مَيْمَيْتَاوَرْ شَرِيعَ 27
27
دُواْكُواْكِنْدَ عَكَ رُبُوتَ عَكَنْ دُوَڟُو
1سَيْ مُوسَٰى دَ دَتَّاوَنْ إِسْرَٰٓءِيلَ سُكَ عُمَرْثِ جَمَعَ سُكَثٜىٰ «كُكِيَايٜىٰ دُكَنْ عُمَرْنَنْ دَ نَكٜىٰ عُمَرْثٜىٰكُ يَوْ؞ 2رَنْ دَ كُكَ ڧٜىٰتَرٜىٰ كُواْغِنْ يُواْدَنْ، كُكَ شِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، ذَاكُ كَڢَ مَنْيَنْ دُوَڟُو كُشَاڢٜىٰسُ دَ ڢَرَرْ ڧَسَا؞#يُواشْ 8.30-32 3عَكَنْسُ ذَاكُ رُبُوتَ دُكَنْ كَلْمُواْمِنْ وَنَّنْ كُواْيَرْوَا، سَعَدَّ كُكَ ڧٜىٰتَرٜىٰ دُواْمِنْ كُشِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، ڧَسَاثٜىٰ مَيْ أَمْڢَانِ، كَمَرْ يَدَّ يَهْوٜىٰهْ اللَّهْ نَكَاكَنِّنْكُ يَيِ مُكُ أَلْڧَوَرِ؞ 4سَعَدَّ كُكَ ڧٜىٰتَرٜىٰ كُواْغِنْ يُواْدَنْ، سَيْ كُكَڢَ وَطَنَّنْ دُووَڟُنْ دَ نَكٜىٰ عُمَرْثٜىٰكُ يَوْ عَبَبَّنْ تُدُنْ عٜىٰبَلْ؞ ذَاكُ كُمَ شَاڢٜىٰسُ دَ ڢَرَرْ ڧَسَا؞ 5أَوُرِنْ ذَاكُ غِنَا بَغَدٜىٰ غَ يَهْوٜىٰهْ اللَّهْ نْكُ دَ دُووَڟُنْ دَ بَعَيِ أَمْڢَانِ دَ ڧَرْڢٜىٰ عَكَنْسُبَ؞#ڢِتْ 20.25 6ذَاكُ غِنَا بَغَدٜىٰنْ يَهْوٜىٰهْ اللَّهْ نْكُ دَ دُووَڟُنْ دَ بَعَسَسَّڧَبَ؞ سَعَنً كُمِيڧَ هَدَايَ تَڧُواْنَاوَا عَكَنْسَ غَ يَهْوٜىٰهْ اللَّهْ نْكُ؞ 7ذَاكُ كُمَ مِيڧَ هَدَايُ نَڠَرَنْ زُمُنْثِ أَوُرِنْ، كُنَثِ كُنَ مُرْنَ أَغَبَنْ يَهْوٜىٰهْ اللَّهْ نْكُ؞ 8عَكَنْ دُووَڟُنْ دَ كُكَ شَاڢَ دَ ڢَرَرْ ڧَسَا، ذَاكُ رُبُوتَ دُكَنْ كَلْمُواْمِنْ وَنَّنْ كُواْيَرْوَا، رُبُوتُنْ كُمَ سُڢِتَ دَلَّ دَلَّ؞»
9سَعَنً مُوسَٰى دَ ڢِرِسْتُواْثِے، وَتُواْ ذُرِيَرْ لَوِ، سُكَيِ مَغَنَ غَ دُكَنْ إِسْرَٰٓءِيلَ سُكَثٜىٰ «كُيِ شِضُ كُكَسَ كُنّٜىٰ، يَا إِسْرَٰٓءِيلَ! يَوْ كُنْ ذَمَ جَمَعَرْ يَهْوٜىٰهْ اللَّهْ نْكُ؞ 10سَبُواْدَ حَكَ، كُيِ بِيَيَّ غَ يَهْوٜىٰهْ اللَّهْ نْكُ، كُكِيَايٜىٰ عُمَرْنَنْسَ دَ ڧَٰعِدُواْدِنْسَ وَطَنْدَ نَكٜىٰ عُمَرْثٜىٰكُ يَوْ؞»
لَعَنَرْ رَشِنْ بِيَيَّ
11أَ رَانَرْ نَنْ مُوسَٰى يَعُمَرْثِ جَمَعَرْ، يَثٜىٰ، 12«سَعَدَّ كُكَ ڧٜىٰتَرٜىٰ كُواْغِنْ يُواْدَنْ، وَطَنَّنْ ظُرِيُواْيِ ذَاسُ ڟَيَ عَكَنْ بَبَّنْ تُدُنْ غٜىٰرِظِمْ سَعَدَّ عَكٜىٰ ڢَطِنْ كَلْمُواْمِنْ أَلْبَرْكَ دُواْمِنْ جَمَعَ، وَتُواْ ذُرِيَرْ سِمٜىٰيُوانْ دَ تَ لَوِ دَ تَ يَهُودَ دَ تَ إِسَّكَرْ دَ تَ يُوسُڢَ دَ كُمَ تَ بِلِيَامِنُ؞#مَيْ شَـ 11.29؛ يُواشْ 8.33-35 13كُمَ وَطَنَّنْ ظُرِيُواْيِ ذَاسُ ڟَيَ عَكَنْ بَبَّنْ تُدُنْ عٜىٰبَلْ سَعَدَّ عَكٜىٰ ڢَطِنْ كَلْمُواْمِنْ لَعَنَ، وَتُواْ ذُرِيَرْ رَعُبَيْنُ دَ تَ غَدْ دَ تَ أَشٜىٰرْ دَ تَ ظٜىٰبُلُنْ دَ تَ دَنْ دَ كُمَ تَ نَڢْتَلِ؞ 14سَعَنً لَوِيَاوَا ذَاسُ تَادَ مُرْيَ سُثٜىٰ وَدُكَنْ جَمَعَرْ إِسْرَٰٓءِيلَ،
