أَيُّكَنْ مَنْذَنِّے 22
22
1«كُو یَنْعُوَ دَ إِيَايٜىٰ، كُسَوْرَرَ إِنْ بَيَّنَ مُكُ أَبِنْدَ يَڢَرُ، دُواْمِنْ إِنْ نُونَ ثٜىٰوَ بَ نِے دَ لَيْڢِے؞» 2دَ سُكَجِ يَيِ مُسُ مَغَنَ دَ يَرٜىٰنْ أَرَمَيَ، سَيْ سُكَڧَارَ يِنْ شِضُ؞ سَعَنً يَثٜىٰ،
3«نِے بَيَهُودٜىٰ نٜىٰ، أَنْحَيْڢٜىٰنِ أَ تَرْسُسْ، ڧَسَرْ كِلِكِيَ، عَمَّا أَنَنْ غَرِنْ نَيِ غِرْمَ؞ نَيِ مَكَرَنْتَ عَڧَرْڧَشِنْ غَمَلِيٜىٰلْ، وَنْدَ يَكُواْيَ مِنِ كُواْمٜىٰ غَمٜىٰدَ كُواْيَرْوَرْ كَاكَنِّنْمُ؞ إِنَدَ كِيشِنْ بَوْتَرْ اللَّهْ، كَمَرْ يَدَّ دُكَنْكُ كُكٜىٰيِ عَيَوْ، #أَيُّكَنْ 5.34-39 4حَرْ نَڟَنَنْتَ وَمَاسُبِنْ وَنَّنْ حَنْيَ؞ إِنَ كَكَّشٜىٰسُ، إِنَ طَوْرٜىٰ مُتَنٜىٰ مَظَا دَ مَاتَا، إِنَ سَاسُ ثِكِنْ كُرْكُكُ؞ 5بَبَّنْ ڢِرِسْتِ مَا دَ دُكَنْ مَجَلِسَرْ شُوغَبَنِّنْ جَمَعَ ذَاسُ عِيَ شَيْدَتَ؞ دَغَ وُرِنْسُ نٜىٰ نَكَرْٻِ وَسِيڧُ ذُوَاغَ یَنْعُوَنْمُ يَهُودَاوَا عَثِكِنْ دِمَشْڧُ؞ نَتَڢِے وُرِنْ دُواْمِنْ إِنْكَامَ مَاسُبِنْ حَنْيَرْ نَنْ وَطَنْدَ سُكٜىٰ عَثَنْ مَا، إِنْكَٰوُاْسُ عُرُوشَلِيمَ دُواْمِنْ أَ حُكُنْتَسُ؞ #أَيُّكَنْ 8.3؛ 26.9-11
بُلُسْ يَڢَطَا يَدَّ يَجُويُواْ غَ بِنْ عُبَنْغِجِ
﴿أَيُّكَنْ 9.1-19؛ 26.12-18﴾
6«إِنَ ثِكِنْ تَڢِيَ، نَكُسَ إِنْكَيْ دِمَشْڧُ دَ ڟَكَرْ رَانَ، سَيْ بَبَّنْ حَصْكٜىٰ دَغَ سَمَ يَحَصْكَكَا كٜىٰوَيٜىٰ دَنِے؞ 7سَيْ نَڢَاطِ عَڧَسَا نَكُمَجِ وَتَ مُرْيَ تَنَ ثٜىٰمِنِ، ‹شَوُلُ، شَوُلُ، دُوانْمٜىٰ كَكٜىٰ ڟَنَنْتَ مِنِ؟›
8«نَأَمْسَ نَثٜىٰ، ‹وَنٜىٰنٜىٰ كَيْ، مَيْغِرْمَ؟›
«سَيْ يَثٜىٰ مِنِ، ‹نِنٜىٰ عِيسَىٰ بَنَظَرٜىٰتْ وَنْدَ كَكٜىٰ ڟَنَنْتَاوَ؞› 9تُواْ، وَطَنْدَ سُكٜىٰ تَرٜىٰدَنِ سُنْغَ حَصْكٜىٰنْ، عَمَّا بَسُجِ مُرْيَرْ وَنْدَ يَكٜىٰ مَغَنَ دَنِے بَ؞ 10سَيْ نَتَمْبَيَ نَثٜىٰ، ‹تُواْ، مٜىٰ ذَنْيِ، عُبَنْغِجِ؟›
