2 سَمَٰعِيلَ 2
2
أَنْ نَطَ دَاوُدَ سَرْكِنْ يَهُودَ
1بَايَنْ وَنَّنْ، سَيْ دَاوُدَ يَتَمْبَيِ يَهْوٜىٰهْ يَثٜىٰ «إِنْ هَوْرَ ذُوَا طَيَ دَغَ ثِكِنْ غَرُضُوً يَهُودَ؟»
سَيْ يَهْوٜىٰهْ يَأَمْسَ يَثٜىٰ «عِ، كَهَوْرَ؞»
دَاوُدَ يَسَاكٜىٰ تَمْبَيَ يَثٜىٰ «أَوَنٜىٰ غَرِ ذَنْ هَوْرَ ذُوَا؟»
يَهْوٜىٰهْ يَأَمْسَ يَثٜىٰ «ذُوَا هٜىٰبْرُوانْ؞» 2سَبُواْدَ حَكَ دَاوُدَ يَهَوْرَ هٜىٰبْرُوانْ؞ يَطَوْكِ مَاتَنْسَ بِيُ تَرٜىٰ دَشِ، وَتُواْ أَهِنُواْوَمْ دَغَ يٜىٰظِرٜىٰيٜىٰلْ دَ أَبِغِيٜىٰلْ وَدَّ دَا مَاتَرْ نَبَلْ ثٜىٰ، مُتُمِنْ كَرْمٜىٰلْ؞#1 سَمْ 25.42-43 3دَاوُدَ كُمَ يَطَوْكِ مُتَنٜىٰنْ دَسُكٜىٰ تَرٜىٰ دَشِ كُواْوَ دَ عِيَلِنْسَ، سُكَ ظَظْذَوْنَ أَغَرُضُوً دَسُكٜىٰ كٜىٰوَيٜىٰ دَ غَرِنْ هٜىٰبْرُوانْ؞ 4سَعَنً مُتَنٜىٰنْ يَهُودَ سُكَذُواْ وُرِنْ دَاوُدَ أَ هٜىٰبْرُوانْ سُكَ نَطَشِ سَرْكِنْ غِدَنْ يَهُودَ؞#1 سَمْ 31.11-13
عَكَ ڢَطَا وَ دَاوُدَ ثٜىٰوَ مُتَنٜىٰنْ يَبٜىٰشْ غِلٜىٰيَدْ نٜىٰ سُنْ بِنّٜىٰ طَالُوتَ؞ 5سَيْ دَاوُدَ يَعَيْكَ دَ سَڧُواْ ذُوَا يَبٜىٰشْ غِلٜىٰيَدْ ثٜىٰوَ «يَهْوٜىٰهْ يَيِ مُكُ أَلْبَرْكَ، دُواْمِنْ كُنْ نُونَ أَمِنْثِ غَ شُوغَبَنْكُ طَالُوتَ تَوُرِنْ طَوْكَرْ نَوْيِنْ بِنّٜىٰشِ؞ 6بَرِ يَهْوٜىٰهْ يَنُونَ مُكُ ڧَوْنَرْسَ مَرَرْ ثَنْجَاوَا دَ أَمِنْثِ؞ نِے مَا ذَنْ نُونَ مُكُ أَلْحٜىٰرِ سَبُواْدَ وَنَّنْ أَبِنْدَ كُكَيِ؞ 7كُكَسَنْثٜىٰ دَ ڧَرْڢَڢَاوَا دَ ڧَرْڢِنْ ذُوثِيَا غَمَا شُوغَبَنْكُ طَالُوتَ يَمُتُ، عَمَّا غِدَنْ يَهُودَ سُنْ نَطَنِ سَرْكِنْسُ؞»
إِشْبُواْشٜىٰتْ يَا ذَمَ سَرْكِنْ إِسْرَٰٓءِيلَ
8أَنَ ثِكِنْ حَكَ سَيْ أَبْنٜىٰرْ طَنْ نٜىٰرْ شُوغَبَنْ سُواْجُواْجِنْ طَالُوتَ يَطَوْكِ إِشْبُواْشٜىٰتْ طَنْ طَالُوتَ ذُوَا مَهَنَيِمْ؞ 9عَثَنْ يَمَيْدَشِ سَرْكِنْ مُتَنٜىٰنْ غِلٜىٰيَدْ دَ نَ أَشٜىٰرْ دَ نَ يٜىٰظِرٜىٰيٜىٰلْ دَ نَ إِڢْرَيِمْ دَ نَ بِلِيَامِنُ دَ نَ سَوْرَنْ إِسْرَٰٓءِيلَ دُكَ؞ 10إِشْبُواْشٜىٰتْ طَنْ طَالُوتَ يَنَدَ شٜىٰكَرَا أَرْبَعِنْ لُواْكَثِنْ دَ عَكَ نَطَشِ سَرْكِنْ إِسْرَٰٓءِيلَ؞ يَيِ مُلْكٍ إِسْرَٰٓءِيلَ شٜىٰكَرَا بِيُ؞ عَمَّا غِدَنْ يَهُودَ سُكَبِے دَاوُدَ؞ 11دَاوُدَ يَيِ مُلْكٍ غِدَنْ يَهُودَ أَ هٜىٰبْرُوانْ شٜىٰكَرَا بَݣَويْ دَ رَبِے؞
