دَانِيٜىٰلْ 6
6
دَانِيٜىٰلْ عَثِكِنْ رَامِنْ ذَاكُواْكِ
1بَايَنْدَ دَرِيُسْ يَذَمَ سَرْكِے، يَغَ يَيِݣَوْ يَرَرَّبَ مُلْكِنْسَ حَرْ يَنْكُنَ طَرِے دَ عَشِرِنْ، سَعَنً يَنَطَ هَكِمِ عَكَنْ كُواْوَنّٜىٰنْسُ؞ 2سَيْ يَنَطَ شُوغَبَنِّ غُدَا عُكُ سُلُورَ دَ هَكِمَنْ يَنْكُنَنَّنْ؞ دَانِيٜىٰلْ كُوَ طَيَ نٜىٰ عَثِكِنْ شُوغَبَنِّ عُكُنَّنْ؞ أَغَرٜىٰسُنٜىٰ دُكَنْ هَكِمَنْ يَنْكُنَنَّنْ سُكَنْ بَادَ رَهُواْتُوانْ عَيْكِنْسُ دُواْمِنْ كَدَ سَرْكِے يَرَسَ وَنِ أَبُ دَغَ مُلْكِنْسَ؞ 3أَنَانً سَيْ أَنْغَانٜىٰ ثٜىٰوَ دَانِيٜىٰلْ دَبَمْ نٜىٰ دَ سَوْرَنْ شُوغَبَنِّ دَ هَكِمَنْ يَنْكُنَ، غَمَا أَݣَويْ رُوحٌ بَنْ مَامَاكِ عَثِكِنْسَ؞ سَيْ سَرْكِے يَشِرْيَ يَدَّ ذَيْبَاشِ مَڟَيِنْ إِيكُواْ عَكَنْ دُكَنْ مُلْكٍ؞ 4سَيْ سَوْرَنْ شُوغَبَنِّنَّنْ دَ هَكِمَنْ يَنْكُنَ سُكَ نٜىٰمِ حَنْيَرْ دَ ذَاسُ سَامِ دَانِيٜىٰلْ دَ لَيْڢِے غَمٜىٰدَ عَيْكِنْسَ أَمُلْكٍ؞ عَمَّا بَسُ سَامِ عِنْدَ ذَاسُ كَامَشِ دَ لَيْڢِے كُواْ دَ ثِنْ حَنْثِبَ، غَمَا شِے مُتُمْ نٜىٰ مَيْ أَمِنْثِ، وَنْدَ يَكٜىٰيِنْ كُواْمٜىٰ دَيْدَيْ، كُمَ بَابُ عِنْدَ ذَاعَ سَامٜىٰشِ دَ كُسْكُرٜىٰ؞ 5سَيْ سُكَثٜىٰ «بَابُوَتَ حَنْيَرْ دَ ذَامُ سَامِ وَنَّنْ دَانِيٜىٰلْ دَ لَيْڢِے سَيْ كُواْ وَجٜىٰنْ أَلْعَمُرَنْ أَدِّينِنْسَ؞»
6سَيْ وَطَنَّنْ شُوغَبَنِّ تَرٜىٰدَ هَكِمَنْ يَنْكُنَ سُكَ حَطَ بَاكِ سُكَ تَڢِے وُرِنْ سَرْكِے عَٻُواْيٜىٰ سُكَثٜىٰ مَسَ «رَنْكَيَدَطٜىٰ، يَا سَرْكِے دَرِيُسْ! 7دُكَنْ شُوغَبَنِّنْ مُلْكِ دَ مَاسُ مَڟَيِ دَ هَكِمَنْ يَنْكُنَ دَ مَاسُ بَادَ شَوَرَا دَ ڠُومْنُواْنِ سُنْ يَرْدَ ثٜىٰوَ يَا كَمَاتَ سَرْكِے يَكَڢَ دُواْكَا، يَكُمَ تَبَّتَرْ أَنْبِتَ؞ رَنْكَيَدَطٜىٰ سَرْكِے! دُواْكَرْ دَ ذَاكَ كَڢَ عِتَثٜىٰ عَثِكِنْ ݣُونَ تَلَتِنَّنْ غَبَ أَغَرٜىٰكَ نٜىٰ كَطَيْ ذَاعَيِ أَدُّعَ؞ دُكْ وَنْدَ يَيِ أَدُّعَ غَ وَنِ مُتُمْ كُواْ وَنِ اللَّهْ، إِنْ بَ غَرٜىٰكَبَ، يَا سَرْكِے، ذَاعَ جٜىٰڢَرْ دَشِ عَثِكِنْ رَامِنْ ذَاكُواْكِ؞ 8يَنْذُ، يَا سَرْكِے، سَيْ كَكَڢَ دُواْكَرْ، كَسَا حَنُّ دُواْمِنْ كَدَ عَثَنْجَتَ؞ تَهَكَ ذَاتَ ذَمَ دُواْكَرْ مٜىٰدِيَ دَ ڢَٰشِيَ وَدَّ بَعَثَنْجَتَ؞» 9سَيْ سَرْكِے دَرِيُسْ يَسَا حَنُّ عَتَكَرْدَرْ دُواْكَرْ؞
10سَعَدَّ دَانِيٜىٰلْ يَجِ ثٜىٰوَ أَنْسَا حَنُّ عَتَكَرْدَرْ دُواْكَرْ، سَيْ يَكُواْمَ غِدَنْسَ؞ يَبُوطٜىٰ تَغُواْغِنْ طَاكِنْ سَمَ نَغِدَنْسَ وَطَنْدَ سُكٜىٰ ڢُسْكَنْتَرْ عُرُوشَلِيمَ؞ سَوْ عُكُ كُواْوَثٜىٰ رَانَ يَكَنْ دُرْڧُسَ يَيِ أَدُّعَ، يَنَ غُواْدٜىٰ وَ اللَّهْ نْسَ كَمَرْ يَدَّ يَسَابَايِ؞ 11سَيْ مُتَنٜىٰنَّنْ مَاسُ ڧُلّٜىٰ ڧُلّٜىٰ سُكَ تَڢِے غِدَنْ دَانِيٜىٰلْ، سُكَ تَرَرْ يَنَ أَدُّعُواْعِنْ ضُواْڧٜىٰ ضُواْڧٜىٰنْسَ غَ اللَّهْ نْسَ؞ 12سَيْ سُكَ تَڢِے وُرِنْ سَرْكِے، سُكَيِ مَغَنَ غَمٜىٰدَ دُواْكَرْ دَ سَرْكِے يَكَڢَ، سُكَثٜىٰ «رَنْ سَرْكِے يَدَطٜىٰ! أَشٜىٰ، بَ سَرْكِے يَسَا حَنُّ عَتَكَرْدَرْ دُواْكَرْ دَ تَثٜىٰ عَثِكِنْ ݣُونَ تَلَتِنَّنْ غَبَ كَدَ كُواْوَ يَيِ أَدُّعَ غَ وَنِ مُتُمْ كُواْ وَنِ اللَّهْ، إِنْ بَ غَرٜىٰكَ بَ؟ بَ دُواْكَرْ تَثٜىٰ إِنْ حَرْ وَنِ يَكَرْيَتَ، ذَاعَ جٜىٰڢَشِ أَ رَامِنْ ذَاكُواْكِبَ؟»
سَيْ سَرْكِے يَأَمْسَ، يَثٜىٰ «دُواْكَرْ نَنْ تَبَّتَاثِّيَ ثٜىٰ، غَمَا تَذَمَ دُواْكَرْ مٜىٰدِيَ دَ ڢَٰشِيَ وَدَّ بَعَثَنْجَتَ؞»
13سَيْ سُكَثٜىٰ وَسَرْكِے «رَنْكَيَدَطٜىٰ يَا سَرْكِے! دَانِيٜىٰلْ طِنَّنْ، وَنْدَ يَكٜىٰ طَيَ دَغَ ثِكِنْ وَطَنْدَ عَكَ كَٰوُاْ بَوْتَادَغَ ڧَسَرْ يَهُودَ، بَيْ كُلَ دَكَيْ بَ، بَلّٜىٰ ڢَا عَثٜىٰ يَكُلَ دَ دُواْكَرْدَ كَكَڢَ؞ عَمَّا يَنَ تَيِنْ أَدُّعُواْعِنْ ضُواْڧٜىٰ ضُواْڧٜىٰنْسَ سَوْ عُكُ كُواْوَثٜىٰ رَانَ غَ اللَّهْ نْسَ؞»
