2 سَمَٰعِيلَ غَبَاتَرْوَ
غَبَاتَرْوَ
بَعَتَبَّتَرْ دَ وَنْدَ يَرُبُوتَ وَنَّنْ لِتَّڢِبَ؞ عَمَّا بِنْثِكٜىٰ يَنُونَ ثٜىٰوَ أَنْرُبُوتَ شِ وَجٜىٰنْ شٜىٰكَرَا تَ 930 كَاڢِنْ حَيْڢُوَرْ أَنَّبِے عِيسَىٰ، جِمْ كَطَنْ بَايَنْ مُلْكٍ دَاوُدَ؞
لِتَّڢِ نَبِيُ نَ سَمَٰعِيلَ يَبَادَ لَابَرِنْ أَبُبُوَنْ دَ سُكَ ڢَرُ ثِكِنْ شٜىٰكَرُ أَرْبَعِنْ نَمُلْكٍ دَاوُدَ؞ لَابَرُنْ سُنْ حَطَ دَ يَاڧٜىٰ يَاڧٜىٰ تَرٜىٰدَ نَصَرُواْرِنْ دَ دَاوُدَ يَيِ؞ لِتَّڢِنْ يَثِيغَبَدَ بَادَ لَابَرِنْ نَطَوَرْ دَاوُدَ سَرْكِنْ يَهُودَ ﴿لِتَّڢِ نَبِيُ نَ سَمَٰعِيلَ 1.1-4﴾ دَ نَنَطَ شِ سَرْكِنْ دُكَنْ إِسْرَٰٓءِيلَ ﴿5.1-24﴾؞
بَايَنْدَ دَاوُدَ يَثِ عُرُوشَلِيمَ دَ يَاڧِ، سَيْ يَمَيْدَ بِرْنِنْ تَذَمَ بَبَّنْ بِرْنِنْ ڧَسَرْ إِسْرَٰٓءِيلَ؞ يَكُمَ كَٰوُاْ عَݣُوتِنْ يَرْجٜىٰجٜىٰنِيَ نَ اللَّهْ يَأَجِيٜىٰ أَنَنْ؞
لِتَّڢِنْ بَيْ ڟَيَ عَكَنْ نَصَرُواْرِنْ دَاوُدَ كَطَيْبَ، عَمَّا يَثِيغَبَدَ بَادَ لَابَرُ غَمٜىٰدَ دَامُوُاْيِنْ دَ دَاوُدَ يَڢُسْكَنْتَرْ، وَطَنْدَ سُكَ ڢَرُ سَبُواْدَ ذُنُوبِنْ دَ يَيِ دَ بَتْشٜىٰبَةُ مَاتَرْ عُرِيَ دَ كُمَ تَاوَيٜىٰنْ دَ طَنْسَ أَبْسَلُوامْ يَيِمَسَ ﴿15.1—18.18﴾؞
بَبَّنْ أَبِنْدَ لِتَّڢِنْ يَڧُنْسَ شِينٜىٰ رَايُوَرْ سَرْكِے دَاوُدَ؞ كُواْدَيَكٜىٰ دَاوُدَ سَرْكِے نٜىٰ، أَدُكْ لُواْكَثِنْ دَ يَيِ ذُنُوبِ، يَكَنْيِ سَوْرِ يَتُوبَ يَكُمَ يَرْدَ دَ حُكُنْثِنْ اللَّهْ؞ لِتَّڢِنْ سَمَٰعِيلَ نَبِيُ يَنُونَ ثٜىٰوَ دُكْ دَ كَاسَوَرْ دَاوُدَ، اللَّهْ بَيْ دَيْنَ ثِكَ يَرْجٜىٰجٜىٰنِيَرْسَ دَ مُتَنٜىٰنْسَبَ؞
أَبُبُوَنْ دَ سُكٜىٰ ثِكِ
مُلْكٍ دَاوُدَ عَكَنْ يَهُودَ 1.1—4.12
مُلْكٍ دَاوُدَ عَكَنْ إِسْرَٰٓءِيلَ غَبَاطَيَ 5.1—24.25
1؞ شٜىٰكَرُ نَڢَرْكُواْ 5.1—10.19
2؞ دَاوُدَ دَ بَتْشٜىٰبَةُ 11.1—12.25
3؞ دَامُوُاْيِ دَ وَهَلُواْلِنْ دَاوُدَ 12.26—20.26
4؞ شٜىٰكَرُ نَبَايَ نَمُلْكٍ دَاوُدَ 21.1—24.25
لِتَّڢِ نَبِيُ نَ سَمَٰعِيلَ
Currently Selected:
2 سَمَٰعِيلَ غَبَاتَرْوَ: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020