مَيْمَيْتَاوَرْ شَرِيعَ 29
29
يَرْجٜىٰجٜىٰنِيَرْ يَهْوٜىٰهْ دَ إِسْرَٰٓءِيلَ عَڧَسَرْ مُواْوَبْ
1وَطَنَّنْ سُونٜىٰ كَلْمُواْمِنْ يَرْجٜىٰجٜىٰنِيَرْ دَ يَهْوٜىٰهْ يَعُمَرْثِ مُوسَٰى يَيِ وَجَمَعَرْ إِسْرَٰٓءِيلَ عَثِكِنْ ڧَسَرْ مُواْوَبْ، وَتُواْ بَنْدَ يَرْجٜىٰجٜىٰنِيَرْ دَ يَيِ دَسُو عَكَنْ بَبَّنْ تُدُنْ هُواْرٜىٰبْ؞
2مُوسَٰى يَكِرَا دُكَنْ جَمَعَرْ إِسْرَٰٓءِيلَ، يَثٜىٰ مُسُ «كُنْ دَيْ غَ دُكَنْ أَبِنْدَ يَهْوٜىٰهْ يَيِ أَعِدُوانْكُ عَثِكِنْ ڧَسَرْ مَصَرْ، أَبِنْدَ يَيِ وَ ڢِرْعَوْنَ دَ دُكَنْ مَاسُ حِدِمَرْسَ دَ كُمَ دُكَنْ ڧَسَرْسَ؞ 3عِدَنُونْكُ سُنْ غَ مَنْيَنْ وَهَلُواْلِ دَ عَلَمُ دَ مَنْيَنْ أَيُّكَنْ بَنْ مَامَاكِ؞ 4عَمَّا هَرْوَيَوْ يَهْوٜىٰهْ بَيْبَاكُ ذُوثِيَارْ غَانٜىٰوَ، كُواْ إِدَانُنْ غَنِ، كُواْ كُنُّوَنْجِبَ؞ 5نَبِدَكُو ثِكِنْ دَاجِ شٜىٰكَرَا أَرْبَعِنْ؞ رِيغُنَنْكُ دَ تَاكَلْمَنْكُ بَسُ ڟُوڢَبَ؞ 6بَكُثِ غُرَاسَ بَ، بَكُ كُوَ شَا ضُوً إِنَبِے كُواْ وَنِ أَبِنْ سَا بُغُوَ بَ، دُواْمِنْ كُسَنِ ثٜىٰوَ نِنٜىٰ يَهْوٜىٰهْ اللَّهْ نْكُ؞ 7سَعَدَّ كُكَ ذُواْ وَنَّنْ وُرِے، سَرْكِے سِهُوانْ نَ هٜىٰشْبُوانْ دَ سَرْكِے عُواغْ نَ بَشَنْ سُكَ تَاسُواْ مَنَ دَ يَاڧِ، عَمَّا مُكَثِ نَصَرَا عَكَنْسُ؞#لِـ ڧِدْ 21.21-35 8مُكَ ڨُوثٜىٰ ڧَسَرْسُ، مُكَ بَادَ عِتَ أَبِنْ غَادُواْ غَ ذُرِيَرْ رَعُبَيْنُ دَ تَ غَدْ دَ رَبِنْ ذُرِيَرْ مَنَسّٜىٰ؞#لِـ ڧِدْ 32.33 9سَبُواْدَ حَكَ، كُكِيَايٜىٰ كُكُمَ عَيْكَتَ كَلْمُواْمِنْ وَنَّنْ يَرْجٜىٰجٜىٰنِيَ دُواْمِنْ كُيَلْوَتَ ثِكِنْ دُكَنْ أَبِنْدَ ذَاكُيِ؞
10«يَوْ، غَاكُو نَنْ دُكَنْكُ، ڟَيٜىٰ أَغَبَنْ يَهْوٜىٰهْ اللَّهْ نْكُ، غَا شُوغَبَنِّنْ ظُرِيُواْيِنْكُ دَ دَتَّاوَنْكُ دَ شُوغَبَنِّنْكُ دَ دُكَنْ مَذَنْ إِسْرَٰٓءِيلَ، 11دَ یَیَنْكُ دَ مَاتَنْكُ دَ بَڧِنْ دَسُكٜىٰ ثِكِنْكُ، حَرْ مَا دَ وَطَنْدَ سُكٜىٰ سَارَ مُكُ إِتَاثٜىٰ دَ وَطَنْدَ سُكٜىٰ طٜىٰبُواْ مُكُ ضُوَ؞ 12كُنَ نَنْ يَوْ دُواْمِنْ كُطَوْرَ يَرْجٜىٰجٜىٰنِيَ دَ يَهْوٜىٰهْ اللَّهْ نْكُ، يَرْجٜىٰجٜىٰنِيَرْ دَ يَهْوٜىٰهْ اللَّهْ نْكُ يَكٜىٰيِ دَكُو تَرٜىٰدَ ضَنْڟُوَا عَيَوْ؞ 13يَهْوٜىٰهْ يَنَ سُواْ يَتَبَّتَرْدَكُو يَوْ، كُذَمَ جَمَعَرْسَ، شِيكُوَ يَذَمَ اللَّهْ نْكُ، كَمَرْ يَدَّ يَيِ مُكُ أَلْڧَوَرِ يَكُمَ ضَنْڟٜىٰ وَكَاكَنِّنْكُ، وَتُواْ إِبْرَٰهِيمْ دَ إِسْحَٰڧَ دَ يَعْڧُوبَ؞ 14بَ تَرٜىٰدَ كُو دَ كُكٜىٰ ڟَيٜىٰ أَنَنْ أَغَبَنْ يَهْوٜىٰهْ اللَّهْ نْمُ يَوْ كَطَيْ نَكٜىٰيِنْ وَنَّنْ يَرْجٜىٰجٜىٰنِيَ تَرٜىٰدَ ضَنْڟُوَابَ، 15عَمَّا حَرْ مَا دَ وَطَنْدَ بَاسَ تَرٜىٰدَمُو عَيَوْ؞
16«كُو دَ كَنْكُ كُنْ سَنْ يَدَّ مُكَيِ ذَمَ عَثِكِنْ ڧَسَرْ مَصَرْ دَ كُمَ يَدَّ مُكَبِے تَڟَكِيَرْ أَلْعُمَّنْ دَ كُكَ وُثٜىٰ ثِكِنْسُ؞ 17كُنْ غَا أَبُبُوَنْسُ نَڧَظَنْتَادَ غُمَكَنْسُ نَ إِتَاثٜىٰ دَ نَدُوڟٜىٰ دَ نَأَظُرْڢَا دَ نَظِنَرِيَ وَطَنْدَ سُكٜىٰ ثِكِنْسُ؞ 18كُتَبَّتَرْ ثٜىٰوَ بَابُ ذُوثِيَارْ وَنِ مُتُمْ، كُواْ تَوَتَ مَثٜىٰ، كُواْ تَ عِيَلِ، كُواْ تَوَتَ ذُرِيَ عَثِكِنْكُ، وَدَّ ذُوثِيَارْ تَجُويَ غَ بَرِنْ يَهْوٜىٰهْ اللَّهْ نْمُ دُواْمِنْ تَبَوْتَا وَ أَلُّواْلِنْ وَطَنَّنْ أَلْعُمَّيْ؞ كَدَ ڢَا عَتَرَرْ دَ وَنِ عَثِكِنْكُ مَيْ ذَمَ كَمَرْ تُوشٜىٰنْ ڟِرُواْ مَيْ بَادَ یَیَ مَاسُ دَڢِ، مَاسُ طَاثِ؞#إِبْرَ 12.15 19عِدَنْ وَنِ مُتُمْ يَجِ كَلْمُواْمِنْ ضَنْڟُوَارْ نَنْ، سَعَنً يَسَا وَكَنْسَ أَلْبَرْكَ يَنَ تُنَانِ أَ ذُوثِيَارْسَ ثٜىٰوَ ‹بَا أَبِنْدَ ذَيْسَامٜىٰنِ كُواْ دَنَبِے حَنْيَتَ دَتَوْرِنْ كَيْ،› وَنَّنْ ذَيْ كَٰوُاْ بَلَعِ عَكَنْ دُكَنْكُ، مَاسُ كِرْكِ دَ مَرَسَ كِرْكِ؞ 20يَهْوٜىٰهْ بَذَيْ غَاڢَرْتَا مَسَبَ، أَمَيْمَكُوانْ حَكَ ڢُشِنْ يَهْوٜىٰهْ دَ كِيشِنْسَ ذَاسُ ڧُونَ عَكَنْ مُتُمِنَّنْ؞ دُكَنْ لَعَنَرْ دَ عَكَ رُبُوتَ عَثِكِنْ وَنَّنْ لِتَّڢِ ذَاسُ سَوْكُواْ عَكَنْسَ، كُمَ يَهْوٜىٰهْ ذَيْ كَوَرْدَ سُونَنْسَ دَغَ ڧَرْڧَشِنْ سَمَ؞ 21يَهْوٜىٰهْ ذَيْ وَارٜىٰ مُتُمِنَّنْ دَغَ دُكَنْ ذُرِيَرْ إِسْرَٰٓءِيلَ دُواْمِنْ يَحُكُنْتَ شِ بِسَغَ دُكَنْ لَعَنَرْ يَرْجٜىٰجٜىٰنِيَرْ دَ عَكَ رُبُوتَ عَثِكِنْ وَنَّنْ لِتَّڢِنْ كُواْيَرْوَا؞
