مَيْمَيْتَاوَرْ شَرِيعَ 30
30
كُواْمُواْوَرْ إِسْرَٰٓءِيلَاوَا غَ يَهْوٜىٰهْ
1مُوسَٰى يَثِيغَبَدَ مَغَنَ يَثٜىٰ «نَا شِمْڢِطَا أَغَبَنْكُ ذَاٻٜىٰنْ أَلْبَرْكَ دَ لَعَنَ؞ سَعَدَّ دُكَنْ وَطَنَّنْ أَبُبُوَ سُكَ سَامٜىٰكُ، عِدَنْ كُنْ تُنَ دَسُو أَ ذُوثِيَارْكُ أَدُكْ عِنْدَ كُكٜىٰ ثِكِنْ أَلْعُمَّيْ عِنْدَ يَهْوٜىٰهْ اللَّهْ نْكُ يَوَاڟَرْ دَكُو، 2عِدَنْ كُكَ جُويُواْ غَ يَهْوٜىٰهْ اللَّهْ نْكُ، كُو دَ یَیَنْكُ كُكَيِ مَسَ بِيَيَّ دَ دُكَنْ ذُوثِيَارْكُ دَ دُكَنْ رَنْكُ، كَمَرْ يَدَّ نَكٜىٰ عُمَرْثٜىٰكُ يَوْ، 3تُواْ، يَهْوٜىٰهْ اللَّهْ نْكُ ذَيْ مَيَرْ مُكُ دَ أَلْبَرْكُنْكُ؞ ذَيْ كُمَ نُونَ مُكُ جِنْڧَنْسَ، يَسَاكٜىٰ تَتَّرَاكُ دَغَ ثِكِنْ دُكَنْ ڧَبِيلُ عِنْدَ يَهْوٜىٰهْ اللَّهْ نْكُ يَوَاڟَرْ دَكُو؞ 4كُواْ دَمَا أَنْوَاڟَرْ دَكُو ثِكِنْ بَوْتَا ذُوَا إِيَاكَرْ دُونِيَا دَغَ وُرِنْ يَهْوٜىٰهْ اللَّهْ نْكُ ذَيْ تَتَّارُواْكُ، يَدَاوُاْ دَكُو؞ 5يَهْوٜىٰهْ اللَّهْ نْكُ ذَيْ دَاوُاْ دَكُو عَثِكِنْ ڧَسَرْدَ تَكٜىٰ تَكَاكَنِّنْكُ، كُكُمَ ثِغَادُوانْتَ؞ يَهْوٜىٰهْ ذَيْ كَٰوُاْ مُكُ أَلْحٜىٰرِ عَيَلْوَثٜىٰ، يَكُمَسَا كُڧَارُ سُواْسَيْ ڢِيٜىٰدَ كَاكَنِّنْكُ؞ 6يَهْوٜىٰهْ اللَّهْ نْكُ ذَيْ يِوَظُكَاتَنْكُ كَاثِيَ دُواْمِنْ كُكِيَايٜىٰ يَرْجٜىٰجٜىٰنِيَرْسَ دَ دُكَنْ ذُوثِيَارْكُ، دُواْمِنْ كُڧَوْنَثٜىٰشِ دَ دُكَنْ ذُوثِيَارْكُ دَ دُكَنْ رَنْكُ، دُواْمِنْ كُرَايُ؞ 7يَهْوٜىٰهْ اللَّهْ نْكُ ذَيْسَا دُكَنْ وَطَنَّنْ لَعَنَ عَكَنْ أَبُواْكَنْ غَابَنْكُ دَ مَاسُ ڧِنْكُ، وَطَنْدَ سُكٜىٰ ڟَنَنْتَ مُكُ؞ 8سَعَنً ذَاكُيِ بِيَيَّ دَ مَغَنَرْ يَهْوٜىٰهْ، كُكِيَايٜىٰ كُكُمَ عَيْكَتَ دُكَنْ عُمَرْنَنْسَ وَطَنْدَ نَكٜىٰ عُمَرْثٜىٰكُ يَوْ؞ 9يَهْوٜىٰهْ اللَّهْ نْكُ ذَيْسَا كُيَلْوَتَ سُواْسَيْ عَثِكِنْ دُكَنْ أَيُّكَنْ حَنُّوَنْكُ دَ یَیَنْ دَ ذَاكُ حَيْڢَ دَ یَیَنْ دَبُّواْبِنْكُ دَ أَمْڢَانِنْ غُواْنَرْكُ؞ غَمَا يَهْوٜىٰهْ ذَيْ سَاكٜىٰ جِنْ دَاطِے يَسَا كُيَلْوَتَ، كَمَرْ يَدَّ يَجِ دَاطِنْ كَاكَنِّنْكُ يَسَا سُكَ يَلْوَتَ؞ 10ذَيْ يِهَكَ عِدَنْ كُكَيِ بِيَيَّ غَ يَهْوٜىٰهْ اللَّهْ نْكُ تَوُرِنْ كِيَايٜىٰ عُمَرْنَنْسَ دَ ڧَٰعِدُواْدِنْسَ وَطَنْدَ عَكَ رُبُوتَ عَثِكِنْ وَنَّنْ لِتَّڢِنْ كُواْيَرْوَا، كُكَ جُويُواْ غَ يَهْوٜىٰهْ اللَّهْ نْكُ دَ دُكَنْ ذُوثِيَارْكُ دَ دُكَنْ رَنْكُ؞»
