أَيُّكَنْ مَنْذَنِّے 23
23
1سَيْ بُلُسْ يَظُبَ وَ یَنْ مَجَلِسَرْ عِدُواْ يَثٜىٰ «كُو یَنْعُوَنَ، هَرْوَيَوْ، عَثِكِنْ ذُوثِيَاتَ بَ نِے دَ شَكَّ كُواْ وَنِ أَبِنْ دَامُوَ عَكَنْ رَايُوَرْدَ نَيِ أَغَبَنْ اللَّهْ؞» 2دَجِنْ وَنَّنْ سَيْ هَنَنِيَ بَبَّنْ ڢِرِسْتِ يَسَا وَطَنْدَ سُكٜىٰ ڟَيٜىٰ كُسَدَ بُلُسْ سُبُغٜىٰشِ عَبَاكِ؞ 3سَيْ بُلُسْ يَثٜىٰ مَسَ «كَيْ مُنَاڢُكِ! كَيْ بَنْغُواْنٜىٰ دَ عَكَ شَاڢٜىٰ دَ ڢَضٍ ڢٜىٰنْتِ، كَيْ مَا اللَّهْ ذَيْ بُغٜىٰكَ! كَذَوْنَ كَنَ يِمِنِ حُكُنْثِ بِسَغَ كُواْيَرْوَرْ مُوسَٰى، عَمَّا غَاشِ كُوَ كَنَسَا عَبُغٜىٰنِ، أَبِنْدَ بَيْيِ دَيْدَيْبَ بِسَغَ كُواْيَرْوَا؞» #مَتْ 23.27-28
4وَطَنْدَ سُكٜىٰ ڟَيٜىٰ أَوُرِنْ سُكَثٜىٰ وَ بُلُسْ «بَبَّنْ ڢِرِسْتِ نَ اللَّهْ ذَاكَيِ مَسَ ذَاغِ؟»
5بُلُسْ كُوَ يَثٜىٰ «یَنْعُوَنَ، بَنْ سَنْ شِينٜىٰ بَبَّنْ ڢِرِسْتِبَ؞ غَمَا أَنْرُبُوتَ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‹كَدَ كَذَاغِ شُوغَبَنْ جَمَعَ؞› » #ڢِتْ 22.28
6دَ بُلُسْ يَكُلَ ثٜىٰوَ وَطَنْسُنْسُ سَدُوكِيَاوَا نٜىٰ، وَطَنْسُ كُمَ ڢَرِسِيَاوَا نٜىٰ، سَيْ يَتَادَ مُرْيَ أَ مَجَلِسَرْ يَثٜىٰ «یَنْعُوَ، نِے مَا بَڢَرِسِيٜىٰ نٜىٰ، طَنْ ڢَرِسِيَاوَا؞ غَاشِ كُوَ سَبُواْدَ نَسَا ذُوثِيَا غَ تَاشِنْ مَتَتُّو شِے يَسَا عَكٜىٰيِ مِنِ شَرِيعَ؞» #أَيُّكَنْ 26.5؛ ڢِلِبْ 3.5
7دَ يَڢَطِ حَكَ سَيْ غَرْدَمَ تَتَاشِ ڟَكَانِنْ ڢَرِسِيَاوَا دَ سَدُوكِيَاوَا، حَرْ تَارُوانْ يَرَبُ كَشِ بِيُ؞ 8غَمَا سَدُوكِيَاوَا سُنَ رِڧٜىٰ دَ رَعَيِ ثٜىٰوَ بَابُ تَاشِنْ مَتَتُّو، بَابُ مَلاَىِٕكُ، كُواْ رُوحُواْحِ؞ ڢَرِسِيَاوَا كُوَ سُنْ يَرْدَ أَݣَويْ دُكَ عُكُ؞ #مَتْ 22.23؛ مَرْ 12.18؛ لُكْ 20.27 9سَيْ بَبَّنْ ضِكِثِ يَتَاشِ، وَطَنْسُ مَلَمً كُواْيَرْوَرْ مُوسَٰى نَڧُنْغِيَرْ ڢَرِسِيَاوَا سُكَتَاشِ ڟَيٜىٰ، سُكَيِ تَغَرْدَمَ سُكَثٜىٰ «مُو بَمُسَامِ مُتُمِنَّنْ دَ لَيْڢِنْ كُواْمٜىٰبَ؞ مَيْ يِوُوَ وَنِ رُوحُ، كُواْ مَلاَىِٕكَ نٜىٰ يَيِ مَسَ مَغَنَ؞»
10دَ غَرْدَمَرْ تَيِ ڟَنَنِ سَيْ شُوغَبَنْ يَجِڟُواْرُواْ كَدَ سُيِ كَثَ كَثَ دَ بُلُسْ؞ سَيْ يَبَادَ عُمَرْنِ ثٜىٰوَ سُواْجُواْجِنْ سُسَوْكُواْ سُڨُوثٜىٰ بُلُسْ دَ ڧَرْڢِے دَغَ وُرِنْسُ، سُكَيْشِ بَرِكِنْ سُواْجَ؞
