عَمُواسْ 5
5
كِرَا غَ تُوبَ
1يَا غِدَنْ إِسْرَٰٓءِيلَ، كُكَسَ كُنّٜىٰ
غَ كَلْمُواْمِنْ وَاڧَرْ مَكُواْكِنْ دَ ذَنْيِ عَكَنْكُ!
2وَيُّواْ! بُدُرْوَتَ إِسْرَٰٓءِيلَ تَڢَاطِ،
بَذَاتَ سَاكٜىٰ تَاشِبَ؞
أَنْ بَرْتَ عَݣُونْثٜىٰ عَڧَسَا،
بَابُوَنْدَ ذَيْ تَاشٜىٰتَ؞
3غَمَا إِنْجِ عُبَنْغِجِ يَهْوٜىٰهْ،
«بِرْنِنْدَ يَڢِتَرْدَ سُواْجُواْجِ دُبُو،
غُدَا طَرِے نٜىٰ كَثَلْ ذَاسُ كُواْمُواْ!
بِرْنِنْدَ يَڢِتَرْدَ سُواْجُواْجِ طَرِے،
غُدَا غُواْمَ نٜىٰ كَثَلْ ذَاسُ كُواْمُواْ!»
4إِنْجِ يَهْوٜىٰهْ،
«يَا غِدَنْ إِسْرَٰٓءِيلَ، كُنٜىٰمٜىٰنِ،
ذَاكُ كُوَ رَايُ؞
5عَمَّا كَدَ كُنٜىٰمٜىٰنِ
تَوُرِنْ غُمَكَ أَ بٜىٰتٜىٰلْ،
كُواْ كُوَ كُشِغَ غِلْغَلْ،
كُواْ كُڧٜىٰتَرٜىٰ ذُوَا بٜىٰيٜىٰرْشٜىٰبَ؞
غَمَا مُتَنٜىٰنْ غِلْغَلْ، ذَاعَ ݣُوشٜىٰسُ بَوْتَا
بٜىٰتٜىٰلْ كُمَ ذَاتَ ذَمَ أَبِنْ بَنْظَ؞
6كُنٜىٰمِ نِے يَهْوٜىٰهْ، ذَاكُ كُوَ رَايُ؞
إِنْ بَهَكَبَ، ذَنْ ٻَرْكٜىٰ
غِدَنْ يُوسُڢَ كَمَرْ وُتَا،
وُتَرْ ذَاتَ ثِنْيٜىٰ بٜىٰتٜىٰلْ؞
بَابُ مَيْ عِيَ كَشٜىٰ وُتَرْ!
7كَيْتُوانْكُ، كُو دَ كُكَ جُويَا شَرِيعَرْ غَسْكِيَ
تَذَمَ دَ طَاثِ غَ تَلَكَاوَا،
كُنَ دَنّٜىٰ أَدَلْثِے حَرْ ڧَسَا!»
8وَنْدَ يَحَلِثِّ ڧُنْغِيُواْيِنْ تَوْرَرِنَّنْ
كَظَ دَ یَیَنْتَ دَ كُمَ
مَڢَرَوْثِ دَ كَرٜىٰ دَ ذُواْمُواْ،#أَيُو 9.9؛ 38.31
وَنْدَ يَمَيْدَ بَڧِنْ دُهُ سَاڢِيَ،
وَنْدَ يَمَيْدَ رَانَ دُهُ،
وَنْدَ يَكٜىٰ جَنْ ضُوً تٜىٰكُ يَجُويَ شِ
أَ ڢُسْكَرْ ڧَسَا أَمَڟَيِنْ ضُوً سَمَ،
سُونَنْسَ يَهْوٜىٰهْ نٜىٰ!
