2 سَمَٰعِيلَ 21
21
دَاوُدَ يَيِ رَامُوَا دُواْمِنْ مُتَنٜىٰنْ غِبٜىٰيُوانْ
1أَ زَامَانِنْ دَ دَاوُدَ يَكٜىٰ سَرْكِے كُوَ، أَنْيِ يُنْوَ سُواْسَيْ حَرْ شٜىٰكَرَا عُكُ؞ دُواْمِنْ حَكَ دَاوُدَ يَيِ أَدُّعَ غَ يَهْوٜىٰهْ غَمٜىٰدَ يُنْوَ تَڧَسَرْ؞ يَهْوٜىٰهْ يَأَمْسَ يَثٜىٰ «أَݣَويْ أَلْحَكِنْ جِنِ عَكَنْ طَالُوتَ دَ غِدَنْسَ سَبُواْدَ يَكَشٜىٰ مُتَنٜىٰنْ غِبٜىٰيُوانْ؞» 2سَرْكِے دَاوُدَ يَكِرَا مُتَنٜىٰنْ غِبٜىٰيُوانْ يَيِ مَغَنَ دَسُو؞ سُو مُتَنٜىٰنْ غِبٜىٰيُوانْ كُوَ بَدَغَ مُتَنٜىٰنْ إِسْرَٰٓءِيلَ بَ، سُو مُتَنٜىٰنْ أَلْعُمَّنْ أَمُواْرِيَاوَا نٜىٰ دَسُكَ رَغُ؞ تُنْدَا إِسْرَٰٓءِيلَاوَا سُنْ ضَنْڟٜىٰ ثٜىٰوَ بَذَاسُ كَشٜىٰ مُتَنٜىٰنْ غِبٜىٰيُوانْ بَ؞ عَمَّا طَالُوتَ يَيِ ڧُواْڧَرِ يَكَشٜىٰسُ دُكَ سَبُواْدَ كِيشِنْ دَ يَكٜىٰدَشِ دُواْمِنْ مُتَنٜىٰنْ إِسْرَٰٓءِيلَ دَ نَ يَهُودَ؞#يُواشْ 9.3-15 3دَاوُدَ يَثٜىٰ وَمُتَنٜىٰنْ غِبٜىٰيُوانْ «مٜىٰنٜىٰنٜىٰ ذَنْيِ مُكُ؟ تَيَيَا ذَنْ ڠَرَ وَنَّنْ مُغُنْتَارْ دَ عَكَيِ مُكُ دُواْمِنْ كُ أَلْبَرْكَثِ جَمَعَرْ يَهْوٜىٰهْ، وَتُواْ غَادُوانْسَ؟»
4سَيْ مُتَنٜىٰنْ غِبٜىٰيُوانْ سُكَثٜىٰ وَ دَاوُدَ «بَذَنْثٜىٰنْ أَظُرْڢَا كُواْ ظِينَارِيَ نٜىٰ ذَيْ عِيَ شِرْيَمُ دَ طَالُوتَ كُواْ غِدَنْسَبَ؞ بَكُمَ ذَنْثٜىٰ عَكَشٜىٰ وَنِ عَ إِسْرَٰٓءِيلَ دُواْمِنْمُبَ؞»
دَاوُدَ يَتَمْبَيٜىٰسُ يَثٜىٰ «تُواْ، مٜىٰ كُكٜىٰسُواْ إِنْيِمُكُ؟»
5سُكَ أَمْسَ سُكَثٜىٰمَسَ «مُتُمِنْدَ يَكَكَّشٜىٰمُ، يَكُمَيِ نِيَّ يَهَلَكَامُ دُواْمِنْ كَدَ مُسَامِ وُرِے عَكُواْعِنَ عَڧَسَرْ إِسْرَٰٓءِيلَ، 6سَيْ كُمِيڧَ مَنَ یَیَنْسَ مَظَا بَݣَويْ؞ ذَامُ كَكَّشٜىٰسُ، مُكَكَّڢَ غَوَوَّكِنْسُ عَكَنْ إِتَاثٜىٰ أَ غِبٜىٰيَ، غَرِنْ طَالُوتَ، سَرْكِنْ دَ يَهْوٜىٰهْ يَذَاٻَا؞»
سَيْ سَرْكِے يَثٜىٰمُسُ «تُواْ، ذَنْ مِيڧَ مُكُسُ؞»
