عَمُواسْ 3
3
دَلِيلِنْ حُكُنْثِنْ إِسْرَٰٓءِيلَ
1يَا كُو جَمَعَرْ إِسْرَٰٓءِيلَ، كُو كَطَيْ نٜىٰ عِيَلِنْ دَ يَهْوٜىٰهْ يَڢِتَرْ دَكُو دَغَ ڧَسَرْ مَصَرْ؞ يَنْذُ كُكَسَ كُنّٜىٰ كُجِ مَغَنَرْ دَ يَهْوٜىٰهْ يَيِ عَكَنْكُ؞
2«كُتُنَ ڢَا،
دَغَ ثِكِنْ دُكَنْ عِيَلَنْ دُونِيَا،
كُو كَطَيْ نٜىٰ نَسَنِ،
نَكُمَ ذَاٻٜىٰكُ كُذَمَ نَوَ؞
سَبُواْدَ حَكَ ذَنْ حُكُنْتَكُ
دُواْمِنْ دُكَنْ لَيْڢُواْڢِنْكُ؞»
3مُتُمْ بِيُ ذَاسُ عِيَ تَڢِيَ تَرٜىٰنٜىٰ؟
أَيْ، سَيْ سُنْ حَطُ سُيِ شِرِنْ تَڢِيَرْ؞
4ذَاكِ ذَيْ يِ رُورِ عَكُرْمِ حَكَ كَوَيْنٜىٰ؟
أَيْ، سَيْ يَغَ نَامَ؞
ذَاكِ مَيْ ڧَرْڢِے ذَيْ يِكُوكَا أَ رَامِ حَكَ كَوَيْنٜىٰ؟
أَيْ، سَيْ يَكَامَ وَنِ أَبُ؞
5ڟُنْڟُ ذَيْ شِغَ تَرْكُواْ حَكَ كَوَيْنٜىٰ؟
أَيْ، سَيْ أَنْيِ مَسَ أَبِنْ جَنْ حَنْكَلِ؞
تَرْكُواْ ذَيْ يِمُواْڟِ عَڧَسَا حَكَ كَوَيْنٜىٰ؟
أَيْ، سَيْ يَكَامَ وَنِ أَبُ؞
6ذَاعَ هُورَ ڧَهُوانْ يَاڧِ عَبِرْنِ حَكَ كَوَيْنٜىٰ؟
أَيْ، سَيْ مُتَنٜىٰنْ بِرْنِنْ سُنْ ڢِرْغِتَ؞
ذَاعَ غَ مَسِيڢَ عَبِرْنِ حَكَ كَوَيْنٜىٰ؟
أَيْ، سَيْ دَ حَنُّنْ يَهْوٜىٰهْ عَثِكِ؞
7حَڧِيڧَ، عُبَنْغِجِ يَهْوٜىٰهْ بَايَ يِنْ كُواْمٜىٰ،
سَيْ يَبَيَّنَ أَسِيرِنْسَ غَ أَنَّبَاوَنْسَ؞
8يَوْ ذَاكِ يَيِ رُورِ،
وَنٜىٰنٜىٰ بَذَيْجِڟُواْرُواْبَ؟
عُبَنْغِجِ يَهْوٜىٰهْ يَيِ مَغَنَ،
وَنٜىٰنٜىٰ ذَيْڧِے يِنْ شٜىٰلَرْ مَغَنَرْسَ؟
حُكُنْثِنْ ذُنُوبِنْ إِسْرَٰٓءِيلَ
9سَيْ يَهْوٜىٰهْ يَثٜىٰ وَ أَنَّبِے عَمُواسْ،
«يِشٜىٰلَ أَوُرَارٜىٰنْ ٻُيَ نَ أَشْدُوادْ،
دَ وُرَارٜىٰنْ ٻُيَنْ ڧَسَرْ مَصَرْ، كَثٜىٰ،
‹كُتَارَ كَنْكُ أَ مَنْيَنْ تُدَّنْ سَمَرِيَ،
كُغَ بَبَّرْ ضِكِثِيوَرْ دَتَكٜىٰ عَثِكِنْتَ،
دَ يَوَنْ دَنِّيَرْ دَيَكٜىٰ ثِكِنْ مُتَنٜىٰنْتَ؞›
10غَمَا بَسُ سَنْ يَدَّ ذَاسُ عَيْكَتَ
أَبِنْدَ يَكٜىٰ دَيْدَيْبَ!
سُنَ تَارَ كَايَنْ دَ عَكَ سَاتَادَ نَڢَشِ
أَوُرَارٜىٰنْ ٻُيَنْسُ!»
11إِنْجِ عُبَنْغِجِ يَهْوٜىٰهْ،
«حَڧِيڧَ أَبُواْكَنْ غَابَا ذَاسُ كٜىٰوَيٜىٰ ڧَسَرْ،
ذَاسُ رَبَكُ دَ ڧَرْڢِنْكُ،
سُكُمَ ڨُوثٜىٰ كَايَنْ وُرِنْ ٻُيَنْكُ؞»
12إِنْجِ عُبَنْغِجِ يَهْوٜىٰهْ،
«كَمَرْ يَدَّ مَكِيَايِ يَكَنْ كُٻُتَرْدَ
ڧَڢَاڢُ بِيُ كُواْ كُنّٜىٰ طَيَ نَتُنْكِيَ
دَغَ بَاكِنْ ذَاكِ،
حَكَ ذَاعَ كُٻُتَرْ دَ ڧَڢَاڢُ بِيُ نَغَدُواْ
كُواْ سَاشٜىٰنْ كُجٜىٰرَ
نَمُتَنٜىٰنْ إِسْرَٰٓءِيلَ مَاسُ جِنْ دَاطِے أَ سَمَرِيَ؞
13كَجِ، كَغَرْغَطِے غِدَنْ يَعْڧُوبَ؞
نِے عُبَنْغِجِ يَهْوٜىٰهْ،
اللَّهْ مَيْ ضُنْدُنَا، نَا ڢَطَا؞
14أَ رَانَرْ دَ ذَنْ حُكُنْتَ إِسْرَٰٓءِيلَ
سَبُواْدَ ذُنُبَنْسُ نَغَنْغَنْثِ،
ذَنْ رُشٜىٰ بَغَدَيْ نَ بٜىٰتٜىٰلْ،
ذَاعَ كَكَّرْيَ ڧَهُواْنِنْ بَغَدٜىٰنْ
أَ ظُبَرْ عَڧَسَا؞#2 سَرْ 23.15
15ذَنْ رُرُّشٜىٰ غِدَاجٜىٰنْسُ نَرَانِ دَ نَدَمِنَ؞
غِدَاجٜىٰنْسُ دَ عَكَيِ أَدُوانْسُ دَ هَڧُواْرِنْ غِيوَ،
ذَاسُ ڢَڢَّاطِ؞
مَنْيَنْ غِدَاجٜىٰ كُوَ ذَاعَ هَلَّكَرْ دَسُو؞
نِے يَهْوٜىٰهْ نَا ڢَطَا؞»
Currently Selected:
عَمُواسْ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
