أَيُّكَنْ مَنْذَنِّے 21
21
تَڢِيَرْ بُلُسْ ذُوَا عُرُوشَلِيمَ
1سَعَدَّ مُكَ بَرْسُ، مُكَ شِغَ جِضْغٍ ضُوَ مُكَ مِيڧٜىٰ سَيْ كُواسْ، وَشٜىٰغَرِ كُمَ سَيْ رُواْدٜىٰسْ دَغَ نَنْ كُمَ سَيْ ڢَاتَرَ؞ 2دَ مُكَ سَامِ جِضْغٍ دَ ذَيْجٜىٰ ڧَسَرْ ڢِنِكِيَ، سَيْ مُكَ شِغَ مُكَ تَڢِے؞ 3دَ مُكَ ڢَارَ هَنْغٜىٰنْ سَيِڢُرُسْ، مُكَ مَيْدَشِ هَغُنْمُ، مُكَثِيغَبَدَ تَڢِيَ حَرْ ڧَسَرْ سُورِيَ؞ سَيْ مُكَ سَوْكَ أَ تَيَ، دُوانْ أَنَنْ نٜىٰ جِضْغٍ ذَيْ سَوْكٜىٰ كَايَنْسَ؞ 4دَ مُكَ سَامِ عِنْدَ مَاسُبِے سُكٜىٰ، مُكَ ذَوْنَ أَنَنْ ݣُونَ بَݣَويْ؞ سَيْ رُوحُ يَظُغَسُ سُكَ غَيَوَ بُلُسْ كَدَ يَجٜىٰ عُرُوشَلِيمَ؞ 5عَمَّا دَ لُواْكَثِنْ تَاشِنْمُ يَيِ، مُكَتَاشِ مُكَ ثِيغَبَدَ تَڢِيَرْمُ؞ دُكَنْ مَاسُبِے كُمَ حَرْ دَ مَاتَنْسُ دَ یَیَنْسُ سُكَ رَكَمُ حَرْ بَايَنْ غَرِ؞ سَعَنً مُكَ دُرْڧُسَ أَغٜىٰڢٜىٰنْ ضُوَ مُكَيِ أَدُّعَ، 6مُكَيِ وَجُونَ بَنْ ݣُونَ؞ سَعَنً مُكَ شِغَ جِضْغِ، سُكُمَ سُكَ كُواْمَ غِدَا؞
7دَ مُكَ غَمَ تَڢِيَرْمُ دَغَ تَيَ، مُكَ كَيْ تُواْلٜىٰمَيِسْ، مُكَ غَيْسَ دَ یَنْعُوَ، مُكَ كُمَيِ ݣُونَ طَيَ أَوُرِنْسُ؞ 8وَشٜىٰغَرِ مُكَتَاشِ مُكَجٜىٰ كَيْسَرِيَ، مُكَ شِغَ غِدَنْ ڢِلِبُسْ مَيْ وَعَظِ، وَنْدَ يَكٜىٰ طَيَ دَغَ ثِكِنْ بَݣَويْ طِنَّنْ وَطَنْدَ عَكَ ذَاٻَا دُواْمِنْ حِدِمَرْ جَمَعَرْ مَاسُبِے أَ عُرُوشَلِيمَ، مُكَ سَوْكَ أَوُرِنْسَ؞#أَيُّكَنْ 6.5؛ 8.5 9يَنَ دَ یَیَ حُطُ یَنْ مَاتَا وَطَنْدَ بَسُيِ عَوْرٜىٰبَ؞ سُو مَاسُ يِنْ أَنَّبْثِنٜىٰ؞
10تُواْ، بَايَنْدَ مُكَيِ یَنْ ݣُونَكِے أَوُرِنْ، سَيْ وَنِ أَنَّبِے مَيْ سُونَ أَغَبُسْ يَذُواْ دَغَ يَنْكِنْ يَهُودِيَ؞#أَيُّكَنْ 11.28 11دَ أَغَبُسْ يَذُواْ وُرِنْمُ، سَيْ يَطَوْكِ طَمَرَ تَ بُلُسْ؞ سَيْ شِ أَغَبُسْ يَطَوْرٜىٰ حَنُّوَنْسَ دَ ڧَڢَاڢُنْسَ يَثٜىٰ «غَا أَبِنْدَ رُوحُ مَيْ ڟَرْكِے يَثٜىٰ، ‹حَكَ يَهُودَاوَنْ عُرُوشَلِيمَ ذَاسُ طَوْرٜىٰ مَيْ طَمَرَرْ نَنْ، سُكُمَ بَادَشِ غَ وَطَنْدَ بَا يَهُودَاوَا بَ؞› »