9يَكَنْ كَٰوُاْ هَلَّكَ غَ مَيْ ڧَرْڢِے،
دُواْمِنْ هَلَّكَ تَرُشٜىٰ بِرَنٜىٰ مَاسُ كَتَنْغَ؞
10كُو جَمَعَرْ إِسْرَٰٓءِيلَ،
كُنْڧِ مَيْ ڟَيَاوَا عَكَنْ أَدَلْثِے
أَوُرِنْ تَارُوَ عَڧُواْڢَرْ غَرِ،
دَ مَيْ ڢَطِنْ عَيْنِحِنْ غَسْكِيَ؞
11حَڧِيڧَ،
كُنَ مَڟَا وَتَلَكَاوَا لَمْبَ،
كُنَ تِلَسْتَسُ سُبَاكُ عَبِنْثِنْسُ؞
سَبُواْدَ حَكَ كُنَ غِنَا ݣَوَوَنْ غِدَاجٜىٰ
دَ دُووَڟُنْ دَ عَكَ سَسَّڧَ،
عَمَّا بَذَاكُ ذَوْنَ عَثِكِنْسُبَ؞
كُنْ نُواْمٜىٰ ݣَوَوَنْ غُواْنَكِنْ إِنَبِنْكُ،
عَمَّا بَذَاكُ شَا ضُوَنْسُبَ!
12نَسَنْ يَوَنْ ذُنُبَنْ غَنْغَنْثِنْ دَ كُكٜىٰيِ،
دَ كُمَ غِرْمَنْ ذُنُبَنْكُ؞
كُنَ وُلَڧَنْتَ مُتَنٜىٰنْ كِرْكِ،
كُنَ ثِنْ حَنْثِ؞
كُنَ حَنَ عَيِ وَمَرَسَ ڧَرْڢِے
شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞
13حَڧِيڧَ، أَ لُواْكَثِ كَمَرْ حَكَ،
مَاسُ حِكِمَ سُكَنْ كَمٜىٰ بَاكِنْسُ،
غَمَا مُوغُنْ ݣُونَكِے نٜىٰ؞
14كُنٜىٰمَ يِنْ أَبِنْكِرْكِ، بَمُغُنْتَابَ،
دُواْمِنْ كُرَايُ،
دُواْمِنْ يَهْوٜىٰهْ اللَّهْ مَيْ ضُنْدُنَا
يَكَسَنْثٜىٰ دَكُو،
كَمَرْ يَدَّ كُكَيِ مَغَنَ؞
15كُڧِ مُغُنْتَا، كُسُواْ أَبُ مَيْݣَوْ،
كُكَڢَ شَرِيعَرْ غَسْكِيَ
أَوُرِنْ تَارُوَ عَڧُواْڢَرْ غَرِ؞
وَتَڧِيلَ يَهْوٜىٰهْ اللَّهْ مَيْ ضُنْدُنَا
ذَيْ يِوَ ضَغُواْوَرْ ذُرِيَرْ يُوسُڢَ أَلْحٜىٰرِ؞
رَانَرْ يَهْوٜىٰهْ
16حَڧِيڧَ، إِنْجِ يَهْوٜىٰهْ اللَّهْ مَيْ ضُنْدُنَا،
وَنْدَ شِينٜىٰ عُبَنْغِجِ،
«ذَاعَيِ كُوكَا عَتِيتُنَ،
ذَاعَ جِ كُوكَنْ عَذَابَ أَ ڢِيلَيٜىٰ نَثِكِنْ غَرِ؞
ذَاعَكِرَا مَنُواْمَ سُذُواْ سُيِ كُوكَا،
مَاسُ عِيَ كُوكَا سُواْسَيْ سُذُواْ سُيِتَيِ؞
17عَثِكِنْ دُكَنْ غُواْنَكِنْ إِنَبِنْكُ
ذَاعَيِ تَكُوكَا؞
غَمَا ذَنْ شِغَ ثِكِنْكُ، إِنْيِ مُكُ حُواْرُواْ؞
نِے يَهْوٜىٰهْ نَا ڢَطَا؞
18كَيْتُوانْكُ، كُو دَ كُكٜىٰ مَرْمَرِنْ رَانَرْ يَهْوٜىٰهْ!