15« ‹لَعَنَنّٜىٰ نٜىٰ مُتُمِنْدَ يَسَسَّڧَ غُنْكِ كُواْ يَيِ ظُبِنْ غُنْكِنْ أَلُّواْلِ نَڧَرْڢٜىٰ، عَيْكِنْ ڠُونِ، سَيْ يَاكَڢَشِ أَوَنِ وُرِے عَٻُواْيٜىٰ؞ أَبِنْ ڨَمَ نٜىٰ غَ يَهْوٜىٰهْ؞›#ڢِتْ 20.4؛ 34.17؛ لِـ ڢِرْ 19.4؛ 26.1؛ مَيْ شَـ 4.15-18؛ 5.8
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
16« ‹لَعَنَنّٜىٰ نٜىٰ مُتُمِنْدَ يَرٜىٰنَ بَابَنْسَ دَ مَامَرْسَ؞›
«سَيْ دُكَنْ جَمَعَ سُأَمْسَ، سُثٜىٰ، ‹أَمِينْ!›
17« ‹لَعَنَنّٜىٰ نٜىٰ مُتُمِنْدَ يَثِرٜىٰ عَلَمَرْ شَيْدَرْ إِيَاكَرْ غُواْنَرْسَ دَ مَڨُوبْثِنْسَ؞›
«سَيْ دُكَنْ جَمَعَ سُأَمْسَ، سُثٜىٰ، ‹أَمِينْ!›
18« ‹لَعَنَنّٜىٰ نٜىٰ مُتُمِنْدَ يَسَا مَكَهُواْ يَكَوْثٜىٰ دَغَ حَنْيَ؞›
«سَيْ دُكَنْ جَمَعَ سُأَمْسَ، سُثٜىٰ، ‹أَمِينْ!›
19« ‹لَعَنَنّٜىٰ نٜىٰ مُتُمِنْدَ يَجُجُّويٜىٰ غَسْكِيَرْ دَتَكٜىٰ حَكِّنْ بَڧُواْ، كُواْ مَرَايَ، كُواْ مَاتَرْ دَ مِجِنْتَ يَمُتُ؞›#ڢِتْ 22.21؛ 23.9؛ لِـ ڢِرْ 19.33-34؛ مَيْ شَـ 24.17-18
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
20« ‹لَعَنَنّٜىٰ نٜىٰ مُتُمِنْدَ يَݣُونَ دَ مَاتَرْ بَابَنْسَ، غَمَا وَنَّنْ ذَيْ ڧَسْڧَنْتَرْدَ بَابَنْسَ؞›#لِـ ڢِرْ 18.8؛ 20.11؛ مَيْ شَـ 22.30
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
21« ‹لَعَنَنّٜىٰ نٜىٰ مُتُمِنْدَ يَݣُونَ دَ دَبَّ؞›#ڢِتْ 22.19؛ لِـ ڢِرْ 18.23؛ 20.15
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
22« ‹لَعَنَنّٜىٰ نٜىٰ مُتُمِنْدَ يَݣُونَ دَ یَرْعُوَرْسَ، كُواْ یَرْ بَابَنْسَ كُواْ یَرْ مَامَرْسَ؞›#لِـ ڢِرْ 18.9؛ 20.17
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
23« ‹لَعَنَنّٜىٰ نٜىٰ مُتُمِنْدَ يَݣُونَ دَ مَامَرْ مَاتَرْسَ؞›#لِـ ڢِرْ 18.17؛ 20.14
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
24« ‹لَعَنَنّٜىٰ نٜىٰ مُتُمِنْدَ يَكَشٜىٰ مَڨُوبْثِنْسَ عَٻُواْيٜىٰ؞›
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
25« ‹لَعَنَنّٜىٰ نٜىٰ مُتُمِنْدَ يَكَرْٻِ كُطِ دُواْمِنْ يَكَشٜىٰ مَرَرْ لَيْڢِے؞›
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!›
26« ‹لَعَنَنّٜىٰ نٜىٰ مُتُمِنْ دَ بَيْ أَمِنْثِ دَ وَطَنَّنْ كَلْمُواْمِنْ كُواْيَرْوَرْ نَنْ تَوُرِنْ عَيْكَتَاسُبَ؞›#غَلْ 3.10
«سَيْ دُكَنْ جَمَعَ سُأَمْسَ سُثٜىٰ، ‹أَمِينْ!› »
Currently Selected:
مَيْمَيْتَاوَرْ شَرِيعَ 27: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
