دَانِيٜىٰلْ 8
8
رُعُيَ غَمٜىٰدَ ضَغُواْ دَ بُنْسُرُ
1أَ شٜىٰكَرَا تَ عُكُ تَمُلْكٍ سَرْكِے بٜىٰلْشَظَّرْ نَ بَابِيلَ، سَيْ نِے دَانِيٜىٰلْ نَسَاكٜىٰ غَنِنْ وَتَ رُعُيَ، بَايَنْ رُعُيَ تَڢَرْكُوانْ؞ 2عَثِكِنْ رُعُيَرْ، سَيْ نَغَ كَيْنَ عَبَاكِنْ رَاڢِنْ عُلَيْ وَنْدَ عَكَ حَڧَ أَ شُوشَنْ، بَبَّنْ بِرْنِنْ مُلْكٍ بَابِيلَ عَيَنْكِنْ عٜىٰلَمْ؞ 3دَ نَطَغَ عِدُواْ، سَيْ نَغَ ضَغُواْ أَڟَيٜىٰ عَبَاكِنْ رَاڢِنْ؞ يَنَ دَ ڧَهُواْنِ بِيُ دُواْغَيٜىٰ، عَمَّا طَيَ يَڢِ طَيَنْ ڟَوُاْ؞ وَنْدَ يَڢِ دُواْغُواْ شِينٜىٰ يَڟِرُواْ دَغَ بَايَ؞ 4إِنَ كَلُّواْ، سَيْ نَغَ ضَغُوانْ يَنَ كَيْ هَرِ ذُوَا وَجٜىٰنْ يَمَّ دَ وَجٜىٰنْ أَرٜىٰوَ دَ وَجٜىٰنْ كُدُ؞ بَابُوَتَ دَبَّرْ دَ تَ عِيَ ڟَيَاوَا تَيِغَابَادَشِ، كُمَ بَابُوَنْدَ يَ عِيَ كُٻُتَ دَغَ إِيكُوانْسَ؞ شِ دَيْ يَيِ يَدَّ يَغَ دَامَ، يَيِ تَغِرْمَ عَثِكِنْ إِيكُوانْسَ؞
5سَعَدَّ نَكٜىٰ ثِكِنْ تُنَانِ عَكَنْ أَبِنْدَ نَكٜىٰ غَنِ، سَيْغَا بُنْسُرُ يَٻُلُّواْ دَغَ وَجٜىٰنْ يَمَّ، يَرَڟَا دُكَنْ دُونِيَا، عَمَّا سَبُواْدَ ذَاڢِنْ سَوْرِنْسَ، ڧَڢَرْسَ بَتَ كُواْ تَٻَ ڧَسَابَ؞ بُنْسُرُنْ يَنَدَ ڧَتُوانْ ڧَهُواْ أَڟَكَانِنْ عِدَنُونْسَ؞ 6سَيْ يَذُواْ وُرِنْ ضَغُواْنَّنْ مَيْ ڧَهُواْنِ بِيُ وَنْدَ نَغَنِ أَڟَيٜىٰ عَبَاكِنْ رَاڢِ؞ بُنْسُرُنْ كُوَ يَتَاسَرْ مَسَ دَ ڢُشِے مَيْ ذَاڢِ؞ 7نَغَ يَذُواْ كُسَدَ ضَغُوانْ دَ ڢُشِے مَيْ ڟَنَنِ ڨُورَيْ؞ سَيْ يَكَيْوَ ضَغُوانْ هَرِ، حَرْ يَكَكَّرْيَ ڧَهُواْنِنْسَ نَنْ بِيُ؞ ضَغُوانْ بَيْ عِيَ ڟَيَاوَا يَيِ غَابَادَ بُنْسُرُنْبَ؞ بُنْسُرُنْ يَبُغٜىٰشِ ڧَسَا يَتَتَّاكٜىٰشِ؞ بَاوَنْدَ يَ عِيَ كُٻُتَرْدَ ضَغُوانْ دَغَ بُنْسُرُنْ؞
8سَعَنً بُنْسُرُنْ يَيِ تَغِرْمَ ثِكِنْ إِيكُوانْسَ؞ عَمَّا سَعَدَّ يَكَڢُ ثِكِنْ إِيكُوانْسَ، سَيْ بَبَّنْ ڧَهُواْنَّنْ يَكَرْيٜىٰ؞ أَ مَيْمَكُوانْسَ، سَيْ وَطَنْسُ مَنْيَنْ ڧَهُواْنِ حُطُ سُكَ ڟِرُواْ سُنَ ڢُسْكَنْتَرْ ڢُسْكُواْكِ حُطُ نَسَمَ، وَتُواْ غَبَسْ دَ يَمَّ دَ أَرٜىٰوَ دَ كُدُ؞ 9دَغَ ثِكِنْسُ سَيْ وَنِ ڧَرَمِنْ ڧَهُواْ كُمَ يَڟِرُواْ، يَيِ غِرْمَ يَبَظُو