7عَمَّا سَبُواْدَ ضَنْڟُوَارْ دَ دَاوُدَ يَيِ دَ يُواْنَتَنْ طَنْ طَالُوتَ أَغَبَنْ يَهْوٜىٰهْ، بَيْ يَرْدَ يَبَادَ مٜىٰڢِبُواْشٜىٰتْ طَنْ يُواْنَتَنْ جِيكَنْ طَالُوتَ بَ؞ 8سَيْ سَرْكِے يَطَوْكِ أَرْمُواْنِ دَ مٜىٰڢِبُواْشٜىٰتْ یَیَ مَظَا نَ طَالُوتَ وَطَنْدَ رِظْڢَ یَرْ أَيْيَ تَحَيْڢَ مَسَ؞ يَكُمَ طَوْكِ یَیَ مَظَا بِيَرْ نَ مٜىٰرَبْ یَرْ طَالُوتَ، وَطَنْدَ تَحَيْڢَ وَ أَدِرِيٜىٰلْ طَنْ بَرْظِلَّيْ مُتُمِنْ مٜىٰهُواْلَ؞#1 سَمْ 18.19 9دَاوُدَ يَمِيڧَسُ غَ مُتَنٜىٰنْ غِبٜىٰيُوانْ؞ سُو كُوَ سُكَ كَكَّشٜىٰسُ سُكَ كَكَّڢَ غَوَوَّكِنْسُ عَكَنْ إِتَاثٜىٰ عَبَبَّنْ تُدُ أَغَبَنْ يَهْوٜىٰهْ؞ دُكَنْسُ بَݣَويْ طِنْ سُكَ مُتُ تَرٜىٰ؞ أَنْ كَكَّشٜىٰسُ أَ لُواْكَثِنْ دَ عَكَڢَارَ غِرْبِنْ حَڟِنْ بَلٜىٰ؞
10سَيْ رِظْڢَ یَرْ أَيْيَ، مَثٜىٰنْ دَ طَالُوتَ يَأَجِيٜىٰ أَدَا، تَݣُوشِ ڟُمُّواْكِ تَشِرْيَ وَكَنْتَ وُرِنْ ذَمَ عَتُدُنْ دَ غَوَوَّكِنْ سُكٜىٰ؞ تَا ذَوْنَ أَوُرِنْ دَغَ لُواْكَثِنْ دَ عَكَ ڢَارَ غِرْبِے حَرْ لُواْكَثِنْ دَ ضُوً دَامِنَ يَڢَاطِ عَكَنْ غَوَوَّكِنْ؞ دَ رَانَ تَكَنْ كُواْرِ ڟُنْڟَيٜىٰ دَغَ غَوَوَّكِنْ دَدَرٜىٰ كُمَ تَكَنْ كُواْرِ نَمُواْمِنْ دَاجِ دَغَ كَنْسُ؞
11عَكَ ڢَطَا وَ دَاوُدَ أَبِنْدَ رِظْڢَ یَرْ أَيْيَ تَكٜىٰيِ؞ 12سَيْ دَاوُدَ يَتَڢِے وُرِنْ مُتَنٜىٰنْ يَبٜىٰشْ أَ غِلٜىٰيَدْ، يَسَا سُبَاشِ ڧَسُسُوَنْ طَالُوتَ دَ نَطَنْسَ يُواْنَتَنْ؞ تُنْدَا ثَنْ مُتَنٜىٰنْ يَبٜىٰشْ أَ غِلٜىٰيَدْ سُنْ سَاثِ غَوَوَّكِنْ طَالُوتَ دَ يُواْنَتَنْ دَغَ عِنْدَ ڢِلِسْتِيَاوَا سُكَ كَكَّڢَسُ عَكَنْ إِتَاثٜىٰ أَ ڢِيلِ نَثِكِنْ غَرِنْ بٜىٰتْ شَنْ، بَايَنْدَ ڢِلِسْتِيَاوَا سُكَ كَشٜىٰسُ عَبَبَّنْ تُدُنْ غِلْبُواْوَ؞#1 سَمْ 31.8-13 13دَاوُدَ يَݣُوشِ ڧَسُسُوَنْ طَالُوتَ دَ نَ يُواْنَتَنْ دَ نَمُتَنٜىٰ بَݣَويْ نَنْ وَطَنْدَ مُتَنٜىٰنْ غِبٜىٰيُوانْ سُكَ كَشٜىٰ؞ 14سُكَ بِنّٜىٰ ڧَسُسُوَنْ طَالُوتَ دَ نَ يُواْنَتَنْ عَكَبَرِنْ كِشْ، بَابَنْ طَالُوتَ، أَ ظٜىٰلَ ثِكِنْ يَنْكِنْ بِلِيَامِنُ؞ عَكَ كُوَ ثِكَ دُكَنْ عُمَرْنِنْ سَرْكِے؞ بَايَنْ حَكَ، اللَّهْ يَأَمْسَ أَدُّعَرْسُ سَبُواْدَ ڧَسَرْ؞
