2 سَمَٰعِيلَ 24
24
دَاوُدَ يَڧِرْغَ سُواْجُواْجِنْسَ
﴿1 تَارْ 21.1-17﴾
1 يَهْوٜىٰهْ يَاسَاكٜىٰيِنْ ڢُشِے مَيْ ڟَنَنِ دَ مُتَنٜىٰنْ إِسْرَٰٓءِيلَ، سَيْ يَظُغَ دَاوُدَ عَكَنْسُ يَثٜىٰ «تَڢِے كَڧِرْغَ مُتَنٜىٰنْ إِسْرَٰٓءِيلَ دَ نَ يَهُودَ؞» 2سَيْ دَاوُدَ يَعُمَرْثِ يُواْوَبْ شُوغَبَنْ سُواْجُواْجِنْسَ يَثٜىٰ «تَڢِے دَ سَوْرَنْ مَنْيَنْ سُواْجُواْجِ ذُوَا دُكَنْ ذُرِيَرْ إِسْرَٰٓءِيلَ دَغَ وَنَّنْ إِيَاكَرْ ڧَسَرْ ذُوَا وَنْثَنْ، وَتُواْ دَغَ يَنْكِنْ ذُرِيَرْ طَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ؞ كُلِسَّڢْتَ مُتَنٜىٰنْ؞ إِنَ سُواْ إِنْسَنْ يَوَنْسُ؞»
3عَمَّا يُواْوَبْ يَأَمْسَ وَ سَرْكِے يَثٜىٰ «رَنْكَيَدَطٜىٰ، بَرِ يَهْوٜىٰهْ اللَّهْ نْكَ يَسَا مُتَنٜىٰنْ إِسْرَٰٓءِيلَ سُڧَارُ حَرْ سَوْ طَرِے ڢِيٜىٰدَ يَدَّ سُكٜىٰ يَنْذُ، حَرْ كَيْ مَا كَغَنِ دَ عِدُوانْكَ! عَمَّا، رَنْكَيَدَطٜىٰ، دُوانْمٜىٰ كَكٜىٰسُواْ كَيِ ڧِرْغَرْ؟» 4دُكْدَهَكَ سَرْكِے يَنَاثٜىٰ وَ يُواْوَبْ دَ سَوْرَنْ مَنْيَنْ سُواْجُواْجِ سُيِ بِيَيَّ دَ عُمَرْنِنْسَ؞ سَبُواْدَ حَكَ سُكَ تَڢِے دُواْمِنْ سُلِسَّڢْتَ مُتَنٜىٰنْ إِسْرَٰٓءِيلَ؞
5دَ ڢَرْكُواْ سُكَ ڧٜىٰتَرٜىٰ كُواْغِنْ يُواْدَنْ، سُكَيِ ذَنْغُواْ عَكُدَنْثِنْ غَرِنْ أَرُواْوٜىٰرْ أَڟَكِيَرْ ݣُورِ؞ دَغَ نَنْ سَيْ سُكَبِے تَيَنْكِنْ ڧَسَرْ غَدْ ذُوَا يَظٜىٰرْ؞ 6سُكَ كُمَ وُثٜىٰ ذُوَا غِلٜىٰيَدْ دَيَكٜىٰ عَڧَسَرْ تَتِمْ هُوادْشِ؞ سَعَنً سُكَبِے تَيَنْكِنْ دَنْ يَعَنْ دَغَ دَنْ يَعَنْ سُكَيِ يَمَّ سُكَ كٜىٰوَيٜىٰ ذُوَا سِدُوانْ؞ 7سُكَيِ كُدُ ذُوَا تَيَ بِرْنِ مَيْ كَتَنْغَ؞ سُكَبِے دُكَنْ غَرُضُوً هِوِيَاوَا دَ نَ كَنْعَنِيَاوَا؞ عَڧَرْشٜىٰ سُكَ تَڢِے بٜىٰيٜىٰرْشٜىٰبَ عَيَنْكِنْ كُدَنْثِنْ يَهُودَ؞ 8دَ سُكَ غَمَ رَڟَاوَ دُكَنْ ڧَسَرْ، سَيْ سُكَ كُواْمُواْ عُرُوشَلِيمَ بَايَنْ وَتَا تَرَ دَ ݣُونَ عَشِرِنْ؞ 9سَيْ يُواْوَبْ يَڢَطَا وَسَرْكِے يَوَنْ مَذَنْ دَ سُكَ إِسَ شِغَ سُواْجَ؞ نَا ڧَسَرْ إِسْرَٰٓءِيلَ سُنْ كَيْ دُبُو طَرِے تَݣُوسْ، سَعَنً نَيَنْكِنْ يَهُودَ دُبُو طَرِے بِيَرْ؞
