عَمُواسْ 4
4
إِسْرَٰٓءِيلَ سُنْ كَاسَ كُواْيُوانْ دَرَسِ
1كُجِ مَغَنَرْ نَنْ،
كُو مَاتَانْ مَذَوْنَنْ تُدَّنْ سَمَرِيَ،
كُو دَ كُكَيِ ڧِبَ
كَمَرْ ڧُواْسَسُّنْ شَانُنْ يَنْكِنْ بَشَنْ؞
كُونٜىٰ مَتَنْ دَ كُكَ دَنّٜىٰ تَلَكَاوَا،
كُكَ كُمَ وُلَڧَنْتَ مَاسُ بُڧَاتَ؞
كُونٜىٰ كُكَنْثٜىٰ وَمَظَنْكُ،
«كَٰوُاْ مَنَ أَبِنْ شَا!»
2 عُبَنْغِجِ يَهْوٜىٰهْ يَيِ ضَنْڟُوَا
دَ ڟَرْكِنْسَ ثٜىٰوَ
«حَڧِيڧَ ݣُونَكِے سُنَ ذُوَا مُكُ،
دَ ذَاعَ ݣُوشٜىٰكُ بَوْتَادَ ڧُوغِيُواْيِ،
كُواْوَثٜىٰ طَيَرْكُ دَ ڧُوغِيَ ذَاعَ جَاتَ؞
3ذَاكُ رَڟَا تَ عِنْدَ كَتَنْغَ تَڟَٰغٜىٰ،
كُواْوَثّٜىٰنْكُ ذَاتَ ڢِتَ كَيْ ڟَيٜىٰ؞
ذَاعَ جٜىٰڢَرْ دَكُو عَبَبَّنْ تُدُنْ هَرْمُوانْ؞
نِے يَهْوٜىٰهْ نَا ڢَطَا؞
4«كُذُواْ بٜىٰتٜىٰلْ، وُرِے مَيْ ڟَرْكِے،
كُثِيغَبَدَ يِنْ ذُنُوبِ مَنَ؞
كُتَڢِے غِلْغَلْ،
كُڧَارَ يِنْ أَيُّكَنْكُ نَسَاٻُواْ؞
كُكَٰوُاْ هَدَايُنْكُ كُواْوَثٜىٰ سَاڢِيَ،
زَكَّرْكُ كُمَ كُواْوَثٜىٰ رَانَ تَ عُكُ؞
5كُمِيڧَ هَدَايُنْ غُواْدِيَ دَ غُرَاسَ،
كُيِ شٜىٰلَرْ بَايَرْوَرْكُ نَيَرْدَرْ رَيْ،
كُبَادَ لَابَرِنْ بَايَرْوَرْ!
أَبِنْ سُوانْ ذُوثِيَارْكُ كٜىٰنَنْ،
يَا كُو إِسْرَٰٓءِيلَ!
نِے عُبَنْغِجِ يَهْوٜىٰهْ نَا ڢَطَا؞
6«نَسَا عَيِ يُنْوَ عَكُواْوَنٜىٰ بِرْنِنْكُ،
دَ رَشِنْ عَبِنْثِ عَكُواْوَنٜىٰ غَرِ،
دُكْدَهَكَ بَكُ جُويُواْ وُرِينَ بَ!
نِے يَهْوٜىٰهْ نَا ڢَطَا؞
7نَحَنَ مُكُ ضُوً سَمَ،
تُنْ غِرْبِے يَضَغٜىٰ وَتَا عُكُ؞
نَعَيْكَرْ دَ ضُوً سَمَ أَوَنِ غَرِ،
عَمَّا نَحَنَ أَوَنْثَنْ غَرِ؞
وَتَ غُواْنَ تَكَنْ سَامِ ضُوً سَمَ
وَتَ غُواْنَ كُمَ تَكَنْ رَسَ تَبُوشٜىٰ؞
8مُتَنٜىٰ سُكَنْيِ يَٰوُاْ غَرِ غَرِ
دُواْمِنْ نٜىٰمَنْ ضُوَ،
عَمَّا بَسُ كُواْ سَامِ ضُوً دَ ذَيْ إِشٜىٰسُبَ،
دُكْدَهَكَ، بَكُ جُويَا وُرِينَبَ؞
نِے يَهْوٜىٰهْ نَا ڢَطَا؞
9«نَا سَا وَغُواْنَكِنْكُ ڢُمْڢُنَ دَ ثُوتَا،
غُواْنَكِنْكُ كُمَ دَ غُواْنَكِنْ إِنَبِنْكُ،
دَ عِتَتُوَنْ ٻَوْرٜىٰنْكُ دَ نَظَيْتُنْكُ،
نَسَا ڢَارِ سُثِنْيٜىٰ؞
دُكْدَهَكَ، بَكُ جُويَا وُرِينَبَ؞
نِے يَهْوٜىٰهْ نَا ڢَطَا؞
10«نَا عَيْكَ دَ بَلَعِ عَثِكِنْكُ
كَمَرْ يَدَّ نَيِ أَ مَصَرْ؞
نَا كَكَّشٜىٰ سَمَارِنْكُ دَ تَكُواْبِنْ يَاڧِ،
نَا ݣُوشِ دَوَكِنْكُ؞
نَا ثِكَ حَنْثِنْكُ دَ وَرِنْ غَوَوَّكِنْ
مُتَنٜىٰنْكُ دَ سُكَ مُتُ؞
دُكْدَهَكَ، بَكُ جُويَا وُرِينَبَ؞
نِے يَهْوٜىٰهْ نَا ڢَطَا؞
11«نَا هَلَّكَرْ دَ وَطَنْسُنْكُ
كَمَرْ يَدَّ نَهَلَّكَرْ دَ سُواْدُوامْ دَ غُواْمُواْرَ؞
كَمَرْ سَنْدَا كُكٜىٰ وَنْدَ عَكَ ڢِظْغٜىٰ دَغَ وُتَا؞
دُكْدَهَكَ، بَكُ جُويَا وُرِينَبَ؞
نِے يَهْوٜىٰهْ نَا ڢَطَا؞#ڢَارْ 19.24
12حَڧِيڧَ، غَ أَبِنْدَ ذَنْيِ مَكَ، يَا إِسْرَٰٓءِيلَ!
تُنْدَيَكٜىٰ ذَنْيِ مَكَ وَنَّنْ،
سَيْ كَيِ شِرِنْ غَمُوَ دَ اللَّهْ نْكَ،
يَا إِسْرَٰٓءِيلَ؞
13«غَاشِ، وَنْدَ يَحَلِثِّ مَنْيَنْ تُدَّيْ،
وَنْدَ يَيِ إِسْكَ،
وَنْدَ يَبَيَّنَ تُنَانِنْسَ غَ یَنْ أَدَمْ،
وَنْدَ يَمَيْدَ سَڢٜىٰ دُهُ،
وَنْدَ يَمَيْدَ تُدَّنْ دُونِيَا
وُرِنْ سَا ڧَڢَرْسَ،
سُونَنْسَ يَهْوٜىٰهْ اللَّهْ مَيْ ضُنْدُنَا نٜىٰ!»
Currently Selected:
عَمُواسْ 4: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
