَ؞ 2يَثٜىٰ مُسُ «يَنْذُ شٜىٰكَرُنَ طَرِے نٜىٰ دَ عَشِرِنْ؞ بَانَ عِيَ كَيْوَ دَ دَاوُاْوَ؞ يَهْوٜىٰهْ كُوَ يَا رِغَا يَا ثٜىٰ مِنِ، ‹بَذَاكَ ڧٜىٰتَرٜىٰ وَنَّنْ كُواْغِنْ يُواْدَنْ بَ؞›#لِـ ڧِدْ 20.12 3يَهْوٜىٰهْ اللَّهْ نْكُ شِ دَ كَنْسَ ذَيْ شَا غَبَنْكُ يَڧٜىٰتَرٜىٰ كُواْغِنْ؞ ذَيْ هَلَّكَ وَطَنَّنْ أَلْعُمَّيْ أَغَبَنْكُ، دُواْمِنْ كُكُواْرٜىٰسُ؞ يُواْشُوَ كُوَ ذَيْ ذَمَ شُوغَبَنْكُ، ذَيْشَا غَبَنْكُ يَڧٜىٰتَرٜىٰ كُواْغِنْ كَمَرْ يَدَّ يَهْوٜىٰهْ يَڢَطَا؞ 4يَهْوٜىٰهْ ذَيْ يِمُسُ كَمَرْ يَدَّ يَيِ وَ سِهُوانْ دَ عُواغْ، سَرَاكُنَنْ أَمُواْرِيَاوَا دَ ڧَسَرْسُ، لُواْكَثِنْدَ يَهَلَكَاسُ؞#لِـ ڧِدْ 21.21-35 5يَهْوٜىٰهْ كُوَ ذَيْبَادَسُو أَ حَنُّنْكُ؞ كُو كُمَ سَيْ كُيِ مُسُ بِسَغَ عُمَرْنَنْدَ نَعُمَرْثٜىٰكُ؞ 6كُڧَرْڢَڢَ، كُيِ ڧَرْڢِنْ حَلِ، كَدَ كُجِڟُواْرُواْ كُواْ كُڢِرْغِتَ سَبُواْدَسُو، غَمَا يَهْوٜىٰهْ اللَّهْ نْكُ نٜىٰ يَكٜىٰ تَڢِيَ تَرٜىٰدَكُو؞ بَذَيْ كُنْيَتَرْ دَكُو بَ، بَ كُوَ ذَيْ يَاشٜىٰكُبَ؞»
7سَيْ مُوسَٰى يَكِرَا يُواْشُوَ كُمَ أَعِدُوانْ دُكَنْ إِسْرَٰٓءِيلَ يَثٜىٰ مُسُ «كَڧَرْڢَڢَ كَكُمَيِ ڧَرْڢِنْ حَلِ، غَمَا كَيْنٜىٰ ذَاكَ بِيدَ وَنَّنْ جَمَعَ سُشِغَ ثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ ذَيْبَاسُ؞ كَيْ كُمَ ذَاكَسَاسُ سُثِ غَادُوانْتَ؞ 8يَهْوٜىٰهْ نٜىٰ ذَيْ شَا غَبَنْكَ يَبِے دَكَيْ؞ بَذَيْ كُنْيَتَرْ دَكَيْبَ، بَ كُوَ ذَيْ يَاشٜىٰكَبَ؞ كَدَ كَجِڟُواْرُواْ، كَدَ كَڢِرْغِتَ؞»
ذَاعَكَرَنْتَ كُواْيَرْوَرْ عَكُواْوَثٜىٰ شٜىٰكَرَا تَبَݣَويْ
9سَيْ مُوسَٰى يَرُبُوتَ وَنَّنْ كُواْيَرْوَا، يَبَا ڢِرِسْتُواْثِے، وَتُواْ ذُرِيَرْ لَوِ وَطَنْدَ سُونٜىٰ مَاسُ طَوْكَرْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ، يَكُمَ بَا دُكَنْ دَتَّاوَنْ إِسْرَٰٓءِيلَ؞ 10مُوسَٰى يَعُمَرْثٜىٰسُ يَثٜىٰ «عَڧَرْشٜىٰنْ كُواْوَثٜىٰ شٜىٰكَرَا تَبَݣَويْ، أَدَيْدَيْ شٜىٰكَرَرْ يَاڢٜىٰوَا وَدَّ عَكَ ڟَارَا، سَيْ كُكَرَنْتَ وَنَّنْ كُواْيَرْوَا أَ لُواْكَثِنْ بِكٍ بُكُّواْكِ؞#مَيْ شَـ 15.1؛ 16.13-15 11أَ لُواْكَثِنْ دَ دُكَنْ إِسْرَٰٓءِيلَاوَا سُكَ تَارُ أَغَبَنْ يَهْوٜىٰهْ اللَّهْ نْكُ أَوُرِنْ دَ ذَيْ ذَاٻَا دُواْمِنْ عَيِ مَسَ سُجَّدَ، سَيْ عَكَرَنْتَ وَنَّنْ كُواْيَرْوَا