2 سَمَٰعِيلَ 23
23
مَغَنَرْ دَاوُدَ تَڧَرْشٜىٰ
1وَنَّنْ عِتَثٜىٰ مَغَنَرْ دَاوُدَ تَڧَرْشٜىٰ؞
كَلْمُواْمِنْ دَاوُدَ طَنْ يٜىٰسّٜىٰ،
كَلْمُواْمِنْ مُتُمِنْ دَ اللَّهْ يَطَوْكَكَ،
مُتُمِنْ دَ اللَّهْ نَ يَعْڧُوبَ يَكٜىٰٻٜىٰ سَرْكِے،
مُتُمِنْ إِسْرَٰٓءِيلَ مَيْ رٜىٰرَ وَاڧُواْڧِ مَاسُ دَاطِے؞
2«رُوحٌ يَهْوٜىٰهْ يَيِ مَغَنَ تَوُرِينَ،
مَغَنَرْسَ تَنَ أَ هَرْشٜىٰنَ؞
3 اللَّهْ نَ إِسْرَٰٓءِيلَ يَيِ مَغَنَ،
دُوڟٜىٰنْ ٻُيَنْ إِسْرَٰٓءِيلَ يَثٜىٰ مِنِ،
‹وَنْدَ يَكٜىٰ مُلْكِ دَ أَدَلْثِے،
وَنْدَ يَكٜىٰ مُلْكِ دَ ڟُواْرُوانْ اللَّهْ،
4يَنَ كَمَ دَ حَصْكٜىٰنْ سَاڢِيَ،
كَمَ دَ حَصْكٜىٰنْ رَانَرْ دَ تَٻُلُّواْ بَابُ غِرْغِجٜىٰ،
حَصْكٜىٰ مَيْ وَلْڧِيَ عَثِيَوَ بَايَنْ ضُوً سَمَ؞›
5«حَڧِيڧَ، بَ حَكَنٜىٰ غِدَانَ يَكٜىٰ أَوُرِنْ اللَّهْ بَ؟
غَمَا يَيِ يَرْجٜىٰجٜىٰنِيَ تَهَرْ أَبَدَا دَنِے،
يَرْجٜىٰجٜىٰنِيَرْدَ يَشِرْيَ يَكُمَ تَبَّتَا؞
لَلَّيْ ذَيْسَا إِنْ يَلْوَتَ
دَ دُكَنْ أَبِنْدَ نَكٜىٰ بُڧَاتَ؞
6عَمَّا مَرَسَ ڟُواْرُوانْ اللَّهْ
سُنَ كَمَ دَ ڧَيُواْيِنْ دَ عَكَنْ ظُبَرْ،
بَعَݣُوشِ ڧَيُواْيِنْ دَ حَنُّ كَوَيْبَ،
7عَمَّا سَيْ دَ ڧَرْڢٜىٰ كُواْ سَنْدَنْ مَاشِ،
ذَاعَ ڧُواْنٜىٰسُ ڧُرْمُسْ؞»
سُواْجُواْجِ مَڢِيَ عِيَ يَاڧِ نَ دَاوُدَ
﴿1 تَارْ 11.10-25﴾
8غَا سُونَيٜىٰنْ سُواْجُواْجِ مَڢِيَ عِيَ يَاڧِ سُواْسَيْ نَ دَاوُدَ؞ نَڢَرْكُواْ شِينٜىٰ يُواْشٜىٰبْ بَشّٜىٰبٜىٰتْ مُتُمِنْ تَكٜىٰمُوانْ، أَنْكُمَ سَنْشِ دَ سُونَ أَدِنُواْ عٜىٰظِنِ؞ شِينٜىٰ شُوغَبَنْ سُواْجُواْجِ عُكُنَّنْ؞ يَتَٻَ طَوْكَرْ مَاشِنْسَ يَكَشٜىٰ مُتَنٜىٰ طَرِے تَݣُوسْ أَ لُواْكَثِ غُدَا؞
9نَبِيٜىٰ دَشِ ثِكِنْ سُواْجُواْجِ عُكُنَّنْ شِينٜىٰ عٜىٰلٜىٰيَظَرْ طَنْ دُواْدَيْ نَدَنْغِنْ أَهُواْهِ؞ عٜىٰلٜىٰيَظَرْ يَنَ تَرٜىٰدَ دَاوُدَ لُواْكَثِنْ دَ سُكَ رٜىٰنَ ڢِلِسْتِيَاوَنْ دَ سُكَ تَارُ دُواْمِنْ يَاڧِ؞ أَسَعَدَّ إِسْرَٰٓءِيلَاوَا سُكَ غُدُ، 10شِيكُوَ يَڟَيَ يَيِ تَيَاڧِ دَ ڢِلِسْتِيَاوَا حَرْ حَنُّنْسَ يَغَجِ يَكُمَ مَنّٜىٰوَ تَكُواْبِنْ؞ يَهْوٜىٰهْ كُوَ يَبَادَ بَبَّرْ نَصَرَا أَ رَانَرْ نَنْ؞ سُواْجُواْجِنْ دَ سُكَ غُدُ سُنْ كُواْمَ وُرِنْ يَاڧِنْ دُواْمِنْ كَوَيْ سُݣُوشِ كَايَنْ وَطَنْدَ عَكَ كَشٜىٰ؞
11نَعُكُنْ عَثِكِنْسُ شِينٜىٰ شَمَّ طَنْ أَغِ مُتُمِنْ هَرَرْ؞ وَتَرَانَرْ دَ ڢِلِسْتِيَاوَا سُكَ تَارُ دُواْمِنْ يَاڧِ أَوَتَ غُواْنَرْ وَكٜىٰنْ بَرٜىٰوَ، سَيْ سُواْجُواْجِنْ إِسْرَٰٓءِيلَ سُكَ غُدُ؞ 12عَمَّا شَمَّ يَڟَيَ أَڟَكِيَرْ غُواْنَرْ يَكَارٜىٰتَ، يَكَكَّشٜىٰ ڢِلِسْتِيَاوَنْ؞ يَهْوٜىٰهْ كُوَ يَبَادَ بَبَّرْ نَصَرَا؞
13وَتَرَانَ أَ لُواْكَثِنْ غِرْبِے، عُكُ دَغَ ثِكِنْ مَنْيَنْ سُواْجُواْجِ تَلَاتِنْ نَ دَاوُدَ سُكَذُواْ وُرِنْسَ أَ كُواْغُوانْ أَدُلَّمْ؞ ڧُنْغِيَرْ سُواْجُواْجِنْ ڢِلِسْتِيَاوَا كُوَ سُكَ كَڢَ سَنْسَنِنْ يَاڧِنْسُ أَ ݣُورِنْ رٜىٰڢَيَاوَا؞ 14أَوَنَّنْ لُواْكَثِ، دَاوُدَ يَنَ ثِكِنْ وُرِنْ ٻُيَ؞ وَتَ ڧُنْغِيَرْ سُواْجُواْجِنْ ڢِلِسْتِيَاوَا كُوَ تَنَ أَ بَيْتَلَحْمِ؞ 15دَاوُدَ يَجِ ڧِشِنْ ضُوَ يَثٜىٰ «كَيْ! إِنَ مَرْمَرِنْ ضُوَ دَغَ رِجِيَرْ دَتَكٜىٰ بَاكِنْ ڧُواْڢَرْ غَرِنْ بَيْتَلَحْمِ!» 