مٜىٰ رَانَرْ يَهْوٜىٰهْ ذَاتَ أَمْڢَانٜىٰكُ؟
أَيْ، رَانَرْ دُهُثٜىٰ، بَ رَانَرْ حَصْكٜىٰبَ!
19ذَيْ ذَمَ كَمَرْ وَنْدَ يَكُٻُثٜىٰ وَذَاكِ،
يَڢَاطَوَ مُوغُوَرْ دَبَّرْ نَنْ بٜىٰيَرْ؞
كُواْ كُوَ كَمَرْ وَنْدَ يَشِغَ غِدَا،
يَسَا حَنُّنْسَ عَبَنْغُواْ،
سَيْ مَثِيجِ يَسَارٜىٰشِ؞
20رَانَرْ يَهْوٜىٰهْ رَانَرْ دُهُ ثٜىٰ،
بَ رَانَرْ حَصْكٜىٰبَ؞
رَانَرْ بَڧِنْ ثِكِثٜىٰ دَ دَامُوَ،
بَ رَانَرْ مُرْنَ بَثٜىٰ؞»
21إِنْجِ يَهْوٜىٰهْ،
«نَڧِ بُكُكُوَنْكُ نَأَدِّينِ
إِنَ مَا ڨَمَرْ مُهِمَّنْ تَارُوانْكُ!#عِشـ 1.11-14
22كُواْ دَ كُنْ مِيڧَ مِنِ
هَدَايُنْكُ نَڧُواْنَاوَا،
دَ هَدَايُنْكُ نَهَڟِ، بَذَنْ كَرْٻَبَ؞
بَذَنْ كُمَ كَرْٻِ دَبُّواْبِنْكُ مَاسُ ڧِبَ
وَطَنْدَ كُكَ مِيڧَ مِنِ
هَدَايُنْ ڠَرَنْ زُمُنْثِبَ؞
23كُكَوَرْ مِنِ دَ ڧَارَرْكُ تَوَاڧُواْڧِ،
بَذَنْ سَوْرَرِ كِطِنْ مُواْلَيٜىٰنْكُبَ؞
24عَمَّا بَرِ أَ عَيْكَتَ شَرِيعَرْ غَسْكِيَ،
تَكَسَنْثٜىٰ كُواْعِنَ كَمَرْ ضُوً رَاڢِ مَيْ غُدُ؞
أَدَلْثِے كُمَ كَمَرْ كُواْغِنْ دَ بَايَ بُوشٜىٰوَ؞
25«يَا كُو غِدَنْ إِسْرَٰٓءِيلَ!
بَنْكُوَ نٜىٰمِ هَدَايُ دَ بَيٜىٰ بَيٜىٰ
ثِكِنْ شٜىٰكَرَا أَرْبَعِنْ دَ كُكَيِ أَدَاجِبَ؞#أَيُّكَنْ 7.42-43
26عَمَّا كُكَ طَوْكِ صِڢُّواْڢِنْ غُمَكَنْكُ
وَطَنْدَ كُكَيِ وَكَنْكُ،
وَتُواْ سِكُّتْ غُنْكِنْكُ دَ كُكٜىٰكِرَا سَرْكِے،
دَ كَيْوَنْ غُنْكِنْكُ مَيْ صِڢَّرْ تَوْرَرُواْ؞
27سَبُواْدَ حَكَ نِے ذَنْ طَوْكٜىٰكُ بَوْتَا
ذُوَا وَتَ ڧَسَا غَبَسْ دَ دِمَشْڧُ؞
نِے يَهْوٜىٰهْ، نَا ڢَطَا،
وَنْدَ سُونَنَ اللَّهْ مَيْ ضُنْدُنَا نٜىٰ؞»
Currently Selected:
عَمُواسْ 5: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
