2 سَرَاكُنَ 1
1
أَنَّبِے إِلْيَاسُ يَڟَاوَتَاوَ سَرْكِے أَهَظِيَ
1أَنَانً بَايَنْ مُتُوَرْ سَرْكِے أَهَبْ نَ إِسْرَٰٓءِيلَ، سَيْ ڧَسَرْ مُواْوَبْ تَيِ وَڧَسَرْ إِسْرَٰٓءِيلَ تَاوَيٜىٰ؞
2وَتَرَانَ سَرْكِے أَهَظِيَ نَ إِسْرَٰٓءِيلَ يَڢَاطِ دَغَ تَغَ نَغِدَنْ سَمَنْسَ عَبِرْنِنْ سَمَرِيَ، يَجِ ثِيوُاْ سُواْسَيْ؞ سَيْ يَعَيْكَ دَ یَنْ عَيْكَ يَثٜىٰ مُسُ «كُتَڢِے كُتَمْبَيِ بَعَلْظٜىٰبُبْ اللَّهْنْ بِرْنِنْ عٜىٰكْرُوانْ نَ ڢِلِسْتِيَاوَا كُواْ ذَنْ وَرْكٜىٰ دَغَ وَنَّنْ ثِيوُاْ؞» 3عَمَّا سَيْ مَلاَىِٕكَنْ يَهْوٜىٰهْ يَثٜىٰ وَ إِلْيَاسُ مُتُمِنْ تِشْبٜىٰ «تَاشِ، كَتَڢِے كَسَدُ دَ یَنْ عَيْكَنْ دَ سَرْكِنْ إِسْرَٰٓءِيلَ يَعَيْكَ دَغَ سَمَرِيَ؞ كَثٜىٰمُسُ، ‹شِنْ، بَابُ اللَّهْ نٜىٰ عَ إِسْرَٰٓءِيلَ دَ كُكٜىٰ تَڢِيَ نٜىٰمَنْ أَمْسَ دَغَ بَعَلْظٜىٰبُبْ اللَّهْنْ عٜىٰكْرُوانْ؟›#1.3 بَعَلْظٜىٰبُبْ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ عُبَنْغِجِنْ ڧُدَ؞ 4تُواْ، سَبُواْدَ حَكَ إِنْجِ يَهْوٜىٰهْ، ‹بَذَاكَ تَاشِ دَغَ كَنْ غَدُوانْ دَ كَكٜىٰ ݣُونْثٜىٰبَ، لَلَّيْ ذَاكَ مُتُ؞› » سَيْ إِلْيَاسُ يَوُثٜىٰ؞
5سَيْ یَنْ عَيْكَ سُكَ كُواْمَ وُرِنْ سَرْكِے؞ سَرْكِے يَتَمْبَيٜىٰسُ يَثٜىٰ «دُوانْمٜىٰ كُكَ دَاوُاْ؟»
6سُكَ أَمْسَوَ سَرْكِے سُكَثٜىٰ «وَنِ مُتُمْ يَسَامٜىٰمُ أَ حَنْيَ يَثٜىٰ مَنَ، ‹كُكُواْمَ وُرِنْ سَرْكِنْدَ يَعَيْكٜىٰكُ كُثٜىٰ مَسَ «إِنْجِ يَهْوٜىٰهْ، شِنْ، بَابُ اللَّهْ نٜىٰ عَ إِسْرَٰٓءِيلَ دَ كُكٜىٰ تَڢِيَ نٜىٰمَنْ أَمْسَ دَغَ بَعَلْظٜىٰبُبْ اللَّهْنْ عٜىٰكْرُوانْ؟ سَبُواْدَ حَكَ بَذَاكَ تَاشِ دَغَ كَنْ غَدُوانْ دَ كَكٜىٰ ݣُونْثٜىٰ بَ، لَلَّيْ ذَاكَ مُتُ؞» › »
7سَرْكِے يَتَمْبَيٜىٰسُ يَثٜىٰ «وَنٜىٰ إِرِنْ مُتُمْ نٜىٰ يَسَدُ دَكُو، يَڢَطَا مُكُ وَطَنَّنْ أَبُبُوَ؟»
8سُكَ أَمْسَ سُكَثٜىٰ «يَسَا رِغَرْ دَ أَنْيِ دَ غَاشِنْ دَبَّ دَ طَمَرَ تَڢَتَ؞»#مَتْ 3.4؛ مَرْ 1.6
سَيْ سَرْكِے يَثٜىٰ «أَيْ، إِلْيَاسُ مُتُمِنْ تِشْبٜىٰ نٜىٰ!»