11دَ دَرٜىٰ يَيِ سَيْ عُبَنْغِجِ يَڟَيَ كُسَدَ بُلُسْ يَثٜىٰ «كَثِيغَبَدَ ڧَرْڢِنْ ذُوثِيَارْكَ، دُواْمِنْ كَمَرْ يَدَّ كَشَيْدٜىٰنِ أَ عُرُوشَلِيمَ، حَكَكُمَ لَلَّيْ نٜىٰ ذَاكَ شَيْدٜىٰنِ أَ رُواْمَ؞»
أَنْ يِ شَوَرَا عَكَشٜىٰ بُلُسْ
12دَ غَرِ يَوَايٜىٰ، يَهُودَاوَا سُكَيِ شِرِ سُكَشٜىٰ بُلُسْ؞ سُكَيِ ضَنْڟُوَا ثٜىٰوَ بَذَاسُثِبَ، بَذَاسُ شَابَ، سَيْ سُنْ كَشٜىٰ بُلُسْ؞ 13وَطَنْدَ سُكَيِ وَنَّنْ مُوغُنْ شِرِ كُوَ سُنْڢِے مُتُمْ أَرْبَعِنْ؞ 14سَيْ سُكَجٜىٰ وُرِنْ مَنْيَنْ ڢِرِسْتُواْثِے دَ شُوغَبَنِّ، سُكَثٜىٰ «مُنْيِ بَبَّرْ ضَنْڟُوَا ثٜىٰوَ بَذَامُثِبَ، بَذَامُ شَا بَ سَيْ مُنْ كَشٜىٰ مُتُمِنَّنْ؞ 15سَبُواْدَ حَكَ يَنْذُ كُو دَ مَجَلِسَ كُضُواْڧِ شُوغَبَنْ سُواْجُواْجِ يَكَٰوُاْ مُكُ شِ، كَمَرْ كُنَسُواْ نٜىٰ كُڧَارَ بِنْثِكٜىٰ مَغَنَرْسَ سُواْسَيْ، مُو كُوَ أَشِرْيٜىٰ مُكٜىٰ مُكَشٜىٰشِ كَاڢِنْ يَ إِسُواْ؞»
16تُواْ دَطَنْ یَرْعُوَرْ بُلُسْ يَجِ لَابَرِنْ شِرِنْ دَسُكٜىٰيِ، سَيْ يَجٜىٰ يَشِغَ بَرِكِنْ يَڢَطَا وَ بُلُسْ؞ 17بُلُسْ كُوَ يَكِرَا وَنِ بَبَّنْ سُواْجَنْ رُواْمَ يَثٜىٰ «كَكَيْ سَوْرَيِنَّنْ وُرِنْ شُوغَبَا، يَنَدَ وَتَ مَغَنَرْ دَ ذَيْ غَيَ مَسَ؞» 18سَيْ بَبَّنْ سُواْجَنْ رُواْمَ يَطَوْكِ سَوْرَيِنْ يَكَيْشِ وُرِنْ شُوغَبَنْ؞ بَبَّنْ سُواْجَنْ رُواْمَ يَثٜىٰ «طَنْ كُرْكُكُنَّنْ بُلُسْ، يَكِرَنِ، يَضُواْڧٜىٰنِ إِنْ كَٰوُاْ سَوْرَيِنَّنْ أَوُرِنْكَ، دُوانْ سَوْرَيِنْ يَنَدَ أَبِنْدَ ذَيْ غَيَ مَكَ؞»
19سَيْ شُوغَبَنْ يَكَامَ حَنُّنْ سَوْرَيِنْ، يَجَا شِ غٜىٰڢٜىٰ طَيَ، يَتَمْبَيٜىٰشِ، شِ كَطَيْ «مٜىٰ ذَاكَ غَيَ مِنِ؟»
20سَوْرَيِنْ يَثٜىٰ «شُوغَبَنِّنْ يَهُودَاوَا سُنْ شِرْيَ ذَاسُ ضُواْڧٜىٰكَ كَكَيْ بُلُسْ مَجَلِسَ غُواْبٜىٰ، كَمَرْ سُنَسُواْ سُڧَارَ بِنْثِكٜىٰ مَغَنَرْسَ سُواْسَيْ؞ 21عَمَّا كَدَ كَيَرْدَ مُسُ، دُوانْ ڢِيٜىٰدَ مُتُمْ أَرْبَعِنْ دَغَ ثِكِنْسُ سُنَ نٜىٰمَ سُكَشٜىٰشِ، سُنْ كُمَيِ ضَنْڟُوَا ثٜىٰوَ بَذَاسُثِبَ، بَذَاسُ شَابَ سَيْ سُنْ كَشٜىٰشِ؞ يَنْذُ كُوَ أَشِرْيٜىٰ سُكٜىٰ، سُنَ جِرَا نٜىٰ كَوَيْ كَيَرْدَ؞»
22سَيْ شُوغَبَنْ يَجَا مَسَ كُنّٜىٰ يَثٜىٰ «كَدَ كَغَيَوَ كُواْوَ ثٜىٰوَ كَغَيَ مِنِ وَنَّنْ مَغَنَ؞» سَعَنً يَسَلَّمٜىٰشِ؞