22«سَعَنً ڟَارَا مَيْ ذُوَا، وَتُواْ یَیَنْ دَ ذَاسُ تَاسُواْ بَايَنْكُ دَ بَڧِنْ دَ ذَاسُذُواْ دَغَ ڧَسَا مَيْ نِيسَ ذَاسُ غَ لَلَثٜىٰوَرْ ڧَسَرْدَ كُمَ عَذَابَرْ دَ يَهْوٜىٰهْ يَعَيْكَ مَتَ؞ 23دُكَنْ ڧَسَرْ ذَاتَ ڧُواْنٜىٰ دَ ڢَرَرْ وُتَا مَيْ وَرِ دَ غِشِرِ، بَابُ أَبِنْدَ ذَاعَ عِيَ شُوكَ، بَابُ كُمَ أَبِنْدَ ذَيْ عِيَ ڟِيرَا، بَابُ ثِيَوَرْ دَ ذَاتَ عِيَيِنْ غِرْمَ عَثِكِ دَيْدَيْ كَمَرْ يَدَّ يَهْوٜىٰهْ يَهَلَّكَرْ دَ سُواْدُوامْ دَ غُواْمُواْرَ دَ أَدْمَ دَ ظٜىٰبُواْيِمْ، عَثِكِنْ ڢُشِنْسَ مَيْ ذَاڢِ؞#ڢَارْ 19.24-25 24حَڧِيڧَ دُكَنْ أَلْعُمَّيْ ذَاسُيِ مَامَاكِ سُثٜىٰ، ‹مٜىٰيَسَا يَهْوٜىٰهْ يَيِ وَڧَسَرْ نَنْ حَكَ؟ مٜىٰيَسَا يَنُونَ ڢُشِے مَيْ ڟَنَنِ حَكَ؟› 25سَعَنً ذَاسُسَامِ أَمْسَ ثٜىٰوَ ‹أَيْ سَبُواْدَ سُنْ كَرْيَ يَرْجٜىٰجٜىٰنِيَرْ يَهْوٜىٰهْ اللَّهْ نَكَاكَنِّنْسُ، يَرْجٜىٰجٜىٰنِيَرْ دَ يَيِ دَسُو سَعَدَّ يَڢِتَرْ دَسُو دَغَ ڧَسَرْ مَصَرْ؞ 26سُكَ جُويَا سُكَ بَوْتَاوَ وَطَنْسُ أَلُّواْلِ، سُكَيِ مُسُ سُجَّدَ، أَلُّواْلِنْ دَ سُو كَنْسُ بَسُ سَنْسُبَ، كُمَ بَشِے يَهْوٜىٰهْ نٜىٰ يَبَاسُبَ؞ 27سَبُواْدَ حَكَنٜىٰ ڢُشِنْ يَهْوٜىٰهْ يَيِڧُونَ عَكَنْ وَنَّنْ ڧَسَرْ، يَنَ كَٰوُاْ مَتَ دُكَنْ لَعَنَرْ دَ عَكَ رُبُوتَ ثِكِنْ وَنَّنْ لِتَّڢِ؞ 28يَهْوٜىٰهْ كُمَ يَتُمْٻُكٜىٰسُ دَغَ ڧَسَرْسُ ثِكِنْ ڢُشِے مَيْ ڟَنَنِ دَ هَوْشِ دَ ذَاڢِنْ رَنْسَ، يَكُمَ وَاڟَرْ دَسُو عَثِكِنْ وَتَ ڧَسَا دَبَمْ، كَمَرْ يَدَّ سُكٜىٰ عَيَوْ؞›
29«أَبُبُوَنْ أَسِيرِ نَ يَهْوٜىٰهْ اللَّهْ نْمُ نٜىٰ، عَمَّا أَبُبُوَنْ دَ عَكَ بَيَّنَ نَامُنٜىٰ، مُو دَ یَیَنْمُ حَرْ أَبَدَا، دُواْمِنْ مُكِيَايٜىٰ دُكَنْ كَلْمُواْمِنْ وَنَّنْ كُواْيَرْوَا؞»
Currently Selected:
مَيْمَيْتَاوَرْ شَرِيعَ 29: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