12دَمُكَجِ حَكَ، مُو دَ مُتَنٜىٰنْ دَسُكٜىٰ وُرِنْ مُكَ ضُواْڧِ بُلُسْ كَدَ يَجٜىٰ عُرُوشَلِيمَ؞ 13سَيْ بُلُسْ يَأَمْسَ يَثٜىٰ «دُوانْمٜىٰ كُكٜىٰيِنْ حَكَ؟ مٜىٰيَسَا كُنَ كُكَ كُنَ ٻَاتَ مِنِ ذُوثِيَا؟ أَيْ، أَشِرْيٜىٰ نَكٜىٰ بَمَا أَطَوْرٜىٰنِ كَوَيْبَ، حَرْ مَا عَكَشٜىٰنِ أَ عُرُوشَلِيمَ سَبُواْدَ سُونَنْ عُبَنْغِجِ عِيسَىٰ؞»
14تُنْدَ بَمُ عِيَسَا يَثَنْجَ رَعَيِنْسَبَ، سَيْ مُكَيِ شِضُ، مُكَثٜىٰ «بَرِ نُڢِنْ عُبَنْغِجِ يَثِكَ؞»
15بَايَنْ ݣُونَكِنَّنْ مُكَ شِرْيَ مُكَ تَڢِے عُرُوشَلِيمَ؞ 16وَطَنْسُ أَلْمَجِرَيْ دَغَ كَيْسَرِيَ سُكَ رَكَمُ، سُكَ كَيْمُ وُرِنْ مَنَسُوانْ وَنْدَ ذَامُ سَوْكَ أَوُرِنْسَ، شِے مُتُمِنْ سَيِڢُرُسْ نٜىٰ، طَيَ دَغَ ثِكِنْ أَلْمَجِرَيْ نَڢَرْكُواْ؞
بُلُسْ يَكَيْ زِيَارَ أَ عُرُوشَلِيمَ
17دَمُكَذُواْ عُرُوشَلِيمَ، یَنْعُوَ سُكَ كَرْٻٜىٰمُ دَمُرْنَ؞ 18وَشٜىٰغَرِ بُلُسْ يَتَڢِے تَرٜىٰدَمُو ذُوَا وُرِنْ يَعْڧُوبَ دَتَّاوَنْ جَمَعَرْ مَاسُبِے كُوَ دُكَ سُنَانَنْ؞ 19بَايَنْ يَغَيْسَ دَسُو، سَيْ يَبَيَّنَ مُسُ دَلَّ دَلَّ أَبُبُوَنْ دَ اللَّهْ يَيِ عَثِكِنْ وَطَنْدَ بَا يَهُودَاوَا بَ تَوُرِنْ عَيْكِنْ دَ شِے بُلُسْ يَيِ؞
20دَ سُكَجِ حَكَ، سُكَيِ وَ اللَّهْ يَبُواْ؞ سُكَثٜىٰ وَ بُلُسْ «تُواْ، كَا غَنِ طَنْعُوَ، دُبَّنْ مُتَنٜىٰ عَثِكِنْ يَهُودَاوَا سُنْ بَادَ غَسْكِيَ، دُكَنْسُ كُوَ مَاسُ كِيشِنْ بِنْ كُواْيَرْوَرْ مُوسَٰى نٜىٰ؞ 21أَنْغَيَ مُسُ لَابَرِنْكَ، وَيْ كَنَ كُواْيَوَ دُكَنْ يَهُودَاوَنْ دَسُكٜىٰ ثِكِنْ وَطَنْدَ بَا يَهُودَاوَا بَ سُيَرْ دَ كُواْيَرْوَرْ مُوسَٰى؞ وَتُواْ، كَنَ ثٜىٰمُسُ كَدَ سُيِ وَیَیَنْسُ كَاثِيَ، كُواْ كُوَ سُبِے سَوْرَنْ أَلْعَادُنْمُ؞ 22تُواْ، يَيَ ذَامُيِ؟ لَلَّيْ ذَاسُجِ لَابَرِنْ ذُوَانْكَ؞ 23سَبُواْدَ حَكَ سَيْ كَيِ أَبِنْدَ ذَامُ ڢَطَا مَكَ؞ مُنَدَ مُتُمْ حُطُ أَنَنْ دَ سُكَيِ ضَنْڟُوَا؞ 24سَيْ كَتَڢِے دَسُو كُبِے ڧَٰعِدَرْ كُواْيَرْوَا تَڟَبْتَثٜىٰوَ غَبَاطَيَ، كَكُمَ بِيَ كُطِنْ ڟَبْتَثٜىٰوَرْ دُوانْ عَيِ مُسُ أَسْكِ؞ تَهَكَ كُواْوَ ذَيْ سَنِ ثٜىٰوَ دُكْ أَبِنْدَ عَكَ غَيَ مُسُ غَمٜىٰدَ كَيْ بَ غَسْكِيَ بَنٜىٰ، ذَاعَ غَ ثٜىٰوَ كَيْ كَنَ كِيَايٜىٰ كُواْيَرْوَرْ مُوسَٰى؞#لِـ ڧِدْ 6.13-21 25عَمَّا غَمٜىٰدَ وَطَنْدَ بَا يَهُودَاوَا بَ دَ سُكَ بَادَ غَسْكِيَ، مُنْ رِغَا مُنْ عَيْكَ وَسِيڧَ عَكَنْ مُنْ يَنْكٜىٰ حُكُنْثِ ثٜىٰوَ كَدَ سُثِ أَبِنْدَ عَكَ مِيڧَا وَغُنْكِ هَدَايَ، كَدَ سُيِ لَلَتَ، كَدَ سُثِ نَامَنْ دَبَّرْ دَ عَكَ مُرْطٜىٰ كُواْ نَامَ تَرٜىٰدَ جِنِ؞»#أَيُّكَنْ 15.29
26وَشٜىٰغَرِ بُلُسْ يَطَوْكِ مُتَنٜىٰنَّنْ سُكَ ڟَبْتَثٜىٰ تَرٜىٰ؞ سَعَنً يَشِغَ هَيْكَلِ دُواْمِنْ يَسَنَرْدَ رَانَرْ ثِكَرْ ڟَبْتَثٜىٰوَرْسُ، وَتُواْ رَانَرْ دَ ذَاعَ بَادَ بَيْكُواْ دُواْمِنْ كُواْوَنٜىٰ طَيَنْسُ؞
أَنْ كَامَ بُلُسْ عَثِكِنْ هَيْكَلِ
27دَݣُونَ بَݣَويْ طِنْ سُكَ كُسَنْ ثِكَ، وَطَنْسُ يَهُودَاوَا دَغَ أَسِيَ سُكَغَ بُلُسْ أَ هَيْكَلِ؞ سَيْ سُكَ ذُغَ تَارُوانْ مُتَنٜىٰ، سُكَ كَامَشِ، 28سُنَ إِيهُ سُنَ ثٜىٰوَ «كُو یَنْعُوَ إِسْرَٰٓءِيلَاوَا، كُتَيْمَكَ! غَا مُتُمِنَّنْ دَ يَكٜىٰبِے كُواْعِنَ يَنَ ذَاغِنْ مُتَنٜىٰنْمُ دَ كُواْيَرْوَرْمُ دَ كُمَ وَنَّنْ هَيْكَلِنْمُ؞ حَرْ مَا يَكَٰوُاْ وَطَنْسُ هٜىٰلٜىٰنَاوَا عَثِكِنْ هَيْكَلِ يَڧَظَنْتَرْ دَ وُرِنَّنْ مَيْ ڟَرْكِے؞» 29سُنْثٜىٰ حَكَنٜىٰ سَبُواْدَ دَا مَا سُنْغَ بُلُسْ تَرٜىٰدَ تُرُواْڢِمُسْ، مُتُمِنْ أَڢِسَ، عَثِكِنْ غَرِ؞ وَنَّنْ نٜىٰ يَسَا سُكَيِ ڟَمَّنِ بُلُسْ يَشِغُواْ تَرٜىٰدَشِ عَثِكِنْ هَيْكَلِنْ؞#أَيُّكَنْ 20.4
