مَيْمَيْتَاوَرْ شَرِيعَ 25
25
1مُوسَٰى يَثِيغَبَدَ مَغَنَ يَثٜىٰ «مَيْ يِوُوَ غَرْدَمَ ذَاتَ تَاشِ ڟَكَانِنْ مُتُمْ بِيُ، حَرْ أَبِنْ يَكَيْسُ وُرِنْ شَرِيعَ، مَاسُ شَرِيعَ كُمَ سُنْ يَنْكٜىٰ مُسُ مَغَنَرْ، سُكَ كُٻُتَرْدَ مَرَرْ لَيْڢِے، سُكَ حُكُنْتَ مَيْ لَيْڢِنْ؞ 2عِدَنْ مَيْ لَيْڢِنْ يَثَنْثَنْثِ عَيِ مَسَ بُلَلَ، مَيْ شَرِيعَ ذَيْسَا مُتُمِنْ يَݣُونْتَ عَڧَسَا، عَكُمَيِ مَسَ بُلَلَ أَغَبَنْسَ دَيْدَيْ يَوَنْ بُلَلَرْ دَ تَ دَاثٜىٰ دَ لَيْڢِنْسَ دَ يَيِ؞ 3ذَاعَيِ وَمُتُمِنْ بُلَلَ أَرْبَعِنْ، عَمَّا كَدَ يَڢِ حَكَ؞ عِدَنْ بُلَلَرْ تَڢِے حَكَ، طَنْعُوَنْكَ ذَيْ ذَمَ أَبِنْ رٜىٰنِ أَعِدُوانْ یَنْعُوَنْسَ؞#2 كُوارْ 11.24
4«بَذَاكَ كُلّٜىٰ بَاكِنْ سَانِيَرْ نُواْمَ لُواْكَثِنْ دَتَكٜىٰ تَتَّاكَ حَڟِبَ؞»#1 كُوارْ 9.9؛ 1 تِمْ 5.18
غَادُوانْ عَوْرٜىٰ
5«سَعَدَّ یَنْعُوَ مَظَا سُنَ ظَوْنٜىٰ أَوُرِے طَيَ تَرٜىٰ، سَيْ طَيَنْسُ يَمُتُ بَيْ حَيْڢُ بَ، مَاتَرْ وَنْدَ يَمُتُ طِنْ بَذَاتَ ڢِتَ تَ عَوْرِ وَنِ بَڧُواْ وَنْدَ بَدَغَ ثِكِنْ یَنْعُوَنْ مِجِنْبَ؞ سَيْ طَنْعُوَنْ مِجِنْتَ يَذُواْ وُرِنْتَ، يَ عَوْرٜىٰتَ، يَثِكَ حَكِّنْ طَنْعُوَنْ مِجِ؞#مَتْ 22.24؛ مَرْ 12.19؛ لُكْ 20.28 6طَنْ ڢَضٍ دَ ذَاتَ حَيْڢَ ذَيْ ذَمَ نَطَنْعُوَنْ بَابَنْسَ وَنْدَ يَمُتُ، دُواْمِنْ كَدَ عَكَوَرْدَ سُونَنْ طَنْعُوَنْسَ دَغَ إِسْرَٰٓءِيلَ؞ 7عَمَّا عِدَنْ طَنْعُوَنْ مِجِنْ بَايَسُواْ يَطَوْكِ مَاتَرْ طَنْعُوَنْسَ دَ يَمُتُ تَذَمَ مَاتَرْسَ، سَيْ مَاتَرْ تَتَڢِے وُرِنْ دَتَّاوَا عَڧُواْڢَرْ غَرِ تَثٜىٰ، ‹طَنْعُوَنْ مِجِنَ يَڧِ يَكَڢَ سُونَنْ طَنْعُوَنْسَ دَ يَمُتُ، يَڧِ يَثِكَ حَكِّنْ طَنْعُوَنْ مِجِ أَغَرٜىٰنِ؞›#رُوتْ 4.7-8 8سَيْ دَتَّاوَنْ غَرِنْسَ سُكِرَا شِ، سُيِ مَسَ مَغَنَ؞ عِدَنْ كُوَ يَڧِ يَثٜىٰ، ‹بَانَسُواْ إِنْ عَوْرٜىٰتَ،› 9سَيْ مَاتَرْ طَنْعُوَنْسَ تَجٜىٰ غَبَنْسَ أَعِدُوانْ دَتَّاوَنْ، تَثِرٜىٰ تَاكَلْمَنْسَ دَغَ ڧَڢَرْسَ، تَتُواْڢَ مَسَ مِيَوْ أَ ڢُسْكَرْسَ تَثٜىٰ، ‹حَكَ ذَاعَيِ غَ مُتُمِنْدَ يَڧِ يَغِنَ غِدَنْ طَنْعُوَنْسَ دَ يَمُتُ؞› 10كُواْعِنَ ثِكِنْ إِسْرَٰٓءِيلَ ذَاعَ كِرَا غِدَنْسَ دَ سُونَنْ، ‹غِدَنْ وَنْدَ عَكَ ثِرٜىٰ مَسَ تَاكَلْمَ؞› »