مَغَنَرْ اللَّهْ تَنَ كُسَدَكُو
11«حَڧِيڧَ، وَنَّنْ عُمَرْنِنْ دَ نَكٜىٰ عُمَرْثٜىٰكُ يَوْ، بَيْڢِے ڧَرْڢِنْكُبَ، كُواْ يَغَغَرٜىٰكُ عَيْكَتَاوَابَ؞ 12بَثِكِنْ سَمَ يَكٜىٰبَ، بَلّٜىٰ كُثٜىٰ، ‹وَ ذَيْ هَوْ ذُوَا سَمَ، يَسَوْكُواْ مَنَ دَشِ دُواْمِنْ مُجِ مُكُمَ كِيَايٜىٰ؟›#رُوامْ 10.6-8 13بَ كُمَ عَڧٜىٰتَرٜىٰنْ تٜىٰكُ يَكٜىٰبَ، بَلّٜىٰ كُثٜىٰ، ‹وَ ذَيْ ڧٜىٰتَرٜىٰ مَنَ وَنَّنْ تٜىٰكُ دُواْمِنْ يَكَٰوُاْ مَنَ شِ دُواْمِنْ مُجِ مُكُمَ كِيَايٜىٰ؟› 14أَيْ، مَغَنَرْ تأَنَانً كُرْكُسَ دَكُو، تَنَ ثِكِنْ بَاكِنْكُ دَ كُمَ ثِكِنْ ذُوثِيَارْكُ دُواْمِنْ كُكِيَايٜىٰتَ؞»
ذَاٻٜىٰنْ رَيْ كُواْ مُتُوَ
15«غَاشِ، يَوْ نَا شِمْڢِطَا أَغَبَنْكُ كُذَاٻِ رَيْ كُواْ مُتُوَ، أَلْحٜىٰرِ عَيَلْوَثٜىٰ دَ كُمَ مُغُنْتَا؞ 16عِدَنْ كُكَيِ بِيَيَّ دَ عُمَرْنَنْ يَهْوٜىٰهْ اللَّهْ نْكُ، وَطَنْدَ نَكٜىٰ عُمَرْثٜىٰكُ يَوْ تَوُرِنْ ڧَوْنَرْ يَهْوٜىٰهْ اللَّهْ نْكُ، كُنَ تَڢِيَ عَثِكِنْ هَنْيُواْيِنْسَ، كُنَ كُمَ كِيَايٜىٰ عُمَرْنَنْسَ دَ ڧَٰعِدُواْدِنْسَ دَ دُواْكُواْكِنْسَ، ذَاكُ رَايُ كُيِيَوَ، كُمَ يَهْوٜىٰهْ اللَّهْ نْكُ ظَسَا مُكُ أَلْبَرْكَ عَثِكِنْ ڧَسَرْدَ كُكٜىٰ شِغَ كُثِ غَادُوانْتَ؞ 17عَمَّا عِدَنْ ذُوثِيَارْكُ تَجُويَا كُكَڧِجِ، كُكَ جَنْيٜىٰ، كُكَيِ سُجَّدَ غَ وَطَنْسُ أَلُّواْلِ كُنَ يِمُسُ حِدِمَ، 18تُواْ، إِنَ ڢَطَا مُكُ يَوْ ثٜىٰوَ لَلَّيْ ذَاكُ هَلَّكَ؞ بَذَاكُيِ ڟَوُانْ رَيْ عَثِكِنْ ڧَسَرْدَ كُكٜىٰ ڧٜىٰتَرٜىٰ كُواْغِنْ يُواْدَنْ دُواْمِنْ كُشِغَ كُثِ غَادُوانْتَبَ؞ 19إِنَ كِرَا سَمَ دَ دُونِيَا سُذَمَ شَيْدُ عَكَنْكُ يَوْ ثٜىٰوَ نَشِمْڢِطَا أَغَبَنْكُ رَيْ دَ مُتُوَ، أَلْبَرْكَ دَ لَعَنَ؞ كُذَاٻِ رَيْ دُواْمِنْ كُو دَ ذُرِيَرْكُ كُرَايُ؞ 20كُڧَوْنَثِ يَهْوٜىٰهْ اللَّهْ نْكُ، كُيِ مَسَ بِيَيَّ، كُمَنّٜىٰ مَسَ، غَمَا وَنَّنْ شِينٜىٰ رَيْ غَرٜىٰكُ؞ يِنْ حَكَ ذَيْسَا كُيِ ڟَوُانْ رَيْ عَثِكِنْ ڧَسَرْدَ يَهْوٜىٰهْ يَرَنْڟٜىٰ ذَيْبَا كَاكَنِّنْكُ، وَتُواْ إِبْرَٰهِيمْ دَ إِسْحَٰڧَ دَ يَعْڧُوبَ؞»#ڢَارْ 12.7؛ 26.3؛ 28.13
Currently Selected:
مَيْمَيْتَاوَرْ شَرِيعَ 30: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