14سَعَدَّ سَرْكِے يَجِ وَنَّنْ مَغَنَ، سَيْ رَنْسَ يَٻَثِ ڨُورَيْ، سَيْ يَشِغَ تُنَانِ تَيَدَّ ذَيْ يِ يَثٜىٰثِ دَانِيٜىٰلْ؞ يَيِ تَڧُواْڧَرِ دَ نِيَّ يَدَّ ذَيْ عِيَ ثٜىٰثِ دَانِيٜىٰلْ دَغَ لُواْكَثِنْ حَرْ ڢَاطُوَرْ رَانَ؞ 15سَيْ وَطَنَّنْ مُتَنٜىٰ مَاسُ ڧُلّٜىٰ ڧُلّٜىٰ سُكَسَاكٜىٰ ذُوَا وُرِنْ سَرْكِے، سُكَ مَاڟَ مَسَ سُكَثٜىٰ «رَنْكَيَدَطٜىٰ! مُو دَيْ مُنَسُواْ كَسَنِ ڢَا، دُواْكَا ثٜىٰ تَ مٜىٰدِيَ دَ ڢَٰشِيَ ثٜىٰوَ بَا دَامَ عَثَنْجَ دُواْكَا كُواْ عُمَرْنِ وَنْدَ سَرْكِے يَكَڢَ؞»
16سَيْ سَرْكِے يَعُمَرْتَ عَكَٰوُاْ دَانِيٜىٰلْ، عَكَ كَٰوُاْشِ عَكَ تُورَشِ أَرَامِنْ ذَاكُواْكِ؞ سَرْكِے كُمَ يَثٜىٰ وَ دَانِيٜىٰلْ «بَرِ اللَّهْ نْكَ وَنْدَ كَكٜىٰ بَوْتَا مَسَ كُلُّمْ يَثٜىٰثٜىٰكَ!» 17سَيْ عَكَ كَٰوُاْ ڧَتُوانْ دُوڟٜىٰ عَكَ رُڢٜىٰ بَاكِنْ رَامِنْ، سَرْكِے كُوَ يَسَا هَاتِمِنْسَ دَ نَدَتَّوَنْسَ عَكَيْ، دُواْمِنْ كَدَ عَثَنْجَ كُواْمٜىٰ غَمٜىٰدَ دَانِيٜىٰلْ؞ 18سَعَنً سَرْكِے يَكُواْمَ ثِكِنْ غِدَنْسَ، يَݣُونْتَ دُكَنْ دَرٜىٰ يَنَ أَظُمِ، بَيْ كُواْ يَرْدَ عَكَٰوُاْ مَسَ أَبِنْدَ ذَيْ ݣُونْتَرْ مَسَ دَ حَنْكَلِبَ، كُمَ بَرْثِ يَٻَثٜىٰ دَغَ عِدَنُونْسَ؞
اللَّهْ يَثٜىٰثِ دَانِيٜىٰلْ دَغَ ذَاكُواْكِ
19غَرِ يَنَ وَايٜىٰوَ، سَيْ سَرْكِے يَتَاشِ يَتَڢِے دَ غَغَّاوَا ذُوَا وُرِنْ رَامِنْ ذَاكُواْكِ؞ 20دَ يَذُواْ كُسَدَ رَامِنْ ذَاكُواْكِنْ، سَيْ يَتَادَ مُرْيَ يَيِ كِرَا دَ مُرْيَرْ دَامُوَ يَثٜىٰ «يَا دَانِيٜىٰلْ، بَاوَنْ اللَّهْ مَيْ رَيْ، كُواْ اللَّهْ نْكَ وَنْدَ كَكٜىٰ بَوْتَا مَسَ كُلُّمْ، يَ عِيَ ثٜىٰتُوانْكَ دَغَ ذَاكُواْكِنْ؟»
