2 سَمَٰعِيلَ 1
1
دَاوُدَ يَاجِ لَابَرِنْ مُتُوَرْ طَالُوتَ
1أَنَانً بَايَنْ مُتُوَرْ طَالُوتَ، سَعَدَّ دَاوُدَ دَ مُتَنٜىٰنْسَ سُكَ دَاوُاْ دَغَ نَصَرَرْ دَسُكَثِ عَيَاڧِنْ دَ سُكَيِ دَ أَمَلٜىٰكَاوَا، سَيْ سُكَ ذَوْنَ ݣُونَ بِيُ أَ ظِكْلَكْ؞ 2أَ رَانَ تَ عُكُ سَيْغَا وَنِ مُتُمْ دَغَ سَنْسَنِنْ يَاڧِ نَ طَالُوتَ يَذُواْ؞ يَذُواْ دَ رِيغُنَنْسَ عَيَيَّاغٜىٰ دَ ڧَسَا عَكَنْسَ دُواْمِنْ نُونَ بَڧِنْ ثِكِنْسَ؞ دَ يَ إِسُواْ وُرِنْ دَاوُدَ، سَيْ يَڢَاطِ يَرُسُنَ دَ ڢُسْكَرْسَ حَرْ ڧَسَا؞ 3دَاوُدَ يَتَمْبَيٜىٰشِ يَثٜىٰ «دَغَ إِنَا كَڢِتُواْ؟» سَيْ مُتُمِنْ يَأَمْسَ مَسَ يَثٜىٰ «نَكُٻُتَ نٜىٰ دَغَ سَنْسَنِنْ يَاڧِنْ إِسْرَٰٓءِيلَ؞»
4دَاوُدَ يَثٜىٰ مَسَ «مٜىٰيَڢَرُ؟ غَيَ مِنِ!»
مُتُمِنْ يَأَمْسَ «سُواْجُواْجِنْ إِسْرَٰٓءِيلَ سُنْ غُدُ دَغَ وُرِنْ يَاڧِ؞ أَنْ كُمَ كَكَّشٜىٰ سُواْجُواْجِ دَيَوَ؞ طَالُوتَ دَ طَنْسَ يُواْنَتَنْ مَا سُنْ مُتُ؞»
5دَاوُدَ يَڧَارَ تَمْبَيِ سَوْرَيِنْ دَيَكٜىٰ بَادَ لَابَرِ يَثٜىٰ «يَيَ كَسَنْ ثٜىٰوَ طَالُوتَ دَ طَنْسَ يُواْنَتَنْ سُنْ مُتُ؟»
6سَيْ سَوْرَيِنْ يَأَمْسَ يَثٜىٰ «يَكَسَنْثٜىٰ إِنَ بَبَّنْ تُدُنْ غِلْبُواْوَ، سَيْ نَغَ طَالُوتَ يَنَ جِنْغِنٜىٰ أَ مَاشِنْسَ؞ أَبُواْكَنْ غَابَا مَاسُ كٜىٰكٜىٰنْ دُواْكِ دَ مَاسُ هَوَنْ دَوَكِ سُنَ تَمَڟُواْوَ كُسَدَشِ؞#1 سَمْ 31.1-6؛ 1 تَارْ 10.1-6 7دَ يَجُويَ يَغَنِّ سَيْ يَكِرَا نِے؞ نِے كُوَ نَا أَمْسَ مَسَ نَثٜىٰ، ‹غَانِنَنْ؞› 8يَثٜىٰ مِنِ، ‹وَنٜىٰنٜىٰ كَيْ؟› نَثٜىٰمَسَ، ‹نِے مُتُمِنْ أَمَلٜىٰكْ نٜىٰ؞› 9سَيْ يَثٜىٰ مِنِ، ‹مَڟُواْ كُسَ كَكَشٜىٰنِ غَمَا إِنَ ثِكِنْ عَذَابَ مَيْ ڟَنَنِ، إِنَ كُمَ بَاكِنْ مُتُوَ؞› 10دُواْمِنْ حَكَ نَمَاڟَ كُسَ نَكَشٜىٰشِ، دُواْمِنْ نَسَنِ لَلَّيْ بَذَيْ رَايُبَ سَبُواْدَ أَنْيِ مَسَ ثِيوُاْ سُواْسَيْ؞ نَثِرٜىٰ هُولَرْ مُلْكٍ دَيَكٜىٰ عَكَنْسَ، نَكُمَ ثِرٜىٰ وَرْوَرُوانْ حَنُّنْسَ، نَاكُوَ كَٰوُاْ مَكَسُ دُكَ، يَا مَيْغِرْمَ!»