10عَمَّا بَايَنْدَ دَاوُدَ يَغَمَ ڧِرْغَرْ، سَيْ ذُوثِيَارْسَ تَدَامٜىٰشِ؞ سَيْيَثٜىٰ وَ يَهْوٜىٰهْ «نَايِ مَكَ ذُنُوبِ ڨُورَيْ تَدَلِيلِنْ وَنَّنْ ڧِرْغَ! إِنَ ضُواْڧُوانْكَ، يَا يَهْوٜىٰهْ، كَغَاڢَرْتَا مِنِ، غَمَا نَايِ وَوَنْثِ سُواْسَيْ؞»
11كَاڢِنْ دَاوُدَ يَتَاشِ دَ سَڢٜىٰ، يَهْوٜىٰهْ يَا رِغَا يَايِ مَغَنَ دَ أَنَّبِے غَدْ، مَيْ غَنِ نَ دَاوُدَ 12ثٜىٰوَ «تَڢِے كَيِ مَغَنَ دَ دَاوُدَ، كَثٜىٰ مَسَ يَهْوٜىٰهْ ذَيْبَاكَ حُواْرُواْ إِرِ عُكُ، كَذَاٻِ طَيَ دَغَ ثِكِنْسُ وَنْدَ ذَيْ يِمَكَ؞» 13سَيْ غَدْ يَذُواْ وُرِنْ دَاوُدَ يَثٜىٰ مَسَ «وَنّٜىٰ يَڢِ مَكَ، شٜىٰكَرَا عُكُ نَيُنْوَ عَڧَسَرْكَ؟ كُواْ وَتَا عُكُ نَغُدُ دَغَ أَبُواْكَنْ غَابَنْكَ؟ كُواْ كُوَ ݣُونَ عُكُ نَبَلَعِ عَثِكِنْ ڧَسَرْكَ؟ تُواْ، سَيْ كَيِ تُنَانِ كَبَانِ أَمْسَرْ دَ ذَنْ كَيْوَ يَهْوٜىٰهْ؞»
14دَاوُدَ يَأَمْسَ يَثٜىٰ «إِنَ ثِكِنْ دَامُوَ ڨُورَيْ! أَيْ، ڠُومَّ يَهْوٜىٰهْ يَحُكُنْتَمُ دُواْمِنْ يَنَدَ تَوْسَيِ؞ عَمَّا كَدَ يَبَرْ مُتُمْ يَحُكُنْتَمُ؞»
15دُواْمِنْ حَكَ يَهْوٜىٰهْ يَعَيْكَ دَ بَلَعِ عَ إِسْرَٰٓءِيلَ دَغَ سَڢٜىٰنْ حَرْ سَيْ دَ لُواْكَثِنْ يَثِكَ كَمَرْ يَدَّ يَهْوٜىٰهْ يَڢَطَا؞ دَغَ وَنَّنْ غٜىٰڢٜىٰنْ ڧَسَرْ ذُوَا وَنْثَنْ، وَتُواْ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ، مُتَنٜىٰ دُبُو سَبَعِنْ نَ إِسْرَٰٓءِيلَ سُكَ مُتُ؞ 16سَعَدَّ مَلاَىِٕكَنْ يَهْوٜىٰهْ يَنَ مِيڧَ حَنُّنْسَ دُواْمِنْ يَهَلَّكَ عُرُوشَلِيمَ، سَيْ يَهْوٜىٰهْ يَجِ تَوْسَيِنْ مُتَنٜىٰنْ يَجَنْيٜىٰ حُكُنْثِنْسَ؞ يَثٜىٰ وَمَلاَىِٕكَ مَيْ هَلَّكَرْوَ «يَ إِسَ! كَجَنْيٜىٰ حَنُّنْكَ!» أَ لُواْكَثِنْ كُوَ مَلاَىِٕكَنْ يَهْوٜىٰهْ يَنَ وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ؞