سَوْرَنْ دُواْكُواْكِ
11«عِدَنْ مُتُمْ بِيُ سُنَ ڢَطَ دَ جُونَ، سَيْ مَاتَرْ طَيَنْ تَجٜىٰ دُواْمِنْ تَثٜىٰثِ مِجِنْتَ دَغَ حَنُّنْ وَنْدَ سُكٜىٰ ڢَطَ تَرٜىٰ، تَا كُوَ مِيڧَ حَنُّ تَثَڢْكٜىٰ ڠُويْوَرْسَ، 12سَيْ كُيَنْكٜىٰ حَنُّنْتَ، بَذَاكُجِ تَوْسَيِنْتَبَ؞
13«بَذَاكُ رِڧٜىٰ مَعَوْنِنْ نَوْيِ إِرِ بِيُ أَ جَكَرْكُبَ، وَتُواْ بَبَّ دَ ڧَرَمِ؞#لِـ ڢِرْ 19.35-36 14بَذَاكُ رِڧٜىٰ مُودُ إِرِ بِيُ عَثِكِنْ غِدَنْكُ بَ، وَتُواْ بَبَّ دَ ڧَرَمِ؞ 15ذَاكُ رِڧٜىٰ ثِكَكّٜىٰنْ مَعَوْنِ نَغَسْكٜىٰ دَ ثِكَكّٜىٰنْ مُودُ نَغَسْكٜىٰ، دُواْمِنْ كُيِ ڟَوُانْ رَيْ عَثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ؞ 16غَمَا دُكَنْ مَاسُ عَيْكَتَ إِرِنْ وَطَنَّنْ أَبُبُوَ دَ دُكَنْ مَرَسَ غَسْكِيَ، أَبِنْ ڨَمَ نٜىٰ سُو غَ يَهْوٜىٰهْ اللَّهْ نْكُ؞»
عُمَرْنِنْ كَشٜىٰ أَمَلٜىٰكَاوَا
17«كُتُنَ دَ أَبِنْدَ أَمَلٜىٰكَاوَا سُكَيِ مُكُ أَ حَنْيَ لُواْكَثِنْ دَ كُكٜىٰ ڢِتُواْوَ دَغَ مَصَرْ؞ 18كُتُنَ يَدَّ سُكَ ڢَاطُواْ مُكُ لُواْكَثِنْ دَ كُكَ غَجِ بَابُ كُمَ سَوْرَنْ ڧَرْڢِے، سُكَ كُمَ هَلَّكَ دُكَنْ وَطَنْدَ سُنَ بَايَ دُواْمِنْ سُنْ غَجِ، سُنْ كَاسَ تَڢِيَ؞ بَسُ مَا جِڟُواْرُوانْ اللَّهْ بَ؞ 19سَبُواْدَ حَكَ، لُواْكَثِنْ دَ يَهْوٜىٰهْ يَبَاكُ هُوتُ دَغَ دُكَنْ أَبُواْكَنْ غَابَنْكُ عَكُواْعِنَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ دُواْمِنْ كُثِ غَادُوانْتَ كُمَلَّكٜىٰتَ، سَيْ كُكَوَرْدَ سُونَنْ أَمَلٜىٰكْ دَغَ ڧَرْڧَشِنْ سَمَ، حَرْ بَا وَنِ عَدُونِيَا دَ ذَيْسَاكٜىٰ تُنَاوَا دَسُو؞ كَدَ كُمَنْتَا!»
Currently Selected:
مَيْمَيْتَاوَرْ شَرِيعَ 25: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