أَنْ عَيْكَ دَ بُلُسْ ذُوَا وُرِنْ ڠُومْنَ ڢٜىٰلِسْ
23سَعَنً شُوغَبَنْ يَكِرَا مَنْيَنْ سُواْجُواْجِنْ رُواْمَ بِيُ يَثٜىٰ مُسُ «كُشِرْيَ دُوانْ ذَاكُ تَاشِ ذُوَا كَيْسَرِيَ دَ ڧَرْڢٜىٰ تَرَ نَدَرٜىٰ، تَرٜىٰدَ سُواْجُواْجِ طَرِے بِيُ دَ سُواْجُواْجِ سَبَعِنْ مَاسُ هَوَنْ دَوَكِ دَ سُواْجُواْجِ طَرِے بِيُ مَاسُ ڢَطَ دَ مَاشِ؞ 24كُكُمَ سَامُواْ دَوَكِنْ دَ بُلُسْ ذَيْ هَوْ؞ سَيْ كُكَيْشِ وُرِنْ ڠُومْنَ ڢٜىٰلِسْ لَاڢِيَلَوْ؞» 25شُوغَبَنْ سُواْجَنْ كُمَ يَرُبُوتَ وَسِيڧَ حَكَ،
26«دَغَ كَلَوْدِيُسْ لِسِيَسْ، ذُوَاغَ مَيْغِرْمَ ڠُومْنَ ڢٜىٰلِسْ؞ غَيْسُوَا مَيْ يَوَ؞
27«مُتُمِنَّنْ، يَهُودَاوَا سُنْ كَامَ شِ، سُنْ كُسَ سُكَشٜىٰشِ، سَيْ نَيِ سَوْرِ دَ سُواْجُواْجِنَ نَڨُوتُواْ شِ، دُواْمِنْ نَجِ شِے مَيْ یَنْثِنْ رُواْمَ نٜىٰ؞ 28تُنْدَ إِنْ سُواْ إِنْجِ لَيْڢِنْدَ سُكٜىٰ زَرْغِنْسَ دَشِ، سَيْ نَكَيْ شِ مَجَلِسَرْسُ؞ 29نَاكُوَ سَامُ سُنَ زَرْغِنْسَ عَكَنْ مَغَنَرْ كُواْيَرْوَرْسُ، عَمَّا لَيْڢِنْدَ سُكَ طُواْرَ مَسَ بَيْ إِسَ أَطَوْرٜىٰشِ كُواْ عَكَشٜىٰشِيبَ؞
30«دَ عَكَ سَنَرْ مِنِ ثٜىٰوَ أَݣَويْ وَنِ مُوغُنْ شِرِنْ دَ عَكَ ڧُلَّ مَسَ، نَنْ دَنَنْ نَا عَيْكَدَشِ وُرِنْكَ؞ نَكُمَ عُمَرْثِ مَاسُ ڧَارَرْسَ سُڢَطَا أَغَبَنْكَ لَيْڢِنْدَ سُكَغَ يَيِ؞»
31سَبُواْدَ حَكَ سُواْجُواْجِنْ سُكَ طَوْكِ بُلُسْ، كَمَرْ يَدَّ عَكَ عُمَرْثٜىٰسُ، سُكَ كَيْ شِ أَنْتِڢَتِرِسْ دَ دَرٜىٰ؞ 32وَشٜىٰغَرِ سُكَ بَرْ سُواْجُواْجِ مَاسُ هَوَنْ دَوَكِ سُثِيغَبَ دَشِ، سُو كُوَ سُكَ كُواْمَ بَرِكِنْسُ؞ 33دَ سُواْجُواْجِ مَاسُ هَوَنْ دَوَكِنْ سُكَ إِسَ كَيْسَرِيَ، سَيْ سُكَ بَا ڠُومْنَ وَسِيڧَرْ، سُكَ كُمَ بَرْ بُلُسْ أَ حَنُّنْسَ؞
34دَ ڠُومْنَ يَكَرَنْتَ وَسِيڧَرْ، يَتَمْبَيِ بُلُسْ كُواْ شِ دَغَ وَنٜىٰ يَنْكِ نٜىٰ؞ دَ يَجِ دَغَ كِلِكِيَ يَكٜىٰ، 35سَيْيَثٜىٰ «ذَنْ سَوْرَرِ مَغَنَرْكَ لُواْكَثِنْ دَ مَاسُ ڧَارَرْكَ سُنْذُواْ؞» سَيْ ڠُومْنَنْ كُمَ يَبَادَ عُمَرْنِ أَڟَرٜىٰشِ أَ ڢَادَرْ دَ سَرْكِے هِرُدُسْ يَغِنَ؞
Currently Selected:
أَيُّكَنْ مَنْذَنِّے 23: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
