2 سَمَٰعِيلَ 22
22
وَاڧَرْ نَصَرَرْ دَاوُدَ
﴿زَبُو 18﴾
1أَ رَانَرْ دَ يَهْوٜىٰهْ يَكُٻُتَرْدَ دَاوُدَ دَغَ حَنُّنْ طَالُوتَ دَ كُمَ دَغَ حَنُّنْ دُكَنْ أَبُواْكَنْ غَابَنْسَ، سَيْ دَاوُدَ يَرٜىٰرَ وَنَّنْ وَاڧَا غَ يَهْوٜىٰهْ، يَثٜىٰ،
2«يَا يَهْوٜىٰهْ، دُوڟٜىٰنْ ٻُيَنَ،
كَتَنْغَتَادَ مَيْ ثٜىٰتُواْنَ؞
3يَا اللَّهْ نَا، دُوڟٜىٰنْ ٻُيَنَ،
أَوُرِنْكَ نَكٜىٰ ٻُيَ؞
غَرْكُوَتَ دَ ڧَرْڢِنْ ثٜىٰتُواْنَ،
كَتَنْغَتَادَ وُرِنْ ٻُيَنَ،
مَيْثٜىٰتُواْنَ، مَيْثٜىٰثٜىٰنِ دَغَ تَاشِنْ حَنْكَلِ؞
4نَكَنْ كِرَا غَ يَهْوٜىٰهْ، مَثَنْثَنْثِنْ يَبُواْ،
يَكَنْ ثٜىٰثٜىٰنِ دَغَ أَبُواْكَنْ غَابَنَ؞
5«لَلَّيْ كُواْغِنْ مُتُوَ تَرُڢٜىٰنِ،
أَمْبَلِيَرْ هَلَّكَ تَڢِے ڧَرْڢِينَ؞
6إِغِيُواْيِنْ كَبَرِ سُنْ طَوْرٜىٰنِ دَمْ،
تَرْكُوانْ مُتُوَ يَڢُسْكَنْثٜىٰنِ؞
7«عَثِكِنْ دَامُوَتَ نَيِ كِرَا غَ يَهْوٜىٰهْ،
نَاكُوَيِ كِرَا غَ اللَّهْ نَا؞
دَغَ وُرِنْ ذَمَنْسَ يَجِ مُرْيَتَ،
كُوكَنَ كُمَ يَكَيْ كُنّٜىٰنْسَ؞
8«دُونِيَا تَيِ ضَوَ دَ غِرْغِظَ،
تُوشٜىٰنْ سَرَرِنْ سَمَ سُكَ جِجِّغَ،
سُكَ غِرْغِظَ سَبُواْدَ يَيِ ڢُشِے؞
9حَنْثِنْسَ يَنَ هُورَ هَيَاڧِے،
بَاكِنْسَ يَنَ أَمَنْ وُتَا مَيْ ثِنْيٜىٰوَ،
يَنَ تُواْتُّواْڢَ غَرْوَشِنْ وُتَا؞
10يَيَاغٜىٰ سَرَرِنْ سَمَ يَسَوْكَ،
بَڧَڧٜىٰنْ غِذَغِظَيْ عَڧَرْڧَشِنْ ڧَڢَاڢُنْسَ؞
11يَهَوْ حَلِتَّ مَيْ ڢِكَڢِكَيْ يَتَاشِ سَمَ،#22.11 حَلِتَّ مَيْ ڢِكَڢِكَيْ: دَ إِبْرَانِيَنْثِ أَنْرُبُوتَ كٜىٰرُبْ نٜىٰ أَنَنْ؞
أَ ڢِكَڢِكَنْ إِسْكَ عَكَ غَنْ شِ؞
12يَمَيْدَ دُهُ أَبِنْ رُڢُوَرْسَ،
حَكَمَا بَڧَڧٜىٰنْ غِذَغِظَنْ ضُوَ؞
13عَمَّا وَلْڧِيَ تَٻُلُّواْ دَغَ غِذَغِظَنْسَ
غَرْوَشِنْ وُتَا سُكَ ٻُلُّواْ دَغَ غَبَنْسَ؞
14 يَهْوٜىٰهْ يَا يِڟَاوَ دَغَ سَرَرِنْ سَمَ،
مُرْيَرْ مَڢِے طَوْكَكَ تَيِ ڧَارَ؞
15يَهَرْبَ كِبِيُواْيِنْسَ،
يَوَاڟَرْدَ أَبُواْكَنْ غَابَنْسَ،
يَعَيْكَ دَ وَلْڧِيَ،
يَبَظَرْ دَسُو؞
16عَكَ بُوطٜىٰ غِنْدِنْ تٜىٰكُ،
