2 سَرَاكُنَ 8
8
أَلْيَسَعَ يَسَاكٜىٰ تَيْمَكِ مَثٜىٰ دَغَ شُنٜىٰمْ
1دَا مَا أَلْيَسَعَ يَڢَطَا وَمَثٜىٰنْدَ يَمَيْدَ رَنْ طَنْتَ دَغَ مَتَتُّو ثٜىٰوَ تَتَاشِ دَ عِيَلِنْتَ سُغُدُ ذُوَا وَنِ وُرِے، غَمَا يَهْوٜىٰهْ يَثٜىٰ ذَيْ عَيْكَ دَ يُنْوَ عَڧَسَرْ حَرْ شٜىٰكَرَا بَݣَويْ؞#2 سَرْ 4.8-37 2سَيْ مَثٜىٰنْ تَتَاشِ تَيِ كَمَرْ يَدَّ مُتُمِنْ اللَّهْ يَڢَطَا مَتَ؞ تَا تَڢِے دَ عِيَلِنْتَ سُكَ ذَوْنَ عَڧَسَرْ مُتَنٜىٰنْ ڢِلِسْتِيَ شٜىٰكَرَا بَݣَويْ؞
3بَايَنْ وَطَنَّنْ شٜىٰكَرُ بَݣَويْ، سَيْ مَثٜىٰنْ تَكُواْمَ دَغَ ڧَسَرْ ڢِلِسْتِيَ؞ تَا تَڢِے وُرِنْ سَرْكِے تَكَيْ كُوكَنْتَ دُواْمِنْ يَسَا أَ مَيَرْ مَتَ دَ غِدَنْتَ دَ غُواْنَرْتَ؞ 4سَرْكِے كُوَ يَسَا غٜىٰهَظِ يَبَاشِ لَابَرِنْ دُكَنْ أَيُّكَنْ بَنْ مَامَاكِنْ دَ أَلْيَسَعَ يَيِ؞ 5سَعَدَّ يَكٜىٰ ڢَطَا وَسَرْكِے عَكَنْ يَدَّ أَلْيَسَعَ يَتَادَ مَتَتُّو، سَيْغَا مَثٜىٰنْ دَ أَلْيَسَعَ يَمَيْدَ رَنْ طَنْتَ تَشِغُواْ تَنَ كُوكَا غَ سَرْكِے يَسَا أَ مَيَرْ مَتَ دَ غِدَنْتَ دَ كُمَ غُواْنَرْتَ؞ سَيْ غٜىٰهَظِ يَثٜىٰ «رَنْكَيَدَطٜىٰ، يَا سَرْكِے، غَ مَثٜىٰنْ! غَا كُمَ طَنْتَ وَنْدَ أَلْيَسَعَ يَمَيْدَ رَنْسَ!» 6دَ سَرْكِے يَتَمْبَيِ مَاتَرْ، سَيْ تَڢَطَا مَسَ؞ سَعَنً سَرْكِے يَعُمَرْثِ طَيَ دَغَ ثِكِنْ دَتَّاوَنْسَ يَتَبَّتَرْ ثٜىٰوَ أَنْمَيَرْ مَتَ دَ دُكَنْ أَبِنْدَ يَكٜىٰ نَاتَ، تَرٜىٰدَ دُكَنْ رِيبَرْ غِرْبِنْ دَ عَكَيِ أَوُرِنْ تُنْدَغَ رَانَرْ دَ تَبَرْ ڧَسَرْ حَرْ ذُوَا لُواْكَثِنْ دَ تَ دَاوُاْ؞
أَلْيَسَعَ دَ هَظَيٜىٰلْ
7أَلْيَسَعَ يَتَڢِے دِمَشْڧُ لُواْكَثِنْ دَ سَرْكِے بٜىٰنْهَدَدْ نَ سُورِيَ يَنَ ثِكِنْ رَشِنْ لَاڢِيَ؞ سَيْ وَنِ يَڢَطَا وَ بٜىٰنْهَدَدْ ثٜىٰوَ أَلْيَسَعَ مُتُمِنْ اللَّهْ يَذُواْ حَرْ نَنْ غَرِنْ؞ 8دَ سَرْكِے يَجِ حَكَ، سَيْيَثٜىٰ وَ هَظَيٜىٰلْ يَطَوْكِ ݣَوْتَا يَتَڢِے وُرِنْ مُتُمِنْ اللَّهْ؞ سَعَنً يَسَا أَلْيَسَعَ يَنٜىٰمِ نُڢِنْ يَهْوٜىٰهْ أَمَدَدِنْسَ، كُواْ شِ سَرْكِے ذَيْ وَرْكٜىٰ دَغَ ثِيوُانْسَ؞ 9هَظَيٜىٰلْ يَڢِتَ ذُوَا وُرِنْ أَلْيَسَعَ تَرٜىٰدَ ݣَوْتَرْ كَايَ مَاسُ ݣَوْ إِرِنَّ دِمَشْڧُ، وَطَنْدَ رَاڧُمَ أَرْبَعِنْ سُكَ طَوْكَ؞ دَ يَ إِسُواْ غَبَنْ أَلْيَسَعَ سَيْيَثٜىٰ «طَنْكَ سَرْكِے بٜىٰنْهَدَدْ نَ سُورِيَ يَعَيْكٜىٰنِ إِنْ تَمْبَيٜىٰكَ كُواْ ذَيْ وَرْكٜىٰ دَغَ ثِيوُانْسَ؟»