21سَيْ دَانِيٜىٰلْ يَثٜىٰ وَسَرْكِے «رَنْ سَرْكِے يَدَطٜىٰ! 22اللَّهْ نَا بَيْسَامٜىٰنِ دَ لَيْڢِے بَ، سَيْ يَعَيْكُواْ دَ مَلاَىِٕكَنْسَ وَنْدَ يَرُڢٜىٰ بَكُنَنْ ذَاكُواْكِنْ؞ شِيَسَا بَسُيِ مِنِ رَوْنِبَ؞ كَيْ كُمَ يَا سَرْكِے، بَنْ يِمَكَ لَيْڢِے بَ؞»
23سَرْكِے يَثِكَ دَ مُرْنَ ڨُورَيْ، يَعُمَرْتَ أَ ڢِتُواْ دَ دَانِيٜىٰلْ دَغَ رَامِنْ؞ سَيْ عَكَ ڢِتُواْ دَ دَانِيٜىٰلْ دَغَ رَامِنْ، عَكَ غَ بَا وَنِ أَبِنْدَ يَتَٻَ جِكِنْسَ سَبُواْدَ يَدُواْغَرَ غَ اللَّهْ نْسَ؞ 24سَيْ سَرْكِے يَعُمَرْتَ عَكَٰوُاْ مُتَنٜىٰنْ دَ سُكَيِ وَ دَانِيٜىٰلْ ڧُلّٜىٰ ڧُلّٜىٰنَّنْ؞ سَيْ يَعُمَرْتَ عَتُورَسُ دَ یَیَنْسُ دَ مَاتَنْسُ ثِكِنْ رَامِنْ ذَاكُواْكِنْ؞ تُنْ بَسُ كَيْ غِدَنْ رَامِنْبَ، سَيْ ذَاكُواْكِ سُكَ ثَڢْكٜىٰسُ دَغَ سَمَ، سُكَ كَكَّرْيٜىٰ دُكَنْ ڧَسُسُوَنْسُ؞
25بَايَنْ حَكَ، سَيْ سَرْكِے دَرِيُسْ يَرُبُوتَ سَڧُواْ ذُوَاغَ دُكَنْ ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ وَطَنْدَ سُكٜىٰ كُواْعِنَ عَدُونِيَا؞
بَرِ سَلَمَ عَيَلْوَثٜىٰ تَكَسَنْثٜىٰ أَغَرٜىٰكُ! 26إِنَ كَڢَ دُواْكَا كُواْعِنَ أَ ڢَاطِنْ مُلْكِنَ ثٜىٰوَ بَرِ كُواْوَ يَيِ ضَوَرْ جِكِے، يَكُمَ جِڟُواْرُوانْ اللَّهْ نَ دَانِيٜىٰلْ؞
«غَمَا شِينٜىٰ اللَّهْ مَيْ رَيْ،
شِے وَنْدَ يَكٜىٰ نَهَرْ أَبَدَانٜىٰ!
مُلْكِنْسَ بَذَاعَ تَٻَ هَلَّكَرْ دَشِيبَ،
إِيكُوانْ مُلْكِنْسَ نَهَرْ أَبَدَانٜىٰ؞
27يَكَنْيِ ثٜىٰتُواْ، يَكَنْ كُمَ كُٻُتَرْ،
يَنَ عَيْكَتَ عَلَمُ دَ أَيُّكَنْ بَنْ مَامَاكِ
أَ سَمَ دَ نَنْ دُونِيَا؞
غَمَا شِينٜىٰ يَثٜىٰثِ دَانِيٜىٰلْ
دَغَ إِيكُوانْ ذَاكُواْكِ؞»
28دَانِيٜىٰلْ كُوَ يَيَلْوَتَ ڨُورَيْ أَ زَامَانِنْ مُلْكٍ دَرِيُسْ دَ كُمَ زَامَانِنْ مُلْكٍ سَيِرُسْ نَ ڢَٰشِيَ؞
Currently Selected:
دَانِيٜىٰلْ 6: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