«سَيْ عُبَنْغِجِ يَثٜىٰ مِنِ، ‹تَاشِ، كَشِغَ دِمَشْڧُ، عَثَنْ نٜىٰ ذَاعَ غَيَ مَكَ أَبِنْدَ عَكَ شِرْيَ مَكَ كَيِ؞› 11تُنْدَ بَانَ عِيَ غَنِ سَبُواْدَ ڟَنَنِنْ حَصْكٜىٰنَّنْ، وَطَنْدَ سُكٜىٰ تَرٜىٰدَنِ سُكَ كَامَ هَنُّونَ، سُكَيِ مِنِ جَغُواْرَ ذُوَا ثِكِنْ دِمَشْڧُ؞
12«سَيْ كُمَ وَنِ مَيْ سُونَ هَنَنِيَ يَذُواْ وُرِينَ؞ شِے مَيْ بَوْتَرْ اللَّهْ نٜىٰ بِسَغَ كُواْيَرْوَرْمُ تَ مُوسَٰى، وَنْدَ دُكَنْ يَهُودَاوَنْ دَسُكٜىٰ دَذَمَ عَثَنْ سُكٜىٰ يَبُوانْسَ؞ 13يَذُواْ يَثٜىٰمِنِ، ‹طَنْعُوَنَ شَوُلُ، كَسَاكٜىٰ غَنِنْ غَرِ؞› نَنْ تَكٜىٰ عِدَنُونَ سُكَ بُوطٜىٰ، نَاكُوَ غَنْشِ؞ 14سَيْ يَثٜىٰ، ‹اللَّهْ نَكَاكَنِّنْمُ يَذَاٻٜىٰكَ كَسَنْ نُڢِنْسَ، كَغَ مَيْ أَدَلْثِنَّنْ، كَكُمَجِ مَغَنَ دَغَ بَاكِنْسَ؞ 15غَمَا ذَاكَ ذَمَ مَيْ شَيْدَرْسَ غَ دُكَنْ مُتَنٜىٰ غَمٜىٰدَ أَبِنْدَ كَغَنِ، كَكُمَجِ؞ 16تُواْ، يَنْذُ مٜىٰكَكٜىٰ جِرَا؟ تَاشِ عَيِ مَكَ بَڢْتِسْمَ أَوَنْكٜىٰ ذُنُبَنْكَ تَوُرِنْ كِرَا غَ سُونَنْ عُبَنْغِجِ؞› »
كِرَنْ بُلُسْ ذُوَاغَ وَطَنْدَ بَا يَهُودَاوَا بَ
17«بَايَنْدَ نَدَاوُاْ عُرُوشَلِيمَ، إِنَ أَدُّعَ أَ هَيْكَلِ، سَيْ نَغَ رُعُيَ؞ 18عَثِكِنْ رُعُيَرْ كُوَ نَغَا عِيسَىٰ يَنَثٜىٰ مِنِ، ‹يِمَظَا، كَتَاشِ كَبَرْ عُرُوشَلِيمَ دَسَوْرِ، دُوانْ بَذَاسُ يَرْدَ دَ شَيْدَرْكَ غَمٜىٰ دَنِے بَ؞›
19«نِے كُمَ نَثٜىٰ، ‹عُبَنْغِجِ، أَيْ، سُو مَا كَنْسُ سُنْ سَنِ ثٜىٰوَ عَكُواْوَثٜىٰ مَجَمِعَ نَطَطَّوْرٜىٰ وَطَنْدَ سُكَ غَسْكَتَادَكَيْ، نَكُمَ دُوكٜىٰسُ؞ 20سَعَدَّ كُمَ عَكَ ظُبْدَ جِنِنْ إِسْتِڢَنُسْ مَيْ شَيْدَرْكَ، نِے دَكَيْنَ إِنَڟَيٜىٰ أَوُرِنْ، إِنَ غُواْيُوانْ بَايَنْ أَبِنْدَ عَكَيِ، حَرْ مَا إِنَغَادِنْ تُڢَاڢِنْ وَطَنْدَ سُكَ كَشٜىٰشِ؞› #أَيُّكَنْ 7.58
21«سَيْ عُبَنْغِجِ يَثٜىٰ مِنِ، ‹تَاشِ كَتَڢِے، ذَنْعَيْكٜىٰكَ ثَنْ نٜىٰسَ وُرِنْ وَطَنْدَ بَا يَهُودَاوَا بَ؞› »
