دَانِيٜىٰلْ 7
7
رُعُيُواْيِنْ دَانِيٜىٰلْ
﴿دَانِيٜىٰلْ 7.1—12.13﴾
رُعُيَ غَمٜىٰدَ دَبُّواْبِے حُطُ
1أَ شٜىٰكَرَا تَڢَرْكُواْ تَمُلْكٍ سَرْكِے بٜىٰلْشَظَّرْ نَ بَابِيلَ، دَانِيٜىٰلْ يَيِ مَڢَرْكِ يَكُمَ غَ رُعُيَ يَايِنْ دَيَكٜىٰ ݣُونْثٜىٰ أَغَدُوانْسَ، يَكُوَ رُبُوتَ أَبِنْدَ يَغَنِ؞ غَا أَبِنْدَ يَرُبُوتَ؞
2«نِے دَانِيٜىٰلْ دَ دَرٜىٰ عَثِكِنْ رُعُيَ نَغَ إِسْكَ دَغَ ڢُسْكُواْكِ حُطُ نَسَمَ، وَتُواْ غَبَسْ دَ يَمَّ دَ كُدُ دَ أَرٜىٰوَ سُنَ تَمُواْڟَ بَبَّرْ تٜىٰكُنْ؞ 3سَيْ مَنْيَنْ دَبُّواْبِے غُدَا حُطُ سُكَ ڢِتُواْ دَغَ تٜىٰكُنْ، كُمَ كُواْوَثٜىٰ دَبَّ دَبَمْ دَ سَوْرَنْ تَكٜىٰ؞ 4دَبَّ تَڢَرْكُوانْ تَنَدَ كَمَنِّنْ ذَاكِ، عَمَّا تَنَدَ ڢِكَڢِكَنْ غَغَّڢَ؞ إِنَ كَلُّواْ، سَيْ نَغَ أَنْثِرٜىٰ ڢِكَڢِكَنْتَ، عَكَ طَغَتَ دَغَ ڧَسَا عَكَسَا تَڟَيَ دَ ڧَڢَاڢُ كَمَرْ مُتُمْ؞ سَيْ عَكَبَاتَ تُنَانِ إِرِنْ نَمُتُمْ؞
5«سَيْ كُمَ غَ وَتَ دَبَّ تَبِيُ وَدَّ تَكٜىٰدَ كَمَنِّنْ بٜىٰيَرْ؞ غٜىٰڢٜىٰ طَيَ نَجِكِنْتَ يَطَغَ سَمَ ڢِيٜىٰدَ طَيَنْ؞ تَنَ رِڧٜىٰ دَ هَڧَرْڧَرِ عُكُ أَ هَڧُواْرَنْتَ؞ سَيْ عَكَثٜىٰ مَتَ، ‹تَاشِ، كِثِكَ ثِكِنْكِ دَ نَامَ!›
6«بَايَنْ وَنَّنْ كُمَ، إِنَ كَلُّواْ سَيْغَا وَتَ دَبَّ تَ عُكُ وَدَّ تَكٜىٰدَ كَمَنِّنْ دَامِسَ؞ تَنَدَ ڢِكَڢِكَيْ حُطُ إِرِنْ نَڟُنْڟُ عَبَايَنْتَ، تَنَ كُمَ دَكَيْ حُطُ؞ سَيْ عَكَبَاتَ إِيكُوانْ مُلْكِ؞
7«بَايَنْ وَنَّنْ كُمَ عَثِكِنْ رُعُيَ تَدَرٜىٰ، إِنَ كَلُّواْ سَيْغَا وَتَ دَبَّ تَهُطُ مَيْ ڧَرْڢِے ڨُورَيْ، مَيْ بَنْ ڟُواْرُواْ دَ بَرَظَنَ؞ تَنَدَ مَنْيَنْ هَڧُواْرَنْ بَڧِنْ ڧَرْڢٜىٰ؞ تَا ثِنْيٜىٰ، تَڢَرْڢَشٜىٰ، سَعَنً أَبِنْدَ يَضَغٜىٰ تَتَتَّكَ دَ ڧَڢَاڢُنْتَ؞ دَبَمْ تَكٜىٰدَ سَوْرَنْ دَبُّواْبِنْ دَ سُكَ رِغَاتَ؞ تَنَ كُمَ دَ ڧَهُواْنِ غُواْمَ؞ 8إِنَ كَلُّوانْ ڧَهُواْنِنْ دُواْمِنْ إِنْ غَانٜىٰ، سَيْغَا وَنِ ڧَهُواْ يَٻُلُّواْ، طَنْ ڧَرَمِ نٜىٰ؞ دُواْمِنْ عَبَا وَ وَنَّنْ طَنْ ڧَهُوانْ ڢِيلِ، سَيْ عَكَ تُمْٻُكٜىٰ ڧَهُواْ غُدَا عُكُ دَغَ ثِكِنْ غُواْمَ طِنَّنْ؞ طَنْ ڧَهُوانْ يَنَدَ إِدَانُو كَمَرْ نَمُتُمْ، يَنَ كُمَ دَ بَاكِ، يَنَ ڢَطِنْ مَغَنْغَنُنْ طَغَ كَيْ؞»
رُعُيَ غَمٜىٰدَ وَنْدَ يَكٜىٰ تُنْدَا
9«سَعَدَّ نَكٜىٰ كَلُّواْ،
سَيْ نَغَ أَنْجٜىٰرَ كُجٜىٰرُنْ مُلْكِ؞
سَيْغَا وَنْدَ يَكٜىٰ تُنْ دَا
يَذُواْ يَهَوْ كُجٜىٰرَرْ مُلْكِنْسَ؞
رِغَرْسَ ڢَرِ ڢَتْ كَمَرْ أَوْدُغَ،
غَاشِنْ كَنْسَ كَمَرْ ڢَضٍ عُلُ نٜىٰ ظَلَّ؞
كُجٜىٰرَرْ مُلْكِنْسَ كَمَرْ هَرْشٜىٰنْ وُتَا،
ڧَڢَاڢُ حُطُ نَكُجٜىٰرَرْسَ كَمَرْ نَكٜىٰكٜىٰ نٜىٰ،
سُنَدَ هَرْشٜىٰنْ وُتَا مَيْثِ؞#رُعُيَ 20.4؛ 1.14
10كُواْغِنْ وُتَا يَنَ غُدُ دَغَ غَبَنْسَ،
دُبُنْ دُبَّيْ سُنَ تَيِ مَسَ حِدِمَ،
دُبُو غُواْمَ سَوْ دُبُو غُواْمَ سُكَ ڟَيَ أَغَبَنْسَ؞
عَكَ ذَوْنَ دُواْمِنْ أَ ڢَارَ شَرِيعَ،
عَكَ بُبُّوطٜىٰ لِتَّتَّڢَيْ؞#رُعُيَ 5.11؛ 20.12
11«نَيِ تَكَلُّواْ سَبُواْدَ مَنْيَنْ مَغَنْغَنُنْ طَغَ كَيْ وَطَنْدَ ڧَهُوانْ يَكٜىٰ تَڢَطِ؞ سَعَدَّ نَكٜىٰ تَكَلُّواْ، سَيْ نَغَ أَنْكَشٜىٰ دَبَّرْ، سَيْ عَكَ جٜىٰڢَرْ دَ غَاوَرْ ثِكِنْ وُتَا دُواْمِنْ تَڧُواْنٜىٰ؞ 12سَوْرَنْ دَبُّواْبِے كُوَ عَكَ كَرْٻِ مُلْكِنْسُ، عَمَّا عَكَ بَرْسُ دَ رَيْ حَرْ طَنْ لُواْكَثِنْ دَ عَكَسَا؞
13«عَثِكِنْ رُعُيَ تَدَرٜىٰ إِنَ كَلُّواْ،
سَيْغَا وَنِ مَيْ كَمَنِّنْ طَنْ مُتُمْ؞
يَنَ ذُوَا ثِكِنْ غِرْغِجٜىٰ،
يَذُواْ وُرِنْ وَنْدَ يَكٜىٰ تُنْ دَا،
سَيْ عَكَ كَيْ شِ غَبَنْسَ؞#مَتْ 24.30؛ 26.64؛ مَرْ 13.26؛ 14.62؛ لُكْ 21.27؛ رُعُيَ 1.7،13؛ 14.14