10أَلْيَسَعَ يَثٜىٰ «جٜىٰ كَغَيَ مَسَ ذَيْ وَرْكٜىٰ، عَمَّا يَهْوٜىٰهْ يَا نُونَ مِنِ ثٜىٰوَ لَلَّيْ ذَيْ مُتُ؞» 11أَلْيَسَعَ يَكَڢَ وَ هَظَيٜىٰلْ عِدُواْ سَيْ دَ هَظَيٜىٰلْ يَجِ كُنْيَا؞ سَعَنً أَلْيَسَعَ يَڢَشٜىٰ دَ كُوكَا؞ 12سَيْ هَظَيٜىٰلْ يَتَمْبَيٜىٰشِ يَثٜىٰ «رَنْكَيَدَطٜىٰ، دُوانْمٜىٰ كَكٜىٰ كُوكَا؟»
أَلْيَسَعَ يَأَمْسَ يَثٜىٰ «سَبُواْدَ نَسَنْ مُغُنْتَارْ دَ ذَاكَيِ وَمُتَنٜىٰنْ إِسْرَٰٓءِيلَ؞ ذَاكَ ڧُواْڧُّواْنٜىٰ كَتَنْغَرْ بِرَنٜىٰنْسُ، ذَاكَ كَكَّشٜىٰ سَمَارِنْسُ دَ تَكُواْبِے، ذَاكَ ڢَرْڢَشٜىٰ كَوُنَنْ يَارَنْسُ ڧَنَانَا عَڧَسَا، ذَاكَ يَيَّاغٜىٰ ثِكِنْ مَاتَا مَاسُ جُونَ بِيُ؞»
13هَظَيٜىٰلْ يَثٜىٰ «يَيَ نِے بَاوَنْكَ ذَنْعِيَ يِنْ بَبَّنْ أَبُ كَمَرْ حَكَ، نِے دَ نَكٜىٰ كَمَرْ كَرٜىٰ؟»#1 سَرْ 19.15
أَلْيَسَعَ يَثٜىٰ مَسَ «يَهْوٜىٰهْ يَا نُونَ مِنِ ثٜىٰوَ ذَاكَ ذَمَ سَرْكِنْ سُورِيَ؞»
14دَ هَظَيٜىٰلْ يَكُواْمَ سَيْ بٜىٰنْهَدَدْ يَتَمْبَيٜىٰشِ يَثٜىٰ «مٜىٰنٜىٰنٜىٰ أَلْيَسَعَ يَڢَطَا مَكَ؟»
هَظَيٜىٰلْ يَثٜىٰ «أَلْيَسَعَ يَثٜىٰ لَلَّيْ ذَاكَ وَرْكٜىٰ؞» 15عَمَّا وَشٜىٰغَرِ سَيْ هَظَيٜىٰلْ يَطَوْكِ بَرْغُواْ يَجِڧَ أَ ضُوَ يَرُڢٜىٰ ڢُسْكَرْ سَرْكِے، حَرْ سَيْ دَ يَمُتُ؞
تَهَكَ هَظَيٜىٰلْ يَهَوْ كُجٜىٰرَرْ مُلْكٍ بٜىٰنْهَدَدْ؞
سَرْكِے يٜىٰهُواْرَمْ نَ يَهُودَ
﴿شٜىٰكَرَا 848-841 كَاڢِنْ حَيْڢُوَرْ عِيسَىٰ﴾
﴿2 تَارْ 21.1-20﴾
16أَ شٜىٰكَرَا تَبِيَرْ تَمُلْكٍ سَرْكِے يُواْرَمْ طَنْ أَهَبْ نَ إِسْرَٰٓءِيلَ، سَرْكِے يٜىٰهُواْرَمْ طَنْ يٜىٰهُواْشَڢَتْ نَ يَهُودَ يَڢَارَ مُلْكِ؞ 17يٜىٰهُواْرَمْ يَنَدَ شٜىٰكَرَا تَلَاتِنْ دَ بِيُ سَعَدَّ يَذَمَ سَرْكِے، يَكُوَ يِمُلْكِ أَ عُرُوشَلِيمَ شٜىٰكَرَا تَݣُوسْ؞ 18عَمَّا يٜىٰهُواْرَمْ يَبِے مُوغُوَرْ حَنْيَرْ سَرَاكُنَنْ إِسْرَٰٓءِيلَ كَمَرْ يَدَّ غِدَنْ أَهَبْ سُكَيِ، غَمَا يَا عَوْرِ یَرْ أَهَبْ؞ تَهَكَ يَعَيْكَتَ مُغُنْتَا أَعِدُوانْ يَهْوٜىٰهْ؞ 19عَمَّا يَهْوٜىٰهْ بَيْ سُواْ يَهَلَّكَ ڧَسَرْ يَهُودَ بَ سَبُواْدَ بَاوَنْسَ دَاوُدَ، تُنْدَيَكٜىٰ يَيِ مَسَ مَغَنَ ثٜىٰوَ ذَيْبَاشِ ڢِتِلَرْ مُلْكٍ حَرْ أَبَدَا، شِ دَ ذُرِيَرْسَ؞#1 سَرْ 11.36