22تَرُوانْ سُنْيِ تَسَوْرَرُوانْ بُلُسْ حَرْ يَ إِسُواْ وَنَّنْ كَلْمَ، سَيْ سُكَيِ إِيهُ سُكَثٜىٰ «عَكَشٜىٰشِ! أَ رَبَ إِرِنْ مُتُمِنَّنْ دَ دُونِيَا، بَيْ كَمَاتَ يَرَايُبَ!» 23سَيْ سُكَ دِنْغَ إِيهُ سُنَ جٜىٰڢَ مَيَاڢَنْسُ، سُنَ تَادَ ڧُورَا؞ 24سَبُواْدَ حَكَ سَيْ شُوغَبَنْ يَبَادَ عُمَرْنِ عَكَيْ بُلُسْ بَرِكِنْ سُواْجَ عَبِنْثِكٜىٰ شِ دَ بُلَلَ، دُوانْ أَ نٜىٰمِ دَلِيلِنْدَ يَسَا تَارُوانْ سُكٜىٰيِ مَسَ إِيهُ حَكَ؞ 25عَمَّا بَايَنْدَ سُكَ طَوْرٜىٰ شِ دُواْمِنْ سُيِ مَسَ بُلَلَ، سَيْ بُلُسْ يَثٜىٰ وَبَبَّنْ سُواْجَنْ رُواْمَ دَيَكٜىٰ ڟَيٜىٰ كُسَ «أَشٜىٰ دَيْدَيْنٜىٰ بِسَغَ دُواْكَا كَيِ وَمُتُمِنْ دَ يَكٜىٰدَ یَنْثِنْ رُواْمَ بُلَلَ، بَاتَرٜىٰدَ أَنْيِ مَسَ شَرِيعَبَ؟»
26دَبَبَّنْ سُواْجَنْ رُواْمَ يَجِ حَكَ، سَيْ يَجٜىٰ وُرِنْ شُوغَبَنْ يَثٜىٰ مَسَ «مٜىٰ عَكٜىٰ شِرِنْ يِنٜىٰ؟ مُتُمِنَّنْ ڢَا يَنَدَ یَنْثِنْ رُواْمَ؞»
27سَيْ شُوغَبَنْ يَذُواْ يَثٜىٰ وَ بُلُسْ «غَيَ مِنِ غَسْكِيَ، كَيْ كَنَدَ یَنْثِنْ رُواْمَ؟»
سَيْ بُلُسْ يَثٜىٰ «عِ؞»
28سَيْ شُوغَبَنْ يَثٜىٰ «نِے ڢَا دَ كُطِ مَيْ يَوَ نَسَامِ یَنْثِنَّنْ؞»
بُلُسْ يَثٜىٰ «نِے كُوَ دَ شِے عَكَ حَيْڢٜىٰنِ؞»
29سَبُواْدَ حَكَ وَطَنْدَ سُكٜىٰ شِرِنْ بِنْثِكٜىٰنْسَ سُكَجَا بَايَ نَنْ دَنَنْ؞ شِمَا شُوغَبَنْدَ يَغَانٜىٰ بُلُسْ مَيْ یَنْثِنْ رُواْمَ نٜىٰ سَيْ يَجِڟُواْرُواْ، غَاشِ كُوَ يَارِغَا يَطَوْرٜىٰشِ؞
بُلُسْ أَغَبَنْ یَنْ مَجَلِسَ
30وَشٜىٰغَرِ كُمَ شُوغَبَنْ يَنَ سُواْ يَسَنْ عَيْنِحِنْ ڧَارَرْ دَ يَهُودَاوَا سُكٜىٰيِ غَمٜىٰدَ بُلُسْ، سَيْ يَكُنْثٜىٰشِ، يَبَادَ عُمَرْنِ مَنْيَنْ ڢِرِسْتُواْثِے دَ دُكَنْ مَجَلِسَ سُتَارُ؞ سَعَنً يَكَٰوُاْ بُلُسْ يَسَاشِ يَڟَيَ أَغَبَنْسُ؞
Currently Selected:
أَيُّكَنْ مَنْذَنِّے 22: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