14عَكَ كُوَ بَاشِ سَرَوْتَ،
دَ طَوْكَكَ دَ مُلْكِ،
دُواْمِنْ دُكَنْ ڧَبِيلُ دَ أَلْعُمَّيْ،
دَ يَرٜىٰ دَبَمْ دَبَمْ سُبَوْتَا مَسَ؞
سَرَوْتَرْسَ تَهَرْ أَبَدَاثٜىٰ،
مُلْكِ نٜىٰ وَنْدَ بَذَيْ ڧَارٜىٰبَ؞
مُلْكِنْسَ بَذَاعَ تَٻَ هَلَّكَرْ دَشِيبَ؞»#رُعُيَ 11.15
أَنْ بَيَّنَ مَعَنَرْ رُعُيَرْ
15«عَمَّا نِے دَانِيٜىٰلْ رَيْنَ يَدَامُ ڨُورَيْ، رُعُيَرْدَ نَغَنِ تَڟُواْرَتَرْ دَنِے ڨُورَيْ؞ 16سَيْ نَمَاڟَ كُسَدَ طَيَ دَغَ ثِكِنْ وَطَنْدَ سُكٜىٰ ڟَيٜىٰ أَوُرِنْ، نَتَمْبَيٜىٰشِ عَيْنِحِنْ مَعَنَرْ وَطَنَّنْ أَبُبُوَ دُكَ؞ سَيْ يَبَيَّنَ مِنِ مَعَنَرْسُ؞ 17يَثٜىٰ، ‹وَطَنَّنْ مَنْيَنْ دَبُّواْبِے غُدَا حُطُ، سُنَ ݣُوتَنْتَا سَرَاكُنَ حُطُ نٜىٰ وَطَنْدَ ذَاسُ تَاسُواْ عَدُونِيَا؞ 18عَمَّا ڟَرْكَكَا نَ مَڢِے طَوْكَكَ ذَاسُ كَرْٻِ مُلْكٍ، سُيِ تَرِڧٜىٰ مُلْكٍ حَرْ أَبَدَا أَبَدِنْ؞›#رُعُيَ 22.5
19«سَيْ نَنٜىٰمِ إِنْ سَنْ عَيْنِحِنْ مَعَنَرْ دَبَّ تَهُطُ، وَدَّ تَبَمْبَنْتَ دَ سَوْرَنْ؞ إِنَ نٜىٰمَنْ مَعَنَرْ وَنَّنْ دَبَّ مَيْ بَنْ ڟُواْرُواْ ڨُورَيْ، مَيْ هَڧُواْرَنْ بَڧِنْ ڧَرْڢٜىٰ دَ ڧُمْبَرْ تَغُلَّ دَبَّرْ دَ تَثِنْيٜىٰ، تَڢَرْڢَشٜىٰ، سَعَنً أَبِنْدَ يَضَغٜىٰ تَتَتَّكَ دَ ڧَڢَاڢُنْتَ؞ 20نَكُمَسُواْ إِنْسَنْ مَعَنَرْ ڧَهُواْنِ غُواْمَ عَكَنْتَ دَ طَيَ ڧَهُوانْدَ يَٻُلُّواْ، وَنْدَ عَكَ تُمْٻُكٜىٰ ڧَهُواْنِ عُكُ أَغَبَنْسَ؞ إِنَ سُواْ إِنْسَنْ مَعَنَرْ ڧَهُواْنَّنْ وَنْدَ يَكٜىٰدَ إِدَانُو دَ بَاكِنْ دَيَكٜىٰ ڢَطِنْ مَنْيَنْ مَغَنْغَنُنْ طَغَ كَيْ، وَنْدَ أَغَنِينَ غِرْمَنْسَ يَڢِ نَسَوْرَنْ؞
21«إِنَكَلُّواْ، سَيْغَا وَنَّنْ ڧَهُواْ يَنَ يَاڧِ دَ ڟَرْكَكَا، يَنَ كُمَ شَنْ ڧَرْڢِنْسُ، 22حَرْ سَيْ دَ وَنْدَ يَكٜىٰ تُنْ دَا يَذُواْ، عَكَ كُمَ يَنْكٜىٰ شَرِيعَرْ غَسْكِيَ دُواْمِنْ ڟَرْكَكَا نَ مَڢِے طَوْكَكَ؞ سَعَدَّ لُواْكَثِ يَيِ، سَيْ ڟَرْكَكَا سُكَ كَرْٻِ إِيكُوانْ مُلْكٍ؞