كُواْعِنَ؞ إِيكُوانْسَ يَكَيْ حَرْ ذُوَا وَجٜىٰنْ غَبَسْ دَ وَجٜىٰنْ كُدُ دَ وَجٜىٰنْ ڧَسَا مَيْ دَرَجَ؞ 10يَيِ غِرْمَ حَرْ يَكَيْ ثِكِنْ دُبُنْ دُبَّنْ حَلِتُّنْ سَمَ؞ يَجَٰوُاْ وَطَنْسُ تَوْرَرِ ذُوَا ڧَسَا، يَتَتَّاكٜىٰسُ؞#رُعُيَ 12.4 11يَطَوْكَكَ كَنْسَ حَرْ يَمَيْدَ كَنْسَ دَيْدَيْ دَ اللَّهْ شُوغَبَنْ دُبُنْ دُبَّنْ حَلِتُّنْ سَمَ؞ يَحَنَ يِنْ هَدَايَ تَڧُواْنَاوَا تَيَوْ دَ كُلُّمْ، يَكُمَ ڧَظَنْتَرْدَ وُرِے مَيْ ڟَرْكِے؞ 12سَبُواْدَ ڟَنَنِنْ مُغُنْتَا سَيْ عَكَ بَادَ دُبُنْ دُبَّيْ غَ إِيكُوانْ ڧَهُوانْ، دُكْ دَ هَدَايَ تَڧُواْنَاوَا تَيَوْ دَ كُلُّمْ؞ أَنْ كُمَ تَتَّاكَ غَسْكِيَ؞ ڧَهُوانْ يَيِ أَبِنْدَ يَغَ دَامَ، يَكُوَ يِنَصَرَا؞ 13سَيْنَجِ وَنِ مَيْ ڟَرْكِے يَيِ تَمْبَيَ، وَنِ مَيْ ڟَرْكِے كُمَ يَأَمْسَ يَثٜىٰ «سَيْ يَوْشٜىٰنٜىٰ مُغُنْتَارْ دَتَكٜىٰ ثِكِنْ رُعُيَرْ نَنْ ذَاتَ ڧَارٜىٰ؟ سَيْ يَوْشٜىٰ ذَاعَ حَنَ يِنْ هَدَايَ تَڧُواْنَاوَا تَيَوْ دَ كُلُّمْ؟ سَيْ يَوْشٜىٰ ذَاعَيِ أَبِنْ ڧَظَنْتَا مَيْ كَٰوُاْ هَلَّكَرْوَ دَ كُمَ بَادَ وُرِے مَيْ ڟَرْكِے دَ دُبُنْ دُبَّيْ دُواْمِنْ عَتَتَّاكَ؟»
14سَيْ يَأَمْسَ «سَيْ أَنْحَنَ هَدَايُنْ يَمَّ دَ سَاڢِيَ سَوْ دُبُو بِيُ دَ طَرِے عُكُ، سَعَنً ذَاعَ ڟَبْتَثٜىٰ أَ سَاكٜىٰ كٜىٰٻٜىٰ وُرِے مَيْ ڟَرْكِے؞»
مَلاَىِٕكَ يَبَيَّنَ مَعَنَرْ رُعُيَرْ
15سَعَدَّ نِے دَانِيٜىٰلْ إِنَ كَلُّواْ ثِكِنْ رُعُيَرْ، كُمَ إِنَ ڧُواْڧَرِنْ غَانٜىٰ مَعَنَرْ رُعُيَرْ، سَيْغَا وَنِ مَيْ كَمَنِّنْ مُتُمْ يَڟَيَ أَغَبَنَ؞ 16سَيْ نَجِ مُرْيَرْ مُتُمْ دَغَ وَجٜىٰنْ رَاڢِنْ عُلَيْ تَنَ كِرَا ثٜىٰوَ «جِبْرِيلُ، سَيْ كَتَيْمَكِ وَنَّنْ مُتُمْ يَغَانٜىٰ مَعَنَرْ رُعُيَرْ؞»#لُكْ 1.19،26
17سَيْ مَلاَىِٕكَ جِبْرِيلُ يَمَڟُواْ كُسَدَ عِنْدَ نَكٜىٰ ڟَيٜىٰ؞ دَ يَذُواْ، سَيْ نَڢِرْغِتَ، نَڢَاطِ دَ ڢُسْكَتَ حَرْ ڧَسَا؞ عَمَّا يَثٜىٰ مِنِ «يَا كَيْ طَنْ أَدَمْ، سَيْ كَغَانٜىٰ ثٜىٰوَ وَنَّنْ رُعُيَرْ تَشَاڢِ ݣُونَكِنْ ڧَرْشٜىٰنٜىٰ؞»
18سَعَدَّ يَكٜىٰ مَغَنَ دَنِے، سَيْ بَرْثِ مَيْ ظُرْڢِ يَݣُوشٜىٰنِ يَايِنْ دَ نَكٜىٰ ݣُونْثٜىٰ دَ ڢُسْكَتَ عَڧَسَا؞ عَمَّا يَتَٻَنِ يَتَادَنِ ڟَيٜىٰ؞ 19سَعَنً يَثٜىٰ مِنِ،