9سَيْ سَرْكِے يَعَيْكَ دَ بَبَّنْ سُواْجَ تَرٜىٰدَ ڧُنْغِيَرْ سُواْجُواْجِ حَمْسِنْ سُجٜىٰ سُكَامَ إِلْيَاسُ؞ بَبَّنْ سُواْجَنْ يَتَڢِے يَسَامٜىٰشِ يَنَ ذَمَ عَكَنْ تُدُ، سَيْيَثٜىٰ مَسَ «يَا مُتُمِنْ اللَّهْ، سَرْكِے يَثٜىٰ كَسَوْكَ ڧَسَا؞»
10إِلْيَاسُ يَأَمْسَ يَثٜىٰ مَسَ «عِدَنْ نِے مُتُمِنْ اللَّهْ نٜىٰ، بَرِ وُتَا تَسَوْكُواْ دَغَ سَمَ تَثِنْيٜىٰكَ دَ سُواْجُواْجِنْكَ حَمْسِنْ؞» نَنْ دَ نَنْ سَيْ وُتَا تَسَوْكُواْ دَغَ سَمَ تَثِنْيٜىٰ بَبَّنْ سُواْجَنْ دَ ڧُنْغِيَرْ سُواْجُواْجِنْسَ حَمْسِنْ؞#لُكْ 9.54
11سَرْكِے يَسَاكٜىٰ عَيْكَ وَنِ بَبَّنْ سُواْجَ دَ ڧُنْغِيَرْ سُواْجُواْجِ حَمْسِنْ؞ سُكَ هَوْرَ ذُوَا وُرِنْ إِلْيَاسُ سُكَثٜىٰ مَسَ «يَا مُتُمِنْ اللَّهْ، سَرْكِے يَثٜىٰ كَسَوْكَ ڧَسَا دَ سَوْرِ!»
12سَيْ إِلْيَاسُ يَثٜىٰ مَسَ «عِدَنْ نِے مُتُمِنْ اللَّهْ نٜىٰ، بَرِ وُتَا تَسَوْكُواْ دَغَ سَمَ تَثِنْيٜىٰكَ دَ سُواْجُواْجِنْكَ؞» نَنْ دَ نَنْ سَيْ وُتَرْ اللَّهْ تَسَوْكُواْ دَغَ سَمَ تَثِنْيٜىٰ بَبَّنْ سُواْجَنْ دَ ڧُنْغِيَرْ سُواْجُواْجِنْسَ حَمْسِنْ؞
13سَوْ نَعُكُ سَيْ سَرْكِے يَسَاكٜىٰ عَيْكَ دَ وَنِ بَبَّنْ سُواْجَ دَ ڧُنْغِيَرْ سُواْجُواْجِ حَمْسِنْ؞ سَيْ يَهَوْرَ تُدُنْ، يَدُرْڧُسَ أَغَبَنْ إِلْيَاسُ يَضُواْڧٜىٰشِ يَثٜىٰ «يَا مُتُمِنْ اللَّهْ، كَيِ مِنِ جِنْڧَيْ دَنِے دَ ڧُنْغِيَرْ سُواْجُواْجِنَ؞ بَرِ كَغَ دَرَجَرْ رَيْنَ دَ نَوَطَنَّنْ بَايِنْكَ؞ 14غَاشِ وُتَادَغَ سَمَ تَا رِغَاتَ ثِنْيٜىٰ مَنْيَنْ سُواْجُواْجِنْ غُدَا بِيُ دَ سُواْجُواْجِنْسُ ڧُنْغِيَ حَمْسِنْ حَمْسِنْ؞ عَمَّا إِنَ ضُواْڧُواْ كَغَ دَرَجَرْ رَيْنَ كَيِمِنِ جِنْڧَيْ!»
15سَيْ مَلاَىِٕكَنْ يَهْوٜىٰهْ يَثٜىٰ وَ إِلْيَاسُ «كَدَ كَجِڟُواْرُواْ؞ كَغَنْغَرَ تَرٜىٰ دَشِ؞» إِلْيَاسُ كُوَ يَتَاشِ يَبِے بَبَّنْ سُواْجَنْ ذُوَا وُرِنْ سَرْكِے؞ 16سَيْ إِلْيَاسُ يَثٜىٰ وَسَرْكِے «إِنْجِ يَهْوٜىٰهْ، ‹تُنْدَيَكٜىٰ كَعَيْكُواْ دَ یَنْ عَيْكَ ذُوَا وُرِنْ بَعَلْظٜىٰبُبْ اللَّهْنْ عٜىٰكْرُوانْ، كَمَرْ بَابُ اللَّهْ عَ إِسْرَٰٓءِيلَ وَنْدَ ذَاكَ نٜىٰمِ نُڢِنْسَ، تُواْ، بَذَاكَ وَرْكٜىٰ بَ، لَلَّيْ ذَاكَ مُتُ؞› »
17أَهَظِيَ يَمُتُ بِسَغَ كَلْمَرْ دَ يَهْوٜىٰهْ يَيِ تَبَاكِنْ إِلْيَاسُ؞ تُنْدَيَكٜىٰ أَهَظِيَ بَاشِدَ طَا، سَيْ طَنْعُوَنْسَ يٜىٰهُواْرَمْ يَغَاجٜىٰشِ يَذَمَ سَرْكِے؞ وَنَّنْ يَڢَرُ أَ شٜىٰكَرَا تَبِيُ تَمُلْكٍ سَرْكِے يٜىٰهُواْرَمْ طَنْ يٜىٰهُواْشَڢَتْ نَ يَهُودَ؞
18سَوْرَنْ أَيُّكَنْ دَ أَهَظِيَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞
Currently Selected:
2 سَرَاكُنَ 1: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