16سَيْ سُواْجُواْجِ مَاسُ عِيَ يَاڧِنَّنْ غُدَا عُكُ سُكَ رَڟَا تَثِكِنْ ڧُنْغِيَرْ سُواْجُواْجِنْ ڢِلِسْتِيَاوَا؞ سُكَ طِبَ ضُوَ أَ رِجِيَرْ دَتَكٜىٰ بَاكِنْ ڧُواْڢَرْ غَرِنْ؞ سُكَ كَٰوُاْ وَ دَاوُدَ، عَمَّا يَڧِ شَا؞ يَجُويٜىٰشِ عَڧَسَا كَمَرْ هَدَايَ غَ يَهْوٜىٰهْ؞ 17يَثٜىٰ «يَهْوٜىٰهْ يَسَوَّڧٜىٰ مِنِ إِنْ شَا دَغَ وَنَّنْ ضُوَ! أَيْ، ذَيْ ذَمَ مِنِ كَمَرْ جِنِنْ وَطَنْدَ سُكَ سَدَوْكَرْ دَ رَايُكَنْسُ تَوُرِنْ طِبَنْ ضُوً؞» سَبُواْدَ حَكَ دَاوُدَ يَڧِشَا؞
وَطَنَّنْ نٜىٰ أَبُبُوَنْ دَ سُواْجُواْجِ مَڢِيَ عِيَ يَاڧِنَّنْ عُكُ سُكَيِ؞
18أَبِشَيْ كُوَ، طَنْعُوَنْ يُواْوَبْ طَنْ ظٜىٰرُوِيَ نٜىٰ شُوغَبَنْ وَتَ ڧُنْغِيَرْ سُواْجُواْجِ عُكُ مَڢِيَ عِيَ يَاڧِ#23.18 عُكُ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «تَلَاتِنْ» نٜىٰ أَنَنْ؞ أَبِشَيْ يَطَوْكِ مَاشِنْسَ يَكَكَّشٜىٰ سُواْجُواْجِ طَرِے عُكُ؞ سَيْ يَيِ سُونَ عَثِكِنْ وَنَّنْ ڧُنْغِيَرْ سُواْجُواْجِ، 19حَرْ مَا أَنْغِرْمَمَشِ ڢِيٜىٰ دَسُو؞ يَذَمَ شُوغَبَنْ ڧُنْغِيَرْ نَنْ، كُواْدَيَكٜىٰ بَيْ كَيْ سُواْجُواْجِ عُكُنْ نَڢَرْكُواْ سُنَبَ؞
20بٜىٰنَيَ طَنْ يٜىٰهُواْيِدَ، مُتُمْ نٜىٰ مَيْ عِيَ يَاڧِ دَغَ كَبْظٜىٰيٜىٰلْ، يَيِ أَبُبُوَ مَاسُ غِرْمَ؞ يَكَكَّشٜىٰ مُتَنٜىٰنْ مُواْوَبْ بِيُ مَاسُ يَاڧِ كَمَرْ ذَاكِ؞ وَتَرَانَ أَ لُواْكَثِنْ سَنْيِنْ ڧَنْڧَرَ، سَيْ يَسَوْكَ ثِكِنْ وَنِ رَامِ يَكَشٜىٰ ذَاكِ؞ 21بٜىٰنَيَ يَكَشٜىٰ وَنِ ڧَتُوانْ مُتُمِنْ مَصَرْ، يَنَ رِڧٜىٰ دَ مَاشِ أَ حَنُّنْسَ؞ كُواْدَيَكٜىٰ بٜىٰنَيَ يَنَ رِڧٜىٰ دَ سَنْدَا نٜىٰ، يَڨُوثٜىٰ مَاشِنْ دَغَ حَنُّنْ مُتُمِنْ مَصَرْ نَنْ يَكَشٜىٰشِ دَشِ؞ 22وَطَنَّنْ سُونٜىٰ إِرِنْ أَبُبُوَنْ دَ بٜىٰنَيَ طَنْ يٜىٰهُواْيِدَ يَعَيْكَتَ حَرْ يَيِ سُونَ كَمَرْ ڧُنْغِيَرْ سُواْجُواْجِ عُكُنَّنْ؞ 23يَكَرْٻِ يَبُواْ ڢِيٜىٰدَ تَلَتِنَّنْ، عَمَّا بَيْ كَيْ سُواْجُواْجِ عُكُنَّنْ نَڢَرْكُواْ سُنَبَ؞ دَاوُدَ يَسَا شِ يَذَمَ شُوغَبَنْ مَاسُ غَادِنْسَ؞