أَغَبَنْ دُكَنْ إِسْرَٰٓءِيلَ دُواْمِنْ سُجِ دَ كُنُّوَنْسُ؞ 12كُتَتَّارَ جَمَعَرْ، وَتُواْ مَظَا دَ مَاتَادَ يَارَا، حَرْ مَا دَ بَڧِنْ دَسُكٜىٰ ذَمَ عَثِكِنْ غَرُرُوَنْكُ، دُواْمِنْ سُجِيسُ كُواْيَ يَدَّ ذَاسُيِ تَڢِيَ ثِكِنْ ڟُواْرُوانْ يَهْوٜىٰهْ اللَّهْ نْكُ، سُكُمَ لُورَ سُأَيْكَتَ دُكَنْ كَلْمُواْمِنْ وَنَّنْ كُواْيَرْوَا؞ 13كُيِ حَكَ دُواْمِنْ یَیَنْسُ وَطَنْدَ بَسُ سَنِبَ، سُجِيسُ كُمَ كُواْيَ يَدَّ ذَاسُيِ تَڢِيَ ثِكِنْ ڟُواْرُوانْ يَهْوٜىٰهْ اللَّهْ نْكُ، مُدِّنْ كُنَ ظَوْنٜىٰ عَثِكِنْ ڧَسَرْدَ ذَاكُ ڧٜىٰتَرٜىٰ كُواْغِنْ يُواْدَنْ كُثِ غَادُوانْتَ؞»
عُمَرْنِنْ ڧَرْشٜىٰ دَ يَهْوٜىٰهْ يَيِ وَ مُوسَٰى
14 يَهْوٜىٰهْ يَثٜىٰ وَ مُوسَٰى «رَانَرْ مُتُوَرْكَ تَايِ كُسَ؞ كَكِرَا يُواْشُوَ تَرٜىٰدَكَيْ كُشِغُواْ ثِكِنْ تٜىٰنْتِنْ سَدُوَ، دُواْمِنْ إِنْ بَاشِ حَكِّنْ شُوغَبَنْثِ؞» سَيْ مُوسَٰى دَ يُواْشُوَ سُكَ تَڢِے سُكَ شِغَ ثِكِنْ تٜىٰنْتِنْ سَدُوَ، 15يَهْوٜىٰهْ كُمَ يَبَيَّنَ عَتٜىٰنْتِنْ عَثِكِنْ ڧُنْشِنْ غِرْغِجٜىٰ؞ ڧُنْشِنْ غِرْغِجٜىٰنْ كُوَ يَڟَيَ عَڧُواْڢَرْ تٜىٰنْتِنْ؞
16سَيْ يَهْوٜىٰهْ يَثٜىٰ وَ مُوسَٰى «غَاشِ، بَدَ دَطٜىٰوَبَ ذَاكَيِ بَرْثِ تَرٜىٰدَ كَاكَنِّنْكَ؞ سَعَنً جَمَعَرْ نَنْ ذَاسُ تَاشِ سُيِ كَارُوَنْثِ تَوُرِنْ سُجَّدَ غَ غُمَكَنْ أَلُّواْلِنْ ڧَبِيلُ، أَلُّواْلِنْ ڧَسَرْدَ ذَاسُ شِغَ؞ ذَاسُ يَاشٜىٰنِ، سُكَرْيَ يَرْجٜىٰجٜىٰنِيَتَ وَدَّ نَيِ دَسُو؞ 17أَوَنَّنْ رَانَ ڢُشِنَ ذَيْ يِڧُونَ عَكَنْسُ سُواْسَيْ؞ ذَنْ يَاشٜىٰسُ إِنْكُمَ ٻُواْيٜىٰ ڢُسْكَتَ دَغَ غَرٜىٰسُ، ذَاعَ ثِنْيٜىٰسُ دَ يَاڧِ، كُمَ وَهَلُواْلِ دَ مَسِيڢَ مَاسُيَوَ ذَاسُ ڢَاطُواْ مُسُ؞ أَ رَانَرْ نَنْ ذَاسُثٜىٰ، ‹وَهَلُواْلِنَّنْ سُنْ سَامٜىٰمُ سَبُواْدَ اللَّهْ نْمُ بَايَ تَرٜىٰدَمُو؞› 18أَ رَانَرْ نَنْ، حَڧِيڧَ ذَنْ ٻُواْيٜىٰ ڢُسْكَتَ سَبُواْدَ دُكَنْ مُغُنْتَارْ دَسُكَيِ تَوُرِنْ جُويَاوَا غَ وَطَنْسُ أَلُّواْلِ؞ 19يَنْذُ ڢَا، سَيْ كَرُبُوتَ وَنَّنْ وَاڧَا، كَكُواْيَ وَجَمَعَرْ إِسْرَٰٓءِيلَ؞ كَسَاتَ عَثِكِنْ بَاكِنْسُ دُواْمِنْ وَنَّنْ وَاڧَا تَذَمَ شَيْدَ أَغَرٜىٰنِ عَكَنْ جَمَعَرْ إِسْرَٰٓءِيلَ؞ 20ذَنْ كَٰوُاْسُ ثِكِنْ ڧَسَا مَيْ أَمْڢَانِ وَدَّ نَيِ أَلْڧَوَرِ تَرٜىٰدَ ضَنْڟُوَا ذَنْبَا كَاكَنِّنْسُ؞ سَعَدَّ سُكَثِ سُكَ ڧُواْشِ سُكَيِ ڧِبَ أَوُرِنْ، ذَاسُ جُويَا غَ وَطَنْسُ أَلُّواْلِ سُبَوْتَا مُسُ، سُرٜىٰنَ نِے سُكُمَ كَرْيَ يَرْجٜىٰجٜىٰنِيَتَ؞ 21سَعَدَّ وَهَلُواْلِ دَ مَسِيڢَ مَاسُيَوَ سُكَ ڢَاطُواْ مُسُ، وَنَّنْ وَاڧَا ذَاتَ ذَمَ شَيْدَ عَكَنْسُ، دُواْمِنْ بَذَاتَ ٻَثٜىٰ دَغَ بَاكِنْ ذُرِيَرْسُبَ؞ غَمَا نَاسَنْ تُنَانِنْسُ عَكَنْ أَبِنْدَ سُكٜىٰ عِيَيِ تُنْ كَاڢِنْ إِنْكَٰوُاْسُ ثِكِنْ ڧَسَرْدَ نَيِ مُسُ أَلْڧَوَرِ دَ ضَنْڟُوَا؞»
22أَوَنَّنْ رَانَ مُوسَٰى يَرُبُوتَ وَنَّنْ وَاڧَا يَكُواْيَاوَ جَمَعَرْ إِسْرَٰٓءِيلَ؞
23سَيْ يَهْوٜىٰهْ يَعُمَرْثِ يُواْشُوَ طَنْ نُنْ يَثٜىٰ «كَڧَرْڢَڢَ، كَكُمَيِ ڧَرْڢِنْ حَلِ، غَمَا كَيْنٜىٰ ذَاكَ بِيدَ جَمَعَرْ إِسْرَٰٓءِيلَ ثِكِنْ ڧَسَرْدَ نَرَنْڟٜىٰ ذَنْبَاسُ؞ نِے كُوَ ذَنْ كَسَنْثٜىٰ تَرٜىٰدَكَيْ؞»
24سَيْ مُوسَٰى يَرُبُوتَ دُكَنْ كَلْمُواْمِنْ وَنَّنْ كُواْيَرْوَا عَثِكِنْ لِتَّڢِ؞ سَعَدَّ يَغَمَ 25سَيْ يَعُمَرْثِ لَوِيَاوَا مَاسُ طَوْكَرْ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَثٜىٰ، 26«كُطَوْكِ وَنَّنْ لِتَّڢِنْ كُواْيَرْوَا كُ أَجِيٜىٰشِ عَثِكِنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ اللَّهْ نْكُ، دُواْمِنْ يَكَسَنْثٜىٰ أَبِنْ شَيْدَ عَكَنْكُ؞ 27غَمَا نَا سَنْ تَيَرْوَرْكُ دَ تَوْرِنْ كَنْكُ؞ عِدَنْ ڢَا كُنَ تَاوَيٜىٰ غَ يَهْوٜىٰهْ تُنْ إِنَانَنْ دَ رَيْ عَثِكِنْكُ، يَيَ أَبِنْ ذَيْ كَسَنْثٜىٰ بَايَنْ مُتُوَتَ؟ 28كُتَتَّارُواْ مِنِ دُكَنْ دَتَّاوَنْ ذُرِيَرْكُ دَ شُوغَبَنِّنْكُ، دُواْمِنْ إِنْ مَيْمَيْتَ وَطَنَّنْ كَلْمُواْمِ عَكُنُّوَنْسُ، إِنْكُمَ كِرَا سَمَ دَ دُونِيَا سُذَمَ شَيْدُ عَكَنْسُ؞ 29غَمَا نَا سَنِ بَايَنْ مُتُوَتَ، لَلَّيْ ذَاكُ ڧَظَنْتَرْدَ كَنْكُ، ذَاكُ جُويَا دَغَ حَنْيَرْدَ نَعُمَرْثٜىٰكُ؞ عَكْوَانَكِے مَاسُ ذُوَا وَهَلَ ذَاتَ ڢَاطُواْ مُكُ، غَمَا ذَاكُ عَيْكَتَ أَبِنْدَ يَكٜىٰ مُوغُ أَعِدُوانْ يَهْوٜىٰهْ، ذَاكُسَا يَيِ ڢُشِے تَوُرِنْ أَيُّكَنْ حَنُّوَنْكُ؞»
وَاڧَرْ مُوسَٰى
30سَعَنً مُوسَٰى يَڢَطِ كَلْمُواْمِنْ وَنَّنْ وَاڧَا حَرْ ڧَرْشٜىٰ عَكُنّٜىٰنْ تَارُوانْ دُكَنْ جَمَعَرْ إِسْرَٰٓءِيلَ؞
Currently Selected:
مَيْمَيْتَاوَرْ شَرِيعَ 31: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