عَكَ ڢَلَّسَ تُوشٜىٰنْ دُونِيَا،
تَوُرِنْ ڟَاوَتَرْوَرْ يَهْوٜىٰهْ،
دَ ڧَرْڢِنْ هُورَوَرْ حَنْثِنْسَ؞
17دَغَ سَمَ يَهْوٜىٰهْ يَمِيڧُواْ حَنُّنْسَ
يَطَوْكٜىٰنِ،
دَغَ ضُوَيٜىٰ مَاسُ ظُرْڢِ
يَثِرٜىٰنِ؞
18دَغَ أَبُواْكَنْ غَابَنَ مَاسُ ڧَرْڢِے،
يَثٜىٰثٜىٰنِ،
دَغَ مَاسُ ڧِينَ،
غَمَا سُنْ ڢِينِ ڧَرْڢِے؞
19أَ رَانَرْ مَسِيڢَاتَ سُكَ ڢَاطُواْ مِنِ
عَمَّا يَهْوٜىٰهْ نٜىٰ يَرِڧٜىٰنِ؞
20يَسَا نِے عِنْدَ بَابُ حَڟَرِ،
يَكُٻُتَرْ دَنِے غَمَا يَنَ جِنْ دَاطِنَ؞
21 يَهْوٜىٰهْ يَا سَاكَ مِنِ عَكَنْ أَدَلْثِنَ،
يَبَانِ لَادَ دُواْمِنْ بَ هَنُّونَ أَوَنِ لَيْڢِے؞
22غَمَا نَا كِيَايٜىٰ هَنْيُواْيِنْ يَهْوٜىٰهْ،
بَنْ كَوْثٜىٰ دَغَ اللَّهْ نَغَ مُغُنْتَا بَ؞
23إِنَ رِڧٜىٰ دَ دُكَنْ دُواْكُواْكِنْسَ،
بَنْ كَوَرْدَ ڧَٰعِدُواْدِنْسَبَ؞
24نَيِ تَڢِيَ ثِكِنْ غَسْكِيَ أَغَبَنْسَ،
نَكِيَايٜىٰ كَيْنَ دَغَ لَيْڢِے؞
25عِ، يَهْوٜىٰهْ يَبَانِ لَادَ عَكَنْ أَدَلْثِنَ،
غَمَا أَعِدُوانْسَ بَانِ دَ لَيْڢِے؞
26«غَ مَيْڧَوْنَ،
كَكَنْ نُونَ كَنْكَ مَيْ ڧَوْنَ؞
غَ مَيْتَڢِيَ ثِكِنْ غَسْكِيَ،
كَكَنْ نُونَ كَنْكَ مَيْ غَسْكِيَ؞
27غَ مَيْڟَبْتَرْ رَيْ،
كَكَنْ نُونَ كَنْكَ مَيْ ڟَبْتَرْ رَيْ؞
غَ مَيْرَايُوَرْ ݣُونَ ݣُونَ،
كَكَنْ نُونَ كَاڢِيشِ ݣُونَ ݣُونَ؞
28كَكَنْ ثٜىٰثِ مَاسُ سَوْڧِنْ كَيْ،
كَكَنْيِ وَمَاسُ طَغَ كَيْ كَلُّوانْ رٜىٰنِ
دُواْمِنْ كَڧَسْڧَنْتَرْ دَسُو؞
29«حَڧِيڧَ، يَا يَهْوٜىٰهْ، كَيْنٜىٰ حَصْكٜىٰنَ،
يَهْوٜىٰهْ، كَيْ كَا حَصْكَكَ دُهُنَ؞
30دَ إِيكُوانْكَ ذَنْ هَلَّكَ كُواْوَثٜىٰ ڧُنْغِيَرْ سُواْجُواْجِ،
دَ إِيكُوانْ اللَّهْ نَا، ذَنْ ڟَلَّكٜىٰ كُواْوَثٜىٰ كَتَنْغَ؞
31«غَا اللَّهْ، حَنْيَرْسَ ثِكَكِّيَثٜىٰ ڨُورَيْ!
مَغَنَرْ يَهْوٜىٰهْ ثِكَكِّيَثٜىٰ!
غَرْكُوَنٜىٰ شِ
غَ دُكَنْ مَاسُ نٜىٰمَنْ وُرِنْ ٻُيَ أَوُرِنْسَ؞#كَـ مَغْـ 30.5
32وَنٜىٰنٜىٰ اللَّهْ؟
أَيْ، يَهْوٜىٰهْ نٜىٰ!
وَنٜىٰنٜىٰ دُوڟٜىٰنْ ٻُيَنْمُ؟
أَيْ، اللَّهْ نْمُ نٜىٰ كَطَيْ!
