مَيْمَيْتَاوَرْ شَرِيعَ 26
26
غَمٜىٰ دَ نُونً ڢَارِ دَ زَكَّ
1مُوسَٰى يَثِيغَبَدَ مَغَنَ يَثٜىٰ «سَعَدَّ كُكَ شِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ دُواْمِنْ كُثِ غَادُوانْتَ، كُكَثِ غَادُوانْتَ كُكَ كُمَ مَلَّكٜىٰتَ، غَا أَبِنْدَ ذَاكُيِ؞ 2سَيْ كُطِبَ دَغَ ثِكِنْ نُونً ڢَارِ نَدُكَنْ أَمْڢَانِنْ ڧَسَا وَنْدَ كُكَ شُوكَ عَڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ؞ كُسَا ثِكِنْ ݣُونْدُواْ كُكَيْ وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دُواْمِنْ عَيِ سُجَّدَ دَ سُونَنْسَ؞ 3ذَاكُ تَڢِے وُرِنْ ڢِرِسْتِ وَنْدَ يَكٜىٰ عَيْكِ أَ لُواْكَثِنْ، كُثٜىٰ مَسَ، ‹يَوْ نَڢُرْتَوَ يَهْوٜىٰهْ اللَّهْ نْكَ ثٜىٰوَ نَشِغَ ثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْمُ ذَيْبَامُ؞›
4«سَعَنً ڢِرِسْتِ ذَيْ كَرْٻِ ݣُونْدُوانْ دَغَ حَنُّنْكُ يَأَجِيٜىٰ عَڧَسَا أَغَبَنْ بَغَدٜىٰنْ يَهْوٜىٰهْ اللَّهْ نْكُ؞ 5سَعَنً كُمَ سَيْكُ أَمْسَ أَغَبَنْ يَهْوٜىٰهْ اللَّهْ نْكُ، كُثٜىٰ،
« ‹دَا كَكَنَ مُتُمِنْ سُورِيَ نٜىٰ،
مَيْ يَوَنْ يَٰوُاْ؞
يَغَنْغَرَ ذُوَا مَصَرْ،
عَثَنْ يَذَوْنَ كَمَرْ بَڧُواْ دَ مُتَنٜىٰ كَطَنْ،
عَثَنْ يَذَمَ بَبَّرْ أَلْعُمَّ مَيْغِرْمَ،
مَيْ إِيكُواْ، مَيْ يَوَ؞
6مُتَنٜىٰنْ مَصَرْ سُكَ وُلَڧَنْتَرْ دَمُو،
سُكَ ڟَنَنْتَ مَنَ،
سُكَسَامُ ثِكِنْ بَوْتَا مَيْ ڟَنَنِ؞
7سَعَنً مُنْيِ كُوكَا غَ يَهْوٜىٰهْ،
يَهْوٜىٰهْ اللَّهْ نَكَاكَنِّنْمُ،
يَهْوٜىٰهْ كُوَ يَجِ كُوكَنْمُ
يَغَ عَذَابَرْدَ مُكٜىٰ شَا،
دَ وَهَلَرْدَ مُكٜىٰ شَا،
دَ دَنِّيَرْدَ سُكٜىٰيِ مَنَ؞
8 يَهْوٜىٰهْ كُمَ يَڢِتَرْ دَمُو دَغَ مَصَرْ،
دَ حَنُّ مَيْ إِيكُواْ يَڢِتَرْ دَمُو،
دَ مَنْيَنْ أَيُّكَنْ بَنْمَامَاكِ،
تَرٜىٰدَ نُونَ إِيكُوانْسَ مَيْ بَنْڟُواْرُواْ،
دَ عَلَمُ دَ أَيُّكَنْ بَنْمَامَاكِ؞
9يَكُمَ كَٰوُاْمُ ثِكِنْ وَنَّنْ وُرِے،
يَبَامُ وَنَّنْ ڧَسَرْ تَذَمَ تَامُ،
ڧَسَاثٜىٰ مَيْ أَمْڢَانِ سُواْسَيْ؞
10غَاشِ، يَا يَهْوٜىٰهْ،
يَنْذُ نَا كَٰوُاْ نُونً ڢَارِ نَأَمْڢَانِنْ ڧَسَرْ
نُونً ڢَارِنْ دَكَيْ كَبَانِ؞›
«سَعَنً كُ أَجِيٜىٰ ݣُونْدُوانْ أَغَبَنْ يَهْوٜىٰهْ اللَّهْ نْكُ، كُرُسُنَ كُيِ مَسَ سُجَّدَ؞ 11كُيِ مُرْنَ كُمَ، كُو دَ لَوِيَاوَا دَ بَڧِنْ دَسُكٜىٰ ذَمَ عَثِكِنْكُ، سَبُواْدَ دُكَنْ أَبُبُوَ مَاسُ ݣَوْ وَطَنْدَ يَهْوٜىٰهْ اللَّهْ نْكُ يَبَاكُ، كُو دَ عِيَلَنْكُ؞