23«غَا بَيَانِنْ دَيَبَانِ؞ يَثٜىٰ، ‹دَبَّ تَهُطُ تَݣُوتَنْتَا مُلْكِ نَهُطُ عَدُونِيَا، وَنْدَ ذَيْ بَمْبَنْتَ دَ دُكَنْ سَوْرَنْ مُلْكُواْكِنْ؞ ذَيْثِنْيٜىٰ دُونِيَا دُكَ، يَتَتَّاكٜىٰتَ، يَڢَرْڢَشٜىٰتَ؞ 24ڧَهُواْنِنَّنْ غُواْمَ كُوَ، سَرَاكُنَ غُواْمَ نٜىٰ وَطَنْدَ ذَاسُ تَاسُواْ دَغَ ثِكِنْ مُلْكٍ؞ سَعَنً وَنِ سَرْكِے ذَيْ ٻُلُّواْ عَبَايَنْسُ وَنْدَ ذَيْ بَمْبَنْتَ دَ سَوْرَنْ دَ سُكَ ڢَارَ تَاسُواْوَ، ذَيْ تُمْٻُكٜىٰ سَرَاكُنَ عُكُ؞ 25ذَيْ يِمَغَنْغَنُنْ صَاٻُواْ عَكَنْ مَڢِے طَوْكَكَ، ذَيْ كُمَ ڟَنَنْتَا وَ ڟَرْكَكَا نَ مَڢِے طَوْكَكَ؞ ذَيْ يِڧُواْڧَرِ يَثَنْجَ كُواْيَرْوَرْ مُوسَٰى دَ لُواْكَتَيْ نَبِكٍ سُجَّدَ؞ ذَاعَكُوَ بَادَ ڟَرْكَكَا أَ حَنُّنْسَ حَرْ لُواْكَثِ طَيَ دَ لُواْكَتَيْ دَ رَبِنْ لُواْكَثِ؞#رُعُيَ 12.14؛ 13.5 26سَعَنً مَاسُ شَرِيعَ أَ سَمَ ذَاسُ ذَوْنَ سُيَنْكٜىٰ شَرِيعَ؞ ذَاعَكَرْٻِ إِيكُوانْ مُلْكِنْسَ، عَكَوَرْ دَشِ عَكُمَ هَلَّكَ شِ حَرْ أَبَدَا؞ 27مُلْكِ دَ إِيكُوانْ مُلْكِ دَ غِرْمَنْ دُكَنْ مُلْكُواْكِ عَڧَرْڧَشِنْ سَمَ، ذَاعَ بَادَسُو غَ ڟَرْكَكَا، غَ مُتَنٜىٰنْ مَڢِے طَوْكَكَ؞ مُلْكِنْسَ ذَيْ كَسَنْثٜىٰ نَهَرْ أَبَدَا نٜىٰ؞ دُكَنْ سَرَاكُنَنْ دُونِيَا ذَاسُ بَوْتَا مَسَ، سُكُمَيِ مَسَ بِيَيَّ؞›#رُعُيَ 20.4؛ 22.5
28«نَنْ نَكَيْ غَ ڧَرْشٜىٰنْ أَبِنْدَ نَغَنِ؞ نِے دَانِيٜىٰلْ كُوَ تُنَانِنْ دُكَنْ وَنَّنْ يَڢِرْغِتَرْ دَنِے ڨُورَيْ، حَرْ ڢُسْكَتَ تَثَنْجَ؞ عَمَّا نَرِڧٜىٰ ذَنْثٜىٰنْ دُكَ أَ ذُوثِيَاتَ؞»
Currently Selected:
دَانِيٜىٰلْ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