33 اللَّهْ شِينٜىٰ مَيْ بَانِ ڧَرْڢِے،
يَكَنْسَا حَنْيَتَ تَذَمَ ثِكَكِّيَ؞
34يَمَيْدَ ڧَڢَاڢُنَ سُكَامَ ڧَسَا،
نَيِ تَڢِيَ عَكَنْ دُوَڟُو كَمَرْ بَرٜىٰوَ؞#زَبُو 18.33؛ حَبـ 3.19
35يَهُواْرِ حَنُّوَنَ عَكَنْ يَاڧِ
حَرْ سُنَ لَنْڨُوسَ بَكَنْ ڧَرْڢٜىٰ؞
36«يَا يَهْوٜىٰهْ، كَبَانِ غَرْكُوَرْ نَصَرَا،
كَسَوْكَرْ دَ حَنُّنْكَ كَطَوْكَكَا نِے؞
37كَسَانِ أَ حَنْيَرْ دَ بَابُ حَڟَرِ،
ڧَڢَاڢُنَ بَسُيِ سَنْڟِبَ؞
38نَكُواْرِ أَبُواْكَنْ غَابَنَ
نَيِ نَصَرَا عَكَنْسُ،
بَنْڟَيَبَ سَيْ دَ نَهَلَكَاسُ كَكَڢْ!
39نَهَلَكَاسُ، نَبُغٜىٰسُ حَرْ ڧَسَا،
بَسُ عِيَ تَاشِ بَ، سُنْ ظُبٜىٰ عَڧَرْڧَشِنْ ڧَڢَاڢُنَ؞
40كَيْ كَبَانِ ڧَرْڢِے دُواْمِنْ إِنْيِ يَاڧِ،
كَسَا أَبُواْكَنْ غَابَنَ عَڧَرْڧَشِنَ؞
41كَسَا أَبُواْكَنْ غَابَنَ سُكَ جُويَا سُكَ غُدُ،
نَهَلَّكَ دُكَنْ مَاسُ ڧِينَ؞
42سُنْيِ كُوكَا،
عَمَّا بَابُوَنْدَ يَثٜىٰثٜىٰسُ،
سُنْيِكِرَا غَ يَهْوٜىٰهْ،
عَمَّا يَڧِ يَأَمْسَ؞
43نَدَكَسُ
حَرْ سُكَ ذَمَ دَ لَوْشِ كَمَرْ ڧُورَا،
نَنِڧَسُ
نَتَتَّكٜىٰسُ كَمَرْ لَاكَ عَكَنْ تِيتُنَ؞
44«كَثٜىٰثٜىٰنِ دَغَ تَاوَيٜىٰنْ مُتَنٜىٰنَ،
كَمَيْدَنِ شُوغَبَنْ أَلْعُمَّيْ،
مُتَنٜىٰنْ دَ بَنْ تَٻَ سَنِنْسُبَ،
سُنْيِ مِنِ حِدِمَ؞
45دَ ضَوَرْ جِكِے،
بَاڧِ سُنَ ذُوَا سُنَ غِرْمَمَنِ،
دَظَرَرْ سُكَجِ غَمٜىٰدَنِ،
سُكَنْيِ مِنِ بِيَيَّ؞
46بَاڧِ سُنْ رَسَ ڧَرْڢِنْ حَلِ،
دَ ضَوَرْ جِكِے
سُكَ ڢِتُواْ دَغَ وُرِنْ ٻُيَنْسُ؞
47«يَهْوٜىٰهْ مَيْ رَيْ نٜىٰ!
أَلْبَرْكَ تَا تَبَّتَا غَ دُوڟٜىٰنْ ٻُيَنَ!
طَوْكَكَ غَ اللَّهْ نَا، دُوڟٜىٰنْ ثٜىٰتُواْنَ!
48وَنَّنْ اللَّهْ نٜىٰ مَيْ رَامَ مِنِ،
شِينٜىٰ يَسَا ڧَبِيلُ عَڧَرْڧَشِنَ؞
49يَكَنْ كُٻُتَرْ دَنِے دَغَ مَاسُ ڧِينَ؞
يَكَنْ طَوْكَكَ نِے بِسَ مَاسُ غَابَادَنِے،
يَكَنْ ثٜىٰثٜىٰنِ دَغَ مَاسُ تَادَ حَنْكَلِ؞
50سَبُواْدَ وَنَّنْ، يَا يَهْوٜىٰهْ،
ذَنْ يَبٜىٰكَ عَثِكِنْ أَلْعُمَّيْ،
ذَنْ رٜىٰرَ يَبُواْ غَ سُونَنْكَ؞#رُوامْ 15.9
51بَبَّرْ نَصَرَا
يَكَنْ بَا سَرْكِنْدَ يَذَاٻَا،
ڧَوْنَ مَرَرْ ثَنْجَاوَا يَكَنْ نُونَ وَ وَنْدَ يَكٜىٰٻٜىٰ،
غَ سَرْكِے دَاوُدَ دَ ذُرِيَرْسَ حَرْ أَبَدَا؞»
Currently Selected:
2 سَمَٰعِيلَ 22: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