سُواْجُواْجِ مَڢِيَّ عِيَ يَاڧِ غُدَا تَلَاتِنْ نَ دَاوُدَ
﴿1 تَارْ 11.26-41﴾
24وَطَنَّنْ مُتَنٜىٰ سُنَ ثِكِنْ سُواْجُواْجِنَّنْ تَلَاتِنْ مَڢِيَ عِيَ يَاڧِ نَ دَاوُدَ،
أَسَهٜىٰلْ طَنْعُوَنْ يُواْوَبْ،
عٜىٰلْهَنَنْ طَنْ دُواْدُواْ مُتُمِنْ بَيْتَلَحْمِ؞
25شَمَّ دَ عٜىٰلِكَ مُتَنٜىٰنْ هَرُوادْ،
26هٜىٰلٜىٰظْ مُتُمِنْ ڢَلْتِ،
إِرَ طَنْ إِكّٜىٰشْ مُتُمِنْ تٜىٰكُواْوَ،
27أَبِيٜىٰظٜىٰرْ مُتُمِنْ أَنَتُواتْ،
مٜىٰبُنَّيْ مُتُمِنْ هُشَ،
28ظَلْمُوانْ مُتُمِنْ أَهُواْهِ،
مَهَرَيْ مُتُمِنْ نٜىٰتُواْڢَ؞
29هٜىٰلٜىٰبْ طَنْ بَعَنَ مُتُمِنْ نٜىٰتُواْڢَ،
إِتَّيْ طَنْ رِبَيْ مُتُمِنْ غِبٜىٰيَ نَيَنْكِنْ ذُرِيَرْ بِلِيَامِنُ،
30بٜىٰنَيَ مُتُمِنْ ڢِرَتُوانْ
هِدَّيْ مُتُمِنْ یَنْ ݣُورِنْ دَسُكٜىٰ كُسَدَ غَعَشْ،
31أَبِيَلْبُوانْ مُتُمِنْ أَرْبَ،
أَظْمَوٜىٰتْ مُتُمِنْ بَهُرِمْ،
32عٜىٰلِيَبَ مُتُمِنْ شَعَلْبُوانْ،
یَیَنْ يَشٜىٰنْ،
33يُواْنَتَنْ طَنْ شَمَّ مُتُمِنْ هَرَرْ،
أَهِيَمْ طَنْ شَرَرْ مُتُمِنْ هَرَرْ،
34عٜىٰلِڢٜىٰلٜىٰتْ طَنْ أَهَسْبَيْ مُتُمِنْ مَعَكَ،
عٜىٰلِيَمْ طَنْ أَهِتُواْڢٜىٰلْ مُتُمِنْ غِلُواْ،
35هٜىٰظْرُواْ مُتُمِنْ كَرْمٜىٰلْ،
ڢَعَرَيْ مُتُمِنْ أَرْبَ،
36إِغَلْ طَنْ نَتَنْ مُتُمِنْ ذُوابَ،
بَنِ مُتُمِنْ غَتْ،
37ظٜىٰلٜىٰكْ مُتُمِنْ أَمُّوانْ،
نَهَرَيْ مُتُمِنْ بٜىٰيٜىٰرُواتْ، مَيْ رِڧٜىٰوَ يُواْوَبْ طَنْ ظٜىٰرُوِيَ كَايَنْ يَاڧِ،
38إِرَ دَ غَرٜىٰبْ مُتَنٜىٰنْ إِتِرِ،
39عُرِيَ مُتُمِنْ هِتِّ؞
وَطَنَّنْ سُونٜىٰ سُواْجُواْجِ غُدَا تَلَاتِنْ دَ بَݣَويْ مَڢِيَ عِيَ يَاڧِ سُواْسَيْ؞
Currently Selected:
2 سَمَٰعِيلَ 23: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