12«عَثِكِنْ كُواْوَثٜىٰ شٜىٰكَرَا تَ عُكُ، وَتُواْ شٜىٰكَرَا تَبَادَ زَكَّ، ذَاكُ بَادَ زَكَّرْ أَمْڢَانِنْ غُواْنَكِنْكُ وَ لَوِيَاوَا دَ بَاڧِ دَ مَرَايُ دَ مَاتَانْدَ مَذَنْسُ سُكَ مُتُ، دُواْمِنْ سُو مَا سُثِ سُڧُواْشِ عَثِكِنْ غَرُرُوَنْكُ؞#مَيْ شَـ 14.28-29 13سَعَنً ذَاكُيِ مَغَنَ أَغَبَنْ يَهْوٜىٰهْ اللَّهْ نْكُ كُثٜىٰ، ‹نَارِغَا نَا ڢِتَرْدَ زَكَّرْ دَ عَكَ كٜىٰٻٜىٰ دَ ڟَرْكِے دَغَ ثِكِنْ غِدَانَ، نَا كُمَبَا لَوِيَاوَا دَ بَڧِنْ دَسُكٜىٰ ذَمَ عَثِكِنْمُ دَ مَرَايُ دَ مَاتَانْدَ مَذَنْسُ سُكَ مُتُ بِسَغَ دُكَنْ عُمَرْنِنْدَ كَاعُمَرْثٜىٰنِ؞ بَنْ كُوَ ڧٜىٰتَرٜىٰ كُواْ مَنْتَادَ وَنِ عُمَرْنِبَ؞ 14بَنْثِ كُواْمٜىٰ دَغَ زَكَّرْ بَ، سَعَدَّ نَكٜىٰ بَڧِنْ ثِكِ؞ بَنْ كُمَ ڢِتَرْدَ كُواْمٜىٰ دَغَ ثِكِنْتَبَ سَعَدَّ نَڧَظَنْتُ؞ بَنْ كُوَ مِيڧَشِ هَدَايَ غَ مَتَتُّو بَ؞ يَا يَهْوٜىٰهْ اللَّهْ نَا، نَيِ مَكَ بِيَيَّ، نَعَيْكَتَ دُكَنْ أَبِنْدَ كَاعُمَرْثٜىٰنِ؞ 15بَرِ كَدُوبِے ڧَسَا دَغَ سَمَ دَغَ وُرِنْ ذَمَنْكَ مَيْ ڟَرْكِے، كَسَا وَجَمَعَرْكَ إِسْرَٰٓءِيلَ أَلْبَرْكَ، دُكْ دَ ڧَسَرْدَ كَبَامُ، ڧَسَا مَيْ أَمْڢَانِ كَمَرْ يَدَّ كَرَنْڟٜىٰوَ كَاكَنِّنْمُ؞› »
جَمَعَرْ يَهْوٜىٰهْ مَاسُ ڟَرْكِے
16«يَوْ، يَهْوٜىٰهْ اللَّهْ نْكُ يَنَ عُمَرْتَرْكُ كُكِيَايٜىٰ وَطَنَّنْ ڧَٰعِدُواْدِ دَ عُمَرْنَيْ؞ سَيْ كُكِيَايٜىٰسُ كُكُمَ عَيْكَتَاسُ دَ دُكَنْ ذُوثِيَارْكُ دَ دُكَنْ رَنْكُ؞ 17يَوْ، كُنْ شَيْدَ ثٜىٰوَ يَهْوٜىٰهْ شِينٜىٰ اللَّهْ نْكُ، كُمَ ذَاكُيِ تَڢِيَ عَثِكِنْ حَنْيَرْسَ، دُواْمِنْ كُكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ، كُنَيِ وَمَغَنَرْسَ بِيَيَّ؞ 18يَوْ يَهْوٜىٰهْ يَا شَيْدَ ثٜىٰوَ كُو جَمَعَرْسَثٜىٰ مَڢِے دَرَجَ، كَمَرْ يَدَّ يَيِ مُكُ أَلْڧَوَرِ، كُمَ ذَاكُ كِيَايٜىٰ دُكَنْ دُواْكُواْكِنْسَ؞#ڢِتْ 19.5؛ مَيْ شَـ 4.20؛ 7.6؛ 14.2؛ تِيتْ 2.14؛ 1 بِتْ 2.9 19يَهْوٜىٰهْ يَا كُمَ شَيْدَ ثٜىٰوَ ذَيْ طَوْكَكَاكُ ڢِيٜىٰدَ دُكَنْ أَلْعُمَّنْ دَ يَيِ؞ ذَيْ كُمَسَا كُذَمَ أَبِنْ يَبُواْ، مَيْ سُونَ، مَيْ دَرَجَ؞ ذَاكُ ذَمَ أَلْعُمَّرْ دَ عَكَ كٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ، كَمَرْ يَدَّ يَيِ أَلْڧَوَرِ؞»
Currently Selected:
مَيْمَيْتَاوَرْ شَرِيعَ 26: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