11سَيْ دَاوُدَ يَكَامَ رِيغُنَنْسَ يَيَيَّاغٜىٰ دُواْمِنْ بَڧِنْ ثِكِ؞ سَوْرَنْ مُتَنٜىٰنْ دَسُكٜىٰ تَرٜىٰ دَشِ سُو مَا سُكَيِ حَكَ؞ 12سُكَيِ بَڧِنْ ثِكِ سُواْسَيْ سُكَيِ كُوكَا سُكَڧِ ثِنْ عَبِنْثِ حَرْ يَمَّ؞ سُكَيِ كُوكَا دُواْمِنْ طَالُوتَ دَ طَنْسَ يُواْنَتَنْ دَ كُمَ سُواْجُواْجِنْ يَهْوٜىٰهْ دَ غِدَنْ إِسْرَٰٓءِيلَ، غَمَا سُنْ مُتُ عَيَاڧِنْ؞
13دَاوُدَ يَتَمْبَيِ سَوْرَيِنَّنْ دَ يَكَٰوُاْ لَابَرِنْ يَثٜىٰ مَسَ «كَيْ دَغَ إِنَا نٜىٰ؟»
يَأَمْسَ «نِے مُتُمِنْ أَمَلٜىٰكْ نٜىٰ، عَمَّا مُنَدَ ذَمَ أَنَنْ ڧَسَرْ إِسْرَٰٓءِيلَ؞»
14دَاوُدَ يَثٜىٰ مَسَ «دُوانْمٜىٰ بَكَجِڟُواْرُوانْ مِيڧَ حَنُّنْكَ كَكَشٜىٰ وَنْدَ يَهْوٜىٰهْ يَكٜىٰٻٜىٰبَ؟» 15سَعَنً دَاوُدَ يَثٜىٰ وَطَيَ دَغَ ثِكِنْ سَمَارِنْسَ «جٜىٰ كَسَارٜىٰشِ!» سَيْ سَوْرَيِنْ يَسَارٜىٰشِ يَمُتُ؞ 16غَمَا دَاوُدَ يَا رِغَا يَا ثٜىٰ وَمُتُمِنْ أَمَلٜىٰكْ طِنْ «أَلْحَكِنْ جِنِنْكَ يَذَوْنَ عَكَنْكَ؞ غَمَا دَ بَاكِنْكَ كَڢَطَا ثٜىٰوَ كَيْ كَا كَشٜىٰ سَرْكِنْ دَ يَهْوٜىٰهْ يَكٜىٰٻٜىٰ؞»
دَاوُدَ يَايِ وَاڧَرْ مَكُواْكِ دُواْمِنْ طَالُوتَ دَ يُواْنَتَنْ
17دَاوُدَ يَيِ وَنَّنْ وَاڧَرْ مَكُواْكِ دُواْمِنْ طَالُوتَ دَ طَنْسَ يُواْنَتَنْ؞ 18يَ عُمَرْتَ عَكُواْيَ وَمُتَنٜىٰنْ يَهُودَ وَنَّنْ وَاڧَا مَيْ سُونَ وَاڧَرْ بَكَ، تأَنَانً أَرُبُوثٜىٰ عَثِكِنْ لِتَّڢِنْ يَشَرْ؞#يُواشْ 10.13
19«يَا إِسْرَٰٓءِيلَ، أَنْكَشٜىٰ شُوغَبَنِّنْكِ،
أَنْكَشٜىٰ مَاسُ دَرَجَ عَكَنْ تُدَّنْكِ،
غَاشِ، مَنْيَنْ سُواْجُواْجِ سُنْ ڢَاطِ!
20كَدَ أَڢَطَا أَ غَتْ،
كَدَ عَيِ شٜىٰلَرْسَ عَتِيتُنَنْ أَشْكٜىٰلُوانْ؞
كَدَ یَنْ مَاتَانْ ڢِلِسْتِيَاوَا سُيِ مُرْنَ،
كَدَ یَنْ مَاتَانْ أَرْنَ سُيِ ڢَضٍ ثِكِ؞
21«يَا كُو مَنْيَنْ تُدَّنْ غِلْبُواْوَ،
كَدَ أَ سَاكٜىٰيِنْ ضُوَ كُواْ رَٻَ عَكَنْكُ،
كَدَ غُواْنَكِنْكُ سُڢِتَرْدَ حَڟِ؞
غَمَا عَثَنْ نٜىٰ غَرْكُوُاْيِنْ مَنْيَنْ سُواْجُواْجِ سُكَ ݣُونْتَ،
سُكَ ݣُونْتَ أَوُلَڧَنْثٜىٰ؞
غَرْكُوَرْ طَالُوتَ كُوَ،
بَذَاعَ ڧَارَ شَاڢَ مَتَ مَيْبَ؞
22بَكَنْ يُواْنَتَنْ مَيْ كَشٜىٰوَ نٜىٰ،
تَكُواْبِنْ طَالُوتَ مَرَرْ جِنْڧَيْ نٜىٰ؞
يَنَكَشٜىٰ مَنْيَنْ سُواْجُواْجِ،
يَنَكَشٜىٰ أَبُواْكَنْ غَابَا؞
23«أَنْ ڧَوْنَثِ طَالُوتَ دَ يُواْنَتَنْ،
أَ رَايٜىٰ سُنَ تَرٜىٰ،
أَ مُتُوَ مَا بَعَرَبَسُبَ؞
سُنْڢِے غَغَّڢَ سَوْرِ،
سُنْڢِے ذَاكِ ڧَرْڢِے؞
24«یَنْ مَتَنْ إِسْرَٰٓءِيلَ،
كُيِ كُوكَا سَبُواْدَ طَالُوتَ،
وَنْدَ يَيِ مُكُ رِيغُنَ مَاسُ ڟَادَ،
وَنْدَ يَسَا مُكُ رِيغُنَ مَاسُ أَدُوانْ ظِينَارِيَ؞
25«مَنْيَنْ سُواْجُواْجِ سُنْ ڢَاطِ عَيَاڧِ؞
غَا يُواْنَتَنْ عَݣُونْثٜىٰ، غَاوَا عَكَنْ تُدُ؞
26«نَيِ بَڧِنْ ثِكِ سُواْسَيْ سَبُواْدَكَيْ،
طَنْعُوَنَ يُواْنَتَنْ، ڧَوْنَتَثّٜىٰ كَكٜىٰ أَغَرٜىٰنِ؞
ڧَوْنَرْكَ غَرٜىٰنِ بَا مِصَالِ،
تَاڢِ ڧَوْنَرْ مَثٜىٰ دَ نَمِجِ؞
27«غَاشِ، مَنْيَنْ سُواْجُواْجِ سُنْ ڢَاطِ،
كَايَنْ يَاڧِنْسُ كُمَ سُنْ لَلَثٜىٰ؞»
Currently Selected:
2 سَمَٰعِيلَ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