يَاڧِ ڟَكَانِنْ إِسْرَٰٓءِيلَ دَ يَهُودَ
12وَتَرَانَ أَبْنٜىٰرْ طَنْ نٜىٰرْ تَرٜىٰدَ وَطَنْسُ سُواْجُواْجِنْ إِشْبُواْشٜىٰتْ طَنْ طَالُوتَ سُكَتَاشِ دَغَ مَهَنَيِمْ ذُوَا غِبٜىٰيُوانْ؞ 13يُواْوَبْ وَنْدَ عَكٜىٰثٜىٰ دَ مَامَرْسَ ظٜىٰرُوِيَ تَرٜىٰدَ وَطَنْسُ سُواْجُواْجِنْ دَاوُدَ سُو مَا سُكَ ڢِتُواْ؞ سُكَ حَطُ عَتَڢْكِنْ غِبٜىٰيُوانْ سُكَ ذَوْنَ أَغٜىٰڢٜىٰ بِيُ، ڧُنْغِيَ طَيَ أَوَنَّنْ غٜىٰڢٜىٰ نَتَڢْكِنْ، ڧُنْغِيَ طَيَ كُمَ أَوَنْثَنْ غٜىٰڢٜىٰنْ؞ 14أَبْنٜىٰرْ يَثٜىٰ «بَرِ مُسَا سَمَارِ سُيِ ڢَطَ دَ جُونَنْسُ أَغَبَنْمُ؞»
سَيْ يُواْوَبْ يَثٜىٰ «تُواْ، بَرِ سُيِ؞»
15سَيْ عَكَ ذَاٻِ مُتَنٜىٰ غُواْمَشَا بِيُ سُوَكِلْثِ مُتَنٜىٰنْ بِلِيَامِنُ مَاسُبِنْ إِشْبُواْشٜىٰتْ طَنْ طَالُوتَ، سَعَنً مُتَنٜىٰ شَا بِيُ كُمَ دُواْمِنْ سُوَكِلْثِ مُتَنٜىٰنْ دَاوُدَ؞ 16كُواْوَنٜىٰ يَكَامَ أَبُواْكِنْ ڢَطَنْسَ عَكَيْ، يَسُواْكِ أَبُواْكِنْ ڢَطَنْسَ دَ تَكُواْبِے تَغٜىٰڢٜىٰنْ ثِكِنْسَ؞ دَ حَكَ سُكَ ڢَاطِ تَرٜىٰ، دُكَنْسُ سُكَ مُتُ؞ عَكَ سَا وَوُرِنَّنْ وَنْدَ يَكٜىٰ أَ غِبٜىٰيُوانْ سُونَ هٜىٰلْكَتْ هَڟُرِمْ، وَتُواْ ڢِيلِنْ تَكُواْبِے؞
17سَيْ يَاڧِ يَٻَرْكٜىٰ دَ ذَاڢِ أَ رَانَرْ؞ مُتَنٜىٰنْ دَاوُدَ سُكَثِ أَبْنٜىٰرْ دَ مُتَنٜىٰنْسَ دَ يَاڧِ؞ 18یَیَنْ مَثٜىٰنَّنْ مَيْ سُونَ ظٜىٰرُوِيَ وَتُواْ، يُواْوَبْ دَ أَبِشَيْ دَ كُمَ أَسَهٜىٰلْ، سُنَانَنْ سُو عُكُ ثِكِنْ مُتَنٜىٰنْ دَاوُدَ؞ أَسَهٜىٰلْ كُوَ يَ عِيَ غُدُ كَمَرْ بَرٜىٰوَ، 19يَيِتَبِنْ أَبْنٜىٰرْ دَ غُدُ بَابُ كَوْثٜىٰ وَدَمَ كُواْ هَغُ؞ 20دَ أَبْنٜىٰرْ يَوَيْوَيَ سَيْيَثٜىٰ «كَيْ نٜىٰ، أَسَهٜىٰلْ؟»
أَسَهٜىٰلْ يَأَمْسَ يَثٜىٰ «نِنٜىٰ؞»
21أَبْنٜىٰرْ يَثٜىٰ مَسَ «كَجُويَا غَ دَامَ كُواْ هَغُ، كَبِے طَيَ دَغَ ثِكِنْ سَمَارِنَ كَڨُوثٜىٰ كَايَنْ يَاڧِنْسَ؞» عَمَّا أَسَهٜىٰلْ يَڧِ؞ 22أَبْنٜىٰرْ يَسَاكٜىٰ ضُواْڧُوانْ أَسَهٜىٰلْ يَثٜىٰ «كَدَيْنَ بِنَ، كَدَ كَسَ إِنْ كَشٜىٰكَ ڢَا؞ عِدَنْ نَكَشٜىٰكَ يَيَ ذَنْ حَطَ عِدُواْ دَ طَنْعُوَنْكَ يُواْوَبْ؟» 23عَمَّا دَ أَسَهٜىٰلْ بَيْ دَيْنَ بِنْسَبَ، سَيْ أَبْنٜىٰرْ يَسُواْكٜىٰشِ دَ غِنْدِنْ مَاشِنْسَ عَثِكِ حَرْ مَاشِنْ يَڢِتَ تَبَايَنْسَ؞ أَسَهٜىٰلْ يَڢَاطِ ڧَسَا أَوُرِنْ؞ كُواْوَنٜىٰ سُواْجَنْدَ يَكَيْ دَيْدَيْ عِنْدَ أَسَهٜىٰلْ يَڢَاطِ يَمُتُ، سَيْ يَڟَيَ يَدُوبَ؞
