2 سَرَاكُنَ غَبَاتَرْوَ
غَبَاتَرْوَ
وَنَّنْ لِتَّڢِ نَبِيُ نَسَرَاكُنَ يَثِيغَبَدَ بَادَ تَارِيحِنْ مُلْكِ نَ إِسْرَٰٓءِيلَ دَ نَ يَهُودَ دَغَ عِنْدَ لِتَّڢِ نَڢَرْكُواْ نَسَرَاكُنَ يَڟَيَ؞ أَنَ عِيَ رَبَ وَنَّنْ لِتَّڢِ كَشِ بِيُ كَمَرْ حَكَ:
1﴾ وَنَّنْ كَشِ يَبَادَ لَابَرِنْ مُلْكِ نَ إِسْرَٰٓءِيلَ دَ نَ يَهُودَ تُنْدَغَ وَجٜىٰنْ شٜىٰكَرَا 850 كَاڢِنْ حَيْڢُوَرْ أَنَّبِے عِيسَىٰ ذُوَا ڢَاطُوَرْ سَمَرِيَ، وَدَّ عِتَثٜىٰ ڧَرْشٜىٰنْ مُلْكٍ إِسْرَٰٓءِيلَ تَأَرٜىٰوَ، أَ شٜىٰكَرَا تَ 722 كَاڢِنْ حَيْڢُوَرْ أَنَّبِے عِيسَىٰ؞
2﴾ وَنَّنْ كَشِ يَبَادَ لَابَرِنْ مُلْكٍ يَهُودَ تُنْدَغَ ڢَاطُوَرْ مُلْكٍ إِسْرَٰٓءِيلَ ذُوَاغَ هَلَّكَرْ عُرُوشَلِيمَ تَهَنُّنْ سَرْكِے نٜىٰبُكَدْنٜىٰزَّرْ نَ بَابِيلَ أَ شٜىٰكَرَا تَ 586 كَاڢِنْ حَيْڢُوَرْ أَنَّبِے عِيسَىٰ؞ لِتَّڢِنْ يَڧَارَسَ دَ لَابَرِنْ غٜىٰدَلِيَ ڠُومْنَنْ يَهُودَ عَڧَرْڧَشِنْ بَابِيلَ دَ كُمَ رَهُواْتُواْ غَمٜىٰدَ سَكٜىٰوَرْ سَرْكِے يٜىٰهُواْيَكِنْ نَ يَهُودَ دَغَ كُرْكُكُ عَ بَابِيلَ؞
يَا كَمَاتَ عَكَرَنْتَ لِتَّتَّڢَنْ سَرَاكُنَ كَمَرْ يَدَّ عَكَ رُبُوتَسُ، وَتُواْ عَكَنْ تَارِيحِنْ ثٜىٰتُواْ؞ رَشِنْ أَمِنْثِنْ ذَاٻَٻُّنْ مُتَنٜىٰنْ اللَّهْ دَ رُرُّشٜىٰوَرْ مُلْكِنْسُ يَكَسَنْثٜىٰ كَمَرْ ذَيْ حَنَ ثِكَاوَرْ شِرِنْ دَ اللَّهْ يَيِ نَثٜىٰتُواْ؞ عَمَّا اللَّهْ يَكِيَايٜىٰ ضَغُواْوَرْ جَمَعَ كَطَنْ دَ «بَسُ رُسُنَ ڠُوِوُاْيِنْسُ غَ غُنْكِ بَعَلْ بَ؞» أَمِنْثِنْ ضَغُواْوَرْ جَمَعَرْ نَنْ يَبَادَ تَبَّثِنْ كِيَايٜىٰوَرْ يَرْجٜىٰجٜىٰنِيَرْ اللَّهْ دَ مُتَنٜىٰنْسَ نَنْ غَبَ؞ لِتَّڢِنْ يَنُونَ ثٜىٰوَ كُواْ مٜىٰنٜىٰنٜىٰ مُتَنٜىٰ سُكَ عَيْكَتَ، بَايَ عِيَ حَنَ ثِكَاوَرْ شِرِنْ اللَّهْ غَمٜىٰدَ ثٜىٰتُوانْ مُتَنٜىٰنْسَ نَعَيْكَ دَ أَلْمَسِيحُ؞
أَبُبُوَنْ دَ سُكٜىٰ ثِكِ
يَدَّ رَبَبّٜىٰنْ مُلْكِ يَكَسَنْثٜىٰ 1.1—17.41
1؞ أَنَّبِے أَلْيَسَعَ 1.1—8.15
2؞ سَرَاكُنَنْ يَهُودَ دَ نَ إِسْرَٰٓءِيلَ 8.16—17.4
3؞ ڢَاطُوَرْ سَمَرِيَ 17.5-41
مُلْكٍ يَهُودَ 18.1—25.30
1؞ دَغَ هٜىٰزٜىٰكِيَ ذُوَا يُواْسِيَا 18.1—21.26
2؞ مُلْكٍ يُواْسِيَا 22.1—23.30
3؞ سَرَاكُنَ نَڧَرْشٜىٰ نَ يَهُودَ 23.31—24.20
4؞ ڢَاطُوَرْ عُرُوشَلِيمَ 25.1-30
لِتَّڢِ نَبِيُ نَ سَرَاكُنَ
Currently Selected:
2 سَرَاكُنَ غَبَاتَرْوَ: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020