يَاڧِ دَ ڧَتِّنْ ڢِلِسْتِيَاوَا
﴿1 تَارْ 20.4-8﴾
15أَنَانً سَيْ يَاڧِ يَسَاكٜىٰ ٻَرْكٜىٰ ڟَكَانِنْ مُتَنٜىٰنْ إِسْرَٰٓءِيلَ دَ نَ ڢِلِسْتِ؞ دَ دَاوُدَ دَ مُتَنٜىٰنْسَ سُكَ غَنْغَرَ سُكَيِ يَاڧِ دَ ڢِلِسْتِيَاوَا، سَيْ غَاجِيَ تَكَامَشِ؞ 16سَيْ إِشْبِبٜىٰنُوابْ، وَنِ ڧَتُوانْ مُتُمْ يَيِ ڟَمَّنِ ذَيْ عِيَ كَشٜىٰ دَاوُدَ؞ إِشْبِبٜىٰنُوابْ كُوَ يَنَ رِڧٜىٰ دَ مَاشِنْدَ يَكَيْ وَجٜىٰنْ كِلُواْ عُكُ دَ رَبِے نَتَغُلَّ، يَنَ كُمَ رَاتَيٜىٰ دَ سَابُوانْ تَكُواْبِے؞ 17عَمَّا أَبِشَيْ طَنْ ظٜىٰرُوِيَ يَتَيْمَكِ دَاوُدَ؞ يَبُغَ مُتُمِنْ ڢِلِسْتِيَ، يَكَشٜىٰشِ؞ سَيْ سُواْجُواْجِنْ دَاوُدَ سُكَ ضَنْڟٜىٰ سُكَثٜىٰ مَسَ «بَذَاكَسَاكٜىٰ بِنْمُ ذُوَا وُرِنْ يَاڧِ بَ، دُواْمِنْ كَدَ عَكَشٜىٰكَ، ڢِتِلَرْ مُلْكٍ إِسْرَٰٓءِيلَ كُمَ تَمُتُ؞»#1 سَرْ 11.36؛ زَبُو 132.17
18بَايَنْ وَنَّنْ عَكَ سَاكٜىٰيِنْ يَاڧِ دَ ڢِلِسْتِيَاوَا أَ غُوابْ؞ عَثِكِنْ يَاڧِنْ نٜىٰ سِبّٜىٰكَيْ مُتُمِنْ هُشَ يَكَشٜىٰ وَنِ ڧَتُواْ مَيْ سُونَ سَڢْ؞
19عَكَ سَاكٜىٰيِنْ يَاڧِ دَ ڢِلِسْتِيَاوَا أَ غُوابْ؞ سَيْ عٜىٰلْهَنَنْ طَنْ يَايِرْ مُتُمِنْ بَيْتَلَحْمِ يَكَشٜىٰ طَنْعُوَنْ جَالُوتَ نَ غَتْ، وَنْدَ غِرْمَنْ سَنْدَنْ مَاشِنْسَ يَيِ كَمَ دَ تَٻَرْيَ؞
20عَكَ سَاكٜىٰيِنْ يَاڧِ أَ غَتْ، عِنْدَ أَݣَويْ وَنِ ڧَتُوانْ مُتُمْ مَيْ يَڟُ شِدَ عَكُواْوَنٜىٰ حَنُّ دَ كُمَ يَڟُ شِدَ عَكُواْوَثٜىٰ ڧَڢَا، وَتُواْ دُكَنْ يَڟُنْسَ عَشِرِنْ دَ حُطُ؞ شِمَا دَغَ ذُرِيَرْ ڧَتِّنْ مُتَنٜىٰنٜىٰ؞ 21دَ يَرٜىٰنَ مُتَنٜىٰنْ إِسْرَٰٓءِيلَ، سَيْ يُواْنَتَنْ طَنْ شِمٜىٰيَ طَنْعُوَنْ دَاوُدَ يَكَشٜىٰشِ؞
22وَطَنَّنْ مُتَنٜىٰ حُطُ دَغَ ذُرِيَرْ ڧَتِّنْ مُتَنٜىٰ نَ غَتْ نٜىٰ؞ أَنْ كَشٜىٰسُ كُمَ تَهَنُّنْ دَاوُدَ دَ مَاسُ يِمَسَ حِدِمَ؞
Currently Selected:
2 سَمَٰعِيلَ 21: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