24عَمَّا يُواْوَبْ دَ أَبِشَيْ سُكَ ثِيغَبَدَ بِنْ أَبْنٜىٰرْ؞ سَعَدَّ رَانَ تَكٜىٰ ڢَاطُوَ سَيْ سُكَ كَيْ تُدُنْ أَمَّهْ وَنْدَ يَكٜىٰ ڢُسْكَنْتَرْ غِيَهْ أَ حَنْيَ ذُوَا دَاجِنْ غِبٜىٰيُوانْ؞ 25مُتَنٜىٰنْ ذُرِيَرْ بِلِيَامِنُ سُكَسَاكٜىٰ تَارَ كَنْسُ ڧَرْڧَشِنْ أَبْنٜىٰرْ؞ سُكَ ذَمَ ڧُنْغِيَ طَيَ، سُكَ هَوْ كَنْ وَنِ تُدُ دَ شِرِنْ يَاڧِ؞ 26أَبْنٜىٰرْ يَطَغَ مُرْيَ يَثٜىٰ وَ يُواْوَبْ «ذَامُ ثِيغَبَدَ يَاڧِ دَ جُونَنْمُ حَرْ أَبَدَا نٜىٰ؟ كَيْ مَا كَا سَنْ ثٜىٰوَ عَڧَرْشٜىٰ وَنَّنْ ذَيْ كَٰوُاْ بَڧِنْ ثِكِ نٜىٰ كَوَيْ؞ يَوْشٜىٰ ذَاكَ ڢَطَا وَسُواْجُواْجِنْكَ سُدَيْنَ بِنْ یَنْعُوَنْسُ؟»
27يُواْوَبْ يَثٜىٰ «نَا ضَنْڟٜىٰ دَ سُونَنْ اللَّهْ مَيْ رَيْ دَبَدُوانْ كَا يِمَغَنَ بَ دَ ذَامُ ثِيغَبَدَ بِنْكُ حَرْ غُواْبٜىٰ دَ سَڢٜىٰ؞» 28سَعَنً يُواْوَبْ يَبُوسَ ڧَهُواْ، سَيْ دُكَنْ سُواْجُواْجِنْ سُكَ ڟَيَ، سُكَ دَيْنَ بِنْ إِسْرَٰٓءِيلَاوَا، سُكَ كُمَ دَيْنَ يَاڧِنْ؞
29دُكْ دَرٜىٰ أَبْنٜىٰرْ دَ مُتَنٜىٰنْسَ سُكَتَاكَ سُكَبِے تَ أَرَبَ، وَتُواْ ݣُورِنْ كُواْغِنْ يُواْدَنْ؞ سُكَ ڧٜىٰتَرٜىٰ كُواْغِنْ، سُكَ ثِيغَبَدَ تَڢِيَ دُكْ سَڢٜىٰ سَيْ دَ سُكَ كُواْمَ مَهَنَيِمْ؞
30دَ يُواْوَبْ يَدَيْنَ بِنْ أَبْنٜىٰرْ، سَيْ يَتَارَ سُواْجُواْجِنْسَ دُكَ؞ دَ عَكَ ڧِرْغَسُ سَيْ عَكَ تَرَرْ ثٜىٰوَ بَابُ مُتُمْ غُواْمَشَا تَرَ بَنْدَ أَسَهٜىٰلْ؞ 31عَمَّا مُتَنٜىٰنْ دَاوُدَ سُنْ كَشٜىٰ مُتَنٜىٰ طَرِے عُكُ دَ سِتِّنْ دَغَ ذُرِيَرْ بِلِيَامِنُ وَطَنْدَ سُكٜىٰ ڧَرْڧَشِنْ أَبْنٜىٰرْ؞ 32يُواْوَبْ دَ مُتَنٜىٰنْسَ سُكَ طَوْكِ جِكِنْ أَسَهٜىٰلْ سُكَجٜىٰ سُكَ بِنّٜىٰ عَكَبَرِنْ بَابَنْسَ أَ بَيْتَلَحْمِ؞ سَعَنً سُكَتَاكَ دُكْ دَرٜىٰ سُكَ كَيْ هٜىٰبْرُوانْ دَ سَسَّڢٜىٰ؞
Currently Selected:
2 سَمَٰعِيلَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