20لُواْكَثِنْ دَ سَرْكِے يٜىٰهُواْرَمْ يَنَ مُلْكِ عَڧَسَرْ يَهُودَ، سَيْ مُتَنٜىٰنْ عٜىٰدُوامْ سُكَيِ مَسَ تَاوَيٜىٰ، سُكَ نَطَ وَكَنْسُ سَرْكِے؞#ڢَارْ 27.40 21دُواْمِنْ حَكَ، سَيْ يٜىٰهُواْرَمْ يَڢِتَ دَ دُكَنْ كٜىٰكُنَنْ دُواْكِنْ يَاڧِنْسَ ذُوَا غَرِنْ ظَيِرْ؞ سُواْجُواْجِنْ عٜىٰدُوامْ سُكَ كٜىٰوَيٜىٰشِ أَوُرِنْ، عَمَّا دَ دَرٜىٰ سَيْ يٜىٰهُواْرَمْ يَبُغٜىٰسُ يَغُدُ، سُواْجُواْجِنْسَ كُمَ سُكَ وَرْوَڟٜىٰ ذُوَا غِدَاجٜىٰنْسُ؞ 22هَرْوَيَوْ#8.22 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِ نَبِيُ نَسَرَاكُنَ؞ عٜىٰدُوامْ تَنَ تَتَاوَيٜىٰ غَ مُلْكٍ يَهُودَ؞ أَ لُواْكَثِ طَيَ نٜىٰ غَرِنْ لِبْنَ عِتَمَا تَيِ تَاوَيٜىٰ؞
23سَوْرَنْ أَيُّكَنْ يٜىٰهُواْرَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ 24يٜىٰهُواْرَمْ يَكُواْمَ غَ كَاكَنِّنْسَ عَكَ كُمَ بِنّٜىٰشِ تَرٜىٰدَسُو عَبِرْنِنْ دَاوُدَ؞ سَيْ أَهَظِيَ طَنْسَ يَغَاجٜىٰشِ يَذَمَ سَرْكِے؞
سَرْكِے أَهَظِيَ نَ يَهُودَ
﴿شٜىٰكَرَا 841 كَاڢِنْ حَيْڢُوَرْ عِيسَىٰ﴾
﴿2 تَارْ 22.1-6﴾
25أَ شٜىٰكَرَا تَغُواْمَشَا بِيُ تَمُلْكٍ سَرْكِے يُواْرَمْ طَنْ أَهَبْ نَ إِسْرَٰٓءِيلَ، أَهَظِيَ طَنْ سَرْكِے يٜىٰهُواْرَمْ نَ يَهُودَ يَڢَارَ مُلْكِ؞ 26أَهَظِيَ يَنَدَ شٜىٰكَرَا عَشِرِنْ دَ بِيُ سَعَدَّ يَڢَارَ مُلْكِ؞ يَيِ شٜىٰكَرَا طَيَ يَنَ مُلْكِ أَ عُرُوشَلِيمَ؞ سُونَنْ مَامَرْسَ أَتَلِيَ نٜىٰ، جِيكَرْ سَرْكِے عُوامْرِ نَ إِسْرَٰٓءِيلَ؞ 27دَيَكٜىٰ أَهَظِيَ يَ عَوْرِ یَرْ أَهَبْ نٜىٰ، سَيْ يَيِ تَڢِيَ أَ مُوغُوَرْ حَنْيَرْ غِدَنْ أَهَبْ، يَنَ عَيْكَتَ مُغُنْتَا أَعِدُوانْ يَهْوٜىٰهْ؞
28سَرْكِے أَهَظِيَ نَ يَهُودَ يَبِے سَرْكِے يُواْرَمْ نَ إِسْرَٰٓءِيلَ ذُوَا يَاڧِ دُواْمِنْ سُيَاڧٜىٰ سَرْكِے هَظَيٜىٰلْ نَ سُورِيَ؞ أَ رَمَ تَڧَسَرْ غِلٜىٰيَدْ، سُرِيَاوَا سُكَيِ وَ سَرْكِے يُواْرَمْ رَوْنِ؞ 29سَيْ سَرْكِے يُواْرَمْ يَكُواْمَ بِرْنِنْ يٜىٰظِرٜىٰيٜىٰلْ دُواْمِنْ عَيِ مَسَ جِنْيَرْ رَوْنُكَنْ دَ سُرِيَاوَا سُكَيِ مَسَ أَ رَمُواتْ؞ سَيْ سَرْكِے أَهَظِيَ طَنْ يٜىٰهُواْرَمْ نَ يَهُودَ يَغَنْغَرَ دُواْمِنْ يَظِيَرْثٜىٰ شِ دَيَكٜىٰ يَنَ ثِيوُاْ؞
Currently Selected:
2 سَرَاكُنَ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