17دَ دَاوُدَ يَغَ مَلاَىِٕكَنْ دَيَكٜىٰ كَشٜىٰ مُتَنٜىٰنْ، سَيْيَثٜىٰ وَ يَهْوٜىٰهْ «أَيْ، نِنٜىٰ نَايِ ذُنُوبِنْ؞ نِنٜىٰ نَا يِلَيْڢِنْ؞ أَيْ، وَطَنَّنْ مُتَنٜىٰ كَمَرْ تُمَكِنٜىٰ؞ مٜىٰنٜىٰنٜىٰ سُكَيِ؟ بَرِ حَنُّنْكَ يَحُكُنْتَنِ دَ عِيَلِنَ؞»
دَاوُدَ يَغِنَ بَغَدٜىٰنْ هَدَايَ
﴿1 تَارْ 21.18-26﴾
18أَ رَانَرْ نَنْ أَنَّبِے غَدْ يَكُواْمَ وُرِنْ دَاوُدَ يَثٜىٰ مَسَ «كَهَوْرُواْ وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ كَغِنَ بَغَدٜىٰنْ هَدَايَ غَ يَهْوٜىٰهْ أَوُرِنْ؞» 19دَاوُدَ يَهَوْرُواْ بِسَغَ عُمَرْنِنْ يَهْوٜىٰهْ كَمَرْ يَدَّ أَنَّبِے غَدْ يَڢَطَا مَسَ؞ 20دَ أَرَوْنَ يَدُوبَ سَيْ يَهَنْغِ سَرْكِے دَ دَتَّاوَنْسَ سُنَ ذُوَا وُرِنْسَ، سَيْ يَمَاڟَ كُسَ يَرُسُنَ دَ ڢُسْكَرْسَ حَرْ ڧَسَا أَغَبَنْ سَرْكِے؞ 21يَثٜىٰ «رَنْكَيَدَطٜىٰ، مٜىٰيَكَٰوُاْ سَرْكِے أَوُرِينَ؟»
دَاوُدَ يَأَمْسَ يَثٜىٰ «نَا ذُواْ نٜىٰ إِنْ سَيِ وُرِنْ بُغُنْ حَڟِنْكَ إِنْ غِنَا بَغَدٜىٰنْ هَدَايَ؞ أَ نَنْ ذَنْيِ هَدَايَ غَ يَهْوٜىٰهْ دُواْمِنْ يَڟَيَرْ دَ بَلَعِنَّنْ دَغَ كَنْ مُتَنٜىٰ؞»
22سَيْ أَرَوْنَ يَثٜىٰ وَ دَاوُدَ «رَنْكَيَدَطٜىٰ، كَطَوْكِ أَبِنْدَ كَغَ دَامَ كَيِ هَدَايَ دَشِ؞ غَا شَانُو نَيِنْ هَدَايَ تَڧُواْنَاوَا؞ غَا كُمَ سَنْدُنَنْ بُغُنْ حَڟِ دَ غُنْغُمٜىٰنْ وُيَنْ شَانُنْ نُواْمَ سُذَمَ مَكَ إِتَاثٜىٰنْ وُتَا؞ 23يَا سَرْكِے، دُكَنْ وَطَنَّنْ نِے أَرَوْنَ نَبَاكَ؞ بَرِ يَهْوٜىٰهْ اللَّهْ نْكَ يَكَرْٻِ هَدَايَرْكَ؞»
24عَمَّا سَرْكِے يَنَاثٜىٰ يَثٜىٰ «أَعَ، ذَنْ بِيَاكَ؞ بَذَنْ مِيڧَا وَ يَهْوٜىٰهْ اللَّهْ نَهَدَايَرْدَ بَتَثِ مِنِ كُواْمٜىٰبَ؞» سَيْ دَاوُدَ يَسَيِ وُرِنْ بُغُنْ حَڟِنْ تَرٜىٰدَ شَانُنْ عَكَنْ أَظُرْڢَا حَمْسِنْ؞ 25سَيْ دَاوُدَ يَغِنَ وَ يَهْوٜىٰهْ بَغَدٜىٰ أَوُرِنْ، يَمِيڧَ هَدَايُنْ ڧُواْنَاوَا دَ نَڠَرَنْ زُمُنْثِ؞ يَهْوٜىٰهْ كُوَ يَجِ أَدُّعَ دُواْمِنْ ڧَسَرْ، عَكَ كُمَ جَنْيٜىٰ بَلَعِنْ دَغَ إِسْرَٰٓءِيلَ؞
Currently Selected:
2 سَمَٰعِيلَ 24: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