«غَاشِ، إِنَ سَنَرْ مَكَ أَبُبُوَنْ دَ ذَاسُ ڢَرُ نَنْ غَبَ أَ لُواْكَثِنْ دَ اللَّهْ ذَيْ نُونَ ڢُشِنْسَ؞ غَمَا رُعُيَرْ تَشَاڢِ ݣُونَكِنْ ڧَرْشٜىٰنْ دَ عَكَ شِرْيَ؞ 20غَمٜىٰ دَ ضَغُواْنَّنْ مَيْ ڧَهُواْنِ بِيُ وَنْدَ كَغَنِ، يَنَ ݣُوتَنْتَا سَرَاكُنَنْ مٜىٰدِيَ نٜىٰ دَ نَ ڢَٰشِيَ؞ 21بُنْسُرُنَّنْ كُوَ سَرْكِنْ هٜىٰلَّسْ نٜىٰ؞ بَبَّنْ ڧَهُواْنَّنْ دَيَكٜىٰ ڟَكَانِنْ عِدَنُونْسَ كُمَ، يَنَ ݣُوتَنْتَا سَرْكِے نَڢَرْكُواْ؞ 22ڧَهُواْنِ حُطُ وَطَنْدَ سُكَ ڟِرُواْ بَايَنْ ڧَهُواْ نَڢَرْكُواْ يَكَرْيٜىٰ، سُنَ ݣُوتَنْتَا سَرَاكُنَ حُطُ وَطَنْدَ ذَاسُ ڢِتُواْ دَغَ ثِكِنْ أَلْعُمَّرْسَ، عَمَّا بَذَاسُ سَامِ إِيكُواْ إِرِنْ نَاسَبَ؞
23«عَثِكِنْ ݣُونَكِنْ ڧَرْشٜىٰ نَمُلْكٍ سَرَاكُنَ حُطُنَّنْ، سَعَدَّ مُودُنْ مُغُنْتَارْسُ يَثِكَ، وَنِ مُوغُنْ سَرْكِے مَيْ تَوْرِنْ ڢُسْكَ، مَيْ ڠُونِنْتَ عَثِكِنْ رُوطُ ذَيْڢِتُواْ؞ 24إِيكُوانْسَ ذَيْ ڧَارُ سُواْسَيْ، عَمَّا بَتَوُرِنْ إِيكُوانْ كَنْسَبَ؞ ذَيْ كَٰوُاْ هَلَّكَرْوَ مَيْ بَنْ ڟُواْرُواْ، كُمَ ذَيْثِ نَصَرَا أَدُكَنْ أَبِنْدَ يَكٜىٰيِ؞ ذَيْ هَلَّكَ مَنْيَنْ مُتَنٜىٰ دُكْ دَ ڟَرْكَكَا؞ 25تَوُرِنْ مُوغُنْ وَيُوانْسَ ذَيْسَا رَشِنْ غَسْكِيَ يَيَلْوَتَ؞ عَثِكِنْ ذُوثِيَارْسَ، ذَيْ طَوْكَكَ كَنْسَ؞ بَاظَتُواْ بَاڟَمَّنِ، ذَيْ هَلَّكَ مُتَنٜىٰ دَيَوَ، حَرْ مَا ذَيْ تَيَرْوَ شُوغَبَنْ شُوغَبَنِّ؞ عَمَّا ذَاعَ هَلَكَاشِ، كُواْدَيَكٜىٰ بَتَهَنُّنْ طَنْ أَدَمْ بَ؞ 26وَنَّنْ رُعُيَ غَمٜىٰدَ حَنَ هَدَايُنْ يَمَّ دَ نَسَاڢِيَ وَدَّ عَكَ نُونَ مَكَ غَسْكِيَ نٜىٰ؞ عَمَّا أَسِيرِ نٜىٰ، كَدَ كَڢَطَا، غَمَا رُعُيَرْ تَشَاڢِ ݣُونَكِے نَنَنْ غَبَنٜىٰ؞»
27بَايَنْ وَنَّنْ، نِے دَانِيٜىٰلْ كُوَ جِكِينَ يَمُتُ، حَرْ نَيِ ثِيوُاْ نَیَنْ ݣُونَكِے؞ ثَنْ أَنْجِمَ، سَيْ نَتَاشِ نَثِيغَبَدَ حِدِمَتَ دُواْمِنْ سَرْكِے؞ عَمَّا نِے كَمْ وَنَّنْ رُعُيَرْ تَسَا نَضِكِثِے، غَمَا بَنْ غَانٜىٰ مَنُڢَرْتَبَ؞
Currently Selected:
دَانِيٜىٰلْ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