30سَيْ دُكْ غَرِنْ يَرُوطٜىٰ، جَمَعَ سُكَ تَاسُواْ غَبَاطَيَ أَغُجٜىٰ سُكَ كَامَ بُلُسْ، سُكَ ڢِتَرْدَشِ دَغَ هَيْكَلِ، عَكَ كُمَ رُڢٜىٰ ڧُواْڢُواْڢِنَّنْ دَنَنْ؞ 31سُنَ ڧُواْڧَرِ سُكَشٜىٰشِ كٜىٰنَنْ، سَيْ لَابَرِ يَكَيْ وُرِنْ شُوغَبَنْ ڧُنْغِيَرْ سُواْجُواْجِ ثٜىٰوَ عُرُوشَلِيمَ تَنَ ثِكِنْ ضِكِثِ أَيْنُنْ؞ 32نَنْ تَكٜىٰ يَطِبِے سُواْجُواْجِ دَ مَنْيَنْ سُواْجُواْجِنْ رُواْمَ، سُكَ تَڢِے وُرِنْ دَ غُدُ؞ دَ جَمَعَرْ سُكَغَ شُوغَبَنْ دَ سُواْجُواْجِنْسَ، سَيْ سُكَ دَيْنَ دُوكَنْ بُلُسْ؞ 33سَيْ شُوغَبَنْ يَذُواْ يَكَامَ بُلُسْ، يَسَا أَطَوْرٜىٰشِ دَ سَرْڧَ بِيُ؞ سَعَنً يَيِ تَمْبَيَ كُواْ شِے وَنٜىٰنٜىٰ دَ كُمَ أَبِنْدَ يَيِ؞ 34تَرُوانْ كُوَ سُنَ تَهَيَانِيَ، وَطَنْسُ سُثٜىٰ وَنَّنْ، وَطَنْسُ سُثٜىٰ وَنْثَنْ؞ سَبُواْدَ يَوَنْ هَيَانِيَرْ شُوغَبَنْ بَيْ عِيَ سَامُنْ عَيْنِحِنْ تُوشٜىٰنْ مَغَنَرْ بَ، سَيْ يَبَادَ عُمَرْنِ عَكَيْ بُلُسْ بَرِكِنْ سُواْجَ؞ 35دَ بُلُسْ يَذُواْ بَاكِنْ مَتَاكَلَ، سَيْ دَ سُواْجُواْجِ سُكَ طَوْكٜىٰشِ سَبُواْدَ ضِكِثِنْ تَارُوانْ يَيِيَوَ؞ 36غَمَا تَارُوانْ مُتَنٜىٰنْ دَ سُكَبِيُواْ سُنْيِ تَ إِيهُ سُنَ ثٜىٰوَ «عَيِ غَبَ دَ شِ!»
بُلُسْ يَيِ وَتَرُوانْ مَغَنَ
37أَنْكُسَ شِغَرْدَ بُلُسْ بَرِكِنْ سُواْجَ كٜىٰنَنْ، سَيْيَثٜىٰ وَشُوغَبَنْ «كُواْ كَيَرْدَ إِنْيِ مَغَنَ دَكَيْ؟»
سَيْ شُوغَبَنْ يَثٜىٰ «أَشٜىٰ كَا عِيَ هٜىٰلٜىٰنَنْثِ؟ 38بَكَيْنٜىٰ مُتُمِنْ مَصَرْ نَنْ دَ شٜىٰكَرُنْ بَايَ يَجَٰوُاْ تَاوَيٜىٰبَ، حَرْ يَجَا مُتَنٜىٰنَّنْ دُبُو حُطُ مَاسُ كِسَنْ كَيْ أَدَاجِ؟»
39سَيْ بُلُسْ يَأَمْسَ يَثٜىٰ «أَيْ، نِے بَيَهُودٜىٰ نٜىٰ نَ تَرْسُسْ عَڧَسَرْ كِلِكِيَ؞ نِے طَنْ بِرْنِ مَيْ مُهِمَّنْثِ نٜىٰ؞ إِنَ ضُواْڧُوانْكَ، كَبَرْنِ إِنْيِ وَمُتَنٜىٰنَّنْ مَغَنَ؞»
40سَيْ يَبَاشِ إِظْنِ، بُلُسْ كُوَ يَڟَيَ عَكَنْ مَتَاكَلَ، يَطَغَ وَجَمَعَ حَنُّ سُيِ شِضُ؞ دَسُكَيِ ڟِتْ، سَيْ يَيِمُسُ مَغَنَ دَ يَرٜىٰنْ أَرَمَيَ؞#21.40 يَرٜىٰنْ أَرَمَيَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «إِبْرَانِيَنْثِ» نٜىٰ أَنَنْ؞
Currently Selected:
أَيُّكَنْ مَنْذَنِّے 21: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
