1 سَمَٰعِيلَ 31
31
مُتُوَرْ طَالُوتَ دَ یَیَنْسَ
﴿1 تَارْ 10.1-12﴾
1أَنَانً سَيْ ڢِلِسْتِيَاوَا سُكَيِ يَاڧِ دَ إِسْرَٰٓءِيلَاوَا حَرْ سَيْ دَ إِسْرَٰٓءِيلَاوَا سُكَ غُدُ؞ عَكَ كَكَّشٜىٰ إِسْرَٰٓءِيلَاوَا دَيَوَ عَبَبَّنْ تُدُنْ غِلْبُواْوَ؞ 2ڢِلِسْتِيَاوَا سُكَ كٜىٰوَيٜىٰ طَالُوتَ دَ یَیَنْسَ مَظَا سُكَ كَشٜىٰ يُواْنَتَنْ دَ أَبِينَدَبْ دَ مَلْكِشُوَ؞ 3يَاڧِنْ يَيِ ذَاڢِ كٜىٰوَيٜىٰ دَ طَالُوتَ، حَرْ وَتَ كِبِيَ تَمَاسُ يَاڧِ دَ بَكَ تَسَامٜىٰشِ، يَكُمَجِ ثِيوُاْ سُواْسَيْ؞ 4يَثٜىٰ وَسُواْجَنْ دَيَكٜىٰ رِڧٜىٰ مَسَ كَايَنْ يَاڧِ «كَظَارٜىٰ تَكُواْبِنْكَ كَسُواْكٜىٰنِ، كَدَ ڧَظَامَنْ أَرْنَ مَرَسَ كَاثِيَرْ نَنْ سُذُواْ سُيِ مِنِ بَعَ سُسُواْكٜىٰنِ؞» عَمَّا سُواْجَنْ يَڧِ غَمَا يَاجِڟُواْرُواْ سُواْسَيْ؞ سَبُواْدَ حَكَ طَالُوتَ يَظَرُواْ تَكُواْبِنْسَ يَكَڢَشِ عَڧَسَا يَڢَاطِ عَكَيْ؞ 5دَ سُواْجَ مَيْ رِڧٜىٰ مَسَ كَايَنْ يَاڧِنْ يَغَ طَالُوتَ يَمُتُ سَيْ شِے مَا يَكَشٜىٰ كَنْسَ كَمَرْ يَدَّ طَالُوتَ يَيِ؞ 6تَهَكَ طَالُوتَ دَ یَیَنْسَ مَظَا عُكُ دَ سُواْجَ مَيْ رِڧٜىٰ مَسَ كَايَنْ يَاڧِنْ تَرٜىٰدَ مُتَنٜىٰنْسَ سُكَ مُتُ أَ رَانَ طَيَ؞ 7سَعَدَّ سَوْرَنْ إِسْرَٰٓءِيلَاوَنْ دَسُكٜىٰ عَڧٜىٰتَرٜىٰنْ ݣُورِنْ يٜىٰظِرٜىٰيٜىٰلْ دَ كُمَ وَطَنْدَ سُكٜىٰ عَڧٜىٰتَرٜىٰنْ كُواْغِنْ يُواْدَنْ سُكَجِ ثٜىٰوَ طَالُوتَ يَمُتُ تَرٜىٰدَ یَیَنْسَ مَظَا عُكُ، سُكَ كُمَجِ ثٜىٰوَ سُواْجُواْجِنْ إِسْرَٰٓءِيلَ سُنْ غُدُ، سَيْ سُو مَا سُكَ غُدُ سُكَ بَرْ غَرُرُوَنْسُ؞ ڢِلِسْتِيَاوَا سُكَذُواْ سُكَ ذَوْنَ أَوُرِنْ؞
8وَشٜىٰغَرِ دَ ڢِلِسْتِيَاوَا سُكَذُواْ سُݣُوشِ كَايَ مَاسُ أَمْڢَانِ دَغَ غَوَوَّكِنْ سُواْجُواْجِ، سَيْ سُكَ سَامِ غَوَوَّكِنْ طَالُوتَ دَ یَیَنْسَ عَكَنْ بَبَّنْ تُدُنْ غِلْبُواْوَ؞ 9سُكَ يَنْكٜىٰ كَنْ طَالُوتَ سُكَ طَوْكِ كَايَنْ يَاڧِنْسَ سُكَ عَيْكَ دَ یَنْ عَيْكَ عَيِ شٜىٰلَ عَثِكِنْ دُكَنْ ڧَسَرْ ڢِلِسْتِيَاوَا، عَكُمَ بَادَ لَابَرِنَّنْ مَيْ دَاطِے أَغِدَاجٜىٰنْ غُمَكَنْسُ دَ كُمَ ثِكِنْ دُكَنْ مُتَنٜىٰنْسُ؞ 10سُكَسَا كَايَنْ يَاڧِنْ طَالُوتَ أَطَاكِنْ غُنْكِنْسُ نَنْ عَشْتُواْرٜىٰتْ، سُكَ غِثِّيٜىٰ غَنْغَرْ جِكِنْسَ عَكَتَنْغَرْ غَرِنْ بٜىٰتْ شَنْ؞
11دَ مَذَوْنَنْ يَبٜىٰشْ غِلٜىٰيَدْ سُكَجِ أَبِنْدَ ڢِلِسْتِيَاوَا سُكَيِ وَ طَالُوتَ، 12سَيْ دُكَنْ مَذَنْسُ مَاسُ ڧَرْڢِنْ ذُوثِيَا سُكَتَاشِ سُكَيِ تَڢِيَ دَ دَرٜىٰ سُكَ كَيْ بٜىٰتْ شَنْ؞ سُكَ طَوْكِ غَاوَرْ طَالُوتَ تَرٜىٰدَ نَیَیَنْسَ مَظَا دَغَ جِكِنْ كَتَنْغَرْ غَرِنْ بٜىٰتْ شَنْ؞ سُكَ كَٰوُاْسُ يَبٜىٰشْ سُكَ ڧُواْنٜىٰسُ؞ 13سُكَ ݣُوشِ ڧَسُسُوَنْسُ سُكَ بِنّٜىٰ أَغِنْدِنْ ڧَرَمِنْ إِتَاثٜىٰ أَ يَبٜىٰشْ، سَعَنً سُكَيِ أَظُمِ ݣُونَ بَݣَويْ سَبُواْدَ بَڧِنْ ثِكِ؞
Currently Selected:
1 سَمَٰعِيلَ 31